Morgunblaðið - 26.04.2006, Blaðsíða 27
MORGUNBLAÐIÐ MIÐVIKUDAGUR 26. APRÍL 2006 27
UMRÆÐAN
Vegna mikils aðstreymis aðsendra greina í aðdraganda bæjar- og sveitarstjórnarkosninganna verður
formi þeirra greina, sem lúta að kosningunum, breytt. Er þetta gert svo efnið verði aðgengilegra fyrir les-
endur og auka möguleika Morgunblaðsins á að koma greinunum á framfæri fyrir kosningar.
Bæjar- og sveitarstjórnarkosningar
ÞAÐ ER afar mikilvægt að nánasta umhverfi okkar
og borgin í heild hvetji til útiveru, hreyfingar og hollra
lífshátta. Það á að vera auðvelt og skemmtilegt að
hreyfa sig og stunda útiveru í Reykja-
vík. Við sjálfstæðismenn leggjum því
ríka áherslu á að mótun og viðhald um-
hverfisins stuðli að og auki möguleika á
útivist og hreyfingu fyrir alla.
Hjólum – um alla borg
Nú er sumarið á næsta leiti og kominn
tími til að draga fram hjólið og geyma
bílinn heima á góðum dögum. Eða hvað? Er kannski
ekki nógu öruggt að hjóla um borgina? Í Reykjavík er
gert ráð fyrir því að hjólandi umferð fari eftir göngu-
stígum, gangstéttum og götum. Það getur verið býsna
strembið að fara stystu leið hjólandi og mörg gatnamót
eru hreinlega háskaleg hjólreiðamönnum, enda hefur
lítið tillit verið tekið til þeirra við gerð nýrra gatna-
móta undanfarin ár.
R-listinn hefur ekki sýnt neitt frumkvæði í þessum
efnum. Vegna tillögu okkar sjálfstæðismanna var
myndaður samstarfshópur um brýnustu verkefnin í
þessum málum. Sá hópur vann þarft verk og skilaði af
sér yfir tuttugu tillögum í september 2004. Þessum til-
lögum hefur hins vegar ekkert verið sinnt, jafnvel þótt
margar þeirra geri ráð fyrir einföldum og ódýrum úr-
lausnum.
Leikum okkur um alla borg
Við eigum mörg falleg útivistarsvæði í borginni. Þau
ber að vernda og þeim ber að gera hærra undir höfði.
Útivistarsvæði eins og Klambratún og Hljómskálagarð-
urinn eru svæði sem svo aðveldlega mætti gera meira
fyrir. Það þarf metnað og áræði til þess að fara í upp-
lyftingu útivistarsvæðanna og gera þeim hærra undir
höfði. Þétting byggðar á oft rétt á sér, en við þurfum að
fara varlega og megum passa okkur að skilja eftir
græna bletti. Nú hefur verið gengið svo mikið á litla
græna blettinn sem var inni í Túnunum að þar er nán-
ast ekkert eftir. Við eigum að geta leikið okkur um alla
borg og það er mikilvægt að hafa fjölbreytta mögu-
leika til afþreyingar utandyra fyrir alla aldurshópa.
Bolta – um alla borg
Góðir upphitaðir battavellir taka ekki mikið pláss og
má nánast setja þá upp í bakgörðum þar sem vantar
pláss. Þeir battavellir sem þegar hafa verið settir upp
eru mikið notaðir.
Fjölgum boltavöllum og höldum þeim vel við. Góðar
aðstæður hvetja til íþróttaiðkunar ungs fólks, en hins
vegar nennir enginn að leika sér á völlum þar sem mal-
bikið er ónýtt, körfurnar án neta, mörkin götótt o.s.frv.
Göngum og hlaupum um alla borg
Fólk gengur, hjólar, skokkar og fer á línuskautum hér
um alla borg. Á góðum dögum er mikil umferð gang-
andi, hjólandi og skokkandi fólks eftir útivistarstígum
borgarinnar. En stígarnir eru tiltölulega mjóir miðað
við mikla notkun margra þeirra. Því lögðum við sjálf-
stæðismenn til í umhverfisráði að fjölförnustu stígarnir
yrðu breikkaðir. Það þarf að hugsa betur um stígana,
hafa malbikið í lagi, sópa oftar og setja fleiri bekki
meðfram þeim.
Það er að mörgu að hyggja. En mestu máli skiptir þó
að umhverfið hvetji unga sem aldna til hreyfingar og
útivistar.
Hreyfum okkur um alla borg
Eftir Jórunni Frímannsdóttur
Höfundur er hjúkrunarfræðingur og varaborgarfulltrúi og
skipar 7. sæti á lista Sjálfstæðisflokksins fyrir borg-
arstjórnarkosningarnar í vor.
NÚ Á vordögum verður opnaður nýr og glæsilegur
leikskóli á Akureyri, Hólmasól, sem rekinn verður und-
ir merkjum Hjallastefnunnar svonefndu. Bæjarstjórn
ákvað á sínum tíma að bjóða rekstur
skólans út. Ekki var um það að ræða að
skipt yrði yfir í svonefndan einkarekst-
ur heldur yrði gefinn upp boltinn um að
rekstrarform skólans yrði með öðru
sniði en við eigum að venjast.
Það er alls ekki svo að með þessari
ákvörðun hafi bæjarstjórn verið að lýsa
því yfir að það starf, sem unnið er í
leikskólum bæjarins, sé ekki nægilega gott. Þvert á
móti því að nýlega fengu leikskólar bæjarins sérstaka
viðurkenningu frá bænum fyrir framúrskarandi starf.
Engum hefur blandast hugur um það.
Hugmyndafræði sem hefur sannað gildi sitt
Leikskólinn Hólmasól verður rekinn á sama hátt og
aðrir leikskólar bæjarins nema hvað þar verður unnið
eftir nýrri og nýstárlegri hugmyndafræði, sem ekki
hefur verið beitt áður hér í bæ. Slíkur skóli hefur sann-
að gildi sitt í Garðabæ á undanförnum árum og reynst
foreldrum þar kærkominn valkostur. Á það ber að líta
að slíkur skóli á ekki að njóta neins konar forréttinda
eins og að fá meira fé til rekstrar en hinir heldur að
hann sé rekinn á jafnréttisgrundvelli. Það er að mínum
dómi, og fjölmargra annarra bæjarbúa, einmitt spenn-
andi að fá nýtt blóð inn í skólastarfið og verður vafalít-
ið öðrum leikskólum hvatning að fá samanburð af
þessu tagi.
Hér er um að ræða hugmyndafræði sem við höfum
ekki átt að venjast, að deildir skólans verði kynskiptar.
Einmitt þess vegna er þetta mjög forvitnilegt og ég
sæi alveg fyrir mér að grunnskóla yrði komið á lagg-
irnar í anda Hjallastefnunnar eins og gert hefur verið í
Garðabæ. Þróunar- og nýbreytnistarf af þessu tagi er
einmitt það sem skólakerfið þarf á að halda.
Óskiljanlegur málflutningur Samfylkingarinnar
Málflutningur Samfylkingarmanna á Akureyri hér að
lútandi er mér óskiljanlegur en þeir hafa beinlínis hald-
ið því fram að Sjálfstæðisflokkurinn ætli hreinlega að
fara út í einkarekstur á skólum bæjarins í stórum stíl.
Ég hefði haldið að þar á bæ væri einmitt fólk sem
styddi viðleitni af þessu tagi.
Einkarekstur skóla?
Eftir Hjalta Jón Sveinsson
Höfundur er skólameistari og skipar 4. sæti á D-lista
Sjálfstæðisflokks til bæjarstjórnarkosninganna 27. maí.
ÞJÓNUSTA við aldraða er eitt af stærstu málunum í
sveitarstjórnarkosningum í vor. Fyrir síðustu kosningar
setti Samfylkingin í Árborg þessi mál á oddinn og á kjör-
tímabilinu hefur þjónusta á vegum sveit-
arfélagsins vaxið og dafnað. Sama verð-
ur ekki sagt um þjónustu ríkisins við
aldraða í Árborg þótt fagna beri fram-
kvæmdum við öldrunardeild á Heilbrigð-
isstofnun Suðurlands, svo langt sem þær
ná. Sá áfangi náðist ekki síst fyrir harð-
fylgi sveitarstjórnarmanna í Árborg og á
öllu Suðurlandi.
Samfylkingin í Árborg hefur skýra stefnu í þjónustu
við aldraða og setur nú fram aðgerðaáætlun til næstu
fjögurra ára þar sem gert er ráð fyrir nánu samráði við
aldraða sjálfa og aðstandendur þeirra.
Stefna Samfylkingarinnar
Við leggjum áherslu á að þjónusta við aldraða í Árborg
sé með því sem best gerist og viljum tryggja að fólk geti
búið sem lengst heima. Veita þarf einstaklingsmiðaða og
sveigjanlega þjónustu, hvort sem er í heimahúsi eða
þjónustuhúsnæði. Mannvirðing og sjálfsákvörð-
unarréttur fólks eru lykilþættir í slíkri þjónustu. Fólk á
að búa við öryggi og gott aðgengi að umhverfi jafnt sem
þjónustu af öllu tagi og fá þá ráðgjöf og stuðning sem
þörf er fyrir á hverjum tíma. Þjónustuna á að veita í
heimabyggð og koma í veg fyrir hreppaflutninga fólks
sem komnir eru til vegna stefnu ríkisstjórnarinnar í upp-
byggingu hjúkrunarþjónustu fyrir aldraða.
Öldrunarmálin líða um margt fyrir að innan mála-
flokksins skarast verksvið ríkis og sveitarfélaga. Sam-
fylkingin mun leita eftir samningum við ríkisvaldið til að
taka yfir þann hluta þjónustunnar sem ríkið ber ábyrgð
á í dag, að því tilskildu að ríkið skapi sveitarfélaginu
fjárhagslegar forsendur til þess.
Markvissar áætlanir
Á næsta kjörtímabili þarf að byggja upp nútímaleg þjón-
ustuúrræði fyrir eldra fólk í Árborg þar sem m.a. verður
gert ráð fyrir sérstökum þörfum minnissjúkra. Þetta
markmið byggist á að samningar náist við ríkisvaldið.
Ljúka þarf samningum við ríkið um uppbyggingu og
rekstur þjónustumiðstöðvar fyrir aldraða á Selfossi.
Tryggja þarf möguleika til hvíldarinnlagna fyrir þá sem
búa í heimahúsum. Auka þarf framboð á húsnæði sem
hentar þörfum eldra fólks, leigu- og eignaríbúðum. Mik-
ilvægt er að tryggja félagsstarfi aldraðra húsnæði í sam-
ræmi við þarfir og styðja áfram við starfsemi félaganna.
Hlúa þarf vel að félagslegri heimaþjónustu og efla fyr-
irbyggjandi heimsóknir með ráðgjöf og leiðbeiningar til
eldra fólks í heimahúsum. Enn fremur þarf áfram að
styrkja samstarf við aðrar þjónustustofnanir í sveitarfé-
laginu sem sinna þjónustu við aldraða, s.s. heilsugæslu-
stöð og sjúkrahús. Skoða þarf frekari lækkanir á fast-
eignagjöldum aldraðra og öryrkja í ljósi góðrar
fjárhagsstöðu. Samfylkingin mun stofna öldungaráð í
samráði við félög aldraðra og aldraða íbúa sveitarfé-
lagsins. Ráðið verði bæjaryfirvöldum til ráðgjafar í mál-
efnum sem varða aðstöðu og uppbyggingu þjónustu við
eldra fólk í sveitarfélaginu. Samfylkingin hefur skýra
stefnu í öldrunarmálum, við látum verkin tala.
Aðgerðaáætlun í málefnum aldraðra
Eftir Ragnheiði Hergeirsdóttur
Höfundur er bæjarfulltrúi og oddviti framboðs
Samfylkingarinnar í Árborg.
✝ Jón ÞórarinnSigurjónsson
fæddist í Nýjabæ í
Þykkvabæ 2. mars
1927, síðar í Borgar-
túni í Þykkvabæ.
Hann lést á Vífils-
stöðum 10. apríl síð-
astliðinn. Foreldrar
hans voru Valdís
Guðmundsdóttir frá
Önnuparti í Þykkva-
bæ, f. 23. mars 1900,
d. 11. júlí 1995, og
Sigurjón Elíasson
frá Hrauki í
Þykkvabæ, f. 20. júní 1904, d. 28.
júlí 1991.
Hinn 2. desember 1950 kvæntist
Jón Pálínu Þórunni Magnúsdótt-
ur, f. 22. júlí 1929, d. 19. janúar
1997. Börn þeirra eru: 1) Margrét,
f. 4. apríl 1949, maki Páll Viðar
Björgvinsson (skilin), börn: Björg-
vin Þór, Rósa Kristín, Jón Þór og
Pálína Þórunn. 2) Valdís, f. 22.
apríl 1951, maki
Ólafur Jón Sigurðs-
son, börn: Guðrún
Áslaug, Hulda
Ragna og Valur
Guðjón. 3) Sigurjón,
f. 12. september
1958, maki Ásta
Árnadóttir, börn:
Steinþór Árni, Árni
Jón og Eva Mjöll. 4)
Elín, f. 23. septem-
ber 1960, maki Karl
Kristján Bjarnason,
börn: Bjarni, Íris
Ósk og Pálmi Þór. 5)
Guðlaug, f. 6. maí 1962, maki Jón
Sigurbjörn Ólafsson, börn: Elías
Þór og Magnús Viðar. Uppeldis-
dóttir Jóns og Pálínu er Guðrún
Áslaug Jósepsdóttir, f. 20. október
1967, maki Jón Már Jónsson,
börn: Ólafur Freyr og Bjarndís
Lind.
Útför Jóns fór fram hinn 24.
apríl – í kyrrþey að ósk hins látna.
Með söknuð í hjarta kveðjum við
pabba okkar. Nú vitum við að hon-
um líður vel hjá mömmu, sem hefur
tekið honum opnum örmum í nýrri
veröld. Síðustu ár þín hafa ekki ver-
ið eins og þú hefðir kosið þar sem
erfið veikindi settu mark á líf þitt.
Elsku pabbi, þú varst mjög fróður
maður og talnaglöggur, enda var oft
leitað til þín og það var sama hvar
að garði var borið, alltaf hafðir þú
svar á reiðum höndum.
Áhugi þinn á harmonikutónlist
var mikill og á yngri árum lékst þú
stundum sjálfur á nikkuna en seinni
árin léstu þér nægja að hlusta á
harmonikutónlist og hafðir gaman
af. Þá hafðir þú mikinn áhuga á bíl-
um, enda starfaðirðu við bíla mikinn
hluta starfsævinnar.
Margar voru heimsóknirnar til
þín og mömmu á Grundó, þar sem
ávallt var margt um manninn enda
voruð þið mamma mjög gestrisin.
Allar helgar og hátíðisdagar voru
eins og ættarmót, þar sem fjölskyld-
an kom saman í eldhúsinu, eins og
venja var, drakk kaffi og borðaði
meðlæti og sagði frétta af sér og sín-
um. Þetta eru stundir sem okkur og
fjölskyldum okkar mun ætíð þykja
vænt um og lifa í minningunni.
Þegar mamma dó, eftir langvinn
veikindi, þar sem þú varst hennar
stoð og stytta, var eins og eitthvað
hefði dáið með þér, þú varst ekki
bara að missa góða eiginkonu heldur
líka þinn besta vin. En þú varst ekki
mikið að tjá þínar tilfinningar, þú
varst frekar lokaður maður og áttir
frekar erfitt með að tjá öðrum
hvernig þér leið.
Þín heitasta ósk eftir að mamma
dó var að búa á heimili ykkar á
Grundarstíg sem lengst, en í janúar
2004 komu veikindi þín í veg fyrir
það. Það var erfitt fyrir okkur að
horfa upp á þig, sem ávallt hafðir
verið svo sjálfstæður og sterkur, að
þurfa að láta í minni pokann fyrir
sjúkdómi sem tók af þér öll völd og
olli því að þú varðst að yfirgefa
heimili þitt og setjast að á Vífils-
stöðum. Okkur var það mikil gleði
og ánægja að koma til þín á Vífils-
staði til þess að bjóða þér með okkur
í bíltúra, heim að borða með fjöl-
skyldum okkar og eiga með þér góð-
ar stundir.
Viljum við systkinin þakka öllu
því frábæra starfsfólki á Vífilsstöð-
um, þar sem þú dvaldist síðustu tvö
æviárin, fyrir góða umönnun og hlý-
hug í garð pabba og okkar systk-
inanna.
Hin langa þraut er liðin,
nú loksins hlaustu friðinn,
og allt er orðið rótt,
Nú sæll er sigur unninn
og sólin björt upp runnin
á bak við dimma dauðans nótt.
Fyrst sigur sá er fenginn,
fyrst sorgar þraut er gengin,
hvað getur grætt oss þá?
Oss þykir þungt að skilja,
en það er Guðs að vilja,
og gott er allt sem Guði er frá.
Nú héðan lík skal hefja,
ei hér má lengur tefja
í dauðans dimmum dal.
Úr inni harms og hryggða
til helgra ljóssins byggða
far vel í Guðs þíns gleðisal.
(V. Briem.)
Eftir standa góðar minningar og
þakklæti fyrir alla hjálpsemina við
okkur. Hvíl í friði, elsku pabbi. Guð
geymi þig
Þín börn,
Margrét, Valdís, Sigur-
jón, Elín og Guðlaug.
Vertu sæll afi. Kallið er nú komið.
Eftir langvinn veikindi er komið að
leiðarlokum, afi minn, og vil ég í
fáum orðum minnast þín.
Öll mín uppvaxtarár bjó ég hjá
þér og Pálíömmu, fyrst á Langholts-
veginum og síðar á Grundó, eins og
heimili ykkar á Grundarstíg var allt-
af kallað innan fjölskyldunnar.
Sérstaklega þótti þér gaman að
spila og varstu ætíð með spilastokk-
inn við höndina, annaðhvort til að
leggja kapal eða bjóða viðstöddum í
spil. Þær voru margar stundirnar
sem við áttum saman við spila-
mennsku, en sérstaklega höfðum við
gaman af því að spila marías. Eftir
að ég eltist og stofnaði eigið heimili
fækkaði þessum stundum, en þær
mun ég ávallt geyma í minningunni
um þig.
Elsku afi, megi guð geyma þig.
Áslaug.
Elsku afi minn. Síðustu ár hafa
verið þér erfið en núna ertu kominn
á stað þar sem þér líður vel. Þú ert
kominn til ömmu og ég veit að hún
hefur tekið vel á móti þér. Ég er
þakklát fyrir þann tíma sem ég átti
með þér og kveð þig með þessum
orðum;
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
(Þórunn Sig.)
Hulda.
JÓN ÞÓRARINN
SIGURJÓNSSON
Morgunblaðið birtir minningar-
greinar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgun-
blaðið í fliparöndinni – þá birtist
valkosturinn „Senda inn minning-
ar/afmæli“ ásamt frekari upplýs-
ingum).
Undirskrift Minningargreinahöf-
undar eru beðnir að hafa skírnar-
nöfn sín en ekki stuttnefni undir
greinunum.
Minningar-
greinar
MINNINGAR