Morgunblaðið - 26.04.2006, Blaðsíða 14

14 MIÐVIKUDAGUR 26. APRÍL 2006 MORGUNBLAÐIÐ
ERLENT
Kaíró. AP, AFP. | Yfirvöld í Egypta-
landi skýrðu frá því í gær, að 18
manns hefðu látið lífið í hryðjuverka-
árásunum í ferðamannabænum
Dahab í fyrradag og 83 særst. Áður
hafði verið sagt, að tala látinna væri
23, 20 Egyptar og þrír útlendingar,
en nú eru útlendingarnir sagðir hafa
verið sex talsins. 10 manns eru nú í
haldi lögreglunnar, grunaðir um að-
ild að hryðjuverkinu.
Í fyrstu fréttum af hryðjuverkinu
var talið, að sprengjurnar þrjár
hefðu verið sprengdar með fjarstýr-
ingu en í gær virtist leika nokkur vafi
á því og var jafnvel talið, að um
sjálfsmorðsárásir hefði verið að
ræða. Hefur lögreglan handtekið 10
menn, sem hún telur grunsamlega,
og eru í hópnum að sögn fjölmiðla
þrír tölvufræðingar, sem komu til
Dahab á sunnudag en fóru þaðan
klukkustund eftir að sprengjurnar
sprungu.
Skapa 200.000 störf
Telja egypsku fjölmiðlarnir lík-
legt, að hryðjuverkasamtökin Tawh-
id wal Jihad hafi staðið að árásunum
en þau báru ábyrgð á morðárásunum
í Sharm el-Sheikh og Taba í fyrra og
hitteðfyrra.
Hosni Mubarak hefur heitið að
hafa uppi á glæpamönnunum og víst
er, að lögreglan mun ekkert til spara
enda mikið í húfi. Erlendir ferða-
menn, nokkrar milljónir á ári hverju,
eru ein helsta tekjulind Egypta en
sagt er, að hver milljón ferðamanna
skapi 200.000 störf í landinu.
Eins og fyrr segir er tala látinna
nú sögð 18 og þar af sex útlendingar.
Haft er eftir heimildum, að um sé að
ræða Svisslending, Rússa, Líbana og
fimm ára gamalt, þýskt barn en ekk-
ert sagt um þann sjötta.
Meðal hinna særðu er fólk víðs
vegar að en fréttir um það eru þó enn
dálítið misvísandi.
Þjóðarleiðtogar og ríkisstjórnir
víða um heim hafa fordæmt hryðju-
verkið í Dahab og vekur ekki síst at-
hygli harðorð yfirlýsing ríkisstjórn-
ar Hamas-samtakanna í Palestínu.
Er það í fyrsta sinn, sem samtökin
fordæma hryðjuverk af þessu tagi.
Segja 18
hafa týnt lífi
í Dahab
Egypska lögreglan handtók 10 manns,
sem grunaðir eru um aðild að ódæðinu
AP
Della Levanos, áströlsk kona, sem gift er egypskum veitingahússeiganda í
Dahab, kom þessari töflu fyrir í gær en þar hvetur hún til þess, að öllu of-
beldi sé hafnað. Var þá lífið í ferðamannabænum nokkuð að færast í samt
lag en mikill óhugur er þó enn í fólki eftir hryðjuverkin þar í fyrradag.
TUGIR eða jafnvel hundruð þúsunda manna
flykktust út á götur í Katmandú í Nepal í gær til
að halda upp á „Sigurdaginn“, sigur fólksins yfir
Gyanendra konungi, eftir að hann neyddist til að
gefa upp 14 mánaða gamalt alræðisvald sitt og
endurreisa þingið. Var því tekið með miklum
fögnuði af flestum landsmönnum en þótt margir
segi, að þeir vilji viðhalda konungdæminu, er
óvíst, að Gyanendra verði langlífur í embættinu.
Reuters
Haldið upp á „sigurdag“ í Katmandú
VERULEGAR breytingar hafa orðið á gróður-
fari í Bretlandi síðastliðin 18 ár. Er það niður-
staða umfangsmikillar könnunar og megin-
ástæðan sögð vera hlýnandi veðurfar. Þá hafa
umsvif manna, einkum í landbúnaði, einnig haft
mikið að segja.
Könnunin nú fór fram á 811 fjögurra ferkíló-
metra reitum víðsvegar um landið og er útkom-
an sú, að 18% plantna þrífast betur en áður; 16%
eru í afturför en engin breyting hefur orðið á
stöðu 66%, að því er fram kom á fréttavef BBC,
breska ríkisútvarpsins.
Sem dæmi um plöntur, sem eru í sókn, má
nefna sum brönugrös og burkna, sem finnast nú
æ norðar á Bretlandi, en aðrar, sem þola illa
hækkandi hitastig, hafa verið að færa sig upp í
fjallahlíðar þar sem svalinn er meiri.
Fram kemur, að í fyrri könnuninni 1987 hafi
meðalhiti allra mánaða eða ársins í Bretlandi
verið 9,05 stig á celsíus en 2004 var hann 10,51
stig.
Mikil áhrif frá landbúnaði
Önnur meginhættan, sem stafar að innlendum
gróðri, er mikil áburðarnotkun í landbúnaði en
áburðurinn berst víða með vatni, til dæmis út í
mýrar þar sem hann veldur mikilli breytingu á
gróðurfari. Eykur hann vöxt sumra tegunda á
kostnað annarra og veldur því að gróðurfarið
verður fábreyttara en áður. Svo má einnig nefna
landnemana, plöntur, sem hafa verið fluttar inn
eða borist með öðrum hætti til Bretlands, en
sumar þeirra geta verið mjög yfirgangssamar í
nýjum heimkynnum.
Gróðurfar í Bretlandi mikið að breytast
Burkni finnst nú æ norðar í Bretlandi.
Colombo. AP, AFP. | Sarath Fonseka,
hershöfðingi og yfirmaður hersins á
Sri Lanka, lá í gær alvarlega særður
á sjúkrahúsi í Colombo, höfuðborg
landsins, eftir sjálfsmorðsárás. Talið
er, að kona, liðsmaður tamílsku Tígr-
anna hafi verið að verki en árásina
gerði hún inni á öryggissvæði við
höfuðstöðvar hersins.
Konan leyndi sprengjunni innan
klæða og þóttist vera ófrísk til að það
vekti ekki grunsemdir hve framsett
hún var. Þegar bílalest Fonseka ók
hjá, sprengdi hún sprengjuna og
sjálfa sig. Varð sprengingin átta
manns að bana og 27 særðust.
Fonseka hershöfðingi á langan
feril í hernum og var skipaður yf-
irmaður hans þegar Mahinda Rajap-
akse forseti tók við embætti í nóv-
ember. Hefur hann tekið mjög harða
afstöðu til skæruliðahernaðar tam-
ílsku Tígranna og hvetur til, að þeim
verði engin grið gefin. Raunar er enn
í gildi vopnahléið, sem um var samið
2002, en það hangir á bláþræði vegna
margra sprengjutilræða að undan-
förnu. Hafa fulltrúar tamílsku Tígr-
anna frestað þátttöku í friðarviðræð-
um um óákveðinn tima.
Stjórnvöld á Sri Lanka brugðust í
gær við hryðjuverkinu með því að
ráðast gegn stöðvum tamílsku
skæruliðanna úr lofti og af sjó.
Bana-
tilræði í
Colombo
YFIRVÖLD í Viktoríuríki í Ástralíu
tilkynntu í fyrradag bann við sölu á
kaloríuríkum gosdrykkjum í öllum
opinberum skólum ríkisins fyrir
árslok. Sleikibrjóstsykur og súkku-
laði er einnig á bannlista yfirvalda,
sem vilja með þessu sporna gegn
offitufaraldri í ríkinu, þar sem um
fimm milljónir manna búa.
Nær bannið til 1.600 skóla og
verða einkaskólar hvattir til að
fylgja því eftir líka. Mun undan-
þága verða veitt fyrir sykurlausa
gosdrykki. Um fjórðungur ástr-
alskra barna stríðir við offitu, sem
eykur líkurnar á ýmiskonar sjúk-
dómum, einkum hjartasjúkdómum,
sykursýki, krabbameini og astma.
Helgarútgáfa dagblaðsins The
Herald Sun greindi frá þessu á
sunnudag. Segir í leiðara blaðsins
að börn sem drekki eina dós af
sykruðum gosdrykk á dag séu að
meðaltali 6,4 kílóum þyngri en börn
sem drekki ósykraða gosdrykki.
Andfætling-
ar banna
gosdrykki
Búdapest. AFP. | Viktor Orban, leið-
togi stjórnarandstöðunnar í Ung-
verjalandi, hefur boðist til að segja af
sér en hann hefur nú tapað tvennum
kosningum í röð. Á sunnudag laut
flokkur hans, hægriflokkurinn Fid-
esz, í lægra haldi fyrir sósíalista-
flokki Ferenc Gyuresanys forsætis-
ráðherra.
Komi til þess, að Orban segi af sér,
gæti það valdið miklum breytingum
á hægrivæng ungverskra stjórnmála
en þar hefur farið mest fyrir Orban í
áratug. Í þann tíma hefur hann hald-
ið á loft mjög íhaldssömum og þjóð-
ernissinnuðum gildum og jafnvel for-
dæmt markaðshyggju og einka-
væðingu svo að minnti helst á
kommúnisma.
Sagt er, að mörgum hægrimann-
inum í Ungverjalandi finnist komið
nóg af þessu og vilji, að flokkur
þeirra fari nú að laga sig að því, sem
gerist með bræðraflokkana vestar í
álfunni.
Orban býðst
til afsagnar
♦♦♦
♦♦♦