Morgunblaðið - 26.04.2006, Blaðsíða 22
22 MIÐVIKUDAGUR 26. APRÍL 2006 MORGUNBLAÐIÐ
MENNING
Nokkur fyrirtæki
úr söluskrá
Erum með óvenjulega góða söluskrá og mörg góð fyrirtæki til
sölu. Eins og flestir vita erum við langelsta fyrirtækjasala
landsins. Hér kemur smá sýnishorn úr söluskrá okkar.
1. Sláttuvélasala og -viðgerðir. Vertíð framundan.
2. Hársnyrtistofa í 101 Rvík. Gott verð. Góð stofa.
3. Verslun og heildverslun með einkaumboð. Staðsett í
Kringlunni. Frábært og einstakt. Laus strax.
4. Innrömmun til flutnings. 1 millj. með lager.
5. Gleraugnaverslun fyrir sjóntækjafræðing. Gott dæmi.
6. Innflutningur, smásala, varahlutir, viðgerðir á tækjum.
7. Þekkt sportvöruverslun í stóru hverfi, barnmörgu.
8. Önglaverksmiðja hvert á land sem er.
9. Bókaverslun, framköllun, leikföng. Þjónusta.
10. Innflutningur, smásala á gæludýramat o.fl. Gott dæmi.
11. Einn flottasti matsölustaður landsins. Laus.
Þetta er aðeins smá sýnishorn. Allir velkomnir til okkar.
Nánari upplýsingar veittar á skrifstofunni, ekki í síma eða
á netinu.
Skráin á netinu: www.fyrirtaeki.is
Elsta fyrirtækjasala á landinu
Lögg. fasteignasali: Bergur Guðnason hdl.
Elsta fyrirtækjasalan á landinu.
SÖNGVARABALL Íslands verður
haldið í Íslensku óperunni 30. apr-
íl næstkomandi. Um er að ræða
einskonar árshátíð íslenskra
söngvara, sem ætla að koma sam-
an og skemmta sjálfum sér og
öðrum. Hugtakið söngvari er þó
túlkað í afar víðum skilningi á
þessum viðburði, því allir þeir sem
hafa áhuga á söng, starfa við söng,
syngja í kórum, hljómsveitarfólk,
vinir, vandamenn og velunnarar
sönglistar á Íslandi eru boðnir
hjartanlega velkomnir.
„Við viljum gjarnan laða nýtt
fólk inn í óperuna,“ segir Davíð
Ólafsson, bassasöngvari og einn
skipuleggjenda, í samtali við
Morgunblaðið.
Óperan alveg opin
Ballið, sem er í anda óperuballa
eins og þau tíðkast víða erlendis,
er alvöru síðkjólaball, sem hefst
með stuttum tónleikum á sviði
Óperunnar, þar sem fram koma
Diddú, Gunnar Guðbjörnsson,
Bergþór Pálsson, Hulda Björk
Garðarsdóttir og Jóhann Friðgeir
Valdimarsson, svo dæmi séu
nefnd. Þá mun Hjörleifur Valsson
etja kappi við söngvarana, með
leik sínum á Stradivarius-fiðlu.
Að tónleikunum loknum mun
strengjasveitin Sardas leika undir
dansi á óperusviðinu. „Sviðinu er
því breytt í dansgólf,“ útskýrir
Davíð, en dansinn verður brotinn
upp með reglulegu millibili, með
söng og skemmtiatriðum. „Óperan
verður alveg opin þetta kvöld –
saumastofan, bakherbergin, tón-
listarherbergið, svalirnar og allt
niður í búningsherbergin í kjall-
aranum. Allt verður opið og hvar
sem er píanó,
verður fólk að
spila og syngja,
eins og það
nennir. Við eig-
um von á fullu
húsi.“
Í sínu fínasta
pússi
Síðar um
kvöldið stígur síðan Léttsveit
Reykjanesbæjar á sviðið og leikur
frameftir nóttu. Davíð segir mik-
inn áhuga fyrir ballinu og búist sé
við fólki á öllum aldri í sínu fín-
asta pússi á ballið.
„Það voru alltaf óperuböll á
Broadway hér áður, en þau hafa
ekki verið í nokkur ár. Ég hugsaði
með mér að söngvarar, sem eru
alltaf að skemmta öðrum, ættu að
bjóða öðrum að vera með og kynn-
ast okkur og þessari miklu móður
listarinnar. Þetta verður heilmikið
fjör og við ætlum okkur að gera
þetta að árlegum viðburði í ís-
lenskri skemmtanaflóru,“ segir
Davíð að síðustu.
Ráðgert er að húsið verði opnað
kl. 20, en tónleikarnir hefjist kl.
21. Síðan verður sungið, dansað og
spilað af fingrum fram frameftir
kvöldi. Heiðursgestur verður
Garðar Cortes.
Miðasala á Söngvaraballið er
hafin í Íslensku óperunni.
Skemmtanir | Söngvaraball Íslands í Íslensku óperunni
Dansað og sungið um allt hús
Reuters
Óperuballið í Vín er fyrirmynd að Söngvaraballinu á sunnudag.
Davíð Ólafsson
www.opera.is
Eftir Ingu Maríu Leifsdóttur
ingamaria@mbl.is
Leikminjasafn Íslands minnistþess í dag að 100 ár eru liðinfrá fæðingu Regínu Þórð-
ardóttur leikkonu. Leikminjasafnið
hefur komið á þeirri skemmtilegu
hefð að afhjúpa veglegt veggspjald
á aldarafmæli þess listamanns sem
um ræðir undir heitinu Merk-
isdagar og er þetta í sjöunda sinn
sem þetta er gert. Áður hefur verið
minnst aldarafmæla Vals Gísla-
sonar, Halldórs Laxness, Lárusar
Ingólfssonar, Önnu Borg, Indriða
Waage og Þorsteins Ö. Steph-
ensens. Þá var þess einnig minnst
fyrir tveimur árum að 50 ár voru
liðin frá því Silfurlampinn var fyrst
veittur.
Um glæstan leikferil RegínuÞórðardóttur segir í sam-
antekt Jóns Viðars Jónssonar, for-
stöðumanns Leikminjasafns Íslands.
„Regína Þórðardóttir fæddist í
Reykjavík 26. apríl 1906. Hún kom
fyrst fram með Leikfélagi Akureyr-
ar um 1930, en þar bjó hún þá ásamt
eiginmanni sínum, Bjarna Bjarna-
syni lækni. Hugur hennar stóð
snemma til náms í leiklist, en það
var ekki auðvelt á þeim árum, allra
síst fyrir húsmóður með börn. Reg-
ína gat þó látið drauminn rætast ár-
ið 1933, þegar Bjarni hélt til fram-
haldsnáms í Kaupmannahöfn. Þá
innritaðist Regína í skóla Kon-
unglega leikhússins. Prófi þaðan
lauk hún árið 1940.
Regína hóf að leika með Leik-
félagi Reykjavíkur árið 1936 og
starfaði með því allt þar til Þjóðleik-
húsið tók til starfa árið 1950. Hún
var á yngri árum sjálfkjörin til að
leika ungu og fögru stúlkurnar, en
brátt kom þó í ljós að hún var efni í
stórbrotna skapgerðarleikkonu.
Fyrsta hlutverk hennar af því tagi
var fröken Júlía í samnefndu verki
Strindbergs, sem hún lék á Ak-
ureyri árið 1933, en af síðari hlut-
verkum hennar má nefna Jómfrú
Ragnheiði í Skálholti Kambans,
Geirþrúði Danadrottningu í Hamlet
Shakespeares og Steinunni í
Galdra-Lofti Jóhanns Sigurjóns-
sonar.
Í Þjóðleikhúsinu biðu Regínu einn-ig fjölmörg stór dramatísk hlut-
verk, m.a. lék hún burðarhlutverk í
öllum leikritum Arthurs Miller sem
sýnd voru í leikhúsinu á fyrstu árum
þess. Hún kaus þó að kveðja Þjóð-
leikhúsið árið 1962 og eftir það lék
hún einungis með Leikfélagi
Reykjavíkur. Þar vakti hún einna
mesta athygli fyrir túlkun sína á
aðalkvenpersónunum í leikritum
Dürrenmatts, Eðlisfræðingunum og
Sú gamla kemur í heimsókn. Þó að
hún hefði hlotið menntun sína í
skóla Kgl. leikhússins, þar sem
raunsæisleg vinnubrögð voru höfð í
hávegum, var hún ófeimin við að
ýkja og draga fram hið skoplega,
jafnvel hið gróteska í persónunum.
Sá hæfileiki hennar naut sín vel í
ýktum og óhugnanlegum persónum
Dürrenmatts.
Síðustu árin átti Regína við van-
heilsu að stríða og dró sig að mestu í
hlé frá sviðinu. Síðasta hlutverk
hennar var Amma í Brekkukoti í
sjónvarpsmyndinni eftir Brekku-
kotsannál Laxness. Hún lést í
Reykjavík 17. október 1974.“
Regína Þórðardóttir –
aldarminning
’Hún var á yngri árumsjálfkjörin til að leika
ungu og fögru stúlk-
urnar, en brátt kom þó í
ljós að hún var efni í stór-
brotna skapgerðarleik-
konu.‘
havar@mbl.is
AF LISTUM
Hávar Sigurjónsson
BLÚSTRÍÓIÐ Fjallaskáldin hóf
annan í blúshátíð á Nordica hótelinu
að þessu sinni, og er þetta að mér
skilst í fyrsta skipti sem þessir dreng-
ir leika opinberlega. Forustu fyrir
þeim hafði söngvarinn, Hlöðver Jök-
ulsson, sólógítaristi var Rúnar Þór
Þórarinsson og munnhörpuleikari
Tómas Axel Ragnarsson. Það var
Hlöðver sem fékk þá frábæru hug-
myndina að tengja ljóð Kristjáns
Jónssonar fjallaskálds blúsnum, enda
er margt í þeim sára tóni er Kristján
slær skylt þeirrar ættar, þó ástarsorg
og brigðult kvenfólk standi honum
ekki sífellt fyrir hugskotssjónum. Það
var upphaf Veiðimannsins sem leiddi
Hlöðver á sporið: ,,Þar Missisippis
megindjúp fram brunar … þó ekki
væri það á dagskránni. Þeir hófu
flutninginn á Tárinu, Þú sæla heims-
ins svalalind, og var það best flutt og
slædgítar Rúnars nokkuð góður. Yfir
kaldan eyðisand og þeir blúsar er
fylgdu í kjölfarið liðu fyrir hve stífur
ryþmi þeirra félaga var. Það vantaði
þessa mýkt sem skilur milli feigs og
ófeigs í blúsi sem víðar. En koma
tímar.
Á veröndinni nefndist kvartett
skipaður nokkrum helstu blús-
listamönnum okkar: með Björgvini
Gíslasyni, Guðmundi Péturssyni og
Halldóri Bragasyni gítaristum og
munnhörpuleikaranum knáa, Sigurði
Sigurðssyni. Þeir fluttu blúsa eftir
menn einsog Jimmy Dawkins og
Freddie King að ógleymdu snilld-
arverki Robert Johnssons: Crosroads
og Choo Choo Ch́boogie sem Louis
Jordan sló í gegn með. Þetta var hin
besta skemmtun, en toppurinn var
gítarleikur Björgvins Gíslasonar,
kraftmikill þrátt fyrir að vera ótrú-
lega lágstemmdur á köflum og sumir
sólóar meira að segja kryddaðir
löngum stakkatóköflum. List Björg-
vins fær alltof sjaldan að njóta sín.
Eftir hlé steig á svið ungmenna-
sveit undir forustu Hrafnkels Gauta
Sigurðarsonar gítarleikara þar sem
blásið var á djössuðum nótum lög úr
smiðju manna á borð við Lester
Young og Joshua Readman. Hrafn-
kell og félagar: Snorri tenórsaxisti,
Kristján hljómborðsleikari, Helgi
bassisti og Magnús Elvar trommari
eiga mikið ólært, en var samt vel tek-
ið af áheyrendum. Vonandi halda þeir
áfram á hinum þyrnum stráða vegi
tónlistarinnar.
Tromp kvöldsins var Fruteland
Jackson frá Missisippi. Hann er 53
ára gamall og ætti því að vera vel raf-
væddur, en svo er ekki. Hann er einn
þeirra sem hefur horfið aftur á vit
sveitablúsaranna er ríktu fyrir daga
heimsstyrjaldarinnar síðari. Hann
veit sínu viti enda er hann í forystu
fyrir hreyfingunni ,,Blue in the
schools“ og hefur leikið fyrir yfir
50.000 nemendur síðan 1992.
Fruteland Jackson fór um víðan völl
á Nordica. Klassískir blúsar, eigin
verk og vinnusöngvar og meira að
segja kántrý. Rödd Jackson er sosum
ekkert sérstök, hann býr ekki yfir
þeim sjarma er einkennir helstu blús-
söngvara millistríðsáranna, en gít-
arleikur hans var hljómfagur með af-
brigðum svo minnti mig á Big Bill
Broonzy á Verveskífum hans: The
Big Bill Broonzy Story, en þar eins
og oft á seinni hluta ævi sinnar fetar
hann slóð Leadbellys og flytur allan
hinn afróameríska tónaarf. Það gerir
Fruteland Jackson einnig og hafi
hann þökk fyrir. Aftur á móti skortir
hann þann raddsjarma er helstu
sveitablússöngvararnir bjuggu yfir
og á stóran þátt í að gera verk þeirra
ódauðleg.
Bland
í blúspoka
TÓNLIST
Blúshátíð á Hótel Nordica
Fjallaskáldin, Á Veröndinni, Krummarnir
og Fruteland Jackson
Miðvikudagskvöldið 12. apríl 2006
Blús
Vernharður Linnet
BURTFARARPRÓFSTÓNLEIKAR
Steinars Matthíasar Kristinssonar
trompetleikara frá Tónlistarskól-
anum í Reykjavík verða haldnir í
Seltjarnarneskirkju miðvikudaginn
26. apríl kl. 20.
Á efnisskránni eru verk eftir G.F.
Handel, Kent Kennan, Johann
Ludwig Krebs, Öistein Sommer-
feldt, Pierre Max Dubois og Dom-
enico Gabrielli.
Meðleikarar
Stefáns eru
Steinunn Birna
Ragnarsdóttir,
píanó, og Stefán
H. Kristinsson,
orgel, en auk
þeirra koma
fram samnem-
endur Steinars
og kennari hans
Eiríkur Örn Pálsson trompetleik-
ari. Allir velkomnir og aðgangur
ókeypis.
Burtfarartónleikar
frá Tónlistarskólanum
í Reykjavík
Steinar M.
Kristinsson