Morgunblaðið - 26.09.2006, Síða 23

tómstundir barna
MORGUNBLAÐIÐ ÞRIÐJUDAGUR 26. SEPTEMBER 2006 23
... UPPLÝST FÓLK
FRÉTTIR KL. 19.00
Fréttir Sjónvarpsins eru með vinsælasta sjónvarpsefni á
Íslandi. Þau Páll Magnússon, Bogi Ágústsson, Elín Hirst,
Jóhanna Vigdís Hjaltadóttir og Margrét Marteinsdóttir
fara fyrir hópi fréttamanna fréttastofunnar, auk
fréttamanna og fréttaritara á landsbyggðinni og í
útlöndum, og færa þér nýjustu fréttir af fólki og
atburðum.
KASTLJÓS KL.19.35
Þitt fólk í Kastljósinu, þau Jóhanna Vilhjálmsdóttir,
Helgi Seljan, Sigmar Guðmundsson, Ragnhildur
Steinunn Jónsdóttir, Þóra Tómasdóttir, Þórhallur
Gunnarsson og Eva María Jónsdóttir fjalla um
menningu, listir, íþróttir, stjórnmál og önnur mál
dagsins í nýju og fersku ljósi.
ÞÚ ÁTT STEFNUMÓT VIÐ ...
Þegar við vorum í byrj-endahópnum þá voru strák-arnir ekkert sérstaklegaánægðir með að þurfa að
skylmast við stelpur og það fór ekki
alltaf vel í þá ef þeir töpuðu fyrir okk-
ur, en það er allt í lagi núna í fram-
haldshópnum,“ segja þær Unnur
Snorradóttir og Kolfinna Jónsdóttir
sem æfa skylmingar tvisvar í viku í
íþróttahúsinu við Melaskóla.
Unnur er tíu ára og er á öðru ári í
skylmingum en Kolfinna er á sínu
þriðja ári. Þær eru einu stelpurnar í
sínum flokki og segjast gjarnan vilja
fá fleiri stelpur í skylmingarnar. „Við
hvetjum allar stelpur til að prófa að
æfa skylmingar því það er rosalega
gaman,“ segir Unnur, sem fór ein-
faldlega að æfa skylmingar af því að
henni fannst þetta áhugaverð íþrótt.
Það sem kom Kolfinnu út í skylm-
ingar var að hana langaði til að prófa
og síðan var það mikil hvatning að
Þorbjörg frænka hennar var Norð-
urlandameistari í skylmingum.
Stundum er höggvið fast
Þær Unnur og Kolfinna æfa báðar
með sk. höggsverðum, en ólympískar
skylmingar skiptast í þrjár undir-
greinar þar sem keppt er með mis-
munandi sverðum; höggsverðum,
stungusverðum og lagsverðum. „En
við stingum líka með höggsverðun-
um, þó við séum auðvitað ekki að
meiða,“ segja skylmingastelpurnar
sem þekktust ekkert fyrr en þær fóru
að slá saman sverðum.
Þó vissulega sé höggvið og stungið
á æfingum þá segja þær ekki mikla
hættu á meiðslum. „En ef höggvið er
fast, þá getur það verið svolítið vont,
en það er ekkert alvarlegt. Þegar við
skylmumst er alltaf annar aðilinn
með árásarréttinn en hinn reynir að
verjast. Ef sá sem er með árásar-
réttinn nær að koma höggi á and-
stæðinginn, þá fær hann stig. Komi
sá sem er að verjast síðan höggi á
hinn, þá fær hann árásarréttinn.
Maður þarf því bæði að vera góður í
því að verja sig og að sækja fram.“
Æfa heima spor og högg
Skylmingar eru stundum kallaðar
líkamleg skák og því kemur ekki á
óvart þegar Unnur og Kolfinna segja
að í skylmingum skipti miklu að vera
fljótur að hugsa. „Það er líka áríðandi
að vera snöggur og sterkur. Þess
vegna æfum við okkur líka heima, það
eru ákveðin spor sem þarf að æfa og
við getum líka æft höggin. T.d. getum
við æft högg í grímu með hjólahjálmi
í stað grímunnar, sem við höfum að
láni á æfingum,“ segja stelpurnar,
sem eiga báðar sverð og hanska.
Þær segjast ekki hafa lagt sig neitt
sérstaklega eftir að horfa á skylm-
ingamyndir en hafa þó báðar séð eina
Zorrómynd, sem þeim fannst æð-
islega gaman, enda mikið um skylm-
ingasenur.
Unnur stefnir að því að halda
áfram í skylmingum en þarf að lokn-
um þessum vetri að sjá á eftir Kol-
finnu sem skylmingafélaga, því hún
ætlar að flytja að Bifröst í tvö ár. Kol-
finna segir ekki ólíklegt að hún taki
sverðið aftur upp og byrji að æfa
skylmingar að nýju þegar hún flytur
aftur í bæinn að þeim tíma liðnum.
khk@mbl.is
Snöggar með sverðin
Morgunblaðið/Árni Sæberg
Skylmingastelpur Unnur og Kolfinna berjast fimlega og hafa flottan stíl, en í skylmingum skiptir líka miklu máli að vera fljótur að hugsa.
Hvíld Unnur og Kolfinna taka niður grímurnar og hvíla sig á milli bardaga.
Skylmingar eru í margra
huga fyrst og fremst fyrir
stráka en þær Unnur og
Kolfinna láta það ekki
aftra sér frá því að æfa
þessa fögru íþrótt. Krist-
ín Heiða Kristinsdóttir
hitti snarpar stelpur með
sverð á lofti.