Morgunblaðið - 26.09.2006, Síða 40

|þriðjudagur|26. 9. 2006| mbl.is
Staðurstund
Mein Kampf var frumsýnt í
Borgarleikhúsinu um helgina,
en þar segir frá Adolfi nokkrum
Hitler, ungum að árum. » 43
leikhús
Óbyggðirnar tóku toppsætið á
Íslandi um helgina en í Banda-
ríkjunum eru það Asnakjálkarnir
sem tróna á toppnum. » 42
bíó
Arnar Eggert skellti sér á tón-
leika ungversku söngkonunnar
Mörtu Sebestyen í Kult-
urBrauerei í Berlín. » 43
tónlist
Góðkunningi úr sjónvarpinu,
Auðunn Blöndal, fer senn af
stað með nýjan sjónvarpsþátt á
Sirkus sem heitir Tekinn. » 44
fólk
SPURNINGALEIKURINN Orð skulu
standa er á dagskrá Rásar 1 kl. 15.03 í dag,
endurfluttur frá síðasta laugardegi. Gestir eru
Pétur Blöndal blaðamaður og Vigdís Jak-
obsdóttir, deildarstjóri fræðsludeildar Þjóð-
leikhússins. Þau fást við þessa byrjun á limru:
Það er mikill söngvari hann Magni
sem mjög þenur raddbönd af lagni.
Fyrripartur síðasta þáttar var svona:
Hausta tekur, húma fer,
hér við sitjum aftur.
Páll Ásgeir Ásgeirsson botnaði í þættinum:
Þó saman öll við sitjum ber
þarð sér ei nokkur kjaftur.
Sigurjón Kjartansson botnaði:
Sauðdrukkinn í september
Satans fylliraftur.
Hlín Agnarsdóttir:
Engar varnir, enginn her,
ekki nokkur kjaftur.
Og Davíð Þór Jónsson:
Í partíinu okkar er
aldrei rifinn kjaftur.
Með málfræðilegu tilbrigði:
Kaffisopinn indæll er
sem ákaft hér er laptur.
Hlustendur létu ekki sitt eftir liggja, t.d.
Gunnsteinn Ólafsson:
Orðin standa undir sér,
enginn veit hvert prikið fer.
Marteinn Friðriksson:
Í dimmu Hlín má dilla sér
og Davíð snillikjaftur.
Eysteinn Pétursson sendi þrjá:
Davíðs ólmur drottnar her,
ef dvínar Hlínar kraftur.
Davíð Þór, sá Drottins ver,
er dálaglega skaptur.
Agnars Hlín er ekki þver
og enginn sóðakjaftur.
Valdimar Lárusson botnaði og lét braghendu
fylgja með:
Þessu fylgja þykir mér
þróttur bæði og kraftur.
Gott var að hlusta á þáttinn þinn því hann var
góður,
enda mikill sagnasjóður.
Svo að margur verður fróður.
Kristín Sigríður Guðjónsdóttir á Hrafnistu í
Reykjavík botnaði:
Þið hafið eflaust borðað ber
og bæst því aukinn kraftur.
Auðunn Bragi Sveinsson sendi þennan:
Það er verst, ef ekki er
eftir nokkur kraftur.
Hörður Þorleifsson:
Karl hann stjórnar sterkum her,
streymir ofurkraftur.
Kona hans, Ólöf Helgadóttir, var að sulta á
meðan þátturinn var:
Sveitt er við að sjóða ber
það sér mig ekki kjaftur.
Íslenska | Útvarpsþátturinn Orð skulu standa er í fullum gangi á Rás 1
Magni þenur raddbönd af lagni
Orðheppin Davíð Þór Jónsson, Karl Th. Birgisson og Hlín Agnarsdóttir í Orð skulu standa.
Hlustendur geta sent sína botna í netfang
þáttarins, ord@ruv.is, eða
til Orð skulu standa, Ríkisútvarpinu, Efstaleiti
1, 150 Reykjavík.
Ífyrsta sinn í sögu Ný-listasafnsins gefst gestum oggangandi tækifæri til aðskoða safneign safnsins í
heild sinni í húsakynnunum á
Laugavegi 26. Þar gefst mönnum
kjörið tækifæri til þess að kynna
sér stefnur og strauma í sam-
tímalist frá árunum 1978-2005. Alls
eru þetta um 650-700 listaverk og
munu valdir góðvinir safnsins stýra
spjalli um listaverkin. Opið verður
daglega frá 20:00– 22:00 frá mánu-
degi til föstudags og munu valdir
góðkunningjar safnsins stýra
óhefðbundinni leiðsögn kl 20:00.
Laugardaginn 30. september verð-
ur málþing í safninu kl: 17:00 en
opið er frá 13:00. Síðasta sýning-
ardaginn, sunnudaginn 1. október
verður opið frá 13:00 til 17:00.
Nína Magnúsdóttir, sem á sæti í
stjórn safnsins, segir að þeir góð-
vinir safnsins sem munu lóðsa
gesta um gangana séu meðal ann-
ars Ingólfur Arnarson, Goddur,
Árni Ingólfsson, Hannes Lárusson
og Gerla. „Við ætlum að koma öll-
um verkunum fyrir og erum núna í
miðri uppsetningu. Þetta er ekki
sýning í hefðbundnum skilningi.
Hvert og eitt verk fær ekki að
njóta sín enda höfum við ekki pláss
undir það. Við bjóðum gestum að
sjá öll verk og skoða ofan í alla
kassa sem Nýlistasafnið hefur haft
í sinni safneign í hartnær 30 ár,“
segir Nína.
Fyrir frumkvæði listamanna
Hún segir að því fylgi vissar
skyldur fyrir safnið að eiga svo
stórt safn verka. Það hafi hins veg-
ar aldrei haft fjárhagslegt bolmagn
til þess að rækja þær skyldur al-
mennilega. „Hérna innan um eru
dýrgripir og á hverju ári kemur
upp sú spurning hvernig við getum
haldið utan um safnið svo vel megi
vera. Til þess þyrfti starfsmann til
þess að skrá safneignina og geyma
hana.“
Nýlistasafnið verður til fyrir
frumkvæði nokkurra listamanna ár-
ið 1978 og frá þeim tíma hafa orðið
mikil verðmæti í eigu safnsins.
Morgunblaðið/ÞÖK
Safnasýning Skoða má stefnur og strauma í samtímalist frá árinunum 1978-2005 í Nýlistasafninu.
Hátt í sjö-
hundruð verk
Öll safneign Nýlistasafnsins til sýnis á
einum stað um þessar mundir