Morgunblaðið - 03.10.2006, Side 4

4 ÞRIÐJUDAGUR 3. OKTÓBER 2006 MORGUNBLAÐIÐ
FRÉTTIR
Morgunblaðið/ÞÖK
HÁSKÓLINN í Reykjavík kynnti í gær námskeið sem
nefnist Ólympíustærðfræði en skólinn býður öllum
grunnskólanemendum í 5.–8. bekk á námskeiðið í vet-
ur. Námskeiðin eru hluti af átaki sem nefnist Stærð-
fræði er skemmtileg og sem kennslufræði- og lýð-
heilsudeild HR stendur fyrir. Undirritað var
samkomulag um styrki við verkefnið í dag. Frá vinstri
á myndinni eru Margrét Jónsdóttir frá Eyri Invest, Pál-
ína Pálmadóttir frá KB banka, Inga Dóra Sigfúsdóttir
frá HR og Júlíus Vífill Ingvarsson borgarfulltrúi.
Skemmtileg stærðfræði í HR
Eftir Rúnar Pálmason
runarp@mbl.is
NORÐURÁL fagnaði því í gær að
lokið er við stækkun álversins á
Grundartanga úr 90.000 tonna
framleiðslugetu í 220.000 tonn.
Framkvæmdir við stækkun álvers-
ins hafa staðið yfir frá því í maí
2004 og í febrúar á þessu ári var
orku hleypt á fyrstu nýju kerin.
Ragnar Guðmundsson, fram-
kvæmdastjóri fjármála- og stjórn-
unarsviðs Norðuráls, sagði í sam-
tali við Morgunblaðið, að
stækkunin hefði gengið mjög vel
og áætlanir um kostnað og verklok
hefðu að fullu staðist.
35 milljarða fjárfesting
Með stækkuninni var kerum í ál-
verinu fjölgað um 260. Fjárfesting
vegna stækkunarinnar nemur alls
um 35 milljörðum íslenska króna. Í
tilkynningu frá félaginu segir að
stækkunin auki verðmæti útflutn-
ings frá Íslandi um ríflega 17
milljarða þannig að heild-
arverðmæti útflutnings frá ál-
verinu verði um 30 milljarðar á
ári, sé miðað við langtímaspár um
orkuverð, að því er segir í tilkynn-
ingu frá félaginu.
Á næsta ári er stefnt að því að
auka framleiðslugetuna enn frekar
þannig að í árslok verði hún
260.000 tonn. Þá er gert ráð fyrir
að liðlega 400 manns vinni í ál-
verinu en fastráðnir starfsmenn
eru nú 355. Af þeim eru 95% Ís-
lendingar og um 20% starfsmanna
eru konur.
Til að knýja álverið á Grund-
artanga þarf 220 MW af rafmagni
og kemur það annars vegar frá
Orkuveitu Reykjavíkur og hins
vegar frá Hitaveitu Suðurnesja.
Ragnar benti á að öll orkan kæmi
frá jarðvarmavirkjunum og sagðist
hann ekki vita til þess að önnur ál-
ver í heiminum byggðu framleiðslu
sína eingöngu á framleiðslu frá
jarðvarmavirkjunum.
Norðurál keypti orku af Lands-
virkjun frá því í febrúar til að flýta
gangsetningu, en Landsvirkjun á
umframorku yfir sumartímann og
gerði þetta fyrirtækinu kleift að
koma virkjuninni í gang fyrr en
ella.
Næsta skref er Helguvík
Starfsleyfi álversins á Grund-
artanga hljóðar upp á 300.000
tonna framleiðslugetu en Ragnar
sagði aðspurður að ekki hefði verið
tekin ákvörðun um að stækka ál-
verið þannig að starfsleyfið verði
fullnýtt. „Yfirstandandi eru fram-
kvæmdir við frekari stækkun úr
220.000 tonnum í 260.000 tonna af-
kastagetu á Grundartunga. Áætlað
er að þessi stækkun verði tekin í
notkun síðara hluti næsta árs.
Samhliða þessu er í gangi und-
irbúningur vegna álvers í Helgu-
vík,“ sagði hann og bætti við að nú
væri unnið að skýrslu til að leggja
fram við mat á umhverfisáhrifum
vegna álvers í Helguvík.
Stækkun álversins var fagnað
með athöfn í álverinu í gær. Meðal
þeirra sem fluttu ávörp við það
tækifæri voru þeir Logan W. Kru-
ger, forstjóri Century Alumininum,
Craig Davies, stjórnarformaður
fyrirtækisins, Jón Sigurðsson iðn-
aðarráðherra og Gísli S. Ein-
arsson, bæjarstjóri á Akranesi.
Lokið við stækkun álversins á
Grundartanga í 220.000 tonn
Morgunblaðið/Brynjar Gauti.
Áfangi Helstu forvígismenn Norðuráls og Century Aluminium klipptu ásamt Jóni Sigurðssyni iðnaðarráðherra og
Gísla Einarssyni, bæjarstjóri á Akranesi, á borða þegar stækkun álversins á Grundartanga var fagnað í gær.
runarp@mbl.is
Í HNOTSKURN
» Álver Norðuráls á Grund-artanga hóf starfsemi árið
1998 og var framleiðslugetan
60.000 tonn á ári.
» Í apríl 2004 keypti CenturyAluminum Norðurál af Co-
lombia Ventures.
» Í maí 2004 var skóflustungatekin að stækkun í 180.000
tonn en síðar var ákveðið að
stækka upp í 220.000 tonn.
FLUGFÉLAGIÐ Ernir mun taka
við flugi á fjóra staði á landsbyggð-
inni um áramót, og eru samningar
við Vegagerðina á lokastigi. Um er
að ræða flugleiðir frá Reykjavík til
Sauðárkróks, Hafnar í Hornafirði,
Bíldudals og Gjögurs.
Hörður Guðmundsson, fram-
kvæmdastjóri og eigandi Ernis, seg-
ir að félagið hafi tekið þátt í útboði
nú í sumar, og eftir að útboðin hafi
verið yfirfarin hafi tilboð Ernis verið
metið hagstæðast. Ernir hefur tæp-
lega 40 ára reynslu af flugrekstri, og
segir Hörður að farþegar eigi eftir
að sjá mikla breytingu þegar Ernir
tekur við flugleiðunum fjórum af
Landsflugi.
„Við stefnum að því að gera þetta
eins vel og hægt er. Við erum lands-
byggðarfólk að upplagi hér flestir
[…] og vitum alveg hvað það er að
búa á landsbyggðinni og treysta á
samgöngur. Við héldum uppi sam-
göngum á Vestfjörðum í 27 ár, og
það var áður en farið var að moka
vegi reglulega,“ segir Hörður. „Við
vitum að samgöngur brenna á fólki á
landsbyggðinni og við ætlum að reka
þessa þjónustu í samræmi við okkar
þekkingu á þessu sviði.“
Kaupa nýja vél
Ernir mun fljúga 7–9 sinnum í
viku til Hafnar í Hornafirði og 5–7
sinnum í viku til Sauðárkróks með
nýrri flugvél sem Hörður segist
reikna með að verði keypt til verk-
efnisins. Hann segir að líklega verði
vél af gerðinni Jetstream fyrir val-
inu, en hún er með jafnþrýstibúnaði
og tekur 19 farþega.
Flogið verður 6–8 sinnum í viku til
Bíldudals og farnar tvær ferðir á
Gjögur í viku. Í þessi flug verður not-
uð önnur vél þar sem flugbrautirnar
eru styttri, og segist Hörður reikna
með að notuð verði Dornier-vél, eða
vél sambærilegrar gerðar, sem taki
15–19 farþega.
Ernir semur um
fjórar flugleiðir
UTANRÍKISRÁÐUNEYTIÐ lét
Ratsjárstofnun vita af heræfingu
Rússa í norðurhöfum hinn 27. sept-
ember sl., tveimur dögum áður en
tvær rússneskar sprengjuflugvélar,
sem tóku þátt í æfingunni, flugu um
150 mílur norðaustan við landið, að
sögn Jörundar Valtýssonar, ráðgjafa
utanríkisráðherra. Hann segir eðli-
legt að Flugmálastjórn hafi ekki ver-
ið látin vita enda hafi þá ekkert legið
fyrir um að vélarnar myndu fara inn
á íslenska flugumferðarstjórnar-
svæðið.
Í Morgunblaðinu í gær var greint
frá því að Flugmálastjórn hefði ekki
fengið upplýsingar um æfingaflugið
fyrr en breski flugherinn lét vita af
því að vélarnar hefðu lagt af stað í átt
að landinu. Jörundur segir að her-
æfing Rússa í norðurhöfum hafi ekki
verið tilkynningarskyld og þeir því
engar reglur brotið með flugi
sprengjuflugvélanna. Rússnesku
vélunum hafi ekki borið skylda til að
tilkynna um komu sína inn á íslenskt
flugumferðarstjórnarsvæði. Þegar
rússnesku vélarnar hafi tekið stefnu
að Íslandi hafi þær fyrst sést í ratsjá
danska hersins í Færeyjum og
nokkru síðar á ratsjá Ratsjárstofn-
unar sem hafi þegar í stað látið Flug-
málastjórn vita af flugvélunum.
Kerfið hafi því virkað.
Lofthelgi Íslands nær 12 mílur út
fyrir strandlengju landsins og þurfa
flugvélar leyfi til að fara þar um.
Loftvarnarsvæðið hefur verið skil-
greint þannig að það nái 97 til tæp-
lega 200 mílur út fyrir strendur
landsins. Jörundur segir að rúss-
nesku vélarnar hafi því farið inn á
loftvarnarsvæði landsins en ekki inn
í lofthelgina.
Engar regl-
ur brotnar
með fluginu
LÆKNAFÉLAG Íslands og Frumtök, samtök
framleiðenda frumlyfja, hafa gert með sér samn-
ing um samskipti lækna og lyfjafyrirtækja og var
hann undirritaður á föstudag.
Samningurinn tekur á samskiptum þessara að-
ila í víðum skilningi og er ætlað að auka gegnsæi
og traust, að sögn Jakobs Fals Garðarssonar, for-
manns Frumtaka.
Samningurinn styðst við yfirlýsingu evrópska
læknafélagsins og Samtaka lyfjaiðnaðarins í Evr-
ópu sem samþykkt var í fyrra, en samkomulag
þessara aðila var þýtt á íslensku og er fylgiskjal
með samningnum sem undirritaður var í Kópa-
vogi.
Í evrópsku yfirlýsingunni er meðal annars kveð-
ið á um að upplýsingar um vörur sem lyfjafyr-
irtæki gefa læknum séu tæmandi og réttar, þau
veiti læknum sem þess óska aðgang að vísinda-
legum gögnum sem hafi klínískt gildi fyrir vörur
þeirra, að lyfjafyrirtæki bjóði læknum ekki órétt-
lætanlega risnu og að læknar fari að sama skapi
ekki fram á slíka risnu eða biðji um gjafir eða
ávinning frá lyfjaiðnaðinum. Þá er læknum skylt
að tilkynna um aukaverkanir lyfja.
Fyrst og fremst táknrænn samningur
Jakob Falur segir að samningurinn sé fyrst og
fremst táknrænn og staðfesti þær óskráðu reglur
sem hafi verið í heiðri hafðar um áratugaskeið.
„Það er nokkuð langt síðan að það var fastmælum
bundið milli þessara félaga að viðhafa þetta sam-
komulag en það er fyrst núna sem er formlega
gengið frá því,“ segir Jakob og bætir við að hér sé
ekki um nýjar hugmyndir að ræða, heldur sé verið
að festa frekar í sessi þann skilning sem ríkt hefur
milli þessara stétta um langt skeið. „Þetta er í
raun brýning til félagsmanna beggja aðila um að
halda í heiðri þau gildi sem liggja til grundvallar í
samkomulaginu. Það skiptir miklu að samskipti
lækna og lyfjafyrirtækja séu gegnsæ og jafnframt
er mikilvægt að gagnkvæmt traust og virðing ríki
milli samningsaðilanna,“ segir Jakob.
Frumtök og félag lækna semja
HJÁLMUR, félag í eigu Baugs Gro-
up, er stærsti hluthafinn í nýju tíma-
riti sem Reynir Traustason ritstýrir.
Tímaritið, sem nefnist Ísafold, er
einnig í eigu Reynis og Jóns Trausta
Reynissonar. Þetta upplýsti Reynir í
viðtali í Kastljósi í kvöld. Að sögn
Reynis er hlutur Hjálms um 70–75%
í Ísafold en þeir feðgar Reynir og
Jón Trausti eiga 25–30% hlut.
Baugur
aðaleigandi
Ísafoldar