Morgunblaðið - 15.12.2006, Qupperneq 39

MORGUNBLAÐIÐ FÖSTUDAGUR 15. DESEMBER 2006 39
ÞAÐ eru spennandi
tímar fram undan hjá
Landmælingum Íslands á
Akranesi. Stofnunin, sem
fagnaði 50 ára afmæli á
árinu, hefur lengst af ver-
ið leiðandi í útgáfu prent-
aðra landakorta á Íslandi.
Um áramótin mun starf-
semi Landmælinga taka
þó nokkrum breytingum.
Síðustu árin hafa orðið miklar fram-
farir í allri tækni í kortagerð og
landmælingum og ýmis fyrirtæki og
félagasamtök hafið margs konar út-
gáfur landakorta enda kröfurnar
miklar og þörfin fjölbreyttari en áð-
ur. Því hefur að undanförnu verið
unnið að því hjá Landmælingum Ís-
lands og í umhverfisráðuneytinu að
laga starfsemi stofnunarinnar að
nýjum aðstæðum. Í tengslum við
það samþykkti Alþingi síðasta vor
ný lög um starfsemi Landmælinga
Íslands sem taka gildi strax í byrjun
nýs árs. Nýju lögin byggjast að
mestu á tillögum starfshóps um-
hverfisráðherra. Formaður hópsins
var Hugi Ólafsson frá umhverf-
isráðuneyti en auk hans áttu sæti
Haukur Ingibergsson, forstjóri
Fasteignamats ríkisins, Ingibjörg
Halldórsdóttir, lögfræðingur, um-
hverfisráðuneyti, Magnús Guð-
mundsson, forstjóri Landmælinga
Íslands, og Reimar Pétursson, lög-
fræðingur, tilnefndur af Samtökum
atvinnulífsins og Verslunarráði.
Með nýju lögunum er hlutverki og
verkefnum stofnunarinnar breytt og
er lögð aukin áhersla á grunnverk-
efni og öfluga miðlun upplýsinga til
samfélagsins. Stærsta breytingin
felst í því að stofnunin dregur sig úr
samkeppni á markaði og hættir að
gefa út prentuð kort nú um áramót-
in. Hlutverk og verkefni Landmæl-
inga Íslands eru ágætlega skilgreind
í nýju lögunum en þau eru í stórum
dráttum eftirfarandi:
– Vera umhverfisráðuneytinu til
ráðuneytis á fagsviðum stofn-
unarinnar
– Uppbygging og viðhald lands-
hnita- og hæðarkerfis
– Gerð, viðhald og miðlun á staf-
rænum þekjum í mælikvarða
1:50 000
– Skráning og miðlun upplýsinga
um landfræðileg gagnasöfn
– Gerð og notkun staðla á sviði
landupplýsinga
– Að veita aðgang að gögnum sem
stofnunin varðveitir
– Faglegt samstarf við háskóla,
fyrirtæki og alþjóðleg samtök
Hjá Landmælingum Íslands á
Akranesi starfa nú 28 manns, flestir
með sérhæft háskólanám á þeim
fagsviðum sem stofnunin starfar á.
Framtíð stofnunarinnar er björt og
framundan er mikið átak í að sam-
ræma vinnubrögð allra sem á þessu
sviði starfa, ekki síst því samvinna
opinberra aðila þarf að aukast veru-
lega til að ná meiri árangri og til að
koma í veg fyrir tvíverknað. Mark-
mið Landmælinga Íslands er að
tryggja að ávallt séu
aðgengilegar áreið-
anlegar land-
fræðilegar grunn-
upplýsingar um allt
Ísland. Til þess að
svo megi verða
stefnir stofnunin að
því að vera áfram
leiðandi varðandi
þekkingu og fræðslu
á sviði landupplýs-
inga, landmælinga
og fjarkönnunar.
Landmælingar Íslands
vísa veginn áfram
Magnús Guðmundsson
skrifar um starfsemi
Landmælinga Íslands
»Markmið Landmæl-inga Íslands er að
tryggja að ávallt séu að-
gengilegar áreiðanlegar
landfræðilegar grunn-
upplýsingar um allt Ís-
land.
Magnús Guðmundsson
Höfundur er forstjóri
Landmælinga Íslands.

 


 
  
 









 
  

Ársalir - fasteignamiðlun
Ársalir - fasteignamiðlun

Björgvin Björgvinsson, löggiltur fasteignasali
Símar 533 4200
og 892 0667
Ársalir
FASTEIGNAMIÐLUN
Engjateigi 5 105 Rvk
533 4200
Nánari upplýsingar á skrifstofu okkar:
Ársalir ehf. - fasteignamiðlun
Höfum kaupendur að öllum stærðum og gerðum
atvinnuhúsnæðis á höfuðborgarsvæðinu.
Staðgreiðsla í boði.
ATVINNUHÚSNÆÐI ÓSKAST!