Morgunblaðið - 15.12.2006, Blaðsíða 41

MORGUNBLAÐIÐ FÖSTUDAGUR 15. DESEMBER 2006 41
RÉTT einu sinni hlaupa nú allir til
að finna upp hjólið. Þar í hópi eru all-
ir mögulegir „pólitíkusar“, trygg-
ingasérfræðingar og
fjölmiðlafólk og tilefnið
er auðvitað hin „hættu-
lega“ þjóðvegaumferð
og þá alveg sérstaklega
á þjóðveginum frá
Reykjavík til Selfoss að
svo stöddu máli a.m.k.
Hefði nú þetta lið
verið vakandi fyrir 4
árum og síðan hlustað
á tillögur að lausn
þessa vanda á þeim
tíma og skilið vandann,
sem þá var fyrir hendi
alveg eins og nú, gæti verið búið að
leysa hann, sem t.d.
samgönguráðherrann ráðalausi
heldur að þurfi að taka fjögur ár.
Í aðdraganda alþingiskosning-
anna 2003 voru æði margir uppfullir
af því að nauðsyn bæri til að lýsa upp
Hellisheiðina náttúrulega af því að
þá höfðu menn séð lýsingu Reykja-
nesbrautarinnar og héldu að þar
lægi öll lausnin. Afar fáir virtust
skynja hinn raunverulega vanda,
þeir voru þó til.
Vegagerðin hafði auðvitað á tak-
teinum ónýta og sennilega mjög
hættulega lausn, a.m.k. fyrir suma
vegfarendur, þ.e. með
partalausnum í þriggja
reina vegi og svo sem
ekki við öðru að búast
úr þeirri átt.
Sunnlenska frétta-
blaðið á Selfossi spurði
að vísu óyfirvegaðrar
spurningar rétt fyrir
kosningarnar 2003 þ.e.
„Hvers vegna beita
þingmenn héraðsins
sér ekki fyrir lýsingu
Hellisheiðar“ og þessu
svöruðu þrír forsvars-
menn framboðslista þannig: Árni
Ragnar Árnason fyrir D-lista: „Ég
svara ekki fyrir alla. Ég hef kynnt
mér árangur og áhrif af lýsingu og
breikkun þjóðvega fyrir umferðina.
Reynslan sýnir að umferðarhraði
eykst með lýsingu – burtséð frá því
hvort viðkomandi vegur hefur verið
breikkaður eða ekki. Breikkun eyk-
ur flutningsgetu vegarins, lýsing
breytir flutningsgetunni ekki. Þess
vegna beiti ég mér fyrir breikkun
þjóðvega og öðrum framkvæmdum,
sem auka flutningsgetu og öryggi
umferðar, þar sem þess þarf.“
Kristján Pálsson fyrir T-lista:
„Góð spurning. Ég lagði fram tillögu
fyrir 2 árum um breikkun og lýsingu
Hellisheiðar. Ég beitti mér mjög fyr-
ir lýsingu Reykjanesbrautar, sem
varð að veruleika 1996. Enginn sem
keyrir hana í dag vill slökkva ljósin.“
Einar Birnir fyrir N-lista: „Hver
sá sem notið hefur heiðríkra sum-
arnátta og stjörnubjartra vetr-
arkvölda við log norðurljósa á Hellis-
heiði veit að lýsing fárra dimmra
regnnátta, sem svo er gagnslaus í
snjóbyl og þoku, er dýru verði keypt
og veit líka að fjórbreið skipt ak-
braut, tvær reinar vestur og aðrar
tvær austur, er eina raunhæfa lausn-
in í þágu öryggis og akstursþæg-
inda.“
Aðrir forystumenn lista á Suður-
landi gerðu lítið annað en „hóa í lýs-
ingarhávaðann“ í þetta sinn og
máttu ekki vera að því að skoða hinn
raunverulega vanda. Skýr svör
þeirra Árna, Kristjáns og Einars
hafa nú loksins náð eyrum almenn-
ings og er sannarlega sorglegt að
þær hörmungar þurfti til sem dæm-
in sýna, en hálf finnst manni nú hjá-
kátlegt að sjá og heyra sérstaklega
pólitíkusa og tryggingamenn
stökkva nú upp til handa og fóta og
tala eins og þetta séu alveg ný sann-
indi og satt að segja er næsta und-
arlegt að sjá aðeins þennan veg-
arkafla í umfjöllun, þegar langir
kaflar aðrir á þjóðvegum landsins
eru litlu betur staddir þegar kemur
að öryggi vegfarenda án þess þó að
nefndar séu allar einbreiðu brýrnar.
Vegagerð á Hellisheiði
Einar Birnir fjallar um sam-
göngumál »… er næsta und-arlegt að sjá aðeins
þennan vegarkafla í um-
fjöllun, þegar langir
kaflar aðrir á þjóð-
vegum landsins eru litlu
betur staddir þegar
kemur að öryggi vegfar-
enda …
Einar Birnir
Höfundur er ellilífeyrisþegi.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050