Morgunblaðið - 15.12.2006, Qupperneq 67

MORGUNBLAÐIÐ FÖSTUDAGUR 15. DESEMBER 2006 67
KVIKMYNDIN Babel, sem gerist
m.a. í Marokkó, Mexíkó og Tókýó,
fékk flestar tilnefningar, eða sjö tals-
ins, til Golden Globe-verðlaunanna
sem veitt eru árlega í Hollywood fyrir
kvikmyndir og sjónvarpsefni. Mynd-
in var meðal annars tilnefnd sem
besta dramatíska kvikmyndin og
Brad Pitt og Rinko Kikuchi fengu til-
nefningar fyrir leik í myndinni. Þá er
leikstjóri myndarinnar, Alejandro
Gonzalez Iñarritu, tilnefndur sem
besti kvikmyndaleikstjórinn.
Myndirnar The Queen, Bobby, The
Departed og Little Children voru
einnig tilnefndar sem bestu drama-
myndirnar. Sem bestu gaman- eða
söngvamyndir voru tilnefndar Borat:
Cultural Learnings of America for
Make Benefit Glorious Nation of
Kazakhstan, The Devil Wears Prada,
Dreamgirls, Little Miss Sunshine og
Thank You for Smoking.
Cruz tilnefnd fyrir Volver
Tilnefningar til Golden Globe-
verðlauna eru fjölmargar enda eru
flokkarnir fjölbreytilegir. Meðal ann-
ars fékk Helen Mirren þrjár tilnefn-
ingar; fyrir að leika Englandsdrottn-
ingarnar Elísabetu I og Elísabetu II,
þá fyrrnefndu í sjónvarpsþáttum og
þá síðarnefndu í myndinni The
Queen. Hún var einnig tilnefnd fyrir
leik sinn í sjónvarpsþáttunum Prime
Suspect: The Final Act.
Leonardo DiCaprio fékk tvær til-
nefningar fyrir leik í dramamyndun-
um Blood Diamond og The Departed.
Hann keppir um verðlaun í þeim
flokki við Peter O’Toole, sem er til-
nefndur fyrir leik sinn í Venus, Will
Smith, sem er tilnefndur fyrir The
Pursuing of Happyness, og Íslands-
vininn Forest Whitaker, sem hlýtur
tilnefningu fyrir The Last King of
Scotland.
Það kemur svo fæstum á óvart að
spænska þokkadísin Penélope Cruz
skuli vera tilnefnd fyrir leik í kvik-
myndinni Volver, en hún hefur verið
sterklega orðuð við Óskarsverðlaunin
fyrir frammistöðu sína. Hún etur
kappi um verðlaunin við Judi Dench
(Notes on a Scandal), Maggie Gyllen-
haal (Sherrybaby), Kate Winslet
(Litle Children) og svo Mirren.
Golden Globe-verðlaunin verða af-
hent við hátíðlega athöfn í Los Angel-
es 15. janúar nk.
Tilnefnt til Golden Globe
Babel með flestar tilnefningar. Helen Mirren með þrjár
Reuters
Drottningin Helen Mirren er sannkölluð drottning Golden Globe-verðlaun-
anna með þrjár tilnefningar, m.a. fyrir að leika tvær drottningar.
Vinsæll Borat er tilnefnd sem besta
gamanmyndin og Cohen fyrir bestu
frammistöðu í mynd af því tagi.
Tvítilnefndur DiCaprio hlýtur tvær
tilnefningar í ár fyrir leik sinn í sitt
hvorri dramamyndinni.
Líkleg Penélope Cruz er tilnefnd
fyrir leik sinn í kvikmynd Pedros
Almodóvars, Vovler.
Umtöluð Nýjasta mynd Mels Gib-
sons, Apocalypto, er tilnefnd sem
besta myndin sem ekki er á ensku.
Sjóræningi Johnny Depp er til-
nefndur fyrir bestu frammistöðu
karlleikara í grínmynd á árinu.