Morgunblaðið - 19.12.2006, Blaðsíða 11

MORGUNBLAÐIÐ ÞRIÐJUDAGUR 19. DESEMBER 2006 11
KERTALJÓS 4 teg.
Einstök vinargjöf,
fyrir allan aldur.
Verð aðeins kr. 1.650.-
KRINGLUNNI
FALLEG
www.tk.is
JÓLAGJÖF
gæða postulín
ÚTSALA - ÚTSALA
Jólagjöfina færðu hjá okkur
með 40-80% afslætti
Opnunartími fyrir jól
Virka daga frá kl. 10.00-18.00
Laugardaga frá kl. 10.00-16.00
Lokað á Þorláksmessu
Síðumúla 13
108 Reykjavík
Sími 568 2870
www.friendtex.is
Dæmi um verð: Áður Nú
Vafin túnika 4.700 2.300
Úlpa 7.600 2.900
Kúrekastígvél 6.700 2.900
Pils 5.400 1.500
Stór skyrta 5.300 1.990
Herrabolur 3.200 1.600
Peysa 6.900 2.900
Mikið úrval af eldri fatnaði á 990 kr.
Nú 2 fyrir 1
Eftir Elvu Björk Sverrisdóttur og
Silju Björk Huldudóttur
ENGINN þeirra tæplega 60 flug-
umferðarstjóra, sem ekki hafa ráðið
sig til Flugstoða ohf., nýs opinbers
hlutafélags sem tekur til starfa um
áramótin, nýtti sér sjötta frestinn
sem þeim var veittur til þess að ráða
sig til starfa hjá félaginu, en frestur-
inn rann út klukkan 14 í gærdag.
„Við munum bregðast við þessu á
viðeigandi hátt og gera þær ráðstaf-
anir sem þarf til að innanlandsflugi
verði haldið áfram sem og flugi milli
Íslands og annarra landa,“ segir
Þorgeir Pálsson, flugmálastjóri og
verðandi forstjóri Flugstoða ohf.
Aðspurður hvað slíkar breytingar
feli í sér segir Þorgeir ljóst að þjón-
ustustigið muni breytast um ára-
mótin og ekki vera jafn sveigjanlegt
og það er í dag. „Það þýðir að menn
fá ekki jafn sveigjanlegar flugleiðir
eða flughæðir og þeir fá í dag, en að
sjálfsögðu verður flugöryggið áfram
tryggt,“ segir Þorgeir og tekur fram
að þetta muni fela í sér einhverja
óhagkvæmni fyrir flugfélög. Að sögn
Þorgeirs verður unnið að því að auka
þjónustustigið aftur í framtíðinni.
Spurður hvort það sé hægt án þess
að fjölga flugumferðarstjórum svar-
ar Þorgeir því neitandi.
Spurður hvort til greina komi að
semja við erlenda aðila um að taka
að sér flugumferðarstjórnina í ís-
lenskri flughelgi segir Þorgeir að
slíkt sé ekki inni í myndinni. „Okkar
markmið hefur alltaf verið og er að
halda þessari þjónustu hér í landi.“
Tekur hann þó fram að hugað verði
að auknu samstarfi við erlenda aðila.
Spurður hvort til greina komi að
ráða erlenda flugumferðarstjóra til
starfa hérlendis segist Þorgeir ekki
geta svarað því á þessari stundu, en
tekur fram að verið sé að skoða alla
möguleika í þessum efnum.
Loftur Jóhannsson, formaður Fé-
lags íslenskra flugumferðarstjóra,
segist telja þá hugmynd að færa ís-
lenska flugumferðarstjórn til ná-
grannaríkjanna fáránlega. Verði af
slíku sé farið „gjörsamlega á svig við
yfirlýstan tilgang laganna um að
stofna þetta hlutafélag sem var að
passa að þessir aðilar, sem þeir ætla
nú að fara að semja við, fengju ekki
svæðið“. Svo virðist sem menn séu
fremur reiðubúnir til þess að semja
við erlenda aðila en við eigið starfs-
fólk. Ef til vill hafi í raun „alltaf verið
stefnt að því að láta þessi stóru fyrir-
tæki í kring taka við flugumferðar-
stjórninni á íslenska flugstjórnar-
svæðinu“.
Fá stuðning að utan
Loftur bendir á að veltan í ís-
lenskri flugumferðarþjónustu sé
sennilega um þrír milljarðar á ári, ef
bæði er talið úthafssvæðið og flug-
stjórnarsvæðið hér innanlands. Það
sé ótrúlegt að það eigi að „henda
þremur milljörðum út í hafsauga og
öllu sem fylgir, öllum hliðargeir-
unum sem fylgja þessari starfsemi,
bara til þess að gera ekki kjara-
samning við flugumferðarstjóra“,
segir Loftur. Af hálfu flugumferðar-
stjóra snúist málið um kjör. Það snú-
ist um lífeyrisréttindi og líka um
breytingar á túlkun ákveðinna at-
riða í kjarasamningum, en flug-
umferðarstjórar fara m.a. fram á að
ákvæði í kjarasamningnum um
vaktaálag, sem þeir fá ekki í dag,
verði virkjað.
Að sögn Lofts hafa íslenskir flug-
umferðarstjórar sett sig í samband
við félaga sína erlendis vegna máls-
ins og segir hann að þar eigi þeir vís-
an stuðning ef á þurfi að halda.
Ekki inni í myndinni að
færa þjónustuna úr landi
Morgunblaðið/Brynjar Gauti
Óleyst Enn er óljóst hvernig flugumferðarstjórn á íslenska flugstjórnarsvæðinu verður háttað eftir áramótin.
Í HNOTSKURN
»Um 60 flugumferðarstjórarhafa ekki ráðið sig til starfa
hjá Flugstoðum, nýju opinberu
hlutafélagi, sem tekur til starfa
um áramót.
»Að sögn verðandi forstjóraFlugstoða ohf. verður þjón-
ustustiginu í íslenskri flughelgi
breytt um áramótin með þeim af-
leiðingum að ekki fást jafnsveigj-
anlegar flugleiðir og áður.
»Stefnt er að því að auka sam-starfið við erlenda aðila.
Skortur á flugumferð-
arstjórum til starfa hjá
Flugstoðum leiðir til
breytinga á þjónustu-
stiginu. Að sögn flug-
málastjóra er ekki inni í
myndinni að færa þjón-
ustuna alfarið úr landi.













 
















  




FJÖGUR til átta heimili á Kjalar-
nesi urðu síma- og netsambandslaus
í kjölfar umferðarslyss seint á föstu-
dagskvöld. Þá missti ökumaður
stjórn á bifreið sinni með þeim af-
leiðingum að hún hafnaði utan vegar
og á símakassa. Viðgerð Símans á
símakassanum hófst í gær og var
lokið um miðjan dag.
Íbúi sem Morgunblaðið hafði sam-
band við sagðist hafa hringt í Símann
á laugardagsmorgun vegna málsins
en fengið þau svör að þar væri verið
að bíða og sjá hversu margir kvört-
uðu. Síðdegis sama dag hringdi íbú-
inn aftur og var því þá svarað að að-
eins fjórir hefðu kvartað yfir
símasambandsleysi og því yrði ekk-
ert að gert fyrr en eftir helgi. Auk
þess gæfi Síminn sér alltaf þrjá til
fimm daga til slíkra viðgerða.
Gröfur og vinnuflokk þurfti
Eva Magnúsdóttir, upplýsinga-
fulltrúi Símans, segir að á laugar-
dagskvöldið hafi kvartanir farið að
berast Símanum vegna málsins en
samband í heimasíma hafi rofnað á
4–8 heimilum. Bilunin hafi verið þess
eðlis að þurft hafi „gröfur og vinnu-
flokk til þess að gera við“. Eva segir
að hefði viðgerðin verið minna mál
og mögulegt fyrir þann sem var á bil-
anavakt á laugardagskvöldið að
ljúka henni hefði strax verið gert við.
Hún bætir við að þegar bilanir verði
sé ástandið ávallt metið.
Ekki nógu
margir
kvörtuðu
Eftir Silju Björk Huldudóttur
silja@mbl.is
STARFSMENN þjónustu- og
rekstrarsviðs Reykjavíkurborgar
sjá ástæðu til þess að brýna fyrir
eldri borgurum að hleypa ekki ætl-
uðum starfsmönnum þjónustumið-
stöðva borgarinnar inn í húsakynni
sín nema þeir framvísi starfs-
mannakorti með nafni og mynd.
Að sögn Sigtryggs Jónssonar,
framkvæmdastjóra þjónustumið-
stöðvar Miðborgar og Hlíða, er til-
efni þessa uppákoma sem varð um
síðustu helgi þegar eldri kona í
miðborginni varð fyrir þeirri
óskemmtilegu reynslu að ókunnug-
ur gestur bankaði upp á hjá henni
og þóttist vera frá félagsþjónust-
unni. Segir hann konunni ekki hafa
orðið meint af heimsókninni, en
hún hafði sjálf samband við lög-
regluna í framhaldinu. Aðspurður
sagðist hann ekki vita hvort búið
væri að kæra atvikið.
Fulltrúar koma aldrei
fyrirvaralaust í heimsókn
Að sögn Sigtryggs hefur þjón-
ustumiðstöð Laugardals- og Háa-
leitis boðið upp á svokallaðar
skipulagðar heimsóknir til aldraðra
frá því í haust. Þannig hefur íbúum
80 ára og eldri, sem ekki eru með
þjónustu á vegum borgarinnar,
bréfleiðis verið boðið upp á kynn-
ingu á þjónustu Reykjavíkurborg-
ar. Hafni viðkomandi ekki kynn-
ingunni fær hann heimsókn frá
fulltrúa þjónustumiðstöðvarinnar
skömmu síðar samkvæmt sam-
komulagi beggja aðila. „Okkur
grunar að einhver hafi komist yfir
slíkt bréf og ákveðið að misnota
það með þessum hætti,“ segir Sig-
tryggur og leggur áherslu á að sér-
fræðingar á vegum þjónustumið-
stöðvanna fari aldrei í heimsóknir
til aldraðra borgarbúa fyrirvara-
laust, ávallt sé haft samband áður
símleiðis þar sem samið er um
tímasetningu heimsóknar og nafn
þess sem fari í heimsóknina gefið
upp fyrirfram.
„Allt okkar starfsfólk sem fer í
slíkar heimsóknir er síðan með
kennikort merkt Reykjavíkurborg
ásamt nafni og mynd.“ Aðspurður
hvort borist hafi ábendingar eða
kvartanir um önnur sambærileg
tilfelli segist Sigtryggur ekki hafa
heyrt af því.
Óvænt heimsókn
Hvetja eldri borgara til þess að krefjast þess að sjá starfs-
mannakort starfsmanna þjónustumiðstöðva borgarinnar