Morgunblaðið - 19.12.2006, Blaðsíða 21
MORGUNBLAÐIÐ ÞRIÐJUDAGUR 19. DESEMBER 2006 21
SUÐURNES
Eftir Svanhildi Eiríksdóttur
Keflavík | „Þegar ég sótti ferming-
arfræðslu hér í kirkjunni fann ég að
guðfræðin átti við mig og þegar ég
horfði á prestinn hugsaði ég með
mér að þetta væri starf sem ég gæti
hugsað mér. Ég stefni enn að því að
verða prestur,“ sagði Erla Guð-
mundsdóttir guðfræðinemi, sem í
sumar var ráðin í nýtt starf hjá
Keflavíkurprestakalli sem æsku-
lýðsfulltrúi, í samtali við Morg-
unblaðið.
Undanfarin átta ár hefur Erla
Guðmundsdóttir og fjölskylda henn-
ar búið í Danmörku. Erla og eig-
inmaður hennar Sveinn Ólafur
Magnússon kjötiðnaðarmaður héldu
utan þegar Erla var tvítug með eina
ferðatösku og bjuggu í 14 fermetra
húsnæði. Af tali Erlu heyrist að
þeim leið vel í Danmörku þrátt fyrir
rýran kost, einnig eftir að þeim
fæddist dóttirin Helga fyrir 4 árum.
Henni fannst ekki síður áhugavert
að kynnast Íslendingum erlendis og
segir að það sé allt önnur reynsla en
að kynnast hér heima. Þau voru hins
vegar ákveðin í að flytja heim á
þessu ári, hjón með eitt barn og
gám.
Fyrir tilviljun hafði Erla rekist á
starfsauglýsingu um æskulýðsfull-
trúa í Keflavíkurprestakalli, á
heimasíðu Keflavíkurkirkju. Hún
sótti um, starfsviðtalið fór fram í
gegnum síma og starfið var hennar.
Erla tyllti sér niður með blaðamanni
á fremsta bekk í Keflavíkurkirkju til
að ræða um starfið, menntun sína og
reynslu.
„Mér finnst mikil forréttindi að fá
að starfa í þessu fallega húsi. Mér
finnst þetta svo falleg kirkja og auk
þess er ég alin upp hér í sunnudaga-
skólanum hjá Ragnari Snæ (Karls-
syni) og Málfríði (Jóhannsdóttur).
Ég hef alla tíð verið trúuð þó að ég
sé ekkert alin upp í miklu trú-
arumhverfi heima fyrir en ömmur
mínar kenndu mér bænir sem ég bið
enn. Þegar ég sagði svo frá því í
fermingarfræðslunni að ég væri að
fermast af því að ég trúði á guð var
mér strítt,“ sagði Erla sem lét þá
reynslu þó ekki aftra sér frá því að
fara í nám í guðfræði við Kaup-
mannahafnarháskóla. „Það blundaði
í mér að læra guðfræði og eftir einn
vetur í fjölmiðlafræði í háskólanum í
Hróarskeldu ákvað ég að skipta yfir
þar sem ég fann að fjölmiðla-
fræðinámið hentaði mér ekki. Ég
lærði guðfræði í 4 ár en til að geta
fengið embættispróf hér á landi þarf
ég að meðal annars að taka íslenska
kirkjusögu. Verið er að meta námið
mitt í Danmörku en ég ætla í háskól-
ann eftir áramót með vinnunni.“
Finnur að börnin vita margt
Erla segir þörfina á æskulýðsfull-
trúa mikla. Til að mynda hafi upp-
haflega hugmyndin verið sú að
Njarðvíkursókn væri að ákveðnu
marki inni í starfinu en um áramót
mun Erla sinna Njarðvíkursókn
aukalega. „Ég er nú enn að finna
mig í þessu nýja starfi og móta það.
Ég hef öðlast reynslu af svona starfi
þar sem ég sá um barnastarfið fyrir
íslenska söfnuðinn í Kaupmanna-
höfn.“ Auk þess að stjórna sunnu-
dagaskólanum og mömmumorgnum
innan kirkjunnar fer Erla í hverri
viku í grunnskólana þrjá í Keflavík
og fjóra leikskóla mánaðarlega til að
ræða við börnin um Jesú, manninn
sem boðaði að allir ættu að vera vinir
sama hvernig aðstæður þeirra væru.
„Börnin eru mjög opin fyrir þessari
fræðslu og ég finn að þau vita margt.
Þau vilja líka fá ákveðin svör og eru
mjög dugleg við að spyrja, til dæmis
í sambandi við dauða Jesú og ég
heyri að þau tengja kirkjuna mikið
við dauðann. Margar athugasemdir
þeirra og spurningar eru yndislegar
og ég skrifa þær allar hjá mér.“
Erla sagðist jafnframt finna að
fólk tiplaði svolítið á tánum kringum
trúna og sumir héldu jafnvel að boð-
berar trúarinnar, eins og hún, væru
að kristna þá sem ekki væru
kristnir. Erla segir það hins vegar af
og frá, hún sé einungis að fræða
börnin um þá trú sem flest þeirra
séu skírð til. „Það er á ábyrgð kirkj-
unnar að fara út á meðal fólks, en
ekki bíða eftir því að allir komi hing-
að. Hér fer hins vegar fram margs-
konar starf sem kannski ekki margir
vita um, nema þeir sem nýta sér
þjónustuna. Það er hins vegar þörf
fyrir að opna kirkjuna og að því
langar mig til að vinna. Ég sé til
dæmis möguleika á auknu samstarfi
við KFUM og K, sem er leik-
mannahreyting innan þjóðkirkj-
unnar, og tengja leikskólana betur
við kirkjuna á páskum, sem er að-
alhátíð kirkjunnar. Leikskólarnir
skiptast á að sjá um helgileiki í
kirkjunni á jólum en jólasveinarnir
vilja stela svolítið athygli barnanna
á þeim tíma. Fólk gleymir líka
stundum kirkjunni sinni þar til
klukkan sex á aðfangadag.“
Heldur að jólin
snúist um afmælið sitt
Jólin eiga alltaf eftir að skipa sér-
stakan sess í huga Erlu, ekki ein-
göngu út af trúnni og því starfi sem
hún gegnir heldur vegna þess að á
aðfangadag fyrir 4 árum fæddi hún
stúlkubarn, einkabarnið Helgu.
Erla sagði að það hefði verið mikil
lífsreynsla og jafnvel forréttindi að
fá að fæða barn á þessum degi. Dótt-
irin lítur líka á jólin öðrum augum
en gengur og gerist. „Helgu finnst
jólin snúast í kringum sig. Súkku-
laðidagatalið er til þess að telja dag-
ana niður að afmælinu hennar en ég
er mjög hörð á því að hún gleymi
ekki boðskap jólanna. Við höfum
alltaf afmæli á aðfangadag til klukk-
an 4 og þá förum við að undbúa jólin.
Maðurinn minn ákvað um leið og
hún kom í heiminn að hún skyldi fá
afmælispakka í afmælispappír, það
yrði sunginn afmælissöngur og að
hún skyldi ekki gleymast í jólaund-
irbúningnum. Fólk talar mikið um
að hún eigi sama afmælisdag og
Jesú og hún spáir mikið í því hvort
hann mæti í afmælið hennar og hvað
hann sé gamall. En hún er að læra
það núna að þetta er maðurinn sem
kenndi okkur að vera vinir. Núna
bíður hún bara eftir því að jóla-
sveinninn komi í afmælið hennar.“
Þörf fyrir að opna kirkjuna meira
Morgunblaðið/Svanhildur Eiríksdóttir
Jólastelpan Helga telur niður dagana að afmæli sínu en móðir hennar,
Erla Guðmundsdóttir, sér til þess að hún gleymi ekki boðskap jólanna.
Erla Guðmunds-
dóttir starfar sem
æskulýðsfulltrúi við
Keflavíkurkirkju
Eftir Arnheiði Guðlaugsdóttur
Strandir | Unnið var að fjöl-
breyttum verkefnum á brautargeng-
isnámskeiði sem Impra hélt. Tutt-
ugu konur útskrifuðust á þremur
stöðum, á Akureyri, Hólmavík og í
Vík í Mýrdal. Kennsla fór fram sam-
tímis á öllum stöðunum, með fjar-
fundarbúnaði.
Átta konur útskrifuðust á Hólma-
vík. Þetta er í þriðja sinn sem At-
vinnuþróunarfélag Vestfjarða í sam-
starfi við Impru hefur umsjón með
framkvæmd slíks námskeiðs á Vest-
fjörðum en Kaldrananeshreppur og
Strandabyggð veittu einnig stuðning
til verksins.
Viktoría Rán Ólafsdóttir er verk-
efnastjóri ATVEST á Hólmavík og
leiðbeindi þátttakendum á námstím-
anum sem stóð í samtals 70 klukku-
stundir og var eingöngu ætlað kon-
um. „Lögð var áhersla á að
þátttakendur kynntust grundvall-
aratriðum um stofnun fyrirtækja og
þeim þáttum sem snúa að fyrir-
tækjarekstri svo sem stefnumótun,
markaðsmálum og fjármálum. Í lok
verkefnisins höfðu þátttakendur
skrifað viðskiptaáætlun og kynnst
því hve áætlanagerð er mikilvæg við
undirbúning að stofnun og rekstri
fyrirtækja.“ Viktoría segir það hafa
sýnt sig að mikil þörf er á slíkum
vettvangi fyrir konur sem eru að
stíga sín fyrstu skref í viðskiptalíf-
inu. Í framhaldi veitir Atvinnuþró-
unarfélag Vestfjarða síðan áfram
ráðgjöf eftir eðli verkefna hverju
sinni.
Mikil fjölbreytni var í þeim verk-
efnum sem unnin voru eins og við-
skiptahugmynd að minjagripafram-
leiðslu, hestaferðum, ferðaþjónustu,
útgáfu, kertaframleiðslu auk hand-
verks og ullarvinnslu.
Hugmynd að vikublaði
Tvær kvennanna fengu sérstakar
viðurkenningar. Kristín Sigurrós
Einarsdóttir fyrir vel unna við-
skiptaáætlun og Dagrún Magn-
úsdóttir fyrir áhugaverða viðskipta-
hugmynd. Dagrún er bóndi í
Laugarholti í Ísafjarðardjúpi og
hugmynd hennar byggist á frekari
þróun og markaðssetningu á hesta-
ferðum. Kristín Sigurrós er kennari
við grunnskólann á Hólmavík auk
þess að vera fréttaritari Morg-
unblaðsins á staðnum. Í mati dóm-
nefndar um verkefnið hennar segir
meðal annars að vinnubrögð séu
metnaðarfull og greint sé ítarlega
frá fyrirhugaðri starfsemi og mark-
miði. Kristín segir námskeiðið hafa
verið bæði skemmtilegt og hagnýtt
og eigi að hennar dómi eftir að nýt-
ast sér mjög vel en hún er með hug-
mynd að útgáfustarfsemi.
„Þetta er í rauninni hugmynd sem
ég hef verið að móta í nokkur ár en
hefði ekki farið svona langt með
nema vegna þátttöku á þessu nám-
skeiði. Hugmynd mín gengur út á
það að gefa út vikublað í lit sem
dreift yrði um alla sýsluna. Ég tel að
með því að stunda öflugt markaðs-
starf með þátttöku fyrirtækja og
stofnana á svæðinu, auk fyrirtækja
sem koma hingað reglulega, geti
vikublað staðið undir sér. Þá er ótal-
ið allt félags- og menningarlíf sem
gæti nýtt sér slíkan miðil. Ég hef
hugsað mér að gera markaðs-
greiningarkönnun á næstunni með
því að senda spurningalista til allra
fyrirtækja í sýslunni.“
Kristín segir að með við-
skiptaáætluninni hafi hún séð þetta í
samhengi og komist að því hversu
mikil vinna er við stofnun fyrirtækis.
Hún taldi það einnig hafa verið mjög
gagnlegt að kynnast hugmyndum
annarra þátttakenda sem sumar
hverjar eru orðnar að veruleika.
Fjölbreyttum hugmyndum
unnið brautargengi
Morgunblaðið/Arnheiður Guðlaugsdóttir
Hugmynd Gunnlaugur Sighvatsson, formaður at-
vinnumálanefndar Strandabyggðar, afhendir Dag-
rúnu Magnúsdóttur viðurkenningu.
Impra útskrifar
konur af braut-
argengisnámskeiði
Morgunblaðið/Jónas Erlendsson
Viðurkenning Tvær fengu viðurkenningar í Vík í Mýrdal,
Guðrún Sigurðardóttir og Þuríður Vala Ólafsdóttir. Með
þeim er Sædís Íva Elíasdóttir stjórnandi námskeiðisins.
Kópasker |
Guðmundur
Magnússon í
Magnavík
fékk hvatn-
ingarverð-
laun menn-
ingardaga
sem haldnir
eru árlega í
upphafi að-
ventu. Er
þetta í annað
sinn sem
þessi verð-
laun eru veitt.
Fyrirtæki Guðmundar, Magnavík,
sér svæðinu frá Tjörnesi til Raufar-
hafnar fyrir háhraða nettengingu og
vinnur að því að koma á tenginum í
Þistilfirði. Fyrir þetta framtak fær
Guðmundur hvatningarverðlaunin.
Fyrirtækið hefur Guðmundur byggt
upp í hjáverkum í þrjú ár.
Fær hvatn-
ingu menn-
ingardaga
Hvatning Guðmundur
Magnússon með skjalið.
Akranes | Ný verslun Krónunnar
var opnuð í verslanamiðstöðinni
Skaganum við Dalbraut 1 á Akra-
nesi um helgina.
Húsnæði Skagans er í eigu fast-
eignafélagsins Smáragarðs ehf.
sem er í eigu Norvíkur hf. sem á
verslunarkeðjuna. Í miðstöðinni
sem er liðlega 5.000 fermetrar að
stærð hefur nú þegar verið opnuð
BT-verslun og veitingastaðurinn
Subway en þar mun Glitnir og Tón-
listarskóli Akraness verða opnaður
á næstunni sem og fleiri verslanir.
Krónan opnuð
í Skaganum
LANDIÐ
♦♦♦