Morgunblaðið - 19.12.2006, Blaðsíða 33
MORGUNBLAÐIÐ ÞRIÐJUDAGUR 19. DESEMBER 2006 33
FORSTÖÐUMAÐUR veiðiráðgjaf-
arsviðs Hafrannsóknastofnunar hefur
ítrekað komið fram fyrir
skjöldu og haldið því
fram að stór hætta sé á
að íslenski þorskstofn-
inn sé við það að hrynja.
Í haust var það í
tengslum við umræðu
um þorskstofninn í
Norðursjó þar sem hann
hélt því fram að ým-
islegt væri hliðstætt
með ástandi íslenska
þorskstofnsins og þorsk-
stofnsins í Norðursjó
sem hann sagði að væri
við það að deyja út.
Fyrir ári hélt hann fram svipaðri
fullyrðingu um hrun íslenska þorsk-
stofnsins í tengslum við 40 ára afmæl-
isráðstefnu Hafró. Til vitnis um voveif-
legt ástand var kallaður til vitnis
heimsþekktur og – að sögn Hafró –
virtur vísindamaður, Ransom A.
Myers, sem var sérstakur hátíð-
argestur 40 ára afmælisráðstefnu
Hafró. Vísindamaðurinn og heið-
ursgestur Hafró gegnir prófess-
orsstöðu við háskólann Dalhousie og
eru dæmi um að sérfræðingar Hafró
hafi verið í framhaldsnámi undir leið-
sögn hans. Á ráðstefnu Hafró kynnti
hann rannsóknir á hvorki meira né
minna en 364 fiskistofnum um allan
heim til þess að svara grundavall-
arspurningum í líffræði. Flestum Ís-
lendingum sem fylgjast með hafrann-
sóknum ætti að vera ljóst að verkefni
heiðursgests Hafró hafi verið ærið þar
sem íslenskum fiskifræðingum hefur
ekki tekist að byggja upp þorskstofn-
inn í liðlega 20 ára gömlu kvótakerfi en
nú er þorskaflinn helmingi minni en
fyrir daga kerfisins. Árangursleysið er
algjört við að byggja upp fiskistofna,
það eru ískaldar staðreyndir.
Nú virðist sem forstöðumaður veiði-
ráðgjafarsviðs Hafró sé að snúa við
blaðinu í viðtali sem birtist í Morg-
unblaðinu hinn 11. desember sl. þar
sem hann tekur heils hugar undir með
Jóni Kristjánssyni fiskifræðingi um að
spá um hrun fiskistofna heimsins árið
2048 byggist á vafasömum vísindum og
hafi verið beita til að hafa áhrif á fjöl-
miðla og þar með álit almennings.
Það sem kom ekki fram í umfjöllun
Morgunblaðsins er að erlenda gagn-
rýnin sem sérfræðingur Hafró tók heils
hugar undir beindist fyrst og fremst að
umræddum heiðursgesti Hafró, Ran-
som Myers, þar sem hann hefur verið
staðinn að því að störf
hans og ályktanir beri
miklu frekar merki um
trúarbrögð en vísindi, þ.e.
að athuganir hans og
ályktanir beri með sér að
það eigi að komast að fyr-
irframákveðinni nið-
urstöðu.
Þess ber að geta að sá
sem staðinn var að verki
við að blekkja fjölmiðla
var einmitt lærisveinn
heiðursgests Hafró.
Hafði lærifaðirinn lesið
yfir blekkingarvefinn og
gert „gagnlegar“ athugasemdir við
fræðin.
Það virðist sem Hafró sé í þann
mund að endurskoða afstöðu sína til
þessara fræða um hrun og uppbygg-
ingu fiskistofna og taka að einhverju
leyti undir með Jóni Kristjánssyni
fiskifræðingi um að það gildi svipuð
lögmál um fiskistofna og aðra dýra-
stofna náttúrunnar.
Skyldi sjávarútvegsráðherra, Einar
Kristinn Guðfinnsson, bregðast við
með einhverjum hætti, maður sem áð-
ur stýrði fyrirtæki og er þar að auki al-
inn upp í sjávarþorpi sem hefur farið
illa út úr óstjórn fiskveiða síðustu ára-
tuga?
Hvað gerir ráðherra
með falsvísindin?
Sigurjón Þórðarson fjallar um
fiskveiðar og stofnstærð » Það virðist semHafró sé í þann
mund að endurskoða af-
stöðu sína til þessara
fræða um hrun og upp-
byggingu fiskistofna…
Sigurjón Þórðarson
Höfundur er þingmaður
Frjálslynda flokksins.
Jólasöfnun
Mæðrastyrksnefndar Reykjavíkur
er hafin
Þeir sem vilja leggja nefndinni lið vinsamlega
hafið samband á skrifstofutíma í síma 551 4349
eða á netfangið maedur@simnet.is.
Einnig er hægt að leggja framlög inn á reikning
nr. 0101-26-35021, kt. 470269-1119.
Mæðrastyrksnefnd Reykjavíkur, Hátúni 12b.
SKEIFAN 3E-F · SÍMI 581-2333
WWW.RAFVER.IS
Hinir vinsælu
gel-arnar
komnir aftur
Viður eða gler
Ýmsir litir í boði
Auðveld uppsetning
Hægt að staðsetja
nánast hvar sem er
Lyktarlaus bruni
Reykháfur óþarfur !
Bókin sem allir eru að tala um
- og þú verður að lesa!
„Ég ætlaði ekkert að lesa hana, bara að þefa
af henni eins og maður gerir við flestar bækur
á þessum árstíma. En það var eitthvað við
upphafið (...) sem laðaði mig inn í bókina uns
ég gat ekki hætt að lesa. Flott verk.“
Silja Aðalsteinsdóttir á tmm.is
„Með betri ævisögum íslenskra stjórnmálaleiðtoga.
Opinská, fróðleg, áhrifarík og umfram allt skemmti-
leg. Ég mæli sterklega með þessari bók.“
Guðmundur Steingrímsson
á gummisteingrims.blog.is
Einlæg og átakamikil ævisaga sem
lætur enganósnortinn
2. SÆTI Á BÓKSÖLULISTANUM
- ævisögur og endurminningar
28. nóv. til 4. des.
4. PRENTUN Á LEIÐ Í VERSLANIR
HÚN var undarleg þulan sem
Hjálmar Sveinsson las yfir hlust-
endum á Rás eitt sl.
laugardagsmorgun.
Það var íslenska
krónan sem Hjálmar
beindi spjótum sínum
að. Vafalaust hefur
fleirum en mér
blöskrað að maður
sem hefur dag-
skrárgerð að atvinnu
skuli leyfa sér að
fjalla um margþætt
og umdeilt viðfangs-
efni á svo yfirborðs-
legan hátt, rétt eins
og aðeins sé á því ein
hlið. Skoðum því aðra hlið á þeim
peningi.
Krónan hefur vissulega verið í
sviðsljósinu seinustu mánuðina
vegna þess að gengi hennar ofreis
á árinu 2005 en seig svo aftur í
vor og sumar. Nú er gengið aftur
komið í eðlilegt horf að flestra
áliti. Sveiflurnar og óstöðugleikinn
sem þeim hefur fylgt valda þó
vissulega óþægindum og gremju.
En krónan sjálf á þar litla sök.
Ástæða gengissveiflunnar var of-
þensla í hagkerfinu vegna mestu
stóriðjuframkvæmda í Íslandssög-
unni og kraftmikil innkoma bank-
anna á íbúðalánamarkað. Gengi
krónunnar er hita-
mælirinn sem sveifl-
ast eftir aðstæðum í
íslensku efnahagslífi.
Það er út í bláinn að
skammast út í hita-
mælinn. Vandamál af
þessu tagi hverfa ekki
þótt hitamælirinn
hverfi. En geng-
isaðlögun í samræmi
við taktinn í íslensku
efnahagslífi er mikils
virði.
Svo var að heyra að
áróðursþula Hjálmars
á Rás eitt byggðist á grein sem
birtist í Viðskiptablaðinu 13. des.
sl. undir fyrirsögninni Krónan í
kreppu – er markaðurinn að
henda henni út? Þar er því haldið
fram í inngangi að íslenski mark-
aðurinn noti erlend lán í sívaxandi
mæli. En þegar greinin er lesin
kemur á daginn að fyrirsögn
blaðsins er eins konar „platfrétt
eða ekki frétt“. Því að blaðið leitar
frétta hjá forstöðumönnum grein-
ingardeilda KB-banka og Lands-
banka sem svara því til að mark-
aðshlutdeild krónunnar í lána- og
bankakerfinu hafi ekkert breyst
frá því sem verið hefur nú um
nokkurt skeið. Að sjálfsögðu eru
lán í erlendri mynt á Íslandi ekk-
ert nýmæli. Og hitt eru heldur
engin tíðindi að íslensk fyrirtæki
sem sum eru að meiri hluta með
starfsemi sína erlendis geri upp
reikninga sína í erlendri mynt.
Það er formsatriði sem engu máli
skiptir og full rök eru fyrir.
Enginn skyldi ímynda sér að ís-
lenska krónan sé eina myntin sem
sveiflast. Dollarinn hefur fallið
heilmikið á þessu ári eða um 10–
12% gagnvart pundi og evru. Og
evran féll um nærri 30% á rúmu
ári snemma á þessum áratug án
þess að nokkrum dytti í hug að
halda því fram að þessi draumadís
ESB-sinna sé „handónýt“ eins og
nú er í tísku að segja um krónuna.
Þeir sem harðastan áróður reka
gegn krónunni mættu líka hafa í
huga að aldrei í sögunni hafa út-
lendir fjárfestar borið svo mikið
traust til krónunnar sem nú á
þessu ári því að þeir hafa fest fé
sitt í skuldabréfum sem erlend
fyrirtæki hafa gefið út í íslenskum
krónum og nema nú um 300 millj-
örðum króna (ýmist nefnd krónu-
bréf eða jöklabréf). Enda þótt
krónan félli í sumar létu þessir er-
lendu fjárfestar eins og ekkert
væri og lítil ókyrrð var merkj-
anleg á þeim markaði. Þetta bend-
ir nú ekki beinlínis til að krónan
sé jafn „handónýt“ og sumir vilja
vera láta.
Í miðju moldviðrinu sem gengið
hefur yfir íslensku krónuna kom
hingað maður sem nefndur hefur
verið „guðfaðir evrunnar“, Róbert
A. Mundell. Hann lét þess getið í
viðtali við Morgunblaðið, nokkrum
dögum eftir að hann var gerður að
heiðursdoktor í hagfræði við Há-
skóla Íslands, að hann teldi „ekki
ráðlegt fyrir Íslendinga að taka
upp evru heldur eigi að notast við
núverandi fyrirkomulag og sjá
hvað setur“. (Mbl. 26/10/06) Ekki
sáu Hjálmar Sveinsson dag-
skrárgerðarmaður eða greinarhöf-
undur Viðskiptablaðsins ástæðu til
að geta þessa í umfjöllun sinni um
krónuna og var þó þar á ferð sá
sem ætti að vita hvað hann syng-
ur.
Það er tilgangslaust að
skamma hitamælinn
Ragnar Arnalds skrifar um ís-
lensku krónuna » Gengi krónunnar erhitamælirinn sem
sveiflast eftir aðstæðum
í íslensku efnahagslífi.
Ragnar Arnalds
Höfundur er formaður Heimssýnar,
hreyfingar sjálfstæðissinna í Evrópu-
málum.
Af hverju að bíða og bíða eftir stóra vinningnum þegar þú getur unnið
fyrir öllu sem þig langar að eignast? Það eina sem þú þarft að gera
er að bera út blöð í 1-3 tíma á dag.
Besta aukavinna sem þú getur fundið og góð hreyfing í þokkabót!
Hringdu núna og sæktu um í síma 569 1440 eða á mbl.is!
Sæktu um blaðberastarf
– alvörupeningar í boði!
smáauglýsingar mbl.is