Morgunblaðið - 19.12.2006, Blaðsíða 27
Fáðu fréttirnar
sendar í símann þinn
úr bæjarlífinu
MORGUNBLAÐIÐ ÞRIÐJUDAGUR 19. DESEMBER 2006 27
Gangið úr skugga um að undirlag kerta
sé og kertaskreytinga óbrennanlegt
Munið að slökkva
á kertunum
i l
Slökkvilið Höfuðborgar-
svæðisins
Mikið rót hefur verið í bæjarlífinu
á Selfossi undanfarnar vikur eftir
að meirihlutasamstarf í bæj-
arstjórninni fór út um þúfur. Tals-
menn listanna sem þar slitu sam-
stafi eru ekki alveg á einu máli
um það hvað það var sem gerði að
verkum að upp úr slitnaði, en þó
má merkja að það hafi verið
skipulagsmál sem vógu þungt.
Hafa ásakanir gengið á víxl og
ýmis orð verið sögð sem betur
hefði ekki verið og aðdróttanir
hafðar uppi um óeðlileg tengsl
bæjarstjórn-
armanna við aðila í
viðskiptum, allt
gert til þess að
vekja tortryggni.
Þessi umræða hef-
ur ekki verið sann-
færandi og alls ekki
bæjarstjórninni til
sóma. Niðurstaða
hennar er samt ein-
föld, það voru
greinilega ekki
heilindi á milli sam-
starfsaðilanna, þeir
treystu greinilega
ekki hvor öðrum.
Eigi gott samstarf
að takast þarf að ríkja traust á
milli forystumanna og þeir þurfa
að geta talast við af heilindum og
vera tilbúnir að virða skoðanir og
áherslur samstarfsaðilans. Fyrst
og fremst þurfa aðilar að vera
ákveðnir í því að komast að sam-
eiginlegri niðurstöðu í þeim mál-
um sem snerta hag sveitarfé-
lagsins og íbúa þess. Til þess eru
þeir kosnir og þeim ber að hafa
hag heildarinnar í huga án þess þó
að ganga á svig við réttindi íbú-
anna þegar stór mál eins og skipu-
lagsmál koma til umfjöllunar og
afgreiðslu.
Íbúar á Selfossi, í Árborg allri
og nágrannasveitarfélögum bíða
þess með óþreyju að ríkisstjórnin
og samgönguráðherra kveði upp
úr með það hvort Suðurlandsveg-
urinn milli Reykjavíkur og Selfoss
verði tvöfaldaður og lýstur. Það er
mikil áhersla lögð á það að náð
verði fram sem fullkomnustu ör-
yggi á veginum. Í dag verður
kveikt á lýsingu í kringum minn-
ingarkrossana við Kögunarhól.
Þeir minna vegfarendur á hættuna
sem vegfarendur eru í þegar þeir
fara um Suðurlandsveg og minna
þá á að aka varlega. Krossarnir
minna líka á nauðsyn þess að ná
fram fullkomnu öryggi á Suður-
landsvegi sem öðrum vegum. Við
getum ekki sætt okkur við allar
þær fórnir sem verða í umferðinni
og getum því teygt okkur langt til
þess að ná því markmiði að
tryggja örugga umferð.
Aðventan er tími íhugunar en um
leið er á þessum tíma mikið kapp-
hlaup í kringum hin efnislegu
gæði og allir hamast við að kaupa
og hlaupa til þess að gera allt
klárt fyrir helgina miklu. Það er
samt alltaf svo að hinn eini sanni
jólafriður er í hjarta hvers og eins
og nauðsynlegt fyrir fólk að finna
þann frið. Það eru líka sannindi að
mesta glíma hvers og eins er glím-
an við sjálfan sig, langanir og
þrár. Það er því eftirsóknarvert
markmið að verða sáttur við sjálf-
an sig og sínar gjörðir í eigin þágu
og annarra.
Sælla er að gefa en þiggja.
Þessi orð bera í sér mikil sann-
indi, einkum þegar þess er minnst
að gjafir þurfa ekki alltaf að vera
efnislegar. Í þessari síðustu viku
aðventunnar er rétt að hvetja fólk
til að gefa af sér á þann hátt sem
hverjum og einum er tamast og
hann er sáttur við, til þeirra sem
þurfa á því að halda. Bestu jóla-
kveðjur eru sendar héðan frá Sel-
fossi með góðum jólaóskum.
ÁRBORG
Sigurður Jónsson