Morgunblaðið - 19.12.2006, Blaðsíða 20

20 ÞRIÐJUDAGUR 19. DESEMBER 2006 MORGUNBLAÐIÐ
AKUREYRI
Morgunblaðið/Skapti Hallgrímsson
„Sletta“ Máttlausum höndum er slengt til ótt og títt þessi dægrin.
Eftir Skapta Hallgrímsson
skapti@mbl.is
UPPÁTÆKI barna og unglinga eru
margskonar; sumt kemst í tísku
tímabundið en annað festir sig í
sessi. Nú virðist í gangi á Akureyri
„æði“ sem felst í því að „sletta hendi“
eins og það er kallað. Þykir flott, en
er ekki mjög sniðugt að mati hjúkr-
unarfræðings eins grunnskólans,
sem varar við uppátækinu. Svo
rammt kveður að í sumum tilfellum,
að fingur fara úr liði án þess að
krakkar geri sér grein fyrir því hvað
er á seyði.
Máttlausri hönd er sveiflað; Katr-
ín Friðriksdóttir hjúkrunarfræðing-
ur í Brekkuskóla lýsir uppátækinu
þannig: „þau slengja henni eins og
þau væru að slá úr klút. Við þetta
heyrast smellir“.
Katrín segir að í haust hafi borið á
því að nemendur kvörtuðu við hana
vegna liðverkja, en hún ekki áttað
sig á því hvers kyns var fyrr en
kennari við skólann sagði henni frá
því hvernig krakkar slengdu hend-
inni í tíma og ótíma, því ekki sögðu
þau henni frá því og hafa líklega ekki
tengt verkina við „slettuna“. Enda
virki athæfið saklaust við fyrstu sýn.
Enginn virðist vita hvaðan þetta
uppátæki er ættað. Barn sem Morg-
unblaðið spurði í gær hafði heyrt að
„einhver frægur karl“ hefði gert
þetta fyrst!
Katrín segir þetta hafa byrjað í
unglingadeildum í haust en hún viti
að krakkar allt niður í 3. bekk séu
komin með áverka á liði í höndum og
úlnliðum. „Liðböndin slakna og
bólgubreytingar verða í liðum. Börn-
in verða laus í liðunum. Þegar svo er
komið dunda þau við að toga sig úr
liði og smella til baka,“ segir hún.
„Afleiðingarnar eru alvarlegar
þegar til lengri tíma er litið. Hæfni
handar verður takmörkuð. Afl hand-
ar minnkar og kalk sest síðar meir í
liðina sem afleiðing af stöðugum
bólgubreytingum.“
Vegna þess hefur hún viljað vekja
athygli foreldra á uppátækinu og
sendi þeim bréf. Starfssystir Katr-
ínar í a.m.k. einum öðrum grunn-
skóla bæjarins hefur nú einnig sent
foreldrum það bréf. Katrín segir að
þegar hendi sé slengt svona til mjög
oft slakni á liðböndum, hún hafi séð
krakka sem geti snúið allavega upp á
fingurna og það þyki flott, að sögn.
Þá smellur í liðunum og dæmi eru
um að fingur fari úr liði án þess að
krakkar geri sér í raun grein fyrir
því. Fingurinn verði að vísu ein-
kennilegur en með því að ýta á
ákveðinn punkt fari hann aftur á
sinn stað.
„Sletta hendi“ þannig að
fingur fara jafnvel úr liði
Í HNOTSKURN
»Nú virðist í gangi á Akur-eyri „æði“ sem felst í því
að „sletta hendi“ eins og það
er kallað. Þykir flott, en er
ekki mjög sniðugt að mati
hjúkrunarfræðings.
» „Börnin verða laus í lið-unum. Þegar svo er komið
dunda þau við að toga sig úr
liði og smella til baka.“
Morgunblaðið/Skapti Hallgrímsson
SEX verkalýðsfélög í Eyjafirði af-
hentu á dögunum Mæðrastyrks-
nefnd Akureyrar styrk að upphæð
965.000 kr. Björg Hansen Jóns-
dóttir veitti styrknum viðtöku fyrir
hönd Mæðrastyrksnefndarinnar.
Í ávarpi við athöfnina lýsti Guð-
mundur Ómar Guðmundsson, for-
maður Félags byggingamanna
Eyjafirði, þakklæti fyrir hönd fé-
laganna sex fyrir þá gæfu að eiga
að þær elskulegu konur sem í
Mæðrastyrksnefndinni starfa og
eru tilbúnar að leggja mikla vinnu
af mörkum til þess að rétta hjálp-
arhönd þeim sem á þurfa að halda
til þess að geta búið sér og sínum
gleðilega jólahátíð.
Fyrsti úthlutunardagur nefnd-
arinnar að þessu sinni var síðasti
föstudagur. Björg Hansen segir að
mikið hafi verið að gera hjá nefnd-
inni og þörfin væri „mikil, of mikil“.
Rétt er að vekja athygli á því að
Mæðrastyrksnefnd Akureyrar að-
stoðar fólk um allan Eyjafjörð og
starfar allan ársins hring þótt
mestu annirnar séu nú eins og jafn-
an áður í kringum jólahátíðina. Þó
svo að auglýstur sé ákveðinn tími til
umsókna vegna aðstoðar fyrir jólin
munu konurnar í Mæðrastyrks-
nefndinni ekki neita fólki sem á að-
stoð þarf að halda og hefur sam-
band eftir auglýstan tíma.
Félögin sem færðu nefndinni
styrk í dag voru Eining-Iðja, Félag
byggingamanna Eyjafirði, Félag
málmiðnaðarmanna Akureyri, Fé-
lag verslunar- og skrifstofufólks
Akureyri og nágrennis, Sjómanna-
félag Eyjafjarðar og Verkstjóra-
félag Akureyrar og nágrennis.
Myndin var tekin við afhend-
inguna. Frá vinstri: Björn Snæ-
björnsson, Konráð Alfreðsson, Há-
kon Hákonarson, Björg Hansen,
Guðmundur Ómar Guðmundsson
og Úlfhildur Rögnvaldsdóttir.
Eggert Jónsson, formaður Verk-
stjórafélags Akureyrar, gat ekki
verið viðstaddur afhendinguna.
Milljón til Mæðra-
styrksnefndar
AUSTURLAND
Seyðisfjörður | Annálar Fram-
sóknarflokksins greina frá því að
stofnskrá flokksins hafi verið
undirrituð 16. desember 1916, en
áður verið haldnir fundir á Austur-
landi og Suðurlandi þar sem stofn-
un flokksins var undirbúin.
Framsóknarfélagið á Seyðisfirði
sendi Morgunblaðinu eftirfarandi
frásögn í tilefni af 90 ára afmæli
Framsóknarflokksins.
„Sagan segir að seint í nóvem-
bermánuði 1916 gerðist það að all-
margir þingmenn, sem voru á leið
til þings, urðu að bíða nokkra daga
vegna veðurs á Seyðisfirði eftir
skipsferð. Fimm þessara þing-
manna komu sér saman um að
mynda nýjan þingflokk. Voru það
þeir Sigurður Jónsson á Ystafelli,
Sveinn Ólafsson í Firði, Jón Jóns-
son á Hvanná, Þorsteinn M. Jóns-
son og Einar Árnason á Eyrar-
landi. Héldu þeir nokkra fundi á
Seyðisfirði og ákváðu að stofna
nýjan þingflokk.
Þegar fimmmenningarnir, sem
bundist höfðu samtökum á Seyðis-
firði, voru stignir á land í Reykja-
vík náðu þeir svo fljótt er þeir gátu
samböndum við þá þingmenn sem
þeim þóttu líklegastir til að ganga í
þingflokk þann er þeir höfðu komið
sér saman um að stofna og höfðu í
raun stofnað á Seyðisfirði.
Fyrsta bókaða fundargerð
flokksins er frá 16. desember, en
þann fund má með réttu lagi skoða
sem framhaldsstofnfund. Flokkur-
inn tók sér nafnið Framsóknar-
flokkur. Með vísan í framanritað
liggur fyrir að Framsóknarflokk-
urinn fæddist á Seyðisfirði í nóv-
embermánuði 1916. Nú þegar
flokkurinn okkar er 90 ára þykir
okkur rétt að minna á þessa stað-
reynd um leið og við óskum honum
til hamingju með tímamótin og
þökkum honum fyrir dygga og
trausta þjónustu fyrir íslenska
þjóð í áraraðir. Megi heill og ham-
ingja fylgja flokknum okkar og
framsóknarmönnum um land allt í
framtíðinni.
Seyðisfirði 16. desember 2006.“
Undir þetta rita þau Þorvaldur
Jóhannsson, Jónas Hallgrímsson,
Jóhann Hansson, Þórdís Bergs-
dóttir, Sigurður Jónsson, Vilhjálm-
ur Jónsson, Sigurður Ormar Sig-
urðsson, Ingibjörg Svanbergs-
dóttir, Sigurður Eyjólfsson, Vil-
hjálmur Hjálmarsson, Páll Vil-
hjálmsson, Jóhann Jónsson,
Sigríður Stefánsdóttir og Friðrik
Aðalbergsson.
Ályktað um mikilvægasta
samgöngumálefnið
Þá gera forystumenn flokksins á
Seyðisfirði svofellda ályktun:
„Framsóknarfélag Seyðisfjarð-
ar skorar hér með á bæjarstjórn
Seyðisfjarðar og alþingismenn
kjördæmisins að taka nú upp þráð-
inn að nýju varðandi jarðganga-
gerð frá Eskifirði gegnum Norð-
fjörð, Mjóafjörð og Seyðisfjörð til
Fljótsdalshéraðs, til að skapa sam-
félagslega heild á Austurlandi.
Ekki verður lengur unað við þá
kyrrstöðu sem ríkt hefur varðandi
þetta mikilvæga verkefni.
Vísað er til ótal ályktana og sam-
þykkta sem gerðar hafa verið á
undanförnum áratugum varðandi
þetta mikilvægasta samgöngu-
málefni Austurlands og landsins
alls.“
Nú er því spurning hvort Fram-
sókn þarf að endurrita sögu sína að
hluta með tilliti til upphafsins.
Fimm veðurtepptir þingmenn ákváðu að stofna nýjan þingflokk
Framsóknarflokkurinn varð
til á Seyðisfirði árið 1916
Morgunblaðið/Sverrir
Elstur og yngst Vilhjálmur Hjálmarsson 92 ára og Guðrún Sif Gísla-
dóttir 16 ára voru meðal þingfulltrúa á flokksþingi Framsóknar í haust.
Í HNOTSKURN
»Fimm þingmenn sem veð-urtepptir voru á Seyðisfirði
í nóvember árið 1916 ákváðu
að mynda nýjan þingflokk og
heldur Framsóknarfélag Seyð-
isfjarðar því fram að þar hafi
flokkurinn því verið stofnaður.
»Því hafi verið um fram-haldsstofnfund að ræða 16.
desember 1916.
»Framsóknarfélagið áSeyðisfirði skorar á bæjar-
stjórn Seyðisfjarðar og þing-
menn kjördæmisins að taka
upp þráðinn varðandi jarð-
gangagerð á Mið-Austurlandi.
Höfn | Héraðsfréttablaðinu Eystrahorni
verður dreift endurgjaldslaust inn á öll
814 heimili Austur-Skaftafellssýslu frá og
með áramótum og því hætt að selja það í
áskrift og lausasölu.
Útgefendur blaðsins segja þessa kú-
vendingu gerða til að mæta þeim breyt-
ingum sem orðið hafi í fjölmiðlaheiminum
undanfarin ár, með auknu framboði á
hverskonar ókeypis efni. Einnig sé verið
að svara kalli auglýsenda um aukna dreif-
ingu blaðsins, en Íslandspóstur mun sjá
um hana.
Ekki er gert ráð fyrir breytingum á út-
liti eða efnistökum blaðsins. Það verður
aðgengilegt á Netinu áfram.
Eystrahorn kom fyrst út árið 1983.
Eystrahorni dreift
frítt á nýju ári
Höfn | Í tilefni 60 ára
afmælis Skinneyjar-
Þinganess hf. hefur fé-
lagið áhuga á að koma
að byggingu knatt-
spyrnuhúss á Höfn með
a.m.k. 60 milljóna króna
framlagi. Á laugardag
afhenti Gunnar Ásgeirs-
son, stjórnarformaður
Skinneyjar-Þinganess
hf., Árna Rúnari Þor-
valdssyni, forseta bæjarstjórnar, bréf þar
að lútandi.
Í bréfinu kemur fram að stjórn félagsins
hafi rætt um að í tilefni afmælisins væri
við hæfi að leggja fjármuni til uppbygg-
ingar mannvirkja sem efldu samfélagið.
Rætt hefur verið í kjölfar þessa um að
Sveitarfélagið Hornafjörður og Skinney-
Þinganes taki nú höndum saman og byggi
knattspyrnuhús í líkingu við það sem reist
var við Kaplakrika í Hafnarfirði, m.a. til
afnota fyrir knattspyrnufélag bæjarins.
Vilja gefa a.m.k.
60 milljónir í
knattspyrnuhús
Íshokkí Á Óslands-
tjörninni við Höfn.