Morgunblaðið - 19.12.2006, Blaðsíða 26

daglegt líf
26 ÞRIÐJUDAGUR 19. DESEMBER 2006 MORGUNBLAÐIÐ
Hjálpræðisherinn býðursennilega til stærstumatarveislu landsins áaðfangadagskvöld en á
því helga kvöldi leggja leið sína um
150 manns í Herkastalann og fagna
fæðingu frelsarans. „Suma sjáum
við aðeins í þetta eina sinn á ári
hverju. Það er fjöldi fólks í sam-
félaginu sem á enga fjölskyldu eða
er af einhverjum ástæðum ekki í
samskiptum við fjölskyldu sína og
þeir koma margir hingað ár eftir ár.
Borðhaldið hér á aðfangadagskvöld
er hluti af þeirra jólahaldi,“ segir
Anne Marie Reinholdtsen, majór í
Hjálpræðishernum. „Aðrir eiga
tímabundið um sárt að binda og leita
til okkar og að sjálfsögðu skjótum
við yfir þá skjólshúsi. Við vísum eng-
um á dyr en það er oft þröngt setið
þetta kvöld í Herkastalanum,“ segir
hún og brosir.
Hjálpræðisherinn er alþjóðleg ev-
angelísk hreyfing og hluti af hinni al-
mennu kirkju. Anne Marie segir
boðskapinn byggjast á Biblíunni.
„Þjónustan er knúin af kærleika til
Guðs. Verkefni hersins er að boða
fagnaðarerindið um Jesú Krist og
mæta í hans nafni mannlegri neyð
án þess að mismuna fólki.“
Snorri Þór Snorrason segist vera
til vitnis um það. „Hjálpræðisherinn
hefur gert svo gífurlega mikið fyrir
mig. Ég kynntist samfélaginu í
hernum fyrir nokkrum árum þegar
ég hafði gengið í gegnum mikla erf-
iðleika og raunar glatað lífslöng-
uninni. Hér upplifði ég óskilyrtan
kærleika, trú, samheldni, vinskap og
væntumþykju fólks og hef síðan þá
verið samherji. Ég á Hjálpræð-
ishernum mikið að þakka.“
Í sama streng tekur Gísli Már
Helgason sem hefur verið hvorki
meira né minna en 33 ár í hernum.
„Ég var sjúklingur á Kleppsspítala
þegar ég fyrst kynnist hernum og
síðar bjó ég á vistheimilinu Bjargi
sem Hjálpræðisherinn hefur átt og
rekið síðan 1968 en það er heimili
fyrir geðfatlaða. Starfið í Hjálpræð-
ishernum hefur gefið mér ró, þar er
stórt og gott heimili,“ segir hann og
brosir. Undir það tekur Jón Brynjar
Jónsson sem nýlega var vígður sem
samherji. „Hér er gott fólk og her-
inn er orðinn stór hluti af lífi mínu.“
Og í desember er nóg að gera því
þá er fjáröflunarstarfið fyrir starf-
semina í fullum gangi. „Við erum
með söfnunarkassa bæði í Kringl-
unni og Smáralind og þar er hann
Kare okkar Morken, sem margir
kannast við og hingað kemur nú frá
Noregi á hverju ári í desember til
þessa verkefnis, í fullum herskrúða
að selja Herópið. Það gefum við út
tvisvar á ári en ágóði af sölu þess
rennur einnig til hjálparstarfsins. Þá
fara tekjur af gistiheimilinu, sem við
rekum hér við Kirkjustrætið, og af
fatamarkaði Hjálpræðishersins til
þess að hjálpa þeim sem til okkar
leita, en auk þess styðja okkur og
styrkja fjölmörg fyrirtæki í hjálp-
arstarfinu, t.d. með matargjöfum,“
segir hin norska Anne Marie sem
hefur búið hér með hléum í rúma
þrjá áratugi og talar lýtalausa ís-
lensku. „Ég bjó síðast hér á landi í
kringum 1990 og hef verið hér núna í
rúm þrjú ár. Mér finnst sem fleiri
leiti nú aðstoðar Hjálpræðishersins
en áður og að bilið á milli ríkra og fá-
tækra í samfélaginu hafi á þessu
tímabili breikkað. Bæði ríkidæmið
og fátæktin er miklu greinilegri en
áður. Fátækt er vissulega afstæð en
það er að mörgu leyti erfiðara að
vera fátækur í ríku landi en í fá-
tæku.“
Á aðfangadagskvöld munu jóla-
ljósin enn einu sinnu verða tendruð í
herkastalanum og ólíkir ein-
staklingar sameinast í fallegri kvöld-
máltíð sem svo sannarlega er í anda
Jesú Krists og kærleikans. Það er
ótrúlegt hverju 50–100 manna her
hjálpræðis fær áorkað.
Morgunblaðið/Árni Sæberg
Samheldin Jón Brynjar, Snorri, Kim, Anne Marie og Gísli Már eru m.a. að undirbúa stóra veislu í Herkastalanum á aðfangadagskvöld..
Herinn sameinar fólk
á aðfangadagskvöld
Yfirforingi Anne Marie er majór í
hernum og hefur helgað líf sitt á
fullorðinsárum starfinu.
Hann er eini herinn sem
eftir er á Íslandi og starf-
ar bæði í sátt við Guð og
menn. Hermenn Hjálp-
ræðishersins og sam-
herjar hans taka heldur
ekki þátt í stríði nema því
eilífa – að reyna að gera
þennan heim betri og
hjálpa sínum minnstu
bræðrum og systrum.
Unnur H. Jóhannsdóttir
fór í heimsókn í
Herkastalann.
Hermaður Gísli Már hefur verið í hernum í 33 ár. “Ég var hermaður þar til
fyrir fjórum árum að ég ákvað vegna versnandi heilsu að verða samherji
því þeirri stöðu fylgja minni skyldur.“
Hjálpræðisherinn Mætir mann-
legri neyð í nafni Jésú Krists.
TENGLAR
.....................................................
www.herinn.is
Á laugardag var gamnast meðþað í bundnu máli að Davíð
Hjálmar Haraldsson hefði falið sig
undir borði þegar Hallmundur
Kristinsson trésmiður vann í sama
húsi. Kristján Eiríksson leggur út
af því og leitar í smiðju Davíðs frá
Fagraskógi:
Hann fann það gegnum svefninn
að einhver ruddist inn
með ópi og hamar sinn
og vissi það var smiður
með smíðatólin stinn.
Hann út um húsið óð
svo ærðust menn og fljóð
og barði börnin góð –
meðan orti hann undir borði
öll sín bestu ljóð.
Hálfdan Ármann Björnsson,
Hlégarði, orti:
Þennan kveðskap meta má,
margur verður glaður.
Skemmtilega skjótast á
skáld og timburmaður.
Rúnari Kristjánssyni á
Skagaströnd þykir lítið jólalegt um
að litast í veröldinni:
Í heiminum er stöðugt stríð,
stungið fólk og skotið.
Sífellt þrengt að svöngum lýð,
sérhvert lögmál brotið.
Magnar þunga mannkyns raun
misréttið í öllu.
Jafnvel íslensk ofurlaun
ýta á hættubjöllu!
VÍSNAHORN
Af skáldi og timburmanni
pebl@mbl.is
Klapparstíg 44 - sími 562 3614
Walkers jólavara í
fallegum umbúðum
Smjörkex
Mince Pies
Enskur jólabúðingur
Ensk jólakaka Kr. 1900
Kr. 995
Kr. 1300
Frá kr. 450
Frá kr
. 495
Opið kl. 10-22
alla daga til jóla