Morgunblaðið - 19.12.2006, Blaðsíða 48
|þriðjudagur|19. 12. 2006| mbl.is
staðurstund
Að mati Heiðu Jóhannsdóttur
er Deja Vu frumleg mynd, en
um leið eins og allar aðrar
lögguspennumyndir. » 57
dómur
Birta Björnsdóttir fjallar um
P.L. Travers, höfund Mary
Poppins, en hún lenti í deilum
við Disney. » 49
af listum
Matt Damon segir að Martin
Scorsese eigi skilið að fá Ósk-
arsverðlaun, en þau yrðu hans
fyrstu, ótrúlegt en satt. » 56
fólk
Jónas Sen brá sér á kórtónleika
Vox feminae í Hallgrímskirkju
og segir að um frábæra tónleika
hafi verið að ræða. » 50
tónlist
Nýlega var tekinn saman listi
yfir verstu jólamyndir allra
tíma og þar trónir ríkisstjórinn í
Kaliforníu á toppnum. » 52
kvikmyndir
Eftir Arnar Eggert Thoroddsen
arnart@mbl.is
AMPOP hefur þróast úr því að vera
tilraunakenndur rafdúett yfir í að
vera framsækið popp/rokk-tríó á
fjórum plötum. Sail to the Moon er
nýjasta varðan á þessu ferðalagi, þar
sem glúrnum lagasmíðum er pakkað
inn í eitt það glæsilegasta umslag
sem ég hef lengi séð. Kjartan F.
Ólafsson, hljómborðsleikari sveit-
arinnar og meginlagasmiður ásamt
Birgi Hilmarssyni, settist niður í
eldhúsinu mínu og ræddi við mig um
plötuna.
Tekið upp í Heita pottinum
Kjartan segir að vinna við plötuna
hafi í raun byrjað þegar þeir félagar
voru að leggja lokahönd á My Delu-
sions sem út kom í fyrra og þannig
hafi lagið „Gets me down“, sem nú er
í spilun, átt að fara þar inn en það
hafi þótt of „úthverft“ fyrir þá plötu,
sem var meira dul og einræn. „Ég
myndi segja að Sail to the Moon sé
opið verk, og fjölbreyttari en það
sem við höfum verið að gera áður.
Við ákváðum að stýra frá því að end-
urtaka okkur, og komum alveg
„hreinir“ að þessari vinnu.“ Með-
limir Ampop voru út um allar jarðir
síðasta haust; Kjartan í London,
Birgir í Skotlandi þar sem hann er
enn og Jón Geir Jóhannsson, trym-
bill, á Íslandi.
„Við hittumst þó alltaf reglulega í
gegnum tónleika sem við vorum að
halda; í Sviss, Frakklandi og Pól-
landi t.d.. Þetta er orðið miklu meira
band en það var, sjálfstraustið í
þeim efnum hefur vaxið mikið og það
flæði er að skila sér inn í lögin. Fyrir
mitt leyti var ég upptekinn af smáat-
riðum í hljóðvinnslu hér áður fyrr,
en nú er ég mun áhugasamari um
„lagið“ sem slíkt og ferlið sem lýtur
að því að semja.“ Platan var tekin
upp í Heita potti Flís tríósins og
Finns Hákonarsonar í lok sumars,
en undirbúningur fyrir upptökur fór
m.a. fram í Skálholti og á Seyðisfirði,
í kringum listahátíðina L.U.N.G.A.
„Eftirvinnslan er þó alltaf mikil í
okkar tilfelli og ég verð að nefna þátt
Arnars Helga (Plat) í þeirri vinnu,
en hann stýrði með okkur upptök-
unum. Í hljóðverinu má segja að
Arnar sé fjórði Ampopparinn, en
hann vann einnig náið með okkur við
gerð My Delusions.“
Ekkert ákveðið erlendis
Segja má að ákveðin skil hafi orðið
hjá Ampop með My Delusions, fyrri
plöturnar tvær, Made for Market
(2002) og Nature is not a Virgin
(2000) voru til muna rafrænni en
tvær þær nýjustu. Kjartan kann litl-
ar skýringar á þessu, aðrar en þær
að tónlistaráhugi þeirra félaga hafi
breyst að einhverju leyti með tím-
anum. Spilamennska á tónleikum
hafi þá haft sín áhrif, sumt af því
sem þeir voru að gera í upphafi lagði
sig illa að slíkum flutningi en sem
tríó séu þeir að ná æ betri tökum á
lifandi flutningi og það hafi m.a.
breytt því hvernig lagasmíðarnar
eru hugsaðar.
Sail to the Moon er gefin út af
Senu hérlendis en ekkert hefur verið
ákveðið með útgáfu erlendis segir
Kjartan. Ampop hafa þó náð eyrum
útlendinga í gegnum tíðina, og tit-
illag My Delusions var spilað nokkuð
í breska ríkisútvarpinu. Sveitin fer
nú utan í byrjun næsta árs, og mun
leika á tónleikum bæði í New York
og L.A.
„Ég hef góða tilfinningu fyrir
þessu öllu saman,“ segir Kjartan.
„Ég og Biggi erum nokkurs konar
fóstbræður, erum búnir að stússast í
þessu síðan við vorum táningar. Við
erum allir þrír mjög vinnusamir að
ég tel og ekki vantar áhugann, sem
er jafn mikill í dag og hann var í upp-
hafi.“
Stílhreinir „Við ákváðum að stýra frá því að endurtaka okkur, og komum alveg „hreinir“ að þessari vinnu,“ segir Kjartan.
Lögin fyrst og fremst
Hljómsveitin Ampop
hlaut nýliðaverðlaun á
Íslensku tónlistarverð-
laununum í fyrra þrátt
fyrir að hafa verið
starfandi um alllangt
skeið. Arnar Eggert
Thoroddsen bauð
Kjartani F. Ólafssyni
hljómborðsleikara Am-
pop í eldhússpjall þar
sem eitt og annað mús-
íktengt bar á góma.
MOZART-tónleikar Camerarctica
hafa verið fastur liður í aðven-
tuhátíðinni í yfir áratug og þykir
mörgum ómissandi að fá að setj-
ast inn í kyrrðina og kertaljósin á
síðustu dögum hennar og heyra
Camerarctica leika ljúfa tónlist. Á
þessu ári hefur verið haldið upp á
að 250 ár eru liðin frá fæðingu
Wolfgangs Amadeusar Mozart. Af
því tilefni leikur Camerarctica á
upprunahljóðfæri eins og þau sem
tíðkuðust á klassíska tímanum.
Á efnisskránni er eitt frægasta
kammerverk Mozarts, Kvartett
fyrir flautu og strengi í D-dúr,
Adagio fyrir klarinett og strengi
og Tríó fyrir strengi, einnig eftir
Mozart. Einnig verður leikinn
Kvartett fyrir klarinett og strengi
eftir samtímamann Mozarts, Karl
Stamitz.
Fyrstu tónleikarnir verða í
Hafnarfjarðarkirkju miðvikudag-
inn 20. desember og hefjast
klukkan 21. Næstu tónleikar eru í
Kópavogskirkju fimmtudaginn 21.
desember og loks leikur Camer-
arctica í Dómkirkjunni í Reykja-
vík föstudagskvöldið 22. desem-
ber. Tónleikarnir eru
klukkustundar langir og hefjast
allir klukkan 21.
Camerarctica skipa þau Hall-
fríður Ólafsdóttir flautuleikari,
Ármann Helgason klarinettuleik-
ari, Hildigunnur Halldórsdóttir
fiðluleikari, Svava Bernharðs-
dóttir lágfiðluleikari og Sigurður
Halldórsson sellóleikari.
Aðgöngumiðar eru seldir við
innganginn, nemendur og eldri
borgarar fá afslátt og ókeypis er
fyrir börn.
Árlegir kertaljósatón-
leikar Camerarctica
Hátíð Camerarctica hyggst að þessu sinni leika á upprunahljóðfæri á tón-
leikunum í tilefni að 250 ára dánarafmæli Wolfgangs Amadesu Mozart.