Morgunblaðið - 19.12.2006, Blaðsíða 29
Í brekkunum Cavalierhundurinn Máni er góður félagi Hildar. Yngri systir
hennar, Hafrún Lind, sem er sex ára er líka farin að fóta sig á skíðunum.
Jólin hjá Hildi Sigrúnu Guð-brandsdóttur verða meðóvenjulegra móti í ár. Húnverður ásamt þremur fé-
lögum úr skíðadeild Breiðabliks í
skíðaþjálfunarbúðum í Noregi yfir
hátíðarnar.
Hildur, sem er í 10. HT í Garða-
skóla, hefur stundað skíðaíþróttina í
sex ár, frá níu ára aldri og er ekkert
á þeim buxunum að hætta. „Það er
allt skemmtilegt við þetta,“ segir hún
með áherslu enda eins gott að hafa
slíkt viðhorf þar sem æfingapró-
grammið er stíft. „Við æfum þrek um
það bil fimm sinnum í viku og á vet-
urna förum við alltaf upp í fjall þegar
við getum. Það þyrfti þó að vera
miklu oftar,“ segir hún og vísar þar
til hins alræmda snjóleysis sem yf-
irleitt hrjáir íbúa höfuðborgarsvæð-
isins.
Hún segir þeim mun mikilvægara
að komast af og til í þjálfunarbúðir í
útlöndum þar sem snjórinn er næg-
ur. „Það er mjög gott að fara til Aust-
urríkis og Noregs að æfa. Núna för-
um við fjögur, sem æfum í flokki 15
ára og eldri með Breiðabliki, til
Gjeilo í Noregi. Ég hef einu sinni áð-
ur farið þangað en þá var ég bara yfir
áramótin. Að þessu sinni förum við
út 21. desember og komum aftur
heim 3. janúar. Ef maður vill fara til
útlanda að æfa án þess að sleppa
skólanum er eiginlega best að gera
það í jólafríinu. Svo byrjar skólinn
aftur um leið og við komum aftur
heim.“
Tekur pakka með
Hildi finnst ekki sérstaklega erfið
tilhugsun að vera fjarri vinum og
vandamönnum yfir hátíðirnar. „Ég
held það verði allt í lagi og bara
skemmtilegt.“ Hún bætir því við að
fjölskyldan sé að mestu leyti jákvæð
vegna uppátækisins. „Reyndar lang-
ar mömmu alveg að hafa mig heima.“
Hún segir hópinn ekki búinn að
skipuleggja hvernig jólahaldinu
verði háttað. „Við ætlum samt að
halda jól. Ætli maður taki ekki ein-
hverja pakka með sér og við borðum
eitthvað gott saman. Þetta verður
örugglega frábær ferð.“
Hvað framtíðina varðar veit Hild-
ur ekki alveg hvort hún muni leggja
skíðin fyrir sig. „Það verður bara að
koma í ljós og fer auðvitað eftir því
hvernig gengur. En þetta er frábært
sport.“
Í skíðabúðum
um jólin Morgunbladid /RAX
Skemmtilegt Hildur Sigrún Guðbrandsdóttir nýtur skíðaíþróttarinnar fram í fingur og tær.
Eftir Bergþóru Njálu Guðmundsdóttur
ben@mbl.is
tómstundir
MORGUNBLAÐIÐ ÞRIÐJUDAGUR 19. DESEMBER 2006 29
Opið þorláksmessu kl. 11-23, aðfangadag kl. 10-13.
Glæsilegt úrval jólagjafa
fyrir dömur og herra
Náttföt • Sloppar • Undirföt
Síðumúla 3, sími 553 7355
Opið til kl. 21.00
öll kvöld
Næg bílastæði