Morgunblaðið - 03.03.2007, Qupperneq 32

32 LAUGARDAGUR 3. MARS 2007 MORGUNBLAÐIÐ
UMRÆÐAN
KONUR í Samfylkingunni héldu
á dögunum fund þar sem þær
ræddu jafnréttismál. Flokkur jafn-
réttisins að eigin áliti, sem flaggar
nú eina ferðina enn „sögulega tæki-
færinu“ sem kjósendur hafa til þess
að gera konu að forsætisráðherra,
ákvað sem sagt að jafnréttismálin í
Samfylkingunni skyldu eingöngu
rædd af konum. Athyglisvert.
Annað sem vakti athygli í frá-
sögn af fundinum var umræða um
styttingu vinnuvikunnar. Formað-
ur flokksins greindi frá því í ræðu
sinni að flokkurinn myndi nú beita
sér fyrir því að stytta vinnuvikuna
til þess að gera vinnandi fólki auð-
veldara að samræma atvinnuþátt-
töku og fjölskylduábyrgð. Til árétt-
ingar sagði formaðurinn: „Mæður
sem eru plagaðar af þreytu, streitu
og samviskubiti eru ekki það sem
börnin okkar þurfa.“
Er það þá þannig að Samfylk-
ingin ætli að setja það markmið að
eingöngu vinnuvika mæðra verði
stytt? Eða fá feður í Samfylking-
unni einfaldlega ekki samviskubit?
Ragnheiður Elín Árnadóttir
Plagaðar mæður með
samviskubit
Höfundur er aðstoðarmaður
forsætisráðherra og frambjóðandi
Sjálfstæðisflokksins í
SV-kjördæmi
AÐ UNDANFÖRNU hefur um-
ræðan um hina svokölluðu sjúkrali-
ðabrú verið fyrirferðarmikil hvað
málefni sjúkraliða varðar. Dökk
mynd hefur verið dregin upp af
brúnni og fullyrðingum um eyðilegg-
ingu fagstéttarinnar verið fleygt
fram. Hins vegar hefur fáum þótt
ástæða til að tíunda þá miklu vinnu
sem unnin hefur verið á síðustu miss-
erum til uppbyggingar stéttarinnar í
heild. Vinnu sem stuðlar að betri
þekkingu og kjarabót sjúkraliða. Það
vill nefnilega svo til að daglega fer
fram vinna sem miðuð er til þess að
efla stéttina og hlutverk hennar á
sviði heilbrigðisþjónustunnar.
Mikill árangur hefur náðst nú þeg-
ar í málefnum sjúkraliða og sé litið til
baka er það auðséð. Sjúkraliðar hafa
náð langt á öllum sviðum, hvort sem
um er að ræða kjaramál eða mál
þekkingarlegs eðlis. Mig langar að
fara yfir nokkur atriði sem lýsa því
sem raunverulega er að gerast í
sjúkraliðafélaginu, en þar verður að-
eins stiklað á stóru.
Á síðustu vikum hef-
ur verið unnið hart að
stofnanasamningum
um allt land, þar sem
kjör félagsmanna eru
bætt til muna. Þarna
liggur að baki mikil
vinna samstarfsnefnda
og hafa fulltrúar
Sjúkraliðafélags Ís-
lands verið á ferðinni
um landið til þess að
koma málefnum fé-
lagsmanna í höfn. Má
þar nefna samninga við
Heilbrigðisstofnunina á Hvamms-
tanga, Heilbrigðisstofnunina í Vest-
mannaeyjum, Heilsugæsluna í
Reykjavík og Heilbrigðisstofnun
Austurlands svo eitthvað sé nefnt.
Ég hef skoðað marga af þessum
samningum og virðist mér sem um
mikla kjarabót sé að ræða í lang-
flestum tilfellum.
Nýlega festi SLFÍ kaup á viðbót-
arhúsnæði við Grensásveg sem fé-
lagið hefur að hluta til haft á leigu
undanfarin ár. Þörf stéttarinnar fyr-
ir símenntum og þjálfun trún-
aðarmanna og þörf fyrir fund-
araðstöðu fyrir
félagsmenn er þar að
mörgu leyti fullnægt.
Húsnæðið hentar mjög
vel fyrir fundar- og
samkomusal. Það er
mikið fagnaðarefni að
þetta húsnæði sé nú í
eigu félagsins og það
geti því ráðstafað því
betur í framtíðinni.
Varðandi þekkingu
og nám sjúkraliða á Ís-
landi er margt spenn-
andi í vændum. Fyrir
nokkru var farið að bjóða upp á sér-
hæft nám í hjúkrun aldraða fyrir
sjúkraliða, en það er tvær annir.
Upphaflega var eftirspurnin eftir
sérhæfðum sjúkraliðum bundin við
hjúkrunarheimili en nú hefur Land-
spítalinn sótt ítrekað eftir því að
hafa sjúkraliða með slíka menntun á
lyflækningadeildum sínum. Þetta er
mikil og góð framför, eflir stéttina til
muna og eykur gríðarlega þá fjöl-
breytni sem starf og nám sjúkraliða
hefur upp á að bjóða. Fræðslunefnd
félagsins er svo langt komin með að
boðið verði upp á svipað sérnám í
hjúkrun geðsjúkra, jafnvel á næstu
vorönn. Einnig hefur verið til um-
ræðu að boðið verði upp á sérnám
fyrir þá sem starfa við heima-
hjúkrun. Framtíðarsýn félagsins er
svo að boðið verði upp á sérnám á
sem flestum stigum hjúkrunar í
framtíðinni. Einnig má nefna
sjúkraliðabrúna sem er námsleið
fyrir ófaglærða starfsmenn er starfa
við umönnun. Sú námsleið hefur ver-
ið umdeild eins og komið hefur fram
en þess má geta að vinnuhópur var
settur á fót til þess að yfirfara hana
og er búist við niðurstöðum um mán-
aðamótin febrúar/mars. Námsleiðin
er hins vegar orðin að veruleika og
margir farnir að nýta sér hana.
Sjúkraliðafélag Íslands er á mik-
illi siglingu inn í framtíðina og er
það alrangt að verið sé að skerða
faglega þekkingu sjúkraliða. Það er
með ólíkindum að á meðan þetta
liggur borðliggjandi fyrir framan
hvern þann sem ber sig eftir upplýs-
ingum skuli ákveðinn hópur leggjast
í þá niðurbrotsvinnu sem neikvæð
umræða um sjúkraliðabrú hefur ver-
ið. Látum það liggja á milli hluta að
vart verði við einhverja óánægju
þegar slíkt nám er sett á fót. Að ráð-
ast hins vegar af slíkri heift á forustu
félagsins í kjölfarið er langt frá því
að vera sæmandi fyrir þá ein-
staklinga sem um ræðir. Unnið hef-
ur verið mikið og óeigingjarnt starf
fyrir hönd stéttarinnar og eiga
stjórn félagsins og stjórnir deilda
þess um allt land mikið hrós skilið.
Þetta eru spennandi tímar fyrir
sjúkraliða og framtíðin er björt hvað
málefni okkar varðar. Sjúkraliða-
starfið og möguleikarnir sem því
fylgja hafa sjaldan ef nokkurn tíma
verið eins miklir og aðlaðandi sem
nú. Jafnt fyrir starfandi sjúkraliða
sem allt það unga fólk sem nú skoðar
möguleika sína til framtíðar. Ég
skora því á alla sjúkraliða að standa
nú vörð um þá vinnu sem unnin hef-
ur verið, fagna fjölbreytileikanum og
vinna saman að enn betra umhverfi
fyrir sjúkraliða.
Björt framtíð sjúkraliða
Birkir Egilsson fjallar
um málefni sjúkraliða » Sjúkraliðafélag Ís-lands er á mikilli
siglingu inn í framtíðina
og er það alrangt að ver-
ið sé skerða faglega
þekkingu sjúkraliða.
Birkir Egilsson
Höfundur er sjúkraliði.
STÓRMERK tíðindi urðu í
Baugsmálum í Héraðsdómi þegar
Hreinn Loftsson stjórnarformaður
Baugs hélt því fram í viðtölum við
fréttamenn að „búið hefði verið til
andrúmsloft í þjóðfélaginu“ á
hendur Baugi og
hefði bara þurft einn
lítinn neista til að
kveikja bál. Hreinn
nefndi fréttaflutning
Morgunblaðsins; inn-
rásina í olíufélögin;
Svarta-Péturs um-
mæli Össuarar
Skarphéðinssonar í
þinginu; Jónínu
Benediktsdóttur og
Jón Gerald Sullen-
berger. Lögreglan
hefði látið stjórnast
af andrúmslofti í
þjóðfélaginu og ekki rannsakað
málið af hlutlægni.
Það verður ekki annað séð en ný
skýring sé komin fram á upphafi
Baugsmála. Það var andrúmsloft í
þjóðfélaginu sem skapaði jarðveg
fyrir innrásina í Baug, ekki sam-
særi. Það er alveg rétt hjá Hreini
að íslenskt samfélag logaði af
kjaftasögum um Baug og með
kæru Jóns Geralds á hendur feðg-
unum kviknuðu eldar
sem loga enn.
Til viðbótar ummæl-
um Hreins er vert að
hafa í huga leiðara
Fréttablaðsins sumarið
2005. Ritstjóri blaðsins
í eigu Baugs kvað
ásakanir um að lög-
regla væri handbendi
ráðamanna „fráleitar.
Við búum í réttarríki,“
skrifaði ritstjórinn og
hvatti til þess að látið
yrði af dylgjum. Loks
er rétt að benda á mildara orðalag
Jóns Ásgeirs í Héraðsdómi á dög-
unum þegar hann lét sér næga að
tala um pólitísk tengsl sem orsök
Baugsmála: pólitísk tengsl eru
langur vegur frá samsæri. Hið
furðulega er að þessi tíðindi hafa
alveg farið framhjá fjölmiðlum.
Hvernig stendur á því?
Hallur Hallsson skrifar
um Baugsmálið
Hallur Hallsson
»Niðurstaðan er þvísú, að það var and-
rúmsloft í þjóðfélaginu
sem skapaði jarðveg
fyrir innrásina í Baug,
ekki samsæri.
Höfundur er fyrrverandi fréttamaður.
„Andrúmsloft
kveikti elda,
ekki samsæri
AÐ undanförnu hefur Alcan í
Straumsvík hvatt Hafnfirðinga til að
kjósa með stækkun
Alcan í lok mars. En
þurfum við Hafnfirð-
ingar á þessari stækk-
un að halda? Þeir sem
tala með stækkun segja
að tekjur bæjarins auk-
ist mikið eftir stækkun
og þetta verði mikil
lyftistöng fyrir Hafn-
arfjörð. Þetta er alveg
rétt en með því að
breyta skattaákvæðum
sem Alcan hefur farið
fram á og fyrirtækið
fari að borga fasteigna-
gjöld, þá aukast tekjur bæjarins líka
án þess að til stækkunar komi. Við
stækkun mun mengun aukast og lífs-
gæði Hafnfirðinga versna. Á sama
tíma og verið er að tala um svif-
ryksmengun í höfuðborginni og að
hún hafi aldrei verið eins mikil og nú,
þá er verið að huga að stækkun á
mest mengandi fyrirtæki landsins.
Eigum við ekki frekar að huga að því
hvernig við minnkum mengun í stað
þess að auka hana?
Þó svo að forsvarsmenn Alcan tali
um að þeir séu með fullkominn
hreinsibúnað og að fyrirtækið sé
vottað umhverfisvænt
með ISO 14001 um-
hverfisstaðlinum þá
segir það ekki að það sé
laust við alla mengun.
Álver er einn mest
mengandi iðnaður sem
til er og vottun kemur
ekki í veg fyrir það.
Þessi vottun sem Alcan
er með er gott vott-
unarkerfi en það vottar
aðeins það að þeir huga
að umhverfismálum og
reyna að takmarka
mengunina af álverinu.
Frekar ætti að huga að því að
minnka mengun með því að hætta við
fyrirhugaða stækkun álversins og
takmarka þá mengun sem er nú þeg-
ar til staðar hjá Alcan. Samtökin
Hagur Hafnarfjarðar hafa haldið því
fram að fjöldi fyrirtækja í bænum
lendi í erfiðleikum ef ekki verði af
stækkun þar sem forsvarsmenn Alc-
an hafa hótað því að loka fyrirtækinu
ef þeir ná ekki því markmiði sínu að
stækka álverið.
En við eigum ekki að hlusta á
svona hótanir, Hafnfirðingar eru
miklu betur gefnir en það. Þetta fyr-
irtæki hefur starfað frá 1970 og mikil
framleiðsla er hjá því. Haldið þið
virkilega að fyrirtæki hætti störfum
þar sem framleiðsla gengur vel? Ég
held að svarið sé nei. Þetta er ekkert
annað en hótun sem ekki er hlustandi
á og hagsmunasamtökin Hagur
Hafnarfjarðar eru með hræðsluáróð-
ur sem taka skal með fyrirvara.
Hafnfirðingar, standið saman og
segið nei við stækkun álversins í
Straumsvík, það mun gera Hafn-
arfjörð að enn betri og vistvænni bæ.
Segjum nei við stækkun Alcan
Þórður Ingi Bjarnason
skrifar um stækkun
álvers í Straumsvík
»Álver er einn mestmengandi iðnaður
sem til er og vottun kem-
ur ekki í veg fyrir það.
Þórður Ingi Bjarnason
Höfundur er Hafnfirðingur og
nemi í ferðamálafræði við
Háskólann á Hólum.
FERÐAFÉLAG Íslands í sam-
starfi við Fornbílaklúbb Íslands
minnist hundrað ára afmælis Kon-
ungsvegarins með því að efna til forn-
bílaferðar fyrir almenn-
ing hinn 16. júní í
sumar. Fólk getur
keypt sér far í nokkrum
af þeim glæsivögnum
sem félagar í Forn-
bílaklúbbnum eiga. Þá
verður ekið í dagsferð
frá Reykjavík um Þing-
velli austur í Bisk-
upstungur og aftur suð-
ur en hluti af þessari
leið, Gjábakkavegur
milli Þingvalla og Laug-
arvatns, liggur einmitt í
vegarstæði gamla Kon-
ungsvegarins. Stansað verður á völd-
um stöðum og minjar um upp-
runalega veginn skoðaðar. Fróðir
leiðsögumenn munu rifja upp kon-
ungskomuna sem var stórmerkilegur
viðburður en hafði líka sínar
skemmtilegu hliðar í samskiptum
stórmenna og íslenskra alþýðumanna
þess tíma.
Friðrik konungur VIII kom til Ís-
lands árið 1907. Stór liður í undirbún-
ingi konungskomunnar var lagning
Konungsvegarins og er hann því eitt
hundrað ára um þessar mundir. Kon-
ungi var ætlað að aka í
léttikerru austur um
Þingvelli og Laug-
arvatn, upp að Geysi og
Gullfossi og síðan fram
Hrunamannahrepp og
Skeið, þaðan austur að
Þjórsá og loks aftur
suður til Reykjavíkur
um Hellisheiði. En fyrir
heimsókn konungs voru
eingöngu reiðgötur á
þessari leið ef frá eru
taldir sæmilega vagn-
færir kaflar milli
Reykjavíkur og Þing-
valla og frá Þjórsá og suður. Nú fór
það reyndar svo að Friðrik konungur
VIII var reiðmaður góður og ók aldr-
ei í þeim sérsmíðuðu hestakerrum
sem fengnar voru frá Englandi.
Lagning Konungsvegarins reyndi
ekki aðeins á þolgæði og útsjón-
arsemi vegargerðarmanna sem unnu
verk sitt með skóflu, haka og hest-
vagni heldur þurfti líka að seilast
djúpt í landssjóðinn en sennilega er
Konungsvegurinn dýrasti vegur sem
lagður hefur verið á Íslandi ef miðað
er við hlutfall af útgjöldum lands-
sjóðsins.
Það er verðugt verkefni að halda
minjum um Konungsveginn á lofti.
Það mætti gera með merkingum og
leiðarlýsingum og ekki væri amalegt
að heillegum hlutum vegarins væri
haldið opnum sem reiðleið og umferð
hjólandi og gangandi fólks. Leiðin
liggur um fagrar, skógivaxnar hlíðar
og víðsýni er mikið og landið er ríkt af
sögu.
Grein þessi er m.a. byggð á kafla í
Árbók FÍ 1998 eftir Gísla Sigurðsson,
fyrrverandi ritstjóra Lesbókar Morg-
unblaðsins. Sjá einnig nánar á
www.fi.is.
Fornbílar á 100 ára
Konungsvegi
Ólafur Örn Haraldsson
skrifar í tilefni af hundrað ára
afmæli Konungsvegarins
»Nú er öld liðin frákomu Friðriks kon-
ungs VIII og um leið er
Konungsvegurinn 100
ára. Ferðafélag Íslands
og Fornbílaklúbburinn
halda upp á afmælið.
Ólafur Örn Haraldsson
Höfundur er forseti Ferðafélags Íslands.