Morgunblaðið - 19.04.2007, Síða 1

STOFNAÐ 1913 105. TBL. 95. ÁRG. FIMMTUDAGUR 19. APRÍL 2007 PRENTSMIÐJA MORGUNBLAÐSINS mbl.is
E
N
N
E
M
M
/
S
ÍA
OPIÐ Í DAG
13-18
RÚSSÍBANASTJÓRI
MAÐUR ÞARF AÐ VERA PÍNU LÉTTGEGGJAÐUR
TIL AÐ TOLLA Í SVONA VINNU >> DAGLEGT LÍF
JUSTIN NEWMAN NÁÐI
LITLU ÚR TROMMUNUM
EKKI TRÚBADOR
AF ÍSLENSKUM ÆTTUM >> 62
RÚMLEGA 200 ára gamalt hús, Austurstræti
22, gjöreyðilagðist í stórbruna í miðborg
Reykjavíkur í gær og Lækjargata 2 sem var
reist fyrir meira en 150 árum stórskemmdist.
Saman mynduðu þessi hús eina elstu varðveittu
götumynd í Reykjavík og eitt helsta kennileiti
borgarinnar um langa hríð. „Mér finnst bæði
dapurt og sárt að þurfa að upplifa brunann og
átökin við eldinn og sjá smám saman þessar af-
leiðingar,“ sagði Vilhjálmur Þ. Vilhjálmsson
borgarstjóri í gær og mælti þar líklega fyrir
munn flestra.
Líklegt er talið að kviknað hafi í út frá loftljósi
í söluturni sem stendur á milli bygginganna og
þaðan breiddist eldurinn hratt út til beggja átta.
Milli 80 og 100 manns unnu að slökkvistarf-
inu. Tiltölulega vel gekk að ráða niðurlögum
eldsins í Lækjargötu 2. Verr gekk í Austur-
stræti og að lokum varð slökkviliðsstjóri að láta
rífa þakið af húsinu. | 2, 4 og miðopna.
Morgunblaðið/Sverrir
Stór sár Eyðileggingin blasir við þegar slökkviliðið hefur loks ráðið niðurlögum eldsins. Eldurinn í Austurstræti 22 var erfiðari viðureignar og að lokum varð að rífa þakið af.
Gamla Reykjavík brennur
 Húsin 150–200 ára gömul  Eldtungur upp úr niðurfalli
SEINT í gærkvöldi höfðu sjö manns komið á slysadeild
Landspítalans í Fossvogi eftir að hafa brennst af völdum
sjóðheits vatnsflaums sem rann niður Vatnsstíg og þaðan
niður Laugaveg til austurs. Að sögn vakthafandi læknis
var talið að tveir yrðu jafnvel að leggjast inn á spítalann
yfir nótt. Yfirleitt var um 1.-2. stigs bruna að ræða.
Lögregla fékk tilkynningu kl. 21.42 þegar heita vatnið
tók að streyma niður Vatnsstíginn. Vatnið varð aldrei
ýkja djúpt en krafturinn var hins vegar töluverður og gat
því náð mönnum upp á fótlegg ef þeir stigu út í straum-
inn. Mikil gufa stóð upp af 80°C heitu vatninu, svo mikil
að menn sáu vart handa sinna skil þegar mest var. Vatn
lak inn í kjallara verslunar við Vatnsstíg 12, til móts við
brunninn sem heita vatnið flæddi upp um.
Samkvæmt upplýsingum lögreglu tók um 40 mínútur
að stöðva lekann. Hjá Orkuveitu Reykjavíkur bjuggust
menn við að þeir lykju við viðgerðina í nótt.
Sjö brenndust í vatnsflaumi
Morgunblaðið/Sverrir
Flóð Stefán Eiríksson lögreglustjóri var á vettvangi.