Morgunblaðið - 19.04.2007, Side 28

Eftir Jóhönnu Ingvarsdóttur
join@mbl.is
Það er auðvitað gaman aðvera fyrsti íslenski víking-urinn sem fær að stjórnahinum eina sanna rússí-
bana. Þetta er skemmtileg vinna,
sem felur í sér adrenalínkikk enda er
ég svolítill spennufíkill í mér. Á hinn
bóginn verður maður að vera pínu
léttgeggjaður til að tolla í svona
vinnu,“ segir Ásgerður Eir Jónas-
dóttir, sem er nú að hefja sitt annað
starfsár sem rússíbanastjóri í Tívolí-
inu í Kaupmannahöfn.
Ásgerður Eir, sem nú er að verða
25 ára, ólst upp í Villingaholtshreppi
rétt fyrir utan Selfoss, og fluttist til
Kaupmannahafnar fyrir fjórum árum
þar sem móðir hennar og tveir bræð-
ur búa líka. Hún byrjaði að vinna fyr-
ir sér sem uppvaskari í mötuneytum,
en sótti svo um vinnu hjá Tívolíinu
um áramótin 2005.
„Þar sem ég þyki nokkuð sterk-
byggð kona, bauðst mér síðasta sum-
ar að vera einn stjórnenda gamla
rússíbanans, sem er frá árinu 1914 og
er elsti starfandi rússíbani í heimi. Í
fyrstu tóku við þriggja daga þjálfun-
arbúðir, sem m.a. fólust í því að tékka
á þoli eða óþoli hins verðandi rússí-
banastjóra með því að fara í nokkrar
rússíbanaferðir, sitjandi í því sæti,
sem fólk kemur gjarnan ælandi úr, ef
það er á annað borð veikt fyrir,“ segir
Ásgerður rússíbanastjóri, sem fer í
allar rússíbanaferðirnar sjálf þegar
hún á vakt. Ökumaðurinn situr nefni-
lega í rússíbananum miðjum og þarf
að nota alla sína líkamskrafta til að
handstýra bremsubúnaðinum, sem
er handbremsa í ýktri stærð, svo ekki
fari allt í bál og brand. „Krítíska“
sætið mun hinsvegar vera sætið fyrir
framan ökumanninn.
Handbremsað á þremur stöðum
„Sem rússíbanastjórnandi þarf
maður að vera vel á verði gagnvart
öllum aðsteðjandi hættum. Líkam-
lega er þetta erfið vinna og hentar
ekki öllum konum enda vegur tækið
mannlaust heil fimm tonn. Rússíban-
inn tekur 22 einstaklinga í einu. Hver
ferð tekur um þrjár mínútur á 65–70
km hraða og á brattasta staðnum er
hann hífður upp og gossar svo niður í
frjálsu falli. Það þarf að gæta þess að
bremsa á réttum stöðum svo að rússí-
baninn fari nú ekki á fullu blússi alla
leiðina.“
Tívolíið í Kaupmannahöfn var opn-
að almenningi síðastliðinn föstudag,
en að sögn Ásgerðar hefst háanna-
tími ekki fyrr en upp úr 20. júní. „Þá
er ég að vinna frá hádegi til miðnætt-
is og keyri allt upp í 150 rússíbana-
ferðir á dag. Það eru ekki bara tækin
í Tívolíinu sem eru skemmtileg, held-
ur ekki síður félagsskapurinn í kring-
um þetta, auk þess sem þetta er best
launaða vinna sem ég hef verið í. En
maður á sér svo sem ekkert líf fyrir
utan Tívolíið á meðan opið er, enda
erum við starfsmennirnir flestir á
lausu og kunnum vel við þetta sí-
gaunalíf. Þetta er eins og ein risastór
fjölskylda.“
Keyrir í hálftíma í senn
Gamli rússíbaninn er vinsælasta
tækið í Tívolíinu, en að sögn Ásgerð-
ar er ekki ráðlegt að sami ökumað-
urinn keyri lengur en hálftíma í senn.
„Næsta hálftíma stend ég við útgang-
inn, síðan við innganginn og einn
hálftíma hvíli ég mig áður en ég sest
á ný í ökumannssætið,“ segir Ásgerð-
ur, sem hefur líka verið að læra að
stjórna fljúgandi teppinu og gullna
turninum. „Það eitt er þó víst, að ég
væri ekki að keyra rússíbana ef ég
væri ekki spennufíkill.“
Rússíbanaökuþórinn Ásgerður Eir Jónasdóttir stýrir elsta starfandi rússíbana í heimi í Tívolíinu í Kaupmannahöfn.
Erfiðisvinna Nota þarf líkamskraftana til að handstýra bremsubúnaðinum, en mannlaus vegur rússíbaninn 5 tonn.
Á fleygiferð „Maður verður að vera pínu léttgeggjaður til að tolla í svona
vinnu,“ segir Ásgerður, sem situr örlítið hærra í rússíbananum en aðrir.
Gott fyrir spennufíkil að stýra
rússíbana
|fimmtudagur|19. 4. 2007| mbl.is
daglegtlíf
Hvernig ætli það sé að þurfa sí-
fellt að vera að leiðrétta það að
pabbi sé pabbi manns en ekki
afi? »30
uppeldi
Mjög stórum koffínskömmtum
geta fylgt bæði líkamleg og
andleg óþægindi, enda um örv-
andi efni að ræða. »32
neytendur
Tíska, menning og matur lifa
góðu lífi í ítölsku borginni Mílanó
sem heillaði Unni H. Jóhanns-
dóttur upp úr skónum. »34
ferðalög
Úrval af kjöti á grillið setur
sterkan svip á helgartilboð
matvöruverslana að þessu
sinni. »32
helgartilboðin