Morgunblaðið - 16.06.2007, Qupperneq 26

Hjónaherbergið Veggfóður í lofti og voldugt loft-
ljós prýðir m.a. svefnherbergi hjónanna og eru
fataskáparnir nú faldir á bak við hurðirnar.
Þ
að má alls ekki skemma
gamla „sjarmann“ með
tómum nýjungum þegar
verið er að flikka upp á
gömul hús þótt ýmislegt
megi gera til að bæta og fegra,“ seg-
ir Lóa Sigríður Hjaltested, hús-
freyja og listakona, sem býr í fal-
legu, rótgrónu húsi með sál í
Karfavogi 43 í Reykjavík ásamt
manni sínum, Sigurði Sigurgeirs-
syni skiparekstrarfræðingi, nærri
því uppkomnum börnum þeirra
Gyðu Björk og Sigurgeiri og pip-
arjónkunum Fló og Fis, sem eru tíu
og ellefu ára gamlar afskaplega við-
kunnanlega systur af yorkshire-
terrier-hundakyni, sem keyptar
voru í Bretlandi. Fjölskyldan festi
kaup á þessu þriggja hæða vinalega
húsi fyrir sjö árum, um það leyti
sem hún flutti heim frá Bretlandi
eftir sex ára dvöl í Lundúnum og
Cardiff í Wales.
„Föðuramma mín og -afi, þau Lóa
og Erlingur Hjaltested, byggðu hús-
ið, sem er sænskt að uppruna, fyrir
heilum sextíu árum og foreldrar
mínir, Gunnar Hjaltested og Gyða
Þorsteinsdóttir, hófu sinn búskap
hér með okkur systkinin. Ég hafði
því miklar taugar til hússins og þeg-
ar amma fór á elliheimilið og húsið
var sett á sölu ákváðum við hjónin
að slá til og kaupa. Þessi þrá eftir
húsinu var þó ívið meiri í mér en
manninum því hann er Seltirningur
og ætlaði sér hvergi annars staðar
að búa. Það þurfti því ákveðnar for-
tölur til og ég held, satt best að
segja, að enn sé millibilsástand hjá
honum, en hér líður mér afskaplega
vel. Það er hins vegar spurning hvað
við gerum þegar börnin fljúga end-
anlega úr hreiðrinu og húsið verður
orðið alltof stórt fyrir okkur tvö þótt
okkur líði afskaplega vel hér,“ segir
Lóa, sem er tengdadóttir Sigurgeirs
Sigurðssonar, fyrrverandi bæj-
arstjóra á Seltjarnarnesi til fjörutíu
ára. Það var svolítið óvenjulegt
ástand á bænum þegar Daglegt líf
Lóulist Kertastjakar úr
leir eftir húsmóðurina,
sem líka er í glerlist.
Rosalega gaman
að breyta til
Í sextíu ára gömlu húsi við Karfavog hafa hjónin
Lóa Sigríður Hjaltested og Sigurður Sigurgeirs-
son tekið myndarlega til hendinni að utan sem
innan. Jóhanna Ingvarsdóttir fór í heimsókn.
Morgunblaðið/ÞÖK
Stofan Lóu finnst gaman að blanda saman gömlu og nýju. Stólana tvo, sem passa vel við eldgamalt borðið, fékk Lóa í Tekk Company fyrir
um ári og sófasettið, sem keypt var nýlega í Ikea, er með áklæði, sem má þvo sem er nauðsynlegt fyrir hundafjölskyldur.
Húsmóðirin Lóa Sigríður Hjaltested býr ásamt fjölskyldu
sinni og piparjónkunum Fló og Fis í 60 ára gömlu húsi, sem
afi hennar og amma reistu við Karfavog.
Pottasvæðið Á góðviðrisdögum dvelur fjölskyldan gjarn-
an í garðinum, sem nú er orðið mikið augnayndi. Plast- og
silkiblóm njóta sín innan um blómstrandi lifandi plöntur.
Eldhúsið Gegnheil eikarinnrétting úr Ikea prýðir
eldhúsið og er opið úr borðkróknum út í garðinn.
Baðherbergið Baðkari hefur nú verið komið fyrir í
rými, sem áður hýsti línskápinn.
Blómaskrúð Garðurinn var mikið áhugamál afa
og ömmu Lóu, sem hefur látið gosbrunninn og
blómabeðin þeirra halda sér að hluta.
lifun
26 LAUGARDAGUR 16. JÚNÍ 2007 MORGUNBLAÐIÐ