Morgunblaðið - 19.06.2007, Qupperneq 4

4 ÞRIÐJUDAGUR 19. JÚNÍ 2007 MORGUNBLAÐIÐ
FRÉTTIR
ÁRNI M. Mathiesen, fjár-
málaráðherra og fyrrverandi
sjávarútvegsráðherra, segir
að þeir sem gagnrýni kvóta-
kerfið verði að hafa í huga að
lengst af hafi menn verið að
veiða meira en það aflamark
sem kvótakerfið byggist á.
Gagnrýni manna eins og Ein-
ars Odds Kristjánssonar al-
þingismanns, sem reynt hafi
að bora gat á kerfið, sé því ekki trúverðug.
„Þó að kvótakerfið sé gott þá hefur það tekið
okkur 20 ár að þróa það,“ segir Árni. „Mestallan
tímann var það ekki fullkomnara en svo að það
voru heilmikil frávik frá því hvað við veiddum mik-
ið til þess sem við ætluðum að veiða. Frávikin í til-
felli þorsksins voru nánast alltaf upp á við. Það er
bara núna síðustu árin sem frávikin frá því sem við
ætlum að veiða og því sem við raunverulega veið-
um verða það lítil að það sé ásættanleg.
Ein aðalástæðan fyrir þessum frávikum er sú að
það voru menn allan tímann að bora göt í kerfið
með því að berjast fyrir alls konar daga- og sókn-
arkerfum við hliðina á kvótakerfinu. Einn af höf-
uðsmönnum þessa hers er Einar Oddur Kristjáns-
son. Það er ekki mjög trúverðugur málflutningur
þegar þeir sem hafa verið að bora göt í kerfið
koma og segja að kerfið sé ekki að virka,“ segir
Árni.
Mestu máli skiptir hversu mikið er veitt
Einar Oddur benti í Morgunblaðinu í gær á að
fyrst og fremst hefði verið horft á hversu mikið
væri veitt en ekkert hvernig sé veitt, hvar sé veitt
eða hvenær sé veitt.
„Þetta eru hlutir sem hafa mikið verið rannsak-
aðir; það er enn verið að rannsaka þá og það þarf
að halda áfram að rannsaka þá. En niðurstaðan af
öllum rannsóknum hefur verið sú að það hversu
mikið við veiðum hafi langmest áhrif.
Ef það er eitthvað sem hefur brugðist í fisk-
veiðistjórnuninni hjá okkur er það forsendurnar
fyrir aflareglunni. Það er aðallega ein forsenda
sem hefur brugðist, þ.e. nýliðunarforsendan. Ný-
liðunin hefur verið minni heldur en langtímameð-
altalið gaf tilefni til. Það er langtímameðaltalið
sem hefur verið lagt til grundvallar þegar menn
eru að mæla hvað stofninn þolir. Þetta langtíma-
meðaltal var farið að lækka áður en kvótakerfið
var farið að virka. Það hefur verið langt undir
meðaltalinu allan tímann sem aflareglan hefur
verið í gangi. Það er nýliðunin ásamt því sem er
veitt, þ.e. það sem kemur inn í stofninn og það sem
fer út úr honum, sem ræður hver staða stofnsins
er og hvað við getum veitt mikið.“
Árni sagðist telja óskynsamlegt annað en að
taka mið af tillögum Hafrannsóknastofnunar
varðandi þorskstofninn. Hann sagðist vera sam-
mála því sem kom fram í ræðu Geirs H. Haarde
forsætisráðherra 17. júní, að við hefðum aldrei
haft eins mikla möguleika á að takast á við áföll á
þessu sviði.
Veiddum í mörg ár meira en
sem nam útgefnu aflamarki
Gagnrýni þeirra sem lengi hafa reynt að bora gat á kvótakerfið ekki trúverðug
Árni M. Mathiesen
Eftir Ylfu Kristínu K. Árnadóttur
ylfa@mbl.is
SÖKUM neikvæðra áhrifa á verð-
mæti hálendisins ber að stöðva frek-
ari gerð uppbyggðra vega á hálend-
inu nema ríkir þjóðhagslegir
hagsmunir séu í húfi. Þetta er meðal
þess sem kemur fram í nýútgefinni
hálendisvegaskýrslu Landverndar.
Í skýrslunni segir einnig að hálendi
Íslands sé stærsta óbyggða víðerni
Evrópu utan Svalbarða og því megi
vænta að mat á náttúruverndargildi
þess fari vaxandi á næstu árum og
áratugum. Niðurgrafnir slóðar geti
valdið stigmagnandi spjöllum og upp-
byggðir hálendisvegir auki umferð en
að sama skapi ekki umferðaröryggi
þar sem þeir geti verið afar varasam-
ir í hálku og vindi.
Jafnframt er lýst yfir áhyggjum
vegna þess að heildstæð sýn á vega-
gerð á hálendinu sé ekki fyrir hendi í
áætlunum stjórnvalda. Í samgöngu-
áætlun sé ekki tilgreint hvernig eigi
að bæta fjóra áformaða landsvegi og í
öðrum áætlunum stjórnvalda sé um-
fjöllun um hálendisvegi mjög misvís-
andi. Hnykkt er á því að vegaleysi
geti ekki komið í veg fyrir umferð og
eyðileggingu þar sem öflugum jepp-
um, sem komist vegaleysu, fjölgi sí-
fellt þó akstur utan vega sé lögbrot og
refsivert athæfi. Þeim vanda þurfi að
mæta með markvissum aðgerðum
eins og öflugri löggæslu og betri leið-
beiningum um hvar og hvenær megi
leyfa eða banna akstur.
Í lok skýrslunnar eru gerðar til-
lögur um úrbætur. Þar kemur fram
að gera þurfi heildstætt kerfi um
flokkun vega á hálendinu til að auka
öryggi vegfarenda og draga úr hættu
á landsspjöllum. Einnig sé nauðsyn-
legt að greina milli ferðamannavega
og almennra vega í gerð vega og stað-
setningu þeirra. Ferðamannavegir
eru sérstaklega ætlaðir umferð ferða-
manna sem vilja njóta landslags og
náttúrufars og eru lagðir þannig að
þeir raski sem minnst landslagi því
og náttúrufari sem þeir liggja í og
um. Almennir vegir eru t.d. þjóð-
vegir. Lagt er til að vegir á miðhá-
lendi Íslands séu fyrst og fremst
ferðamannavegir.
Landvernd leggur fram úrbætur í skýrslu um hálendisvegi
Stöðva beri frekari gerð
uppbyggðra vega
Morgunblaðið/Einar Falur
Víðátta Hálendið er afar verðmætt,
m.a. vegna óbyggðra víðerna.
HÉRAÐSDÓMUR Norðurlands
eystra hefur frestað ákvörðun um
refsingu yfir sextán ára pilti vegna
kynferðisbrota gegn þremur ungum
drengjum. Refsingin fellur niður
haldi pilturinn almennt skilorð
næstu fimm árin. Hann mun þó sæta
umsjón í eitt ár, auk þess sem honum
var gert að greiða tveimur af þremur
fórnarlömbum sínum 600 þúsund
krónur í miskabætur.
Pilturinn var ákærður fyrir að
hafa í febrúar á sl. ári tvívegis sett
getnaðarlim sinn upp í munn syst-
ursonar síns, sem þá var þriggja ára,
auk þess að láta hann nudda á sér
liminn. Það sama ár braut hann á
sama hátt gegn öðrum þriggja ára
frænda sínum, og lét einnig enn
yngri frænda sinn snerta á sér lim-
inn. Ákærði viðurkenndi brotin eins
og þeim var lýst í ákæru en var sýkn-
aður af tveimur ákæruliðum sökum
þess að ekki þótti sannað að hann
hefði verið orðinn fimmtán ára, þeg-
ar þau áttu sér stað.
Freyr Ófeigsson dómstjóri kvað
upp dóminn.
Játaði en var
sýknaður
HRAFNKELL
Thorlacius arkitekt
lézt á heimili sínu í
Reykjavík að morgni
17. júní. Hann var
fæddur 22. janúar
1937, sonur Sigurðar
Thorlacius, uppeldis-
fræðings og fyrsta
skólastjóra Austurbæj-
arskólans í Reykjavík,
og Áslaugar Thorla-
cius. Hrafnkell varð
stúdent frá MR 1956,
nam arkitektúr við
Technische Hoch-
schule í Darmstadt í
Þýzkalandi, lauk þaðan Dipl. Ing.-
prófi 1964 og stundaði framhaldsnám
við Nordplan í Stokkhólmi 1969-
1970.
Hrafnkell var arkitekt hjá Byg-
nadsministeriet í Kaupmannahöfn
1964, starfaði á teiknistofu Peters
Bredsdorff 1964-1965 og hjá Skipu-
lagi ríkisins 1965-1972. Hann rak
teiknistofu í Reykjavík frá árinu
1972. Meðal verka Hrafnkels eru
hjónagarðar HÍ 1971, skipulags- og
byggingaáætlun fyrir Vestmanna-
eyjakaupstað eftir gosið 1973, skipu-
lag Foldahverfis í
Reykjavík 1982-1986
ásamt Hilmari Ólafs-
syni, Verzlunarskóli Ís-
lands 1981-1985 ásamt
Hilmari og verzlunar-
miðstöðin Kringlan
1982-1987, einnig ásamt
Hilmari. Hrafnkell
teiknaði einnig allmarg-
ar opinberar byggingar
utan Reykjavíkur.
Hrafnkell hlaut 1.
verðlaun í samkeppn-
inni um teikningu
hjónagarða Háskólans
og fékk verðlaun eða
viðurkenningu fyrir samkeppnistil-
lögur að fleiri byggingum.
Hrafnkell var formaður Arkitekta-
félags Íslands 1975 og 1976, var í
stjórn félagsins 1977, í tímaritsnefnd
1967-1969, laganefnd 1973-1974 og
samkeppnisnefnd 1971-1972 og 1975-
1976. Hann var enn fremur fulltrúi
Arkitektafélagsins í framkvæmda-
nefnd um Nordisk Planmöte árin
1976-1987. Hrafnkell kvæntist árið
1963 Kristínu Bjarnadóttur, meina-
tækni og sagnfræðingi, og lifir hún
mann sinn ásamt fimm börnum.
Andlát
Hrafnkell Thorlacius
TILLAGA að deiliskipulagi aksturs-
æfingasvæðis í Kapelluhrauni verð-
ur lögð fyrir bæjarráð Hafnarfjarð-
arbæjar til samþykktar í vikunni. Ef
deiliskipulagið hlýtur samþykki
verður hafist handa við uppbyggingu
alhliða akstursæfingasvæðis á lands-
svæðinu þar sem kvartmílubrautin
er nú. Gert er ráð fyrir að á svæðinu
verði um 4 km löng hringaksturs-
braut og ýmsar smærri kappakst-
ursbrautir, tvær mótorkrossbrautir,
ökukennslusvæði og íþróttahús.
Kvartmíluklúbburinn og Aksturs-
íþróttafélag Hafnarfjarðar (AÍH)
munu annast rekstur mannvirkj-
anna, en Hafnarfjarðarbær á landið
og mun leggja fé til verkefnisins að
verulegu leyti, líkt og þegar um
byggingu hefðbundnari íþrótta-
mannvirkja á borð við knattspyrnu-
velli og íþróttahús er að ræða. Verk-
efnið hefur verið sett á fimm ára
aðgerðaáætlun Íþróttabandalags
Hafnarfjarðar og má búast við að
svæðið verði tekið í notkun innan
þess tíma.
„Það er óhætt að segja að Hafn-
arfjarðarbær sé með þessu að brjóta
blað,“ segir Aron Reynisson, stjórn-
armaður í AÍH. Hann kveður fram-
kvæmdirnar ekki eiga sér hliðstæðu
í sögu akstursíþrótta hér á landi,
aldrei fyrr hafi bæjaryfirvöld komið
til móts við akstursíþróttamenn með
þessum hætti. „Það er hins vegar
fullkomlega eðlilegt að önnur sveit-
arfélög á höfuðborgarsvæðinu komi
að uppbyggingunni, líkt og til dæmis
var gert þegar skíðasvæðið í Bláfjöll-
um var byggt upp,“ segir Aron. Und-
ir þetta tekur formaður Kvartmílu-
klúbbsins, Davíð S. Ólafsson. „Þeim
mun fleiri sem taka þátt í verkefn-
inu, þeim mun veglegra verður það
og við ætlum ekki að tjalda til einnar
nætur, heldur gera þetta almenni-
lega,“ segir hann. Að þeirra sögn er
gríðarleg eftirspurn eftir akstursæf-
ingasvæði í nágrenni höfuðborgar-
innar, eins og hraðakstur vélhjóla-
manna á þjóðvegunum beri vott um.
Eru þeir sammála um að taka þurfi
hraðaksturinn af vegunum og flytja
hann inn á lokuð svæði.
Æfingasvæði í Kapelluhrauni er í burðarliðnum og má búast við að það verði tilbúið innan fimm ára
Ljósmynd/Landmótun
Yfirlitsmynd af æfingasvæðinu Teikningunni er aðeins ætlað að gefa mynd af hugsanlegri nýtingu svæðisins.
Akstursíþrótta-
menn fá athvarf