Morgunblaðið - 13.07.2007, Blaðsíða 11

MORGUNBLAÐIÐ FÖSTUDAGUR 13. JÚLÍ 2007 11
FRÉTTIR
Eftir Baldur Arnarson
baldura@mbl.is
„EF RÉTT er á spöðunum haldið,
eins og við erum að leggja upp með
íslenska hestinn í Moskvu, held ég
að gríðarleg tækifæri gætu falist í
útflutningi á Rússlandsmarkað,“
segir Hörður Gunnarsson, annar
knapanna tveggja sem riðu gæðing-
unum tveimur sem Júrí Luzhkov,
borgarstjóri Moskvu, fékk að gjöf í
opinberri heimsókn Vilhjálms Þ. Vil-
hjálmssonar borgarstjóra og við-
skiptasendinefndar í síðustu viku.
„Þetta var meiri áhugi en okkur
hefði nokkurn tímann órað fyrir,“
segir Hörður, sem er einkar bjart-
sýnn um góðar viðtökur í Rússlandi,
þar gætu myndast sóknarfæri til
jafns við Þýskalandsmarkað, þar séu
vel yfir 70.000 íslenskir hestar.
Björgvin Þórisson dýralæknir
fylgdi gæðingunum út til Rússlands.
Hann tekur undir með Herði að
Rússlandsmarkaður bjóði upp á
mikil tækifæri og að hann gæti jafn-
vel – innan tveggja til þriggja ára –
orðið enn stæri útflutningsmarkaður
fyrir hross en Þýskaland hefur verið.
Til að gefa dæmi um útflutninginn
til Þýskalands voru þangað fluttir
1.127 hestar árið 1995 og hefur mikill
fjöldi verið ræktaður ytra. Verði við-
skipti við Rússa jafnumsvifamikil
telja þeir óhætt að fullyrða að um
milljarða króna sé að tefla.
Páll Bragi Hólmarsson reiðkenn-
ari valdi gæðingana fyrir Luzhkov.
Hann segir óljóst hversu stór mark-
aðurinn í Rússlandi geti orðið, hafa
þurfi fæturna á jörðinni og sýna þol-
inmæði. Það gæti margborgað sig,
enda taki Rússar hestinum fagnandi.
„Það fer enginn út í þetta sport
eystra nema að hafa auðveldlega
efni á því,“ segir Páll um markhóp-
inn. Hörður tekur undir að hinn al-
menni viðskiptavinur eystra sé efn-
aður hestaáhugamaður sem eigi einn
til tvo hesta. „Þetta eru leiktæki ríka
fólksins, að því er virðist, þó maður
geti ekki alhæft það.“
Efnafólk kostar miklu til
Hörður telur hestabúgarð Luzh-
kovs í Moskvu ágætt dæmi um
hversu miklu efnafólk er tilbúið að
kosta fyrir þetta áhugamál. Þar séu
þrjár reiðhallir, miðað við eina í Víði-
dal, þrjú æfingasvæði og sýning-
araðstaða með stórri áhorf-
endastúku.
Yfir sjö metra há girðing loki bú-
garðinn af, ásamt því sem vopnaðir
verðir gæti svæðisins. Dýralæknir
sé þar á vakt allan sólarhringinn og
hestarnir í þjálfun alla daga.
Spurður út í aðbúnað hesta í
Moskvu segir Hörður uppi hug-
myndir um að reisa búgarða ein-
göngu með íslenskum hestum, auk
blandaðra búgarða, í landi þar sem
sé að finna flest hestakyn. Rússar
eigi sér langa sögu í brokkkapp-
ræðum og hindrunarstökki. Reið-
mennskan þar sé fagmannleg og
byggð á lengri hefð en hér heima.
Inntur eftir verðlagningunni á ís-
lenskum hestum í Rússlandi segir
Björgvin að selja verði dýra og vel
tamda gæðinga sem kosti frá einni
og hálfri milljón króna og upp úr.
Hafa beri í huga að land í nágrenni
Moskvu sé mjög dýrt, hektarinn sé á
hálfa milljón Bandaríkjadala. Þessi
kostnaður undirstriki hversu mik-
ilvægt sé að eiga í samvinnu við rúss-
neska aðila, enda þyrfti líklega að
kaupa tíu hektara undir búgarð.
Spurður um helstu hindranirnar
við slíkan útflutning bendir Björgvin
á að bæta þurfi upplýsingaflæði milli
ríkjanna, þannig að rússnesk tolla-
yfirvöld geri sér grein fyrir því
hvaða sjúkdóma íslenskir hestar
hafi, svo koma megi í veg fyrir
óþarfa einangrun og blóðprufur.
Töluverð fyrirhöfn skapaðist í
kringum útflutning hestanna og vill
Hörður sérstaklega þakka Guðrúnu
Þorgeirsdóttur sendiráðsritara, út-
flutningsfyrirtæki Gunnars Arnar-
sonar og dýralæknisembættinu.
Í Þýskalandi eru vel yfir 70.000 íslenskir hestar en nú eru uppi áform um útrás í Rússlandi
Útflutningur gæti skila miklum tekjum
Björgvin Þórisson Hörður Gunnarsson
Afhending Borgarstjórarnir tveir, Júrí Luzhkov og Vilhjálmur Þ. Vil-
hjálmsson, við afhendingu hestanna í Moskvu um síðustu helgi.
Í HNOTSKURN
»Gæðingarnir tveir, sem Vil-hjálmur Þ. Vilhjálmsson
borgarstjóri afhenti starfs-
bróður sínum Júrí Luzhkov í
Moskvu, voru fyrstu íslensku
hestarnir sem fá heimili í Rúss-
landi.
»Fyrstu íslensku hestarnir tilað stíga á rússneska grund
tóku þátt í sýningu í Péturs-
borg í maímánuði og komu þeir
víðs vegar að.
»Auk Luzhkov og konu hanseru rússnesku forsetahjón-
in áhugafólk um hesta.
Páll Bragi Hólmarsson
ÚR VERINU
HÆSTIRÉTTUR hefur staðfest úr-
skurð Héraðsdóms Reykjavíkur um
að karlmaður sæti gæsluvarðhaldi til
16. ágúst vegna síbrota. Fram kemur
í úrskurði héraðsdóms að lögregla
hafi margoft þurft að hafa afskipti af
manninum vegna ýmissa afbrota og
unnið sé að rannsókn tuga mála þar
sem hann sé grunaður um að hafa
framið fjölda auðgunarbrota á
höfuðborgarsvæðinu. Grunur leikur
á að maðurinn fjármagni fíkniefna-
neyslu sína með afbrotum.
Maðurinn hefur setið í gæslu-
varðhaldi frá því í júnílok. Hann hef-
ur m.a. viðurkennt aðild sína að
fimm auðgunarbrotamálum sem
hafa verið til rannsóknar hjá lög-
reglustjóranum á höfuðborgarsvæð-
inu og voru öll framin 26. júní. Þá
hefur hann einnig viðurkennt inn-
brot í báta í Hornafjarðarhöfn dag-
inn eftir.
Maður í gæslu
vegna síbrota
HÆSTIRÉTTUR hefur staðfest úr-
skurð Héraðsdóms Reykjavíkur um
að maður, sem grunaður er um að
hafa framið rán í verslun 10-11 við
Barónsstíg í Reykjavík á sunnudag,
sæti gæsluvarðhaldi fram til mið-
vikudagsins 18. júlí. Maðurinn, sem
kom inn í verslunina ásamt tveimur
öðrum mönnum, ógnaði afgreiðslu-
stúlkum með skammbyssu og
heimtaði peninga.
Myndir náðust af ráninu á mynd-
bandsupptökuvél í versluninni og
sjást mennirnir þrír þar. Grunaður
forsprakki var handtekinn stuttu
síðar við verslunina Aktu – Taktu á
Sæbraut í Reykjavík en neitaði sök
við yfirheyrslur.
Fram kemur í greinargerð lög-
reglu að rannsókn málsins sé
skammt á veg komin og snúi nú að
því að finna meinta samverkamenn,
ránsfeng og byssu.
Ræningi
áfram í gæslu-
varðhaldi
FRÉTTIR
Eftir Steinþór Guðbjartsson
steinthor@mbl.is
MIKILL makríll hefur verið innan
um norsk-íslensku síldina að undan-
förnu og hefur fiskurinn verið allt að
50% aflans. Síldin hefur færst austur
úr íslensku landhelginni og í gær
voru 9 íslensk skip að síldveiðum í
færeysku lögsögunni.
„Hún hefur verið að flakka inn og
út úr íslensku lögsögunni,“ segir
Haukur Björnsson, framkvæmda-
stjóri Eskju hf. á Eskifirði, en þar
eru komin um 6.000 tonn á land og
þar af hafa um 4.000 tonn verið unnin
um borð í Aðalsteini Jónssyni SU.
Síldin fer annars að mestu leyti í
bræðslu og hefur Hraðfrystistöð
Þórshafnar hf. verið afkastamest til
þessa. Þar er búið að bræða um 9
þúsund tonn af síld og um 6 þúsund
tonn af kolmunna. „Síldaraflinn hef-
ur verið töluvert mikið makrílbland-
aður að undanförnu,“ segir Elva
Benediktsdóttir, launa- og birgða-
fulltrúi HÞ.
Í vikunni hafa þrjú skip landað síld
á Þórshöfn. Júpiter ÞH og Álfsey
VE hófu síldveiðarnar í byrjun mán-
aðar, fóru út 2. júlí og komu inn viku
síðar. Þau eru á partrolli og lönduðu
samtals rúmlega 1.850 tonnum, þar
af rúmlega 900 tonnum af makríl.
Guðmundur VE landaði um 600
tonnum í bræðslu í fyrradag, um 490
tonnum af síld og um 130 tonnum af
makríl, en að öðru leyti er síldin fryst
um borð og henni landað hjá Síld-
arvinnslunni í Neskaupstað.
Gunnþór Ingvason, framkvæmda-
stjóri Síldarvinnslunnar, tekur undir
með Elvu í sambandi við makrílinn
og segir hann hafa verið um 30 til
40% aflans að undanförnu og stund-
um meira. Gunnþór segir jákvætt að
makríllinn hafi fengist innan ís-
lensku lögsögunnar, því þar sé hann
utan kvóta, og vonandi verði fram-
hald á, en hann hafi allur farið í
bræðslu.
Ríflega 7.000 tonnum af síld hefur
verið landað hjá Síldarvinnslunni og
þar af hafa um 4.000 til 4.500 tonn
farið í vinnslu. Gunnþór segir að þó
ekki hafi verið mikill kraftur í veið-
inni hafi ekki gengið illa og vel hafi
gengið að vinna síldina í landi. Hins
vegar sé hún farin að fitna mikið og
vinnslan komin í sumarfrí.
Allt að 50% makríll í
afla síldveiðiskipanna
Morgunblaðið/Kristján
Síldveiðar Unnið við löndun úr Guðmundi VE en síldveiðar hafa gengið ágætlega að undanförnu.
Síldin á flakki á milli íslensku og færeysku lögsögunnar
EVRÓPUSAMBANDIÐ hefur fyrir-
skipað Pólverjum að hætta þorsk-
veiðum í austurhluta Eystrasaltsins
vegna gruns um ofveiði.
Fréttavefurinn intrafish.com hef-
ur eftir talsmanni ESB að ýtarleg
rannsókn hafi leitt í ljós að tilkynntar
aflatölur hafi ekki verið réttar og því
hafi veiðar Pólverja verið stöðvaðar.
Tilkynntar aflatölur hafa verið
bornar saman við löndunarskýrslur
frá því haustið 2005 og er ekki sam-
ræmi þar á milli. Fram kemur að all-
ar þjóðir, sem veiði á svæðinu, eigi
hlut að máli. Pólland hafi veitt mest
umfram leyfilegt aflamark eða 50%
umfram tæplega 11 þúsund tonna
kvóta og talið sé að um 5 þús. tonn af
þorski utan kvóta hafi farið á mark-
að.
ESB stöðvar
Pólverja
HREFNUVEIÐIBÁTURINN Njörð-
ur KÓ fór aftur út til veiða í fyrra-
kvöld og skömmu síðar veiddi hann
hrefnu í Faxaflóanum.
Kvótinn til 1. september er 30
dýr og er þetta þriðja hrefnan sem
veiðist en kjötinu verður dreift í
verslanir strax um helgina.
Konráð Eggertsson, hvalveiði-
maður á Ísafirði, segir í samtali við
fréttavef BB að hann haldi til
hrefnuveiða um leið og veður leyfi,
en algjört logn þurfi að vera til að
eitthvað sjáist.
Fékk hrefnu
í Faxaflóa
FYRIR skömmu veiddi togarinn
Hrafn Sveinbjarnarson GK fyrsta
battann, Dibranchus atlanticus,
sem veiðst hefur hér við land. Fisk-
urinn, sem er af sædjöflakyni,
veiddist í Skaftárdjúpi og var 17 sm
langur, samkvæmt frétt á vef Haf-
rannsóknastofnunar.
Batti veiddist
í fyrsta sinn