Morgunblaðið - 13.07.2007, Blaðsíða 20

matur
20 FÖSTUDAGUR 13. JÚLÍ 2007 MORGUNBLAÐIÐ
Á víkingaslóð
Þrautabraut, kubb, víkingamarkaður,
rímnakveðskapur barna og glíma er meðal af-
þreyingar á Leifshátíð sem hefst á Eiríks-
stöðum í Haukadal í Dölum í dag. Það er vel
þess virði að gera sér ferð vestur og berja dyra
á bæ Eiríks rauða og upplifa rammíslenska
víkingastemningu á þessum slóðum. Þessa
helgi ber einstaklega vel í veiði vegna hátíð-
arinnar sem stendur alla helgina. Dagskráin
hefst kl. 18 í dag þegar víkingabúðir og þrauta-
braut verða opnuð. Sannkallað ævintýri, ekki
síst fyrir börnin sem fúlsa sennilega ekki við
því að skella sér í víkingaklæði og munda sverð
að hætti forfeðra sinna. Nánari upplýsingar er
að finna á www.leif.is.
List á Laugavegi
Listunnendur geta kæst því á morgun opna
tvær myndlistarsýningar í Safni við Laugaveg
37. Annars vegar er það nafnlaus sýning Tuma
Magnússonar en hins vegar sýning hollensku
myndlistarkonunnar Jennifer Tee. Sýning
hennar ber titilinn „Down the Chimney“. Sem
fyrr segir opna sýningarnar á morgun kl. 17 og
standa til 26. ágúst.
Tónar við tjaldið
Þau hafa verið í bransanum í 105 ár, sam-
tals, og ætla nú að sjá tjaldbúum á Laugar-
vatni fyrir músík af bestu gerð. Hjördís Geirs-
dóttir söngkona og Örvar Kristjánsson
harmóníkuleikari verða með sumarkonsert í
Tjaldmiðstöðinni á Laugarvatni á laug-
ardagskvöld kl 22. Dagskráin verður blönduð
og eru gestir og gangandi hvattir til að taka
dansskóna með og vera viðbúnir því að taka
lagið.
Burt með streituna
Þeir sem hafa fengið nóg af erli borgarinnar
hafa tækifæri til að róa sálina í Bláfjöllum um
helgina. Þar ætlar Pierre Stimpfling að bjóða
upp á hugleiðslunámskeið sem hefst í dag og
stendur til sunnudags. Í hugleiðslunni tekur
Pierre á því sem veldur streitu og vanlíðan í
nútíma samfélagi en hugleiðslan mun hjálpa
við að losa um neikvæðar tilfinningar.
Skankahristingur á
heimsmælikvarða
Svo má líka losna við óeirðina með því að
dansa hana úr sér. Annað kvöld mun tónlist-
armaðurinn og plötusnúðurinn Goldie koma
fram á Breakbeat.is-klúbbakvöldi á NASA.
Heimsókn Goldies er liður í kynningaferð fyrir
nýjustu breiðskífu hans, Malice in Wonder-
land, sem kom út fyrir skömmu. Auk Goldie
mun MC Lowqui koma fram en upphitun verð-
ur í höndum Agga Agzilla, Kalla og Ewok.
mælt með …
E
ftir gagngerar breytingar í vetur
er gamla Naustið horfið og nýr
kínverskur veitingastaður hefur
verið opnaður. Naustið þótti
nokkuð sérstakur staður enda
voru innréttingarnar orðnar gamlar og barn
síns tíma, hannaðar árið 1954 af Sveini Kjarval
innanhússarkitekt en undir það síðasta bar
staðurinn sig ekki lengur og hafði húsið staðið
autt í um hálft ár áður en athafnamaður frá
Hong Kong taldi sig sjá tækifæri á íslenskum
markaði og hófst handa við að breyta húsinu í
kínverskan veitingastað.
Frá meginlandi Evrópu til Íslands
Það er Tan M. C. Alaam framkvæmdastjóri
staðarins sem hefur staðið fyrir endurbótun-
um en hann hefur víðtæka reynslu af rekstri
kínverskra veitingahúsa og hefur m.a. rekið
kínversk veitingahús í Belgíu, Hollandi, Lúx-
emborg og Frakklandi og á reyndar og rekur
enn veitingahús á meginlandinu.
Það var í gegnum kunningja í ferðaiðnaði
sem Tan frétti af Íslandi og ákvað hann að slá
til og athuga hvort ekki væri svigrúm fyrir
kínverskan veitingastað á Íslandi sem byði
upp á hátt þjónustustig að evrópskum hætti og
jafnvel góð vín en Tan er menntaður sem vín-
þjónn.
Ekta kínverskur
Kínamúrinn er á margan hátt dæmigerður
kínverskur veitingastaður, eins og vera ber.
Innréttingar eru allar sérinnfluttar frá Kína,
dökkur viður, þykk teppi, kínverskir skraut-
munir og lýsing prýðir allt húsið og gefur veit-
ingasalnum rólegheita yfirbragð. Hnífapör,
borðdúkar og diskar er allt vandað enda á
þjónustustigið á staðnum að vera sams konar
því sem finnst á betri kínverskum veitinga-
stöðum á meginlandinu.
„Allt starfsfólkið mitt kemur frá Kína en
sjálfur kem ég frá Hong Kong þó ég hafi búið í
Evrópu síðastliðin 20 ár. Sama er að segja með
viðskiptafélaga minn. Ætlun okkar er að bjóða
evrópskt þjónustustig en ég hef rekið veit-
ingastaði í 28 ár,“ segir Tan sem leggur mikla
áherslu á gæði þjónustunnar og reynslu sína
en veitingastaðurinn fær stóran hluta hráefn-
isins sendan frá Kína til að tryggja að hann sé
eins ekta og mögulegt er.
Hádegi og kvöld
Á Kínamúrnum er gott pláss til að taka á
móti hádegisverðargestum enda salurinn stór.
Í hádeginu er hlaðborð í boði þar sem boðið er
upp á hefðbundna kínverska rétti s.s. sterka
og súrsæta súpu, steiktar núðlur og allar teg-
undir af kjöti og grænmeti í mismunandi sós-
um og svo að sjálfsögðu djúpsteiktar rækjur
sem eru ómissandi. Á kvöldin er það svo mat-
seðillinn sem ræður ríkjum og má þar sér-
staklega benda á sérstakan eftirrétt sem er al-
gengur á kínverskum veitingastöðum í Evrópu
en það er djúpsteiktur ís – nokkuð sem hljóm-
ar ómögulegt en er nú samt hægt.
Kjúklingur með salti og pipar
fyrir fjóra
920 g kjúklingur, skorinn í strimla
100 g laukur, skorin í sneiðar
80 g gulrætur, skornar langsum í sneiðar
2 tsk. sykur
2 tsk. salt
2 tsk. hvítur pipar
Byrja skal á að setja hrísgrjón í pott svo þau
verði tilbúin á undan matnum. Notið góð hrís-
grjón, t.d. basmati eða jasmin. Gott er að setja
2 bolla af vatni á móti einum bolla af hrísgrjón-
um, láta suðu koma upp, setja hrísgrjónin út í,
slökkva undir hellunni og láta lokið vera á
pottinum. Með þessu móti fást þétt og rök
grjón sem ættu að vera tilbúin þegar búið er
að elda matinn.
Fyrir kjúklinginn er best að steikja laukinn
fyrst á pönnu í skvettu af olíu og bæta græn-
metinu út í þegar laukurinn er farinn að
svitna. Þegar grænmetið er farið að mýkjast
er kjúklingurinn settur út í og er hann byrjar
að brúnast er sykri, salti og hvítum pipar bætt
út í. Kjúklingurinn er svo steiktur í gegn og
borinn fram með hrísgrjónum.
Steiktar rækjur með sterkri sósu
fyrir fjóra
920 g stórar rækjur, t.d. tígrisrækjur, en einn-
ig má nota humar
120 g laukur
120 g ferskur rauður chili
2 tsk. kínversk chili-sósa
4 tsk. kjúklingakraftur
2 tsk. salt
2 tsk. kartöflumjöl
Hrísgrjónin elduð með sama hætti og áður.
Fyrir rækju eða humar er best að steikja
grænmetið á pönnu í skvettu af olíu.
Þegar grænmetið er orðið mjúkt er sósu,
kjúklingakrafti, salti og kartöflumjöli bætt út
í. Þegar sósan er svo orðin heit og vel blönduð
er rækjunum bætt saman við, hrært í og
blandan síðan tekið af hellunni svo sjávarmetið
steikist ekki um of.
Borið fram með hrísgrjónum.
Morgunblaðið/G.Rúnar
Kínverskt Í eldhúsinu eru allir starfsmenn kínverskir og er mest hráefnið sérinnflutt frá Kína til að tryggja ekta kínverska upplifun.
Hlið Kínamúrsins opnuð
Gamla Naustið hefur tekið mikl-
um breytingum undanfarið og
hefur nú fegnið á sig kínverskan
svip. Ingvar Örn Ingvarsson leit
í heimsókn og fékk uppskriftir
að kínverskum krásum.
Hlaðið Í hádeginu virka daga er boðið upp á hádegisverðarhlaðborð fjölda kínverskra rétta.
Reyndur Tan M. C. Alaam er framkvæmda-
stjóri Kínamúrsins og hefur víðtæka reynslu
af rekstri kínverskra veitingastaða.