Morgunblaðið - 13.07.2007, Qupperneq 21

MARGIR hafa kannski ekki leitt hugann að því en svo
einfalt verk sem það er að slá garðinn getur verið slæmt
fyrir umhverfið því bensínsláttuvélar sem stundum
standa kyrrar langtímum saman eru ekki alltaf í sem
bestu standi. Flestir nota sláttuvélar sem ganga fyrir
bensíni, jafnvel með tvígengisvélum sem menga mikið og
því mætti skoða aðra möguleika til að slá grasið.
 Rafmagnssláttuvélar eru líklega auðveldasta leiðin til
að slá á umhverfisvænni máta. Þær nýta rafmagn sem á
Íslandi er framleitt með vatnsafli. Mörgum þykir þó
óþægilegt að burðast með langar framlengingarsnúrur
vítt og breitt um stóra garða.
 Handsláttuvélar eru umhverfisvænar og auk þess er
góð líkamsrækt að slá garðinn með þess konar sláttuvél.
Þær eru líka ódýrar og nánast viðhaldsfríar og hægt er
að slá garðinn í rólegheitum með þess konar sláttuvél en
vissulega geta þær verið leiðigjarnar í vætutíð eða þegar
grasið er hátt því þá er mjög erfitt að slá með hand-
sláttuvélum.
 Orf og ljár er án nokkurs vafa fullkomlega umhverf-
isvæn leið til að slá gras. Til viðbótar er sláttur með orfi
og ljá nánast hljóðlaus og hin besta líkamsrækt og þá
skiptir heldur engu máli hvort grasið er hátt eða blautt.
Hægt að minnka mengun frá bensínsláttuvélum
Fyrir þá sem ekki vilja gefa bensínsláttuvélina upp á
bátinn þá má gera ýmislegt til að draga úr menguninni
frá sláttuvélinni.
 Gætið þess að halda vélinni hreinni að innan og utan,
sérstaklega loftsíu, olíusíu og kertum.
 Ef blanda þarf olíu við bensínið þá skal gæta þess að
blanda í réttum hlutföllum.
 Notið sláttuvélina ekki að óþörfu, t.d. er óþarfi að slá
eins oft í miklum þurrkum eins og verið hafa undanfarið.
 Hönnun lóðarinnar skiptir miklu máli. Flöt og einföld
grasflöt er einfaldari í slætti en hæðótt og uppskipt gras-
flöt og því mætti velja sláttuvél sem hentar lóðinni, t.d.
rafmagns á minni lóðir en bensín á stórar og flatar lóðir.
Vistvænn grassláttur
Morgunblaðið/Eggert
Umhverfisvænt Sumir vilja meina að besta aðferðin til
að slá tún sé að beita orfi og ljá upp á gamla mátann.
daglegt líf
MORGUNBLAÐIÐ FÖSTUDAGUR 13. JÚLÍ 2007 21
MCPLANET - Austurhrauni 3 - 210 Garðabæ - Sími 533 3805
Útsalan
er hafin
Eftir Steingrím Sigurgeirsson
sts@mbl.is
Það er ekki hægt að segjaannað en að vel hafi viðr-að á okkur Íslendinga ogég hef fyrir satt að það
hafi meðal annars leitt til þess að
sala á hvítvínum hafi tekið allnokk-
urn kipp enda fátt ljúfara á heitu
og sólríku sumarsíðdegi en gott
glas af hvítvíni. Hér eru austurrísk
og ítölsk vín sem svíkja engan.
Frizzando d’Villa Vinea 2006
frá Sandhofer er einn af sum-
arsmellunum 2007. Þetta er til-
tölulega lítið vínhús (15 hektarar) í
Neusiedlersee sem hefur getið sér
gott orð í Austurríki og er ánægju-
legt að sjá með fulltrúa í vínbúð-
unum hér. Frizzando er vín sem
freyðir en er samt ekki alveg
freyðivín. Fersk vínber og gul
þroskuð epli og gular perur í
fersku, örlítið sætu og aðallega
yndislegu léttfreyðandi víni. Aust-
urríkismenn kalla vín sem þessi
Perlwein, þau perla en freyða ekki.
Það gerist ekki mikið sumarlegra.
1.790 krónur. 88/100
Annað austurrískt vín sem hefur
verið fáanlegt um nokkurt skeið en
nú í nýjum árgangi er Bründlma-
yer Grüner Veltliner Kamptaler
Terrassen 2006. Bründlmayer er
einn besti framleiðandi Austurríkis
en eins og ég hef margoft bent á
eru austurrísku hvítvínin með ein-
hverju því stórkostlegasta sem
hægt er að fá. Grüner Veltliner er
ásamt Riesling þeirra besta þrúga
(þótt Sauvignon Blanc eigi sína
spretti í suðurhluta landsins) og
þetta er fantagott eintak. Þétt í
nefi sem munni, angan af hvítum
og suðrænum ávöxtum, banana og
ferskjum með votti af kryddi, hvít-
um pipar, sem er svo dæmigerður
fyrir þessa þrúgu. Prófið með grill-
uðum humar! 1.590 krónur. 89/100
Þá yfir til Ítalíu og fyrst Veneto
og framleiðandans Pieropan sem
er eitt þeirra vínhúsa sem býr til
„alvöru“ Soave-vín sem sýna að
Soave geta verið vín í heimsklassa.
Pieropan Soave Classico 2005 er
þurrt og öflugt matarvín, íhalds-
samt með angan af fíkjum og rist-
uðum hnetum, rjómaþykkt og milt
í munni, með þó nokkurri sýru.
Verður að hafa mat til að njóta sín
og þetta er vín sem getur tekist á
við t.d. grillaðan fisk í ítölskum stíl
með sítrónu og ólívuolíu með glæsi-
brag. 1.490 krónur. 89/100
Og loks vín frá Alto Adige eða
Suður-Týról, ítalska héraðið við
rætur Alpanna þar sem flestir tala
þýsku. Einn af betri framleið-
endum héraðsins er Alois Lageder
og hér eru tvö hvítvín framleidd úr
þrúgum úr Pinot-fjölskyldunni.
Alois Lageder Dolomiti Pinot
Grigio 2006 er vín úr þrúgunni
sem í Alsace heitir Pinot Gris en
hefur slegið í gegn t.d. í Bandaríkj-
unum í ítölsku Pinot Grigio-
útgáfunni. Ferskur og þéttur hvít-
ur ávöxtur, þroskaðar perur, mel-
ónur, örlítið ristað. Langt og
þéttriðið út í gegn með ögn krydd-
uðum endi. 1.690 krónur. 90/100
Alois Lageder Pinot Blanc Ha-
berlehof 2006 er þurrara með fág-
aðri blómaangan og grænum epl-
um, þurrt og ávaxtaríkt með
hnetukeim (möndlum) í munni, vín
sem kallar á góðan ítalskan mat,
hvers vegna ekki risotto? 1.780
krónur. 91/100
Hvítir sumarsmellir
Morgunblaðið/Sverrir
bakt á hestum sínum og
fann svo stíginn heim á
endanum. Ef valinn er
einn af litlu kræklóttu
göngustígunum upp frá
Rauðavatni má síðan
finna yndislega litla
sælureiti inni í rjóðrum
og á milli steina.
Það sem greip athygli
Víkverja var það að í
óbyggðaför sinni sá hann
engar mannverur utan
ungmennin á hestunum.
Um leið og Víkverji
komst hins vegar inn á
aðalstíginn, sem liggur
frá Grafarholtshverfinu
og upp að hitaveitutanki,
hitti hann fyrir þó nokkrar eldri kon-
ur í heilsubótargöngu og eitt par.
Ætli Víkverji sé sá eini sem sækir í
hið óbyggða – ætli spennufíkillinn
dragi hann einan áfram í leiðangur
um hið óþekkta?
Víkverja finnst furðulegt hvað fólk
virðist halda sig við það sem það
þekkir og hika við að bregða af leið.
Finnst honum líklegt að það sé ein af
ástæðum þess að Esjan er yfirleitt af-
ar fjölmenn og sérstaklega á góðviðr-
isdögum þó að orsökin sé auðvitað
einnig sú að Esjan hentar einfaldlega
vel fyrir léttar fjallgöngur. Víkverji
vill benda á að í kringum höfuðborg-
arsvæðið er krökkt af spennandi
göngusvæðum og fjöllum, fellum og
hólum sem einnig er gaman að heim-
sækja. Það er alltaf gaman að breyta
til – eða það finnst Víkverja að
minnsta kosti.
Víkverja langar tilað flytja og helst
kaupa hús í Graf-
arholti, nýrri byggð
við Úlfarsfell eða jafn-
vel á Völlunum í Hafn-
arfirði. Ástæðan er
einföld – eins og er
samanstendur bak-
garður Víkverja af um
það bil eitt hundrað
steinvölum, þremur
stráum, einum rifnum
plastpoka og tveimur
fíflum. Í fyrrnefndum
hverfum hins vegar er
bakgarðurinn enginn
annar en guðsgræn og
yndisleg náttúran auk
þess sem flestir eiga litla ferkantaða
einkaflöt að auki.
Víkverji var í heimsókn í Grafar-
holti í gær og skellti sér út í göngutúr
í bakgarðinum. Á eins og hálfs tíma
göngu upplifði Víkverji náttúruna
eins og hún gerist best og það án þess
að sjá til mannabyggða lungann af
ferðinni. Það er einhver undarleg
hamingjutilfinning að vera í óbyggð-
um, þó að maður sé það ekki í raun –
en heili Víkverja hefur alltaf átt
einkar auðvelt með að blekkja sjálfan
sig, svona eins og þegar Víkverji vill
ekki vakna á morgnana og heili hans
telur honum trú um að það sé al-
heimsfrídagur akkúrat þann dag.
Víkverji villtist þrisvar, reyndi að
miða staðsetningu sína út frá fjöllum
og lækkandi sól, gekk fram á árásar-
gjarna fugla sem allt gera til að verja
hreiður sitt, sá ungmenni ríða ber-
 



  
  
víkverji skrifar | vikverji@mbl.is
AUGLÝSINGADEILD
netfang: augl@mbl.is eða sími 569 1111

 
  

    



 

  
 

Mikið úrval af
fallegum
rúmfatnaði
Skólavörðustíg 21, Reykjavík, sími 551 4050