Morgunblaðið - 30.09.2007, Blaðsíða 26

26 SUNNUDAGUR 30. SEPTEMBER 2007 MORGUNBLAÐIÐ
É
g er fæddur 5. júní 1935
í gamla sjúkrahúsinu á
Blönduósi og var lagð-
ur til á fjalir úti í lík-
húsi, talinn andvana
fæddur. Skömmu seinna átti hjúkr-
unarkonan erindi í líkhúsið og leit í
leiðinni á barnslíkið. Hún tók þá eftir
kippum í öðrum litlafingri og hafði
engar vöflur á en þreif barnið, hljóp
með það yfir í sjúkrahús og kastaði
því ofan í ísjökulkalt vatn. Það er fyr-
ir þetta vatnsbað að ég sit nú hér og
tala við þig.“
Hjúkrunarkonan hét Jóhanna,
ljósmóðirin Hallbera og hennar mað-
ur Björn. Til þeirra sækir Hallbjörn
Jóhann nafn sitt. Hann segist hafa
þekkt Jóhönnu sem nöfnu sína, en
ekki vitað um lífgjöfina fyrr en löngu
síðar, að móðir hans sagði honum alla
söguna. Þá var Jóhanna flutt til Ak-
ureyrar og þau Hallbjörn hittust
aldrei eftir það. En að vonum er hon-
um hlýtt til þessarar konu sem bjarg-
aði honum með kuldabaðinu.
Foreldrar Hallbjörns voru Ásta
Þórunn Sveinsdóttir frá Ketu á
Skaga og Hjörtur Jónas Klemensson
frá Kurfi á Skaga. Þau bjuggu á
Skagaströnd, þar sem Hjörtur var
lengstum árabátaformaður og eftir
nokkra vist í öðrum húsum flutti fjöl-
skyldan í Vík. Hallbjörn er yngstur
sextán systkina.
„Við vorum aldrei öll heima í Vík,
sum systkini mín ólust upp annars
staðar, en það voru oft 8 til tíu manns
í heimili. Aldrei man ég til þess að við
syltum heilu hungri, en stundum var
þröngt í búi. Pabbi var duglegur að
veiða og bræður mínir fetuðu í fót-
spor hans. Sjálfur var ég ómögulegur
byssumaður, gat ekki skotið á nokk-
urn fugl og hafði ekkert gaman af því
að fara á sjó, þótt sjómennska yrði
síðar atvinna mín um skeið.
Þar sem svo margt fólk er, er mikið
skrafað og það gekk stundum mikið
á, þegar við systkinin vorum á fart-
inni. Ég fann ekkert til þess að vera
yngstur, þeir bræður mínir sem voru
heima við, voru orðnir það stórir að
þeir þurftu ekkert að níðast á mér.
Ég fékk hins vegar meira en nóg af
stríðni og einelti í skólanum.
Ég var fátæklega til fara, í bættum
fötum af bræðrum mínum og fékk að
kenna á því og svo hinu, að ég fór
mínar eigin leiðir, hvað sem hver
sagði. Ég tók hannyrðir fram yfir
smíðar og mér leið betur inni við að
dunda eitthvað í höndunum en að
leika við félaga mína úti. Fyrir þetta
var ég hafður að skotspæni, en ég
reyndi að láta það sem vind um eyrun
þjóta, þótt efalaust hafi það ýtt á mig
inn í mína skel. En það festist
snemma við mig að láta umhverfið
ekki stjórna mér. Og það hefur ekk-
ert elzt af mér!
Pabbi var flinkur harmoníkuspil-
ari; spilaði á böllum um alla sýslu og
það voru dansleikir sem stóðu fram til
6 og 7 á morgnana. Það var mikil tón-
list á heimilinu, því bræður mínir
spiluðu líka á harmoníku og gítar.
Stundum spilaði pabbi uppi, Svenni
niðri á harmoníku og Kristján á nikku
eða gítar; það var spilað á þremur
stöðum og auðvitað sitt lagið hver.“
– Kom tónlistin til þín frá föður þín-
um?
„Ég held að hún hafi komið beggja
megin frá. Móðir mín var mjög söng-
elsk og hafði gaman af tónlist engu
síður en faðir minn.“
– Lærðir þú eitthvað í tónlist?
„Það er nú saga að segja frá því!
Ég var snemma liðtækur í spili og
söng. Ég var því sendur í tónlistar-
tíma, fyrst heima á Skagaströnd og
svo á Blönduósi hjá Þorsteini Jóns-
syni frá Gili. Ég æfði mig á orgelið
heima, það vantaði ekki, en ég æfði
ekki það sem mér var sett fyrir, held-
ur spilaði bara upp úr mér. Ég raðaði
nótum í kringum mig svo foreldrar
mínir héldu að ég væri að æfa fyrir
tónlistartímana.
Ég gat nefnilega strax spilað allt
sem mig langaði eftir eyranu. Mér
nægði að heyra lag einu eða tvisvar
sinnum og þá var ég búinn að læra
það og gat spilað það. Þess vegna
lagði ég mig aldrei eftir nótum.
Svo fór ég að dangla á gítar og
lærði þannig að ég sat hjá Kristjáni
bróður á kvöldin og horfði á hann
spila og þegar hann var í vinnunni á
daginn, stal ég gítarnum og æfði grip-
in, sem ég hafði séð hjá honum.“
En foreldrarnir gáfu ekki draum-
inn um tónlistarnám sonarins upp á
bátinn. Móðir hans vildi að hann lærði
á orgel og tæki við starfi organista við
kirkjuna á Skagaströnd. Til þess lá
leiðin suður.
Kántrí tók allt yfir
En syðra var allt á sömu bókina
lært og nyrðra; Hallbjörn fór sínar
eigin leiðir; hann fór aldrei í org-
eltíma hjá Sigurði Birkis söng-
málastjóra heldur fékk „þá flugu í
höfuðið að læra á píanó“.
– Af hverju píanó?
„Á samkomu hjá Hvítasunnusöfn-
uðinum kynntist ég Árna Arinbjarn-
arsyni kórstjóra. Hann opnaði mér
heim píanósins og ég sótti tíma hjá
honum fyrsta veturinn.
Svo fór ég í Tónlistarskólann í
Reykjavík.“
Nú komst Hallbjörn Hjartarson
ekki lengur upp með að læra ekki
nóturnar.
En hann fann sér tóm til þess að
sletta aðeins úr klaufunum í söng.
Líkt og á Blönduósi fyrrum, þegar
krakkarnir söfnuðust í kringum hann
út undir vegg og hlustuðu á hann
spila á gítar og syngja, söng Hall-
björn fyrir Reykvíkinga, þegar hann
hvattur af bróður sínum og félögum,
steig á svið og söng með KK-
sextettinum, hljómsveitum Carls Bil-
lich og Svavars Gests og kom svo
fram á kabarettskemmtunum. Og
stúkudrengurinn frá Skagaströnd sá,
hvernig áfengið lék menn og staðfesti
bindindisheit sitt kvöld eftir kvöld svo
dugað hefur fram á þennan dag.
„Ég var ákaflega heppinn með
kennara fyrri veturinn í Tónlistar-
skólanum; Jón Nordal var vingjarn-
legur kennari og umburðarlyndur
listamaður.
En seinni veturinn kenndi Rögn-
valdur Sigurjónsson mér. Hann var
strangur listamaður, en vanstilltur
kennari; manni mátti ekki verða á, þá
var höndin komin yfir öxlina og hann
sagði: Þetta á að vera svona, þetta á
að vera svona. Þetta stuðaði mig svo
að ég hætti.
Þessa tvo vetur lærði ég tónlist-
arsögu hjá Victor Urbancic og hljóm-
fræði hjá Karli O. Runólfssyni. Það
var skemmtilegt nám og gagnlegt og
auðvitað naut ég líka þess sem ég
lærði í píanótímunum, þótt það nám
yrði endasleppt.“
Sumarvinnu sótti Hallbjörn suður
á Keflavíkurflugvöll; var fyrst í upp-
vaski í mötuneytinu og síðar í skúr-
ingum á skrifstofunum. Þarna hljóp
kántrítónlistin fyrir alvöru í hann
Með kántríið í blóðinu
Hann tekur á móti mér,
þegar ég kem upp á
Holtavörðuheiðina: „Þú
ert að hlusta, vinurinn, á
menningaraukann við
húnvetnska strönd, út-
varpsstöðina við flóann,
Útvarp Kántrýbæ.“ Svo
lætur hann lagið rúlla.
Freysteinn Jóhannsson
heimsótti kúreka norð-
ursins, Hallbjörn
Jóhann Hjartarson, á
Skagaströnd.
Ljósmynd/Ólafur Bernódusson
Gjörið þið svo vel Hallbjörn Hjartarson lætur lagið rúlla í Útvarpi Kántrýbæ - menningaraukanum við húnvetnska strönd.
lífshlaup
Hluthafafundur verður haldinn í Tryggingamiðstöðinni hf.
mánudaginn 8. október 2007 kl. 16.30 í húsakynnum félagsins,
Aðalstræti 6, Reykjavík.
TRYGGINGAMIÐSTÖÐIN / Aðalstræti 6 / 101 Reykjavík / Sími 515 2000 / www.tm.is
ÍS
L
E
N
S
K
A
/S
IA
.I
S
/T
M
I
39
35
5
09
/0
7
Hluthafafundur
Dagskrá:
1. Tillaga um breytingu á 1. mgr. 19. gr. samþykkta félagsins þannig að stjórn
félagsins skuli skipuð þremur mönnum.
2. Tillaga um breytingu á 4. mgr. 19. gr. samþykktanna um að undirskrift meiri-
hluta stjórnarmanna sé skuldbindandi fyrir félagið.
3. Kjör nýrrar stjórnar í samræmi við samþykktir félagsins að teknu tilliti til þeirra
breytinga sem á þeim kunna að verða gerðar, sbr. lið 1 hér að framan.
Framboð til stjórnar skal tilkynna skriflega til félagsstjórnar, Aðalstræti 6, Reykjavík,
skemmst fimm dögum fyrir hluthafafundinn. Í tilkynningunni skal greina nafn
frambjóðanda, kennitölu, heimilisfang, upplýsingar um aðalstarf, önnur stjórnarstörf,
menntun, reynslu og hlutafjáreign í félaginu, svo og hagsmunatengsl við helstu
viðskiptaaðila og samkeppnisaðila félagsins, sem og hluthafa sem eiga meira en
10% í félaginu.
Hluthöfum gefst kostur á að greiða atkvæði um tillögurnar bréflega. Atkvæðaseðlar
eru fyrirliggjandi á skrifstofu félagsins frá og með fimmtudeginum 4. október n.k. og
þar er ennfremur hægt að greiða atkvæði. Þeir hluthafar sem þess óska skriflega
fyrir fimmtudaginn 4. október geta fengið atkvæðaseðla senda sér. Bréfleg atkvæði
skulu berast á skrifstofu félagsins eigi síðar en kl. 12.00 mánudaginn 8. október eða
afhendast á hluthafafundinum sjálfum. Atkvæði verða talin á hluthafafundinum
þann 8. október og verða einungis atkvæði þeirra hluthafa sem þá eru skráðir í
hlutaskrá tekin með í atkvæðagreiðslunni.
Stjórn Tryggingamiðstöðvarinnar hf.