Morgunblaðið - 02.11.2007, Blaðsíða 4

4 FÖSTUDAGUR 2. NÓVEMBER 2007 MORGUNBLAÐIÐ
FRÉTTIR
skráning hafin
Eftir Kristján Jónsson
kjon@mbl.is
UMBOÐSMAÐUR Alþingis hefur
komið þeirri ábendingu á framfæri
við heilbrigðis- og tryggingaráðu-
neytið, að fréttir sem ráðuneytið
sendi frá sér eigi að vera skýrar og
glöggar. Tilefnið er forstjóraskipti
hjá Tryggingastofnun Íslands sem
nýlega var skýrt frá. Gagnrýnir um-
boðsmaður einnig að stjórn stofnun-
arinnar skuli ekki hafa komið að mál-
inu eins og henni ber samkvæmt
lögum.
Umboðsmaður vísar til þess að á
heimasíðu heilbrigðis- og trygginga-
málaráðuneytisins hafi verið birt
frétt um starfslok Karls Steinars
Guðnasonar, forstjóra TR, sem fyr-
irhuguð voru vegna aldurs 1. nóvem-
ber og að Sigríður Lillý Baldursdótt-
ir, framkvæmdastjóri þróunarsviðs
stofnunarinnar, tæki við starfinu.
Ákvað umboðsmaður m.a. að kanna
hvort og hvernig umrætt starf hefði
verið auglýst en nú hefur ráðuneytið
í svari sínu skýrt frá því að það verði
gert með lögformlegum hætti.
„Samkvæmt orðalagi þeirrar
fréttar sem birtist á heimasíðu heil-
brigðis- og tryggingamálaráðuneyt-
isins varð ekki annað ráðið af frétt-
inni en forstjórinn léti af embætti
sínu 1. nóvember 2007,“ segir í bréfi
umboðsmanns á heimasíðu embætt-
isins. „Þá var heldur ekki í frásögn af
því hver tæki við starfinu gerður fyr-
irvari um að þarna væri um að ræða
tímabundna setningu og til hvaða
tíma. Hins vegar var upplýst í bréfi
ráðuneytisins til umboðsmanns að
núverandi forstjóra hefði verið veitt
lausn frá störfum miðað við 1. janúar
2008 en hann yrði í leyfi frá 1. nóv-
ember 2007 og nafngreindur ein-
staklingur, staðgengill forstjóra,
gegndi starfinu frá 1. nóvember 2007
til 1. janúar 2008.“ Umboðsmaður
kom þeirri ábendingu á framfæri við
ráðuneytið að betur yrði tryggt að
fréttir, sem ráðuneytið sendi frá sér
þegar einstaklingar væru settir eða
ráðnir tímabundið til að gegna störf-
um eða embættum, væru skýrar og
glöggar. Einnig að í þeim yrði greint
frá því hvert væri hið raunverulega
efni þeirrar ákvörðunar sem um
væri að ræða. Ætti þetta einnig við
þegar einstaklingar væru settir
tímabundið í embætti.
„Hér hefur það bæði þýðingu
gagnvart þeim sem þurfa að eiga
samskipti við viðkomandi stofnun að
vita hver er lögbær forstöðumaður
og þá til hvaða tíma. Einnig getur
það skipt máli fyrir þá sem hefðu
hugsanlega áhuga á því að sækja um
embættið samkvæmt auglýsingu að
vita hvaða ráðstafanir hafa verið
gerðar og þá eftir atvikum tíma-
bundið.“
Gagnrýnir upplýsingar
um forstjóraskipti
Eftir Steinþór Guðbjartsson
steinthor@mbl.is
FRUMMÆLANDI á ráðstefnu
Capacent á Hótel Hilton í gær,
„Áskoranir í skipulagsmálum“,
gagnrýndi skipulag við Borgartún í
Reykjavík og talaði um glatað tæki-
færi.
Jóhannes Þórðarson, deildarfor-
seti hönnunar- og arkitektúrdeildar
Listaháskóla Íslands, lagði í erindi
sínu út af skipulagi við Borgartún.
Hann sagði að frétt um málið í
Morgunblaðinu 10. október sl. hefði
valdið sér vonbrigðum því hún hefði
staðfest fyrir sér vandræðagang og
upplausn sem suma hefði grunað að
væri að finna í þessu „glataða tæki-
færi“ sem Borgartúnið væri.
Í máli Jóhannesar kom fram að
ljóst væri að gæði innihaldsins í af-
greiðslum sem ættu sér stað hjá
skipulagsyfirvöldum á Íslandi skil-
uðu ekki árangri og þær næðu oft
ekki að bæta bæjarímyndina.
Spurning væri hvort aðalskipulags-
gögn væru frekar ástandslýsing en
framtíðarsýn. Í aðalskipulagi væri
ekki rætt um mælikvarða og stærð-
ir með hliðsjón af mannlegum við-
miðum og hlutföllum, lítið væri
minnst á hlutföll og formfræði og
myndmáli væri ekki beitt. Hug-
myndir um áferð, skala og viðmið
væru ekki settar fram. Svo virtist
sem deiliskipulagi væri ætlað að
vera rammi utan um byggingar en
ekki utan um bæjarrými. Ekki væri
rætt um gæði og borgin væri skipu-
lögð í reitum en ekki rýmum. Deili-
skipulagið virtist ekki ná að sam-
tvinna reitina til að úr yrði
bæjarmynd. Umhverfisáhrifin væru
ekki metin nema að takmörkuðu
leyti og það gleymdist að verið væri
að fjárfesta í manngerðu umhverfi
fyrir fólk til að minnsta kosti 50 ára.
Of mikið væri rýnt í hluti eins og
hvort nýtingarhlutfall væri 1 eða 10,
en ekki væri rætt um fagurfræði.
Jóhannes spurði hvort það gæti
verið að dæmi eins og Borgartúnið
væri afleiðing af fyrirbæri sem félli
undir hentistefnu, framkvæmda-
rómantík, hagsmunapot, gróðasjón-
armið eða glímuskjálfta.
Jóhannes sagði nauðsynlegt að
taka upp óformlega skipulagsvinnu,
þ.e. vinnu þar sem tækifæri gæfist
til að koma fram með hugmyndir,
þær ræddar og þróaðar. Vettvang
vantaði til að bera saman slíkar til-
lögur á faglegan hátt og slíka vinnu
þyrfti að tengja við borgarskipu-
lagið, sem jafnframt þyrfti að fá
meira svigrúm til að fást við
stefnumótun. Efla þyrfti hinn aka-
demíska vettvang og rannsóknir og
viðurkenna að það þarf að teikna
borg.
Borgartúnið gagnrýnt
Jóhannes Þórðarson spyr hvort Borgartúnið sé afleiðing af fyrirbæri sem falli undir
hentistefnu, framkvæmdarómantík, hagsmunapot, gróðasjónarmið eða glímuskjálfta
Í HNOTSKURN
» Ráðstefnan fjallaði um þærmiklu áskoranir sem sveit-
arfélög standa frammi fyrir í
sambandi við skipulagsmál.
Magnús Árni Magnússon var
ráðstefnustjóri.
Morgunblaðið/G.Rúnar
Gagnrýni Jóhannes Þórðarson og Sigrún Birgisdóttir frá Listaháskóla
Íslands, lögðu fram tillögur til úrbóta á ráðstefnunni í gær.
BORGARRÁÐ Reykjavíkur sam-
þykkti í gærmorgun kaup á fasteign-
inni Austurstræti 22 sem brann
ásamt Lækjargötu 2 í apríl síðast-
liðnum. Kaupverð byggingarréttar á
lóðinni nam alls 263 milljónum en
með í kaupunum fylgja vátrygginga-
bætur að fjárhæð 95 milljónir þannig
að heildarfjárútlát borgarinnar
nema 168 milljónum króna.
Kaupverðið er nánast hið sama og
nemur verðmati fasteignasölunnar
Eignamiðlunar sem mat byggingar-
réttinn á 170 milljónir, án tillits til
tryggingabótanna.
Dagur B. Eggertsson borgarstjóri
sagði kaupin vera afar ánægjulegt
skref í þeirri uppbyggingu sem stæði
fyrir dyrum í Kvosinni. Austurstræti
22 væri lykilbygging í því samhengi.
„Það hillir undir endurnýjun Lækj-
artorgs, algjörlega nýtt andlit Kvos-
arinnar, uppbyggingu þessara húsa í
takt við upprunalega mynd og að við
náum að græða þetta sár,“ sagði
hann.
Í gær var jafnframt greint frá því
að skipaður hefði verið stýrihópur
sem falið væri að móta deiliskipulag,
gera framkvæmdaáætlun og sam-
hæfa verkþætti við uppbygginguna.
Kaupir
Austur-
stræti 22
REGNHLÍFIN hefur svo sann-
arlega reynst traustur förunautur í
veðráttunni sem ríkt hefur á höf-
uðborgarsvæðinu síðastliðnar vik-
ur og mánuði. Nýliðinn október-
mánuður er sá blautasti í Reykjavík
síðan 1936, en alls mældist úrkom-
an tæplega 175 mm, sem er tvöfalt
meira en í meðalári.
Morgunblaðið/Ómar
Með regnhlíf til skjóls á Laugavegi
Heilbrigðisráð-
herrar Norður-
landanna ræða
um leiðir til að
þróa áfram sam-
eiginlegan lyfja-
og heilsumarkað.
Guðlaugur Þór
Þórðarson, heil-
brigðis- og trygg-
ingamálaráð-
herra, segir að
markmiðið sé að reyna að opna lyfja-
markaðinn og auka samkeppni á
honum í því augnamiði að ná niður
lyfjaverði.
Guðlaugur Þór tók í gær þátt í
aukafundi heilbrigðisráðherra Norð-
urlandanna í tengslum við 59. þing
Norðurlandaráðs í Ósló í Noregi.
Þar kom málið til umræðu.
Ráðherrarnir ræddu einnig þá
hugmynd Guðlaugs að fela sérfræð-
ingahópi, með einum sérfræðingi frá
hverju landi, að kanna hvaða mögu-
leikar séu á því að styrkja sérstak-
lega minni markaðssvæðin á þessum
mörkuðum. Í tillögunni er lagt til að
formennskulandið innan Norður-
landaráðs fái það verkefni að kalla
saman sérfræðingahópinn og leiða
starf hans og að hann skili skýrslu
sinni á fyrsta fundi embættismanna-
nefndarinnar á sviði heilbrigðis- og
félagsmála á næsta ári.
Guðlaugur segir að tillögurnar
kveði á um að markaðslög í einu
landi skuli gilda í öðrum og samvinna
verði höfð um útboð milli landa.
Kveðst hann vona að innan fárra
mánaða liggi fyrir niðurstöður sér-
fræðingahópsins, sem hægt verði að
taka afstöðu til. Guðlaugur segir að
tillögunum hafi verið fagnað á fundi
heilbrigðisráðherranna, og að þetta
sé ánægjulegt skref í átt til þess að
ná niður lyfjaverði á Íslandi, „þótt sú
ferð sé að vísu rétt hafin“.
Rætt um að opna
lyfjamarkaðinn
Skref í þá átt að ná niður lyfjaverði
Guðlaugur
Þór Þórðarson