Morgunblaðið - 02.11.2007, Blaðsíða 6

6 FÖSTUDAGUR 2. NÓVEMBER 2007 MORGUNBLAÐIÐ
FRÉTTIR
SVANDÍS Svavarsdóttir, borgarfulltrúi Vinstri grænna í
borgarstjórn, segist ekki vera búin að taka ákvörðun um það
hvort hún muni hætta við dómsmál til að fá eigendafund
Orkuveitu Reykjavíkur dæmdan ólöglegan. Hún segir að það
eigi eftir að koma í ljós hvað stjórn OR vilji gera í sambandi
við þá ákvörðun borgarráðs Reykjavíkur sem í dag samþykkti
að hafna samruna félaganna Reykjavík Energy Invest og
Geysir Green Energy.
Svandís segir að þegar ákvörðun stjórnar OR liggi fyrir
muni hún ráðfæra sig við lögmann sinn varðandi framhald
málsins.
Frávísunarkrafa lögmanna OR verður tekin fyrir í Héraðs-
dómi Reykjavíkur á mánudag. Hún byggist m.a. á því að Svan-
dís hafi ekki lögvarða hagsmuni af úrlausn málsins, þar sem
hún eigi ekki sæti í stjórn OR. Svandís sat hins vegar í stjórn-
inni áður en meirihluti Sjálfstæðisflokks og Framsókn-
arflokks sprakk.
Óvissa um dómsmál
Svandísar
„VIÐ erum mjög sátt við þessa fyrstu aðgerð stýrihópsins, ekki
síst vegna þess að hún eyðir þeirri miklu óvissu sem hefur verið í
málinu,“ segir Hanna Birna Kristjánsdóttir, borgarfulltrúi
Sjálfstæðisflokksins en hún á sæti í stýrihópi borgarráðs.
Hanna Birna segir ákvörðunina í fullu samræmi við þær
áherslur sem borgarfulltrúar Sjálfstæðisflokksins hafa talað
fyrir.
Hún segir að það hafi komið enn betur í ljós í vinnu stýrihóps-
ins hversu illa málið var unnið. Vafi leiki á um fjölmörg atriði í
öllu samningaferlinu við undirbúning og aðdraganda málsins og
ljóst sé að borgarstjórn geti ekki staðið vörð um þennan gjörn-
ing.
Velta við hverjum steini
Í greinargerð stýrihópsins segir að nægilegar forsendur liggi
fyrir til að fallast ekki á samruna REI og Geysir Green Energy
en jafnframt þurfi frekari skoðun að fara fram á tilteknum þátt-
um sem að hluta verði beint í sérstaka stjórn-
sýsluúttekt. „Við teljum sérstaklega mik-
ilvægt að þessari skoðun verður haldið áfram
og að skýrslan verði birt þar sem farið er yfir
lögfræðilegu þættina í þessu máli. Við erum á
þeirri vegferð að velta við hverjum steini og
mun skýrslan liggja fyrir í lok mánaðarins.
Við teljum mjög mikilvægt að borgin sé vel
upplýst um allt þetta ferli og þar með talið
um hlut stjórnarmanna, starfsmanna, kjör-
inna fulltrúa og annarra sem komu að
þessu,“ segir Hanna Birna. Spurð hvort ekki
verði flókið að ætla að vinda ofan af samrunanum segir Hanna
Birna að sú ráðgjöf sem starfshópurinn hafi fengið bendi til að
það þurfi ekki endilega að vera flókið mál. Margir formgallar
hafi reynst á málinu og ýmis lögfræðileg álitaefni um forsendur
og framkvæmd samrunans.
Borgarstjórn getur ekki staðið
vörð um þennan gjörning
Hanna Birna
Kristjánsdóttir
JÚLÍUS Vífill
Ingvarsson,
borgarfulltrúi
Sjálfstæðis-
flokksins og
stjórnarmaður í
Orkuveitu
Reykjavíkur,
sagði eftir borg-
arráðsfundinn í
gærmorgun að
sjálfstæðismenn
væru ánægðir með þá niðurstöðu
borgarráðs að hafna samruna REI
og GGE. Þeir hefðu einnig getað
sætt sig við þessa niðurstöðu þeg-
ar þeir mynduðu meirihluta með
fulltrúa Framsóknarflokksins,
Birni Inga Hrafnssyni. Honum
hefði hins vegar hvergi verið hægt
að hnika. Júlíus sagði að ákvörðun
borgarráðs væri í raun staðfesting
á því sem sjálfstæðismenn hefðu
haldið fram frá því málið kom upp,
að samruninn væri ekki nógu vel
unninn og betur þyrfti að fara yfir
það.
Staðfesting á
málstaðnum
Júlíus Vífill
Ingvarsson
Eftir Andra Karl
andri@mbl.is
ÁKVÖRÐUN borgarráðs um að samþykkja
tillögur stýrihóps um samruna Reykjavík
Energy Invest og Geysir Green Energy kom
stjórnarformanni síðarnefnda félagsins á
óvart. Hann segist ekki fá séð hvernig menn
ætli að slíta samningum einhliða og lítur svo
á að samningar GGE og Orkuveitu Reykja-
víkur standi þar til Orkuveitan annaðhvort
semur sig út úr þeim eða þriðji aðili verði
fenginn til að skera úr um hvort samning-
arnir séu í gildi.
Hannes Smárason, stjórnarformaður
Geysir Green, segir að félagið hafi gert sam-
komulag við Orkuveituna um tiltekna hluti
og fulltrúar allra flokka í stjórn Orkuveit-
unnar hafi tekið þátt í þeirri ákvörðun, að
undanskilinni Svandísi Svavarsdóttur. Hann
segir GGE telja málið einfalt. „Það eru
samningar í gildi á milli aðila sem hljóta að
standa þar til menn semja sig frá þeim, eða
einhver utanaðkomandi verður fenginn til að
kveða upp dóm í þeim efnum. Það er afar
óheppilegt í hvaða farveg þetta mál er komið
og það er ljóst að viðsemjendur okkar pöss-
uðu sig ekki nægilega á því að tryggja sitt
bakland, en það er ekki við okkur að sakast í
þeim efnum.“
Í yfirlýsingu sem Geysir Green sendi frá
sér í gær segir m.a. að í svari Reykjavík-
urborgar til umboðsmanns Alþingis sem birt
var þann 31. október lýsi borgarlögmaður
því áliti að um þá samninga sem stjórn Orku-
veitu Reykjavíkur gerir gildi reglur einka-
réttar og þar með að stjórn Orkuveitunnar
standi að þessum samningum en ekki borg-
arráð.
Skaðabótaskylda augljós –
fjárhæðirnar umtalsverðar
Spurður út í næstu skref Geysir Green
segir Hannes að málið verði skoðað heild-
rænt með lögmönnum félagsins. Hann segir
ljóst að um skaðabótaskyldu geti verið að
ræða og fjárhæðirnar umtalsverðar. „Ef það
hlýst af þessu skaði, þá verður náttúrlega til
skaðabótaskylda. Við myndum alla vega
meta stöðuna þannig, og ég held að menn
geri sér ekki grein fyrir því hvað verið er að
tala um í þessum efnum. Þessi félög [REI og
GGE] eru búin að vera í samvinnu um nokk-
uð langt skeið þrátt fyrir að fara ekki út í
þessa sameiningu fyrr en í byrjun október.
Menn hafa gert skuldbindingar hvorir gagn-
vart öðrum og gagnvart þriðja aðila, þannig
að ef annar aðilinn ætlar að bakka út úr því
er ljóst að hann verður skaðabótaskyldur
gagnvart þeim sem eftir situr. Það er bara
þannig og þær fjárhæðir sem um ræðir geta
verið umtalsverðar.“
Hannes segist ekki geta sagt til um það
hvort hraði viðskiptalífsins sé einfaldlega of
mikill fyrir borgarpólitíkina en undrast
hvernig borgin stendur að ákvarðanatöku
sinni. „Við sömdum við okkar gagnaðila í
góðri trú og á þeim hraða sem okkur fannst
eðlilegur. Ef farið er yfir þessa atburðarás,
þá sést að það lá alveg fyrir í hvaða farveg
þetta mál var að fara löngu áður en skrifað
var undir endanlega samninga 3. október.
Við getum að minnsta kosti ekki borið
ábyrgð á því hvernig menn standa að því að
kynna samninga í sínu eigin baklandi.“
Skaðinn eigenda Orkuveitunnar
Óhætt er að segja að Geysir Green hafi
vaxið gríðarlega síðan félagið var stofnað í
janúar sl. og tekur það nú þátt í útrásarverk-
efnum á sviði jarðvarma um allan heim. „Við
vorum búnir að byggja upp öflugt fyrirtæki í
Geysir Green áður en það fór í þessa samein-
ingu og í millitíðinni erum við búnir að
tryggja okkur 70% hluta í Enex, sem þýðir
að nú þegar ræður Geysir Green yfir nánast
öllum útrásarverkefnum Íslendinga á sviði
jarðvarma, ef frá eru talin einstaka verkefni
sem Orkuveitan hefur stofnað til. En í þeim
teljum við okkur eiga réttindi einnig í gegn-
um þennan samstarfssamning sem búið er að
gera.“
Hannes segir fyrirtækið líta þannig á að
verði samningum rift sé skaði eigenda Orku-
veitunnar mikill. „Þeim stóð til boða að inn-
leysa 10 milljarða hagnað í þessum samruna.
Ekki nóg með að það væri pappírshagnaður
heldur var þeim einnig boðið að fá sölutrygg-
ingu af þeim hagnaði, þannig að þeir hefðu
getað verið með bankaábyrgð upp á það. Nú
þurfa þeir væntanlega að finna sér einhverja
aðra leið til að verða sér úti um þá fjármuni,“
segir Hannes en áréttar að enn eigi eftir að
skoða þetta mál ýtarlega og hnýta lausa
enda.
Samningar standa þar
til annað kemur í ljós
Hannes Smárason, stjórnarformaður Geysir Green Energy,
segist undrast hvernig borgaryfirvöld taki ákvarðanir
7. mars 2007 Stjórn Orkuveitu Reykjavíkur
samþykkir að stofna hlutafélag um útrásar-
starfsemi OR.
11. júní. Reykjavík Energy Invest ehf. form-
lega stofnað.
23. ágúst Lagðar fram hugmyndir í stjórn
REI um fyrirkomulag að samkomulagi milli
OR og REI.
11. september. Bjarni Ármannsson kjörinn í
stjórn REI og formaður stjórnar.
24. september. Stjórnarformenn REI, OR og
Geysir Green Energy handsala samkomulag
um sameiningu REI og GGE.
2. október. Meirihluta borgarstjórnar og
fulltrúum Akraness og Borgarbyggðar
kynntar hugmyndir um samruna REI og
GGE.
3. október. Fulltrúum minnihluta í borgar-
stjórn kynntur samruninn.
3. október. Eigenda- og stjórnarfundur OR
samþykkir samruna REI og GGE og þjón-
ustusamning OR og REI.
11. október. Meirihlutinn í borgarstjórn
Reykjavíkur fellur þegar Björn Ingi
Hrafnsson, oddviti Framsóknarflokks,
gengur til samstarfs við Samfylkinguna, VG
og F-lista um myndun nýs meirihluta.
15. október Mál Svandísar Svavarsdóttur til
að fá eigendafund OR dæmdan ólögmætan
þingfest fyrir Héraðsdómi Reykjavíkur.
18. október. Borgarráð samþykkir að fela
stýrihópi að gera úttekt á aðdraganda og
kynningu stjórnar- og eigendafundar OR og
ákvörðunum sem þar voru teknar er varða
sameiningu REI og GGE.
1. nóvember Borgarráð samþykkir tillögur
stýrihóps um að hafna samruna REI og
GGE, 20 ára einkaréttarsamningi REI við
OR og að OR gangist undir ýtarlega stjórn-
sýsluúttekt.
Morgunblaðið/Kristinn
Virkjað á heiðinni Orkuveita Reykjavíkur reisir um þessar mundir jarðvarmavirkjun til rafmagns- og heitavatnsframleiðslu á Hellisheiði. Á myndinni
sjást Árni Eðvaldsson, verkstjóri hjá Ístak, og Iða Brá Vilhjálmsdóttir hjá Fjarhitun á framkvæmdastað.