Morgunblaðið - 22.12.2007, Blaðsíða 14
14 SATURDAY 22. DECEMBER 2007 MORGUNBLAÐIÐ
FRÉTTIR
Eftir Jóhönnu Maríu Vilhelmsdóttur
jmv@mbl.is
„ÞAÐ ER svo mikilvægt að fólk viti að það
skipti máli og að hægt sé að fara á stað þar sem
skilningur ríkir á líðan þess. Það er líka auð-
veldara að fara fram úr á morgnana ef þú veist
að verkefni bíða þín,“ segir Erna Magn-
úsdóttir, forstöðumaður Ljóssins – Endurhæf-
ingar- og stuðningsmiðstöðvar fyrir krabba-
meinsgreinda og aðstandendur þeirra.
Starfsemi Ljóssins er nú flutt í nýtt 470 fer-
metra húsnæði við Langholtsveg 43 og mun
það efla starfsemina til muna.
Einstök starfsemi
Í Ljósinu er lagt kapp á að efla andlegan, lík-
amlegan og félagslegan þrótt krabbameins-
sjúkra, auk þess sem aðstandendur þeirra geta
sótt stuðningshópa, fræðslu og tekið þátt í öllu
starfi.
„Þetta er einstök miðstöð á Norðurlönd-
unum og gestir hafa komið frá Danmörku, Sví-
þjóð og Færeyjum til að skoða okkar módel.
Allt þetta handverk fléttað saman við líkams-
rækt, listmeðferðir og andlega þætti eins og
sjálfstyrkingu þykir mjög sérstakt. Svona
stuðningur ætti tvímælalaust heima hjá fleiri
hópum en þeim sem greinast með krabba-
mein,“ segir Erna.
Eftir áramót verður starfsemin efld töluvert
og verða þá starfandi þrír iðjuþjálfar og jóga-
kennari, auk aðstoðarfólks sem yfirleitt eru
sjálfboðaliðar sem áður hafa verið þar í end-
urhæfingu. „Verktakar koma einnig að starf-
inu, eins og íþróttafræðingur, sálfræðingur og
handverkskennarar, svo verður útivistin
skemmtilegri þar sem við erum skammt frá
Laugardalnum,“ segir Erna.
fyrst í stuðning og endurhæfingu og að fólk
sé velkomið strax eftir greiningu. Ekki þurfi
tilvísun frá lækni heldur komi fólk á eigin for-
sendum. Við fyrstu heimsókn fái það viðtal
við iðjuþjálfa sem meti aðstæður viðkomandi,
en svo ráði fólk ferðinni alveg sjálft.
Spurð um kostnað slíkrar meðferðar segir
Erna hann vera óverulegan. „Við söfnum
styrkjum og fyrirtæki veita afslátt svo fólkið
okkar þurfi að greiða sem minnst því það er
dýrt að veikjast. Þeir sem geta greiða 2.500
króna félagsgjald,“ segir Erna
Magnúsdóttir. Heimasíða Ljóssins er
www.ljosid.org.
Fólk á öllum aldri
Nýverið var stofnaður herrahópur fyrir
karla á besta aldri innan Ljóssins, en þeir kjósa
gjarnan að halda hópinn að sögn Ernu. Í nýja
húsinu sé nú verið að innrétta trésmíðaverk-
stæði, þar sem góð aðstaða verði fyrir hvers-
kyns smíði sem karlarnir hafi sóst eftir. Auk
þess hafi verið stofnaður hópur fyrir yngra
fólkið, en Ljósið tekur við fólki frá 18 ára aldri.
Erna segir mikla samheldni ríkja innan
Ljóssins. „Við erum eins og stór fjölskylda, það
er reynt að passa upp á hvern og einn,“ segir
hún. Erna leggur áherslu á að fólk komi sem
Á erfiðum tímum er
skilningur mikilvægur
Starfsemi Ljóssins eflist
til muna í nýju húsnæði
Morgunblaðið/Brynjar Gauti
Notalegheit Erna Magnúsdóttir, forstöðumaður Ljóssins, í nýju og rúmgóðu húsnæði við
Langholtsveg, þar sem lögð er áhersla á að öllum líði vel.
HEILBRIGÐISSTOFNUN Suðurnesja
fær 159 milljónir kr. til viðhalds fasteigna
og mannvirkja á næstu tveimur árum, sam-
kvæmt skiptingu fjármálaráðherra á sér-
stöku fjármagni til viðhalds. Er það mesta
framlagið sem ein stofn-
un fær á þessu tímabili.
Þegar mótvægisað-
gerðir ríkisstjórnarinnar
til að draga úr neikvæð-
um áhrifum af tíma-
bundnum samdrætti í
aflamarki þorsks voru
kynntar var sagt frá því
að ríkisstjórnin hygðist
verja einum milljarði kr.
á rúmlega tveimur árum
til framkvæmda við end-
urbætur og viðhald fasteigna og mann-
virkja í eigu ríkisins. Fjármálaráðherra
hefur nú ákveðið skiptingu fjárins að teknu
tilliti til ábendinga og tillagna Fasteigna
ríkissjóðs og heilbrigðisráðuneytisins.
Verja á 666 milljónum til þessara verkefna
á næsta ári og 334 milljónum árið 2009.
Næsthæsta framlagið fer til Heilbrigð-
isstofnunar Vestmannaeyja, 139 milljónir
kr., og 110 milljónir kr. til Heilbrigðisstofn-
unarinnar í Ísafjarðarbæ. Nota á 67 millj-
ónir til að gera við lögreglustöðina á
Hornafirði en önnur framlög eru undir 50
milljónum kr.
Ef landshlutarnir eru teknir saman sést
að 195 milljónir renna til verkefna á Vest-
fjörðum, 177 milljónir á Austur- og Suð-
austurland, 167 milljónir á Vesturland, 163
milljónir á Norðurland, 159 milljónir á Suð-
urnes og 139 milljónir kr. til verkefna í
Vestmannaeyjum.
Heilbrigðisstofnunin í Bolungarvík fær 2
milljónir úr þessum potti. Í bókun bæj-
arráðs frá því í fyrradag er lýst von-
brigðum með hlut bæjarins. Fram kemur
það álit að koma hefði átt til móts við
minni sjávarpláss með því til dæmis að
veita fé til viðhalds bygginga í eigu sveitar-
félaganna.
Mest til Heil-
brigðisstofnunar
Suðurnesja
Heilbrigðisstofn-
anir fá viðhald.
ÚR VERINU
Vestmannaeyjar | Fjöldi manns tók á móti Dala
Rafni VE þegar hann kom til heimahafnar í
Vestmannaeyjum í fyrsta skipti í gær. Er þetta
sjötta nýja skipið sem kemur til Vestmannaeyja
á þessu ári. Þegar Dala Rafn, sem er ísfisks-
togskip, var lagstur að bryggju blessuðu prestar
Landakirkju, Kristján Björnsson og Guð-
mundur Örn Jónsson, skip og áhöfn. Útgerðinni
barst mikill fjöldi gjafa og heillaóska og margir
nýttu sér boð um að skoða skipið sem er allt hið
glæsilegasta.
Fimmta skipið með sama nafni
Dala Rafn er í eigu Þórðar Rafns Sigurðs-
sonar, útgerðarmanns og skipstjóra, og Ingu
Eymundsdóttur konu hans og fjölskyldu þeirra.
Þetta er fimmta skipið með sama nafni sem þau
hafa átt. „Við byrjuðum í útgerð 11. maí 1975 en
þetta er fyrsta nýsmíðin hjá okkur,“ sagði Þórð-
ur Rafn í samtali við Morgunblaðið við komu
skipsins í gær. „Ég er mjög ánægður með skipið
og allan frágang hjá Pólverjunum.“
Dala Rafn er fjórða skipið sömu gerðar sem
þeir hafa smíðað fyrir Íslendinga og komu þau
öll á þessu ári. Hin eru Vestmannaey VE, Berg-
ey VE og Vörður ÞH og hafa þau öll reynst vel.
Hættir eftir 50 ár á sjó
Skipstjóri á Dala Rafni er Eyþór, sonur
Þórðar Rafns, sem fór þó einn og túr á þeim
gamla. Í gær lét hann skipstjórnina loks form-
lega í hendur syninum og sagðist hættur eftir
50 ár á sjó. Reyndar sagðist hann hafa kynnst
sjómennsku strax átta ára gamall. „Þá reri ég
með afa á trillu heima á Siglufirði en það er hálf
öld síðan ég var fyrst skráður á bát. Það var á
Jón Stefánsson VE og við það miða ég þegar ég
segist hafa verið 50 ár á sjó.“
Eyþór skipstjóri er mjög ánægður með skipið
og segist hlakka til að byrja. „Þetta er miklu
meira skip en sá gamli sem gefur okkur meiri
möguleika. Hann er stærri, aflmeiri og betur
tækjum búinn. Við lentum í brælu á heimleið-
inni og reyndist hann hið besta sjóskip þannig
að fyrstu kynni lofa góðu,“ sagði Eyþór.
Vantar meiri kvóta
Kvótinn er um 1.400 þorskígildi sem Eyþór
segir að sé ekki nóg. „Okkur vantar meiri
kvóta og það verður hlutverk pabba að fara í
það mál nú þegar hann er kominn í land.“ Dala
Rafn er 29 m langur og 10,4 m á breidd. Að-
alspil eru lágþrýstispil, 20 tonn hvort. Íbúðir
eru fyrir fjórtán en gert er ráð fyrir tólf í
áhöfn. Vinnsludekkið er mjög rúmgott en bún-
aðurinn er smíðaður í Vélsmiðjunni Þór og er
tilbúinn. Breiddin gerir það að verkum að lest-
in er mjög rúmgóð og tekur 166 kör, eða fjóra
gáma.
Dala Rafn er sjötta skipið sem kemur til
Vestmannaeyja á árinu. Hin eru Guðmundur
VE, Vestmannaey VE, Bergey VE, Gullberg
VE og Álsey VE.
Sjötta nýja skipið til Eyja á árinu
Morgunblaðið/Sigurgeir Blessun Eigendur ásamt prestunum sem blessuðu skip og áhöfn við
komuna. Séra Guðmundur Örn, Eyþór skipstjóri, Ingi Rafn, sonur
hans, Þórður Rafn, Inga og séra Kristján.
Nýtt skip Dala Rafn er 29 metra langur og 10,4 metrar á breidd. Hann
er nýsmíði frá Póllandi og fjórða skipið sömu gerðar sem hingað kemur.
Dala Rafn VE kom til heimahafnar í Vestmannaeyjum frá Póllandi í gær
FULLTRÚAR Landssambands smábáta-
eigenda og sjómannasamtakanna skrifuðu
undir kjarasamning um kaup og kjör sjó-
manna á smábátum í gær. Samningurinn
markar tímamót í sögu smábátaeigenda
þar sem hann er sá fyrsti í sögu lands-
sambandsins. Áður höfðu verið gerðir
samningar í Bolungarvík og Ísafirði, en nú
er kominn á samningur sem nær til allra
smábátaeigenda og sjómanna sem róa hjá
þeim.
„Þetta er ákaflega mikilvægur samning-
ur en það hefur tekið um þrjú ár að ná
þessu markmiði. Þetta fór í gegnum tvo að-
alfundi hjá okkur og síðan hefur þetta verið
kynnt stig af stigi fyrir svæðisfélögunum.
Samningurinn er gerður með fyrirvara um
samþykki svæðisfélaganna og því verður
hann kynntur fyrir þeim á næstunni. Þetta
er stórt skerf sem mun efla útgerð smábáta
enn frekar,“ segir Örn Pálsson, fram-
kvæmdastjóri LS.
Samningurinn nær bæði til netaveiða og
línuveiða, hvort sem beitt er í landi eða um
borð. Samkvæmt honum eru ákvörðuð
ákveðin lágmarkskjör, sem miðast við
brúttóaflaverðmæti að frádregnum kostn-
aði við sölu á markaði. Þá eru sjómönnum
tryggð lágmarkskjör og í samningnum er
kauptrygging á mánuði í samræmi við það
sem er í gildi á bátum yfir 12 tonnum. Þá er
samið um hlífðarfatnað og fæðispeninga,
lífeyrismál, tekið á uppsagnarfresti og
tryggingamál færð til svipaðs forms og á
stærri bátunum.
Sé tekið dæmi um fjóra í áhöfn á beitn-
ingarvélbát skipta þeir með sér 26,5% af
heildarverðmæti. Ofan á það koma launa-
tengd gjöld og orlof. Hitt rennur til útgerð-
arinnar.
Tímamóta-
samningur
smábáta-
manna