Morgunblaðið - 22.12.2007, Blaðsíða 22
22 SATURDAY 22. DECEMBER 2007 MORGUNBLAÐIÐ
AKUREYRI
Hveragerði | Lögð verður áhersla á
íþróttamannvirki í fjárfestingum
Hveragerðisbæjar á næsta ári, sam-
kvæmt fjárhagsáætlun ársins sem
samþykkt hefur verið. Þar ber hæst
yfirbyggðan gervigrasvöll ásamt að-
stöðuhúsi við Grýluvöll.
Fram kom í máli Aldísar Haf-
steinsdóttur bæjarstjóra, þegar hún
kynnti fjárhagsáætlunina, að yf-
irbyggt gervigras myndi gjörbreyta
allri aðstöðu til knattspyrnuiðkunar
og losa um tíma í íþróttahúsi bæj-
arins, sem starfsemin hefur sprengt
utan af sér fyrir löngu.
Verið er að kanna möguleika á
uppblásnu tjaldi yfir gervigrasið.
Það yrði þá upphitað og hugsanlegt
að koma fyrir gólfi fyrir aðrar
íþróttagreinar. Aldís tekur fram við
Morgunblaðið að þessi kostur sé enn
til athugunar. Aðstaða af þessu tagi
er mun ódýrari en hefðbundnar
íþróttahallir sem byggðar hafa ver-
ið. Gert er ráð fyrir 200 milljónum
kr. til verksins á fjárhagsáætlun.
Athuga möguleika
á uppblásnu
knattspyrnuhúsi
ÁRBORGARSVÆÐIÐ
Eyrarbakki | Byggðsafn Árnesinga
vinnur nú að heimildamynd um
Húsið á Eyrarbakka og hefur feng-
ið til þess styrki frá nokkrum að-
ilum. Um er að ræða 45 mínútna
leikna mynd.
Andrés Indriðason, kvikmynda-
gerðarmaður og rithöfundur,
samdi handritið og stjórnaði tökum
og klippingu. Kvikmyndatökumað-
ur er Jóhannes Jónsson frá Ísafirði.
Tónlist var samin sérstaklega fyrir
heimildamyndina af Elínu Gunn-
laugsdóttur tónskáldi.
Um þessar mundir er verið að
ljúka klippingu myndarinnar og
frágangi hennar.
Heimildamynd
gerð um Húsið
Selfoss | Ragnheiður Guðmunds-
dóttir (Heiða) í Auðsholti 5 í Hruna-
mannahreppi var heiðruð af mjólk-
urbúinu á Selfossi á fimmtudaginn
fyrir að hafa gefið mjólkurbíl-
stjórum fyrirtækisins að borða í
hálfa öld eða frá 1958.
Guðmundur Geir Gunnarsson,
mjólkurbússtjóri MS á Selfossi, seg-
ir að 14 bú á Suðurlandi sjái nú um
að fæða mjólkurbílstjóra en enginn
hefur sinnt þessari þjónustu jafn
lengi og Heiða. Lengst af sá hún um
hádegisverð fyrir bílstjórana en hin
síðari ár hefur það verið morg-
unverður.
Guðmundur Jóhannsson og Gunn-
ar Friðriksson mjólkurbílstjórar
hafa verið hvað lengst í fæði hjá
Heiðu en síðustu fimm ár hefur
Björn Magnússon notið gestrisni og
veitinga í Auðsholti. „Það er alltaf
jafn yndislegt að koma til Heiðu,
borðin svigna undan kræsingum og
við höfum leyst hin ýmsu þjóð-
félagsmál í morgunmatnum,“ sagði
Björn.
Hefur haldið mér gangandi
Heiða segir það hafa verið for-
réttindi í sínu lífi að hafa sinnt þessu
hlutverki fyrir mjólkurbílstjórana í
öll þessi ári, það hafi gefið henni
mikið og í rauninni haldið henni
gangandi eins og hún orðaði það.
„Þetta hafa allt verið yndislegir
menn sem hingað hafa komið enda
hef ég litið á þá sem hluta af fjöl-
skyldunni minni, svo góða vini og fé-
laga hef ég eignast þessi 50 ár,“
sagði Heiða þegar hún tók við þakk-
lætisvotti frá MS fyrir störf sín um
leið og hún hætti að sinna starfinu.
Heiða dvelur nú á Selfossi hjá
syni sínum vegna veikinda sem
komu upp í byrjun desember.
Þakklæti Mjólkurbílstjórarnir Guðmundur Geir og Björn Magnússon,
heimsóttu Heiðu á Selfoss og heiðruðu hana fyrir langt og gott starf.
Alltaf jafn gott
að koma til Heiðu
Selfoss | Byggingarmagn í miðbæ
Selfoss minnkar um tæp 8% frá aug-
lýstri deiliskipulagstillögu, sam-
kvæmt nýrri tillögu sem bæjarstjórn
Sveitarfélagsins Árborgar hefur
samþykkt.
Deiliskipulagið er umdeilt í sveit-
arfélaginu og bárust 1.147 athuga-
semdir, flestar á undirskriftalistum.
Starfshópur á vegum bæjarins hefur
farið yfir þessar athugasemdir og
reynt að koma til móts við þær, að
því er fram kom hjá Þorvaldi Guð-
myndssyni bæjarfulltrúa á fundi
bæjarstjórnar í vikunni.
Í nýrri tillögu er byggingarmagn
minnkað úr 48.900 fermetrum í
45.100 fermetra. Bílastæðum fækkar
og íbúðum fækkar um 24. Það er
meðal annars gert með því að fella
brott úr skipulaginu tilteknar bygg-
ingar og lækka nokkrar um eina
hæð. Þá er gert ráð fyrir þeim mögu-
leika að menningarmiðstöð geti risið
á byggingarreit við Ártorg. Áfram er
gert ráð fyrir að flest hús á þessu
svæði verði rifin, þar á meðal svo-
kallað Pakkhús.
Deiliskipulagstillagan var sam-
þykkt með atkvæðum fulltrúa meiri-
hlutans í bæjarstjórn en fulltrúar
Sjálfstæðisflokksins greiddu at-
kvæði á móti. Gagnrýndu þeir meðal
annars samninga við Miðjuna ehf.
sem þeir telja að feli í sér íþyngjandi
skuldbindingar fyrir bæinn.
Byggingarmagn
minnkar um tæp 8%
NÚ er ljóst að hin geysivinsæla sýn-
ing á Óvitum slær aðsóknarmetið
hjá Leikfélagi Akureyrar en sýn-
ingum verður hætt 6. janúar til þess
rýna fyrir frumsýningu farsans Fló
á skinni.
Uppselt hefur verið á allar sýn-
ingar á Óvitum og að lokinni sýn-
ingunni 28. desember hafa fleiri séð
verkið en sáu Fullkomið brúðkaup
á Akureyri, en það er vinsælasta
sýning LA frá upphafi. Áhorfendur
verða þá orðnir tæplega 12.000.
Reyndar verður Fullkomið brúð-
kaup áfram aðsóknarmesta sýning
LA í heild sinni, því alls sáu um
26.000 manns sýninguna þegar
gestir í Reykjavík eru taldir með.
Að sögn Magnúsar Geirs Þórð-
arsonar, leikhússtjóra LA, er stefnt
að útgáfu sýningarinnar Óvita á
DVD fyrir páskana og sýningin
snýr aftur á svið Samkomuhússins í
september á næsta ári.
Óvitar eftir Guðrúnu Helgadótt-
ur voru frumsýndir hjá LA 15. sept-
ember sl. í leikstjórn Sigurðar Sig-
urjónssonar. Jón Ólafsson samdi
nýja tónlist við verkið við texta
Davíðs Þórs Jónssonar. 18 börn
taka þátt í sýningunni og leika við
hlið fullorðinna leikara.
Óvitar slá
Akureyrar-
met LA
Eftir Skapta Hallgrímsson
skapti@mbl.is
SVEINN Í Kálfsskinni hefur vasast
í öllu síðustu áratugi og nú er komin
út bók um karlinn sem heitir einmitt
Vasast í öllu. Björn Ingólfsson fyrr-
verandi skólastjóri á Grenivík ritaði.
„Mér fannst hálf skrýtið að fara út
í þessa bókarskrif og ekki þess virði
að skrifa bók um fullorðna menn sem
hafa ætlað sér að gera ýmislegt en
ekki gert,“ sagði Sveinn í léttum tón í
samtali við Morgunblaðið. „Ég er
auðvitað kominn á karlagrobbsald-
urinn og reyni að halda uppi eigin
ágæti – þótt ekkert sé.“
Óhætt er að segja að titill bókar-
innar sé vel við hæfi. Of langt mál
yrði að telja upp allt sem Sveinn hef-
ur fengist við en nefna má að hann
var starfandi húsasmíðameistari í 48
ára og bóndi í 40 ár. Og lengi fékkst
hann við stjórnmál, var t.d. sveitar-
stjóri Árskógshrepps í 10 ár og sat
eitt kjörtímabil í bæjarstjórn Dalvík-
urbyggðar, 1988 til 2002, eftir að
Dalvík, Svarfaðardalur og Árskógs-
hreppur sameinuðust.
„Nú er ég bara ellilífeyrisþegi,“
sagði Sveinn í gær, en bætti svo við
að hann og Ása, kona hans, væru enn
með ferðaþjónustu í Ytri-Vík.
Sveinn segir stiklað á stóru í bók-
inni, margt nefnt en mörgu líka
sleppt sem hefði verið hægt að fjalla
um. „Þetta er ekki afrekabók, ég
vildi að fólk hefði gaman af henni og
þarna er því fjallað um ýmisleg
skemmtileg augnablik úr lífinu.“
Sveinn dregur ekki dul á að hann
hafi gaman af því að umgangast fólk.
„Ég hef átti því láni að fagna að eign-
ast ágætis kunningja og góða vini
innan um. Ég hef alltaf gaman af öllu
og því fengist við ýmislegt. Þetta er
því eflaust réttnefni á bókinni, þó ég
sé svo sem ekkert að mæla með því
að menn séu að taka þátt í of mörgu.
Menn verða að kunna sér hóf.“
Þegar Sveinn er spurður hvort
hann hafi ekki kunnað sér hóf, svar-
ar hann að bragði: „Nei, líklega ekki.
Það hefur oft verið töluvert at í
kringum mig, en þegar ég horfi yfir
veginn sé ég að ef til vill hefði verið
betra að hafa færra í takinu og gera
betur. En ég sé ekki eftir neinu, ég
hef haft gaman af öllu og mér finnst
ótrúlega skemmtilegt að vera gam-
all.“
Sveinn er mikill Eyfirðingur og er
þess fullviss að bjart sé framundan.
„Þegar göngin verða komin til Siglu-
fjarðar og búið að lengja flugbraut-
ina á Akureyri verður blómlegt hér
og þá verður gaman í eyfirskum
byggðum. Við eigum mikið inni og
það er margt spennandi framundan.
Best væri ef Eyjafjörður yrði eitt
sveitarfélag og það verður innan
fárra ára. Það á ekki að vera neinn
barlómur í Eyfirðingum.“
„Ótrúlega skemmti-
legt að vera gamall“
Ljósmynd/Kristján
Vasast í öllu Sveinn Jónsson, fyrrverandi bóndi og þúsundþjalasmiður í
Kálfsskinni, og Björn Ingólfsson rithöfundur. Hann skráði sögur Sveins.
Í HNOTSKURN
»Sveinn Jónsson er 75 ára.„Það er góður aldur, eins og
reyndar allur aldur. Það má ekki
einblína á hvað maður er gamall
heldur njóta þess að vera til á
meðan það er hægt. Maður verð-
ur að hafa gaman af lífinu,“ segir
hann. Eiginkona Sveins er Ása
Marinósdóttir ljósmóðir.
AKUREYRINGURINN sem vann
23 milljónir í laugardagslottóinu 8.
desember hefur gefið sig fram. Mið-
inn var seldur í Úrvali við Hrísalund
á Akureyri og er sjálfvalsmiði.
Vinningshafinn, kona á besta
aldri, eins og það er orðað í frétt frá
Íslenskri getspá, lét ekki verða af
því að skoða miðann fyrr en hún
heyrði umfjöllun um stórvinninga
sem komið hafa á Akureyri á árinu.
Bónusvinningurinn í Víkingalott-
óinu sem gekk út núna í vikunni fór
einnig til Akureyrar og er sá vinn-
ingshafi búinn að gefa sig fram.
„Það má búast við að jólagjafirnar á
hans heimili verði með stærra sniði
þetta árið en vinningurinn hans
hljóðaði upp á rúmar 54 milljónir
króna,“ segir í tilkynningu frá
Getspánni.
Akureyringar hafa verið með ein-
dæmum happasælir á árinu, en sam-
tals hafa komið 192 milljónir í stór-
vinningum norður. Í október var
einn með tvöfaldan 1. vinning í Vík-
ingalottóinu eða 105 milljónir og auk
þess var miði með 10 milljóna kr.
vinningi seldur á Akureyri í apríl.
192 millj.
króna til
Akureyrar
ÁRLEG blysför í þágu friðar verð-
ur á morgun, Þorláksmessu, á veg-
um Samtaka hernaðarandstæðinga.
Gengið verður frá Samkomuhúsinu
í Hafnarstræti og út á Ráðhústorg.
Séra Hannes Örn Blandon flytur
ávarp og félagar úr Kór Akureyr-
arkirkju syngja. Blys verða seld í
upphafi göngunnar. Gangan hefst
klukkan 20.
Árleg blysför
♦♦♦