Morgunblaðið - 22.12.2007, Blaðsíða 34

34 SATURDAY 22. DECEMBER 2007 MORGUNBLAÐIÐ
UMRÆÐAN
Í VIKUNNI var frétt í fjölmiðlum
þar sem fjallað var um ósk Þórunnar
Sveinbjarnardóttur umhverf-
isráðherra til ríkja í EES um að þau
taki tillit til sérstöðu Íslands gagn-
vart flugsamgöngum í aðgerðum
vegna loftslagsbreyt-
inga. Allt í einu hefur
Þórunn vent kvæði
sínu í kross og vill að
önnur lönd taki tillit til
sérstöðu Íslands, þ.e.
að við fáum einhvers
konar undanþágu.
Öðru vísi mér áður
brá. Hingað til hefur
ráðherrann rembst
eins og rjúpan við
staurinn við að gagn-
rýna þrotlausa vinnu
síðustu ríkisstjórnar
við að ná fram skiln-
ingi á sérstöðu Íslands sem lauk með
fullnaðarsigri okkar þegar íslenska
ákvæðið var samþykkt.
Þórunn og sérstaðan
Samþykkt íslenska ákvæðisins
var umhverfisvæn því með svigrúm-
inu sem það innihélt var ýtt undir
notkun endurnýjanlegra orkugjafa,
en eins og allir vita er það hagstætt
fyrir lofthjúpinn. Stóriðja á Íslandi
mengar lofthjúpinn átta sinnum
minna en sama stóriðja í öðrum
löndum sem notar jarðefnaelds-
neyti. Skilningurinn sem Þórunn vill
fá núna hjá öðrum þjóðum vegna
sérstöðu Íslands og flugsamgangna
er hins vegar ekki reistur á um-
hverfisvænum grunni. Flugvélar
okkar nota sama eldsneyti og flug-
vélar annarra ríkja og menga því
jafnmikið og þær. Við
framsóknarmenn tök-
um undir með umhverf-
isráðherra og teljum
eðlilegt að sérstaða Ís-
lands í flugsamgöngum
sé rædd því hún er
óneitanlega fyrir hendi
þar sem við erum eyja
langt uppi í norðri og
flugsamgöngur eini
raunhæfi samgöngu-
mátinn fyrir farþega-
flutning til landsins og
frá. Við teljum hins
vegar æskilegt að ráðherrar í ís-
lensku ríkisstjórninni séu þokkalega
samkvæmir sjálfum sér og falist því
einnig eftir því að sérstaða Íslands
sé áfram viðurkennd í íslenska
ákvæðinu á næsta samningstímabili
Kyoto-bókunarinnar.
Össur beggja blands
Hvert er markmið Íslands í samn-
ingaferlinu sem á að ljúka á lofts-
lagsráðstefnunni árið 2009 í Kaup-
mannahöfn? Hvað á að gera við
íslenska ákvæðið? Þórunn segir að
hún vilji ekki að við viðhöldum ís-
lenska ákvæðinu, Geir H. Haarde
forsætisráðherra segir jú, við eigum
að viðhalda því og Össur Skarphéð-
insson iðnaðarráðherra segir enga
tæknilega annmarka á að viðhalda
ákvæðinu, útilokar ekkert á þessu
stigi og er því beggja blands. Rík-
isstjórnin sýnir ótrúlega linkind og
heldur slaklega á mikilvægum hags-
munum landsins í þessu máli. Vinnu-
brögðin eru fyrir neðan allar hellur
og ráðherrarnir róa ekki í sömu átt-
ina. Sjálfstæðisflokkurinn og Sam-
fylkingin verða að taka sér tak í mál-
inu og ná sem fyrst samstöðu við
ríkisstjórnarborðið um hvert skal
stefna með íslenska ákvæðið.
Linkind og
samstöðuleysi
Vinnubrögð stjórnarliða eru
fyrir neðan allar hellur og ráð-
herrarnir róa ekki í sömu átt-
ina segir Siv Friðleifsdóttir
Siv Friðleifsdóttir
» Allt í einu hefur Þór-unn vent kvæði sínu
í kross og vill nú að önn-
ur lönd taki tillit til sér-
stöðu Íslands, þ.e. að við
fáum einhvers konar
undanþágu.
Höfundur er þingmaður.
Í MORGUNBLAÐINU 19.
des. skrifar Ómars Ragnarsson
um grein eftir undirritaðan í
Mbl.16.des. og ummæli í henni
um Pál Einarsson.
Í greininni sagði ég að Páll
Einarsson hefði fullyrt í útvarpi
að fylgni væri milli jarðhrær-
inga við Upptyppinga og fyll-
ingar í Hálslón. Ég sagði líka
að Páll hefði tekið fram að eng-
in vísindaleg þekking styddi
fylgni þarna á milli.
Ég gerði engar athugasemdir
við þessi ummæli Páls Ein-
arssonar.
Það sem ég gerði at-
hugasemdir við í grein minni og
geri enn, var í viðtali við Pál
nokkrum dögum síðar í sjón-
varpi.
Ég lýsti því viðtali þannig:
„Síðar heyrði ég og sá Pál Ein-
arsson í sjónvarpi þegar hann
birti þau „vísindi“ að það væri
greinileg fylgni milli hækkunar
í Hálslóni og jarðhræringanna
við Upptyppinga, sem örugg-
lega enduðu með eldgosi. Páll
sleppti þarna að segja sem áður
að engin vísindaleg þekking
sýndi fylgni þar á milli.“
Það er ljóst að Ómar hefur
ekki náð öllum þessum orðum í
greininni minni. Hann sér ekki
að ástæðan fyrir aðfinnslu
minni við spádóm Páls var ein-
mitt sú að hann sniðgekk þá
sjálfsögðu skyldu vísindamanns-
ins að upplýsa að engin vís-
indaleg þekking styddi fylgni
milli Hálslóns og jarðhræringa
við Upptyppinga.
Ég orðaði aðfinnslu mína um
sniðgöngu Páls þannig: „Ég
efast ekki um prófgráður Páls
Einarssonar en þykir miður
hvað vísindamaðurinn leyfir sér
stóra möskva þegar hann velur
nákvæmni fyrir vísindi sín.“
Spuna Ómars um reiði mína,
ófrægingarherferð, bannlista,
árás á starfsheiður o.fl.o.fl. tek
ég sem skáldskap honum og
öðrum til gamans en ekki til að
taka mark á. Ég hvet fólk til að
lesa grein Ómars á bls. 36 í
Mbl. 19.des.
Birgir Dýrfjörð
Spuni Ómars
Ragnarssonar
Höfundur er rafvirki.
UM miðja vikuna lagði forysta
Alþýðusambands Íslands fyrir rík-
isstjórnina hugmyndir
sambandsins um að-
gerðir ríkisvaldsins til
þess að greiða fyrir
kjarasamningum. Það
vekur sérstaka athygli
okkar þingmanna
Frjálslynda flokksins
að hryggjarstykkið í
tillögum ASÍ eru
skattatillögurnar sem
við höfum flutt á Al-
þingi nú í haust og er
að finna á þingskjali
15.
Sérstakur
persónuafsláttur
Þar er lagt til að
taka upp sérstakan
persónuafslátt sem
einungis lágtekjufólk
myndi fá og kemur
hann til viðbótar nú-
verandi persónu-
afslætti og leiðir til
þess að launamaður
með tekjur að 150 þús-
und kr. á mánuði mun
ekki greiða skatt. Í
frumvarpi okkar fjór-
menningana er gert ráð fyrir að
sérstaki persónuafslátturinn fari
lækkandi með vaxandi mán-
aðartekjum og falli niður við 250
þúsund kr. mörkin. ASÍ leggur til
sömu útfærslu en miðar efri mörkin
við 300 þúsund kr. á mánuði. Fyrir
vikið verða tillögur ASÍ dýrari en
Frjálslynda flokksins en ekki liggur
fyrir hver munurinn gæti verið.
Alþýðusambandið hefur fram til
þessa lagt áherslu á allt aðra leið til
þess að ná fram lækk-
un skatta á lág-
tekjufólk, sem felst í
a.m.k. einu lægra
skattþrepi. Stjórnvöld
hafa tekið þeirri leið
illa og er það að von-
um. Slík útfærsla mun
flækja skattkerfið og
verða kostnaðarsöm.
Þegar við vorum að
móta tillögur Frjáls-
lynda flokksins fyrir
Alþingiskosningarnar í
vor varð það nið-
urstaða okkar að mun
betra væri að fara þá
leið að hafa sérstakan
persónuafslátt til við-
bótar núverandi per-
sónuafslætti og kerfið
að öðru leyti óbreytt
til þess að ná fram
kjarabótum fyrir lág-
tekjufólk og sér-
staklega aðdraða og
öryrkja. Þessar
skattaáherslur voru
kosningamál okkar
sem var fylgt eftir með
sérstöku frumvarpi
eins og fyrr er getið.
Greinilegt er að forysta ASÍ hef-
ur skipt um skoðun og tekið upp
nánast sömu tillögur og er að finna
í frumvarpi okkar. Ég efa það ekki
að ASÍ hefur kynnt sér frumvarp
okkar og málflutning í vor og er
ekkert nema gott eitt um það að
segja ef hann hefur haft áhrif og
leitt til stefnubreytingar ASÍ. Þessi
leið er miklu aðgengilegri fyrir
stjórnvöld og líklegri til þess að ná
fram að ganga en gamla leiðin með
mörg skattþrep.
Bætt kjör lágtekjufólks
Það er sérstaklega athyglisvert
að tvö helstu þingmál þingmanna
Frjálslynda flokksins á þessu
hausti, sem miða að því að bæta
kjör lágtekjufólks, hafa fengið
miklar og góðar undirtektir. Til-
lögur í frumvarpi þingmanna
Frjálslynda flokksins um bætt kjör
ellilífeyrisþega og öryrkja með því
að afnema tengingu bótaþega við
tekjur maka síns og að afnema
skerðingu bóta vegna viðbótarlíf-
eyrissparnaðar hefur ríkisstjórnin
tekið upp á sína arma og boðar
lagabreytingar eftir áramótin og nú
tekur forysta ASÍ upp skatta-
tillögur okkar og vill fá ríkisstjórn-
ina til þess að fallast á þær og
greiða þannig fyrir kjarasamn-
ingum.
Þetta er mikil viðurkenning fyrir
málflutning okkar þingmanna
Frjálslynda flokksins á haust-
þinginu og staðfestir að við höfum
verið að flytja skynsamlegar til-
lögur til þess að draga úr vaxandi
misskiptingu í þjóðfélaginu. Við
fögnum þessum árangri og bendum
á að við eigum fleiri góð frumvörp á
þinginu.
ASÍ tekur upp skattatillögur
Frjálslynda flokksins
Mikil viðurkenning fyrir
málflutning okkar, segir
Kristinn H. Gunnarsson
»Hryggj-arstykkið í
tillögum ASÍ
eru skattatillög-
urnar sem við
þingmenn
Frjálslynda
flokksins höfum
flutt á Alþingi
nú í haust
Kristinn H. Gunnarsson
Höfundur er formaður þingflokks
Frjálslynda flokksins.
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið
Athugið hversu langur brennslutími
er gefinn upp
Munið að slökkva
á kertunum
i l

Slökkvilið Höfuðborgar-
svæðisins