Morgunblaðið - 23.03.2008, Blaðsíða 10

10 SUNNUDAGUR 23. MARS 2008 MORGUNBLAÐIÐ
Þ
egar trillukarlarnir
súpa svartan sjó á
Kaffivagninum í
morgunsárið, þá eru
geimskipin siglandi
um himingeiminn í
næstu byggingu. Þar
er tölvuleikjafyr-
irtækið CCP nefnilega til húsa og
táknrænt að starfsemin fer fram á
annarri, þriðju og fjórðu hæð. Svona
fyrirtæki þrífast ekki á jarðhæðum.
Ekki einsleitur kúltúr
Í mörgum fyrirtækjum er mikið
lagt upp úr því að básarnir séu hver
öðrum líkir og bindi reyrð um hálsa
starfsmanna, þar sem þá trufli ekk-
ert einbeitinguna. Uppleggið er ann-
að hjá CCP, því þegar litið er inn á
skrifstofur fyrirtækisins má sjá að
starfsmenn leggja metnað í að rækta
sínar sérviskur. Það má segja að for-
stjórinn Hilmar Veigar Pétursson
gefi tóninn. Hann er stundum kall-
aður rauða ljónið, eins og bardaga-
hetjan Chuck Norris, og hefur sýni-
lega húmor fyrir því – mynd af
Chuck Norris á borðinu og ævisagan
í hillu. „Varan hefði aldrei gengið
upp ef hér væri einsleitur kúltúr,“
segir Elísabet Grétarsdóttir, sem
starfar á markaðssviði, „þá hefðum
við framleitt ofan í einsleitan mark-
hóp.“
Það segir sína sögu að til er „af-
þreyingarherbergi“ í húsinu og að
þar er unnið að samsetningu 7.680
lítra fiskabúrs, fimm metra löngu
með heitsjávardýrum. „Þetta verður
svona Nemóbúr,“ segir starfsmaður
og kímir, ekki fjarlæg skírskotun hjá
fyrirtæki sem reiknar hagnað sinn af
hugarflugi um tilbúinn heim.
Lagt er upp úr því að stemningin
sé náin innan CCP og ekki þarf ann-
að en horfa út á svalir í hádeginu til
að átta sig á þetta er eins og fjöl-
skylda. Að minnsta kosti hjá bræðr-
unum tveimur sem þar fá sér ferskt
loft, og sækja örlítinn reyk í lungun.
Þriðji bróðirinn er líka að vinna
þarna og sonur eins þeirra. Sólveig
M. Magnúsdóttir, móðir fjár-
málastjórans, Ívars Kristjánssonar,
eins af stofnendum fyrirtækisins,
vinnur í eldhúsinu og einnig móðir
Reynis, annars stofnanda, en það er
Guðrún Þorkelsdóttir.
„Þetta er allt dálítið kjút,“ segir
Elísabet. „Og lógíkin er einföld, ef
við stöndum okkur vel í vinnunni, þá
verður fjármálastjórinn ánægður og
þá fáum við gott að borða hjá
mömmu hans!“
EVE Online er heill heimur út af
fyrir sig – hinn heimur þeirra sem
stunda leikinn. Þetta er ekki leikur
þar sem notaður er stýripinni, heldur
„strategískur“ leikur, þar sem CCP
býr til umgjörðina en það eru í raun
spilararnir sem stýra framvindunni,
hver með sína fléttu og markmið. Og
ekki er auðvelt að útskýra út á hvað
leikurinn gengur út frá skjámynd.
„Það væri eins og að sýna geimver-
um Moggann og ætla að útskýra með
því um hvað jörðin snýst,“ segir El-
ísabet.
Í EVE eru fimm þúsund sólkerfi
og aðföng af skornum skammti, sem
þýðir að barist er um yfirráð. „Við
leggjum til sandkassa, skóflur og föt-
ur,“ segir Elísabet. „Síðan er þetta
þannig að sumir smíða glæsilega
sandkastala á meðan aðrir sparka þá
niður. Það myndast flæði á milli spil-
ara, en það er nokkuð sem við setjum
ekki af stað. Fólk skapar sjálft um-
hverfi sitt og er ótrúlega skapandi í
því – margt hafði okkur sjálfum aldr-
ei dottið í hug.“
95% af hlutum sem notaðir eru í
leiknum eru framleidd af leik-
mönnum sjálfum, efniviðurinn sóttur
með námutækjum úr stjörnum og
settur saman eftir hönnunarskjölum.
Svo myndast frjáls markaður. Og til
að tryggja öryggi sitt geta menn
fengið málaliða til liðs við sig, hvort
sem það er til að verja sig eða ráðast
á keppinaut.“
Fólk kynnt til sögunnar
Leikurinn EVE Online stækkar
stöðugt og býður upp á fleiri mögu-
leika. Framleidd er endurútgáfa af
leiknum með viðbótum, sem spilarar
hlaða ókeypis niður á sex mánaða
fresti. Á meðal þeirra verkefna sem
unnið er að og hrint verður í fram-
kvæmd á næstu árum er að búa til
fólk, sem lifir sínu eigin lífi í geim-
stöðvum leiksins. Hingað til hafa
spilarar aðeins verið flugmenn geim-
skipa.
„EVE á eftir að þróast um ára- ef
ekki áratugaskeið,“ segir Eyjólfur
Guðmundsson hagfræðingur. „Það
er í sjálfu sér áhugavert fyrirbæri.
Hingað til hafa tölvuleikir oftast lifað
í stuttan tíma, en dáið svo út, en nú
eru elstu leikirnir sem við berum
okkur saman við yfir tíu ára gamlir
og ekkert lát virðist á vinsældunum.“
Uppfærslurnar hafa verið marg-
víslegar í gegnum tíðina. Í einni var
fitjað upp á því að spilarar gætu
byggt stórt geimskip í sameiningu.
Og það tók 600 manns um allan heim
sex mánuði að byggja stærsta geim-
skipið í leiknum vorið 2006. Ef unnið
er að slíkri framkvæmd, þá er mik-
ilvægt að halda því leyndu, því ann-
HINN
HEIMURINN
Í EVE Online leiða hátt í 300 þúsund spilarar
saman hesta sína eða geimskip og um margt gilda
sömu lögmál og hérna megin skjáborðsins. Blaða-
maður kynnti sér margslunginn heim EVE On-
line, nýjan heim sem verið er að leggja drög að í
Atlanta og heim CCP í Grandagarði, þar sem fyr-
irtækjabragurinn er ólíkur því sem fólk á að venj-
ast. Lagt er upp úr því að lífið sé skemmtilegt!
Eftir: Pétur Blöndal
Ljósmyndir: Golli
Nú þurfum
við að búa til
borgir sem eru
sannfærandi
TÖLVULEIKIR