Morgunblaðið - 23.03.2008, Blaðsíða 28
sjónvarpskrimmi
28 SUNNUDAGUR 23. MARS 2008 MORGUNBLAÐIÐ
B
jörn Brynjúlfur Björns-
son er framleiðandi og
leikstjóri Mannaveiða.
Hann segist hafa lesið
Aftureldingu nýút-
komna og fannst hún strax passa í
mynd og liggja vel í forminu fyrir
fjögurra þátta sjónvarpsseríu.
Í fyrra gerðu félög kvikmynda-
gerðarmanna samning við ríkið um
fjármögnun Kvikmyndamiðstöðvar
Íslands og þá komu í fyrsta skipti
einhverjir peningar til framleiðslu á
leiknu sjónvarpsefni. Til Mannaveiða
komu 30% úr þessum sjóði, en fyrstu
verkefnin sem nutu hans voru Næt-
urvaktin og Pressa á Stöð 2. „Manna-
veiðar eru upphafið að óslitinni fram-
leiðslu leikins efnis hjá Sjónvarpinu
og mér finnst gaman að hefja þá veg-
ferð. Sá þráður má ekki slitna aftur.“
Um Mannaveiðar segir Björn:
„Sagan fer skemmtilega víða í þjóð-
félaginu, rannsóknin beinist bæði að
háum og lágum; flestir eru með eitt-
hvert óhreint mjöl í pokahorninu,
hvort sem það tengist rannsókninni
eða ekki. Við eigum öll okkar leynd-
armál og lögreglurannsókn er leit að
leyndarmálum. Í Mannaveiðum er
spegillinn mjög breiður; rannsóknin
beinist meðal annars bæði að banka-
stjóra og konu sem hefur orðið gjald-
þrota vegna spilafíknar eiginmanns-
ins. Svo er líka skemmtilegt hvað
sagan gerist víða á landinu. Við
reyndum að passa upp á þetta víða
og opna svið með tökum fyrir vestan,
á Suðurlandi og fyrir norðan.“
– Bankastjóri segir þú. Það er eng-
inn bankastjóri í Aftureldingu.
„Nei, við gerðum nokkrar breyt-
ingar á sögunni. Það er svona eitt og
annað sem felst í því að að laga bók
að bíói.
Í fyrsta lagi er annar lögreglumað-
urinn í bókinni af asískum uppruna,
en við breyttum því. Það var ekki
mjög þénugt fyrir kvikmyndina að öll
hans fortíð er í huga hans en ekki
samtíma sögunnar. Birkir hentaði
okkur ekki óbreyttur svo við gerðum
úr honum Hinrik og bættum inn í
myndina hans bakgrunni, sem teng-
ist málinu. Við jukum líka hlut
kvenna með því að breyta meina-
fræðingi sögunnar og stjórnanda lög-
reglurannsóknarinnar í konur.
Svo tengjum við söguna við tímann
með því að blanda í hana vatns- og
virkjunarréttindum. Og lög-
fræðistofan í Aftureldingu er orðin
að banka í Mannaveiðum. Þetta er
banki í útrás og einhver segir að
meðan bankastjórinn liggi undir
grun geti það haft áhrif á gengi ís-
lenzku krónunnar.“
– Sjáðu bara hvað þú hefur gert; á
forsíðu Morgunblaðsins segir að
gengi krónunnar hafi aldrei áður
lækkað jafnmikið á einum degi!
„Það er auðvitað ekki við hæfi að
skemmta sér yfir þessu,“ segir Björn
Brynjúlfur og hlær við. „En þessi
frétt eykur auðvitað á samtímagildi
sjónvarpsþáttanna.“
Karlar í kreppu
– Varstu fljótur að sjá út réttu leik-
arana í hlutverkin?
„Góður leikari getur orðið hvað
sem er. En aðrir þættir geta líka
skipt máli eins og til dæmis líkams-
bygging og kyn. Ef við tökum aðal-
persónur Mannaveiða sem dæmi þá
borðar Gunnar mikið og úðar í sig
óhollustunni, þannig að í hans tilfelli
hefði tággrannur leikari ekki passað
við karakterinn. Hinrik aftur á móti
er andstæða hans, agaður og í góðu
formi, þannig að leikari í miklum
holdum hefði ekki passað í hans hlut-
verk.
Ég er gríðarlega ánægður með þá
félaga; Ólaf Darra og Gísla Örn, í
þessum hlutverkum. Þeir bera þætt-
ina uppi. Lögreglumennirnir sem
þeir leika eru karlar í einhverri
kreppu. Annar þeirra er svona kald-
Að vega mann og annan
Fólkið höfðar meira
til mín en glæpurinn
Lögregluhópurinn Lögreglumenninrnir í Mannaveiðum bera saman bækur sínar; rannsóknarlögreglumennirnir
Símon (Björn Thors), Hinrik (Gísli Örn Garðarsson), Gunnar (Ólafur Darri Ólafsson) og Dóra (Laufey Elíasdóttir)
og stjórnandi hópsins Margrét lögreglufulltrúi (Halldóra Björnsdóttir).
Morgunblaðið/ÞÖK
Leikstjórinn Björn Brynjúlfur
Björnsson leikstjóri og framleið-
andi Mannaveiða.
Í sókn eða vörn? Þorsteinn Gunn-
arsson í hlutverki gæsaskyttu.
Fyrsti þáttur nýrrar ís-
lenzkrar sjónvarpsseríu;
Mannaveiða, verður
frumsýndur í Sjónvarp-
inu á annan í páskum.
Freysteinn Jóhannsson
fór á Mannaveiðar.
Ólafur Darri Ólafsson leikurlögreglumanninn Gunnar.Hann segist hafa lesið Aft-ureldingu og í minningunni
sé hún ágætis reyfari. Hann rámaði í
Gunnar, en lét vera að lesa söguna
aftur þegar ákveðið var að hann léki
lögreglumanninn í sjónvarpsþátt-
unum. Hann segist oft skipa í öll hlut-
verk sögunnar sem hann er að lesa og
reyni að setja sjálfan sig í flottustu
hlutverkin. Mátaði hann sig við
Gunnar þegar hann las Aftureldingu?
„Nei. Hann Gunnar greyið mitt er
nú ekki persóna sem menn falla flatir
fyrir við fyrstu kynni, þannig að ég sá
mig nú aldrei í hans hlutverki. Í bók-
inni er hin löggan af asískum upp-
runa, þannig að ég átti ekki séns í það
hlutverk. Og dauð gæsaskytta er ekki
á mínum óskalista!“
– En svo fékkstu Gunnar. Hvaða
leið fórstu að honum?
„Mér hefur reynzt það bezt að
finna hvar hjarta persónunnar liggur,
finna tengingu inn í hana. Það er eng-
inn alvondur og heldur enginn algóð-
ur. Við erum öll einhvers staðar þar á
milli og galdurinn er að koma því til
skila.
Ég nefni myndina Der Untergang,
sem fjallar um síðustu daga Hitlers í
byrginu. Hitler er persóna sem hefur
bara verið gerð ill, öðru vísi Hitler
man ég ekki eftir að hafa séð fyrr en í
þessari mynd. Ef við leyfum okkur að
trúa því að Hitler hafi verið hið illa lif-
andi fætt, þá fær hann á sig þjóð-
sagnakennda mynd sem er ekki gott.
Hitler var til og í hans nafni voru
skelfilegir hlutir framkvæmdir, við
megum ekki gleyma því. Við megum
heldur ekki gleyma því að eflaust
þurfti hann líka að skreppa á klósettið
og hafði gaman af því að fara út að
borða. Það að sýna persónuna frá
fleiri en einni hlið gerir hana ekki
minna ógnvekjandi heldur þvert á
móti.“
– Hvar liggur hjarta Gunnars?
„Mér var farið að þykja voða vænt
um Gunnar. Hann á náttúrlega í vand-
ræðum með sjálfan sig, drekkur of
mikið brennivín og býr með mömmu
sinni og þau hafa komið sér upp sinni
rútínu með óhollustu í mat og drykk.
Hans kostur liggur í samkennd hans
með umhverfinu og fólkinu. Og hann
stundar sína vinnu af fullri alvöru.
Þeir Hinrik eru fulltrúar gamla skól-
ans og nýja skólans. Gunnar fer oft eft-
ir tilfinningu sinni og hefur sínar að-
ferðir sem meðal annars fara eftir því
hvern hann er að kreista í það og það
skiptið. Ferðalag okkar Gunnars var
mjög skemmtilegt.“
– Ertu gæsaskytta?
Nú hlær Ólafur Darri. „Já, ég verð
að gangast við því. Og fleiri í hópnum;
til dæmis Björn Brynjúlfur leik-
stjóri.“
– Og enginn bilbugur á þér eftir
Mannaveiðar?
„Nei, alls ekki. Það væri nú vand-
lifað ef maður ætlaði að láta hlut-
verkin stjórna lífi sínu.“
– Ertu sáttur við Mannaveiðar?
„Já, ég held það.
Gunnar var skemmtileg glíma og
þarna vann ég náið með einum af
mínum beztu vinum og samstarfs-
mönnum, honum Gísla Erni, sem var
frábært. Það hefði samt verið for-
vitnilegt að hafa hans karakter af as-
ískum uppruna eins og er í bókinni.
Ég hefði haft gaman af því að þróa
Gunnar frá fordómum í garð útlend-
inga til skilnings á því að við erum öll
menn, hvað sem líður útliti og upp-
runa.“
Sérkennilegt að smit–
ast af persónunni
Gísli Örn Garðarsson leikur lög-
reglumanninn Hinrik í Mannaveið-
um. Sá heitir reyndar Birkir í Aftur-
eldingu, sem Gísli Örn segist hafa
lesið, og er af asískum uppruna, en
Gísli Örn segir það ekki skipta öllu
máli hvort menn séu fæddir á Íslandi
eða í Víetnam. „Það er hægt að vera
einmana á Íslandi, hvort sem þú ert
fæddur þar eða ekki, og Hinrik hefur
gengið í gegnum svo margt það sama
og Birkir. Þannig höldum við ein-
semdinni, þótt einhver munur sé á
bakgrunni þeirra.“
– Hvernig náungi er Hinrik að öðru
leyti?
„Hinrik er sjálfum sér nógur, hann
er ekkert að væla yfir hlutskipti sínu,
en af því að hann er svo einn, þá er
ákveðinn tómleiki í honum. Hann er
ekki hressi gaurinn út á við, ekki
hrókur alls fagnaðar. Og það er svo-
lítið dapurt.“
– Er einhver Hinrik í þér?
„Nei, ekki beint þannig. Það hentar
mér persónulega ekki að vera svona
einfari, þótt Hinrik sætti sig við það.
Það voru mjög miklar breytingar sem
ég þurfti að vinna mig í gegnum til
þess að ná honum að þessu leytinu.
Og það er sérkennilegt hvernig
maður smitast af persónunni sem
maður leikur. Á meðan á tökum stóð
var ég alls ekki hressi gæinn; ég var
Hinrik. Satt að segja var ég oft ein-
mana í settinu. Þetta hefur áhrif á
klukkuna í manni og hvernig orku
maður gefur frá sér.“
– Fyrir utan einmanaleikann, hvað
er ríkast í fari Hinriks?
„Hann sinnir vinnunni af fag-
mennsku. Hún er kannski hans eini
vinur.“
– En Gunnar?
Að finna hvar hjarta persónunnar liggur
Ólíkir Rannsóknarlögreglumennirnir Gunnar (Ólafur Darri Ólafsson) og
Hinrik (Gísli Örn Garðarsson) eru aðalpersónur Mannaveiða.
Mannaveiðar segja frá rannsókn lögreglu á morðum
á gæsaskyttum og eru þættirnir byggðir á bók Viktors
Arnars Ingólfssonar, Aftureldingu, en handritið er eft-
ir Sveinbjörn I. Baldvinsson.
Gísli Örn Garðarsson og Ólafur Darri Ólafsson leika
aðalhlutverkin, lögreglumennina Hinrik og Gunnar og
með önnur stór hlutverk fara Atli Rafn Sigurðarson,
Björn Thors, Charlotte Böving, Darri Ingólfsson, Elva
Ósk Ólafsdóttir, Halla Vilhjálmsdóttir, Halldóra
Björnsdóttir, Hilmir Snær Guðnason, Laufey Elíasdótt-
ir, Margrét Helga Jóhannsdóttir, Þórunn Lárusdótttir
og Þröstur Leó Gunnarsson. Einnig leika í þáttunum:
Gunnar Eyjólfsson, Guðjón Davíð Karlsson, Hanna
María Karlsdóttir, Lilja Guðrún Þorvaldsdóttir, María
Ellingsen, Ólafur Guðmundsson, Sigurður Skúlason,
Þorsteinn Gunnarsson og Þórunn Erna Clausen.
Björn B. Björnsson leikstýrir Mannaveiðum. Kvik-
myndatöku annaðist Víðir Sigurðsson, Sævar Guð-
mundsson klippti, Valgeir Sigurðsson samdi tónlistina
og hljóðvinnsla var í höndum Gunnars Árnasonar. Egg-
ert Ketilsson sá um leikmyndahönnun, Maria Walles
um búninga og Ásta Hafþórsdóttir um förðun.
Mannaveiðar eru framleiddar af Reykjavík films/
Birni B. Björnssyni.
Mannaveiðar