Morgunblaðið - 22.05.2008, Blaðsíða 4

4 FIMMTUDAGUR 22. MAÍ 2008 MORGUNBLAÐIÐ
FRÉTTIR
flugfelag.is
Fundarfriður
SNÆFELLSJÖKULL
DRANGJÖKULL
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Markvissir fundir í friði og ró
Upplýsingar:
Sími 570 3075
hopadeild@flugfelag.is
Eftir Egil Ólafsson
egol@mbl.is
SAMKEPPNISEFTIRLITIÐ tel-
ur, eftir að hafa farið yfir samninga
milli birgja og endurseljenda, að all-
margir þeirra feli í sér ákvæði sem
kunni að raska samkeppni og geti
með því farið gegn samkeppnislög-
um og leiðbeinandi reglum um við-
skipti birgja og matvöruverslana,
sem samkeppnisyfirvöld gáfu út í
desember 2002. Stofnunin er nú að
skoða hvort mál verði höfðað gegn
tilteknum fyrirtækjum vegna þess-
ara brota.
Í skýrslu Samkeppniseftirlitsins
um matvöruverð og samskipti versl-
ana við birgja er ekki tekin afstaða
til þess hvort samningar einstakra
fyrirtækja brjóti gegn bannákvæð-
um samkeppnislaga. Samkeppnis-
eftirlitið ætlar hins vegar að fylgja
skýrslunni eftir með frekari rann-
sókn. Stofnunin telur nauðsynlegt
að verslanir og birgjar kynni sér
reglur sem gilda á þessu sviði og
felli út úr samningum ákvæði sem
líklegt er að skaði samkeppni og þar
með neytendur.
Gagnrýnir forverðmerkingar
Samkeppniseftirlitið bendir á að
forverðmerkingar birgja á t.d.
áleggi, kryddlegnu kjöti, pylsum og
ákveðnum tegundum af ostum, fisk-
meti, eggjum og fleiri vörum leiði til
þess að verðmunur á þessum vörum
sé minni en á vörum sem verslanir
verðleggi sjálfar. Samkeppniseftir-
litið dregur þá ályktun af þessu að
forverðmerkingar veiti vísbending-
ar um að þær takmarki verðsam-
keppni milli matvöruverslana. Nið-
urstöðurnar „gefa til kynna að full
þörf sé frekari aðgerða, þ.e. að
rannsakað verði í sérstöku stjórn-
sýslumáli hvort tilteknir aðilar hafi
gerst sekir um brot á samkeppn-
islögum með forverðmerkingum.“
Í nokkrum samningum milli
verslana og birgja sem Samkeppn-
iseftirlitið hefur skoðað er að finna
ákvæði um einkakaup og/eða
tryggðarafslætti. Með einkakaupum
er átt við að viðkomandi verslun
skuldbindi sig til að kaupa 60-80%
af tilteknum vörum, en tryggðaraf-
slættir fela í sér afslætti eða við-
skiptakjör sem hindra að keppinaut-
ar geti átt viðskipti við viðkomandi
verslun. Samkeppniseftirlitið hefur
hafið athugun á hvort þessir samn-
ingar fari gegn samkeppnislögum,
en stofnunin telur að slíkir samn-
ingar getið „haldið keppinautum frá
markaði og hækkað verð.“
Í skýrslu Samkeppniseftirlitsins
kemur fram að í mörgum þeim
samningum sem stofnunin hefur afl-
að frá birgjum sé að finna ákvæði
sem beinlínis kveða á um að viðkom-
andi matvöruverslun megi ekki
flytja inn eða kaupa frá öðrum
birgjum þær vörur sem viðkomandi
birgir er með á boðstólum. Stofn-
unin telur að þessi ákvæði geti verið
samkeppnishamlandi.
Í desember 2002 gáfu samkeppn-
isyfirvöld út leiðbeinandi reglur um
viðskipti birgja og matvöruverslana.
Reglurnar höfðu þann tilgang að
vera þeim sem á matvörumarkaðn-
um starfa leiðbeining um það hvers
konar háttsemi og hegðun væri í
samræmi við góða samkeppnis- og
viðskiptahætti og þá um leið hvað
kynni að fara gegn samkeppnislög-
um. „Athugun Samkeppniseftirlits-
ins gefur til kynna að þessum leið-
beinandi reglum sé ekki að öllu leyti
fylgt. Nefna má t.d. að af þeim
birgjum sem aflað var upplýsinga
frá eru u.þ.b. 40% sem ekki gera
skriflega samninga við endursölu-
aðila.“
Samningar við birgja kunna
að brjóta samkeppnislög
Samkeppniseftirlitið skoðar hvort ástæða sé til að höfða mál gegn fyrirtækjum
FYRSTA hrefna sumarsins veiddist
á Faxaflóa í fyrrakvöld og er gert
ráð fyrir að kjötið fari á markað á
morgun.
Karl Þór Baldvinsson, hrefnu-
veiðimaður á Nirði KÓ, segir að mik-
ið hafi verið af hrefnu og töluvert af
hnúfubak utarlega í Faxaflóa, um 30
mílur vestnorðvestur af Reykjavík,
og vel hafi gengið að skjóta tarfinn
sem hafi verið 7,4 metra langur og
gefi af sér um tonn af afurðum.
Þrír eru í áhöfn Njarðar og segir
Karl að fjölskyldan hafi stundað
hrefnuveiðar síðan um 1970. Það sé
því mikil reynsla í fjölskyldunni.
Njörður var á vísindaveiðum í fyrra
og veiddi síðan 6 hrefnur í atvinnu-
skyni, þá síðustu um miðjan ágúst.
Þó nokkuð langt sé um liðið segir
Karl að handtökin gleymist ekki hjá
vönum mönnum eins og sér, „ekki
þegar maður er búinn að skjóta yfir
1.000 dýr,“ segir hann.
Kjötið var látið kólna í gær og fer
væntanlega í vinnslu í dag. Karl seg-
ir að fljótlega verði haldið í næsta
túr, en þrír bátar verði að kroppa í
hrefnuna, Kópur, Halldór Sigurðs-
son ÍS og Dröfn RE, en tvö síðast
nefndu skipin séu nú í tímabundnum
verkefnum.
Á myndinni sýnir einn úr áhöfn
skipsins, Guðmundur Haraldsson,
með kjötstykki úr fyrsta tarfinum á
tímabilinu.
Fyrsta hrefnan á land
og í verslanir fyrir helgi
Morgunblaðið/RAX
„UPP á grasið aftur“ er yfirskrift
opins fundar um geðheilbrigðismál
sem Hugarafl og Árni Tryggvason
halda í Norræna húsinu á sunnu-
dag, 25. maí.
Í tilkynningu segir að tilgangur
fundarins sé að varpa ljósi á fleiri
leiðir í bata geðsjúkra og aukna val-
möguleika. Þá verður rætt um
hvort stíga megi fleiri skref í þjón-
ustu og þróa fleiri brýr á milli
stofnana.
Jafnframt verður rætt um að
fara „hálfa leið“ í meðferð, sem ekki
byggir á stofnanalegum gildum.
Góður hópur fyrirlesara
Fyrirlesarar eru Árni Tryggva-
son leikari, Herdís Benediktsdóttir
frá Hugarafli, Pétur Hauksson geð-
læknir, Eyrún Thorstensen hjúkr-
unarfræðingur, Jón Viðar Jónsson
gagnrýnandi og Elín Ebba Ás-
mundsdóttir iðjuþjálfi en umræður
verða í lok fundar.
Fundurinn er haldinn í Norræna
húsinu frá 16.30 til 18.30.
Árni Tryggvason og
Hugarafl efna til
fundar á sunnudag
Árni
Tryggvason
Herdís
Benediktsdóttir
Eyrún
Thorstensen
Leiðir til bata
Jón Viðar
Jónsson
Elín Ebba
Ásmundsdóttir
Pétur
Hauksson
EIN af stærstu skýringum á því að
munur á matarverði hér á landi og í
Evrópusambandinu var mun meiri
árið 2006 en 2003 eru breytingar á
gengi íslensku krónunnar. Þetta
segir Guðrún Jónsdóttir, deildar-
stjóri hjá Hagstofunni.
Samkvæmt skýrslu Samkeppn-
iseftirlitsins var verð á mat að jafn-
aði 64% hærra á Íslandi en í ESB
árið 2006. Þessi munur var hins
vegar 42% árið 2003.
„Árið 2006 var gengið mjög
sterkt og því komum við illa út. Við
myndum hins vegar koma mun hag-
stæðara út núna eftir að gengi
krónunnar féll. Verð á mat hefur
hækkað hér á landi að undanförnu,
en það hefur gert það erlendis líka.
Í þessum samanburði er alltaf
horft á verðið út frá evrum. Það er
grunngjaldmiðillinn. Þegar gengi
íslensku krónunnar er mjög hátt
þýðir það að mjög dýrt verður að
kaupa íslenskar krónur fyrir evrur
og þess vegna verður verðlagið
hátt,“ sagði Guðrún.
Það hefur líka áhrif á niðurstöð-
una að ríkjum í Evrópusambandinu
hefur fjölgað, en fátæk ríki í Aust-
ur-Evrópu þar sem verðlag er lágt
hafa gengið í bandalagið.
Gengið jók
verðmuninn
SIGÞÓR Einars-
son hefur verið
ráðinn aðstoðar-
forstjóri Ice-
landair Group,
móðurfélags flug-
félagsins Iceland-
air og fleiri fé-
laga. Mun Sigþór
starfa við hlið
Björgólfs Jó-
hannssonar forstjóra og bera
ábyrgð á þeim fyrirtækjum í sam-
stæðunni sem einkum annast al-
þjóðlegt leiguflug, útleigu flugvéla
og flugvélaviðskipti, en það eru fyr-
irtækin Loftleiðir-Icelandic, Blueb-
ird Cargo, Icelease, Latcharter í
Lettlandi og Travel Service í Tékk-
landi.
Sigþór hóf störf hjá Icelandair
Group í apríl 1996 og vann þá að
stefnumótun og áætlanagerð. Hann
var ráðinn forstöðumaður rekstr-
arstýringarsviðs í maí 1999. Hann
var ráðinn framkvæmdastjóri Loft-
leiða Icelandic við stofnun þess í
janúar 2002 og svo framkvæmda-
stjóri þróunar og stefnumótunar
hjá Icelandair Group í mars 2006.
Aðstoðar-
forstjóri
Icelandair
Sigþór Einarsson
LANDIC Property, fasteignafélag í
aðaleigu FL Group, hefur selt
Keops Development til danska fjár-
festingarfélagsins Stones Invest.
Söluverð er ekki gefið upp en í til-
kynningu frá Landic kemur fram að
ákveðið hafi verið að gefa skilamála
samningsins ekki upp. Staðfesta á
samninginn endanlega 10. júní nk.
að lokinni áreiðanleikakönnun.
Keops Development er bygging-
arþróunardeild sem fylgdi með
Fasteignafélaginu Keops A/S sem
Landic Property yfirtók síðastliðið
haust. Þá munu forráðamenn Land-
ic Property hafa gefið út yfirlýsingu
um að Keops Development yrði selt,
þar sem starfsemi þess samrýmdist
ekki hefðbundnum rekstri á fast-
eignafélagi. Þróunarverkefnið Lig-
hthouse á hafnarsvæðinu í Árósum
er undanskilið í þessari sölu og mun
Landic Property taka þátt í því
áfram, undir forystu Prebens
Thomsen, yfirmanns Keops Deve-
lopment.
Landic selur
þróunardeild
♦♦♦