Morgunblaðið - 22.05.2008, Blaðsíða 8

8 FIMMTUDAGUR 22. MAÍ 2008 MORGUNBLAÐIÐ
FRÉTTIR
SÝNINGIN „Að vita meira og
meira“, brot úr sögu almennings-
fræðslu á Íslandi í hundrað ár,
verður opnuð al-
menningi í Þjóð-
arbókhlöðunni
föstudaginn 23.
maí. Tilefni sýn-
ingarinnar er að
nú eru 100 ár
liðin frá því að
Kennaraskóli Ís-
lands tók til
starfa og sömu-
leiðis er öld liðin
frá setningu fyrstu fræðslulag-
anna. Sýningin veitir innsýn í
skólastarf, menntun og þróun
kennarastéttarinnar og áhrif henn-
ar á daglegt líf og samfélagið í
heild.
Kennaraháskóli Íslands, Kenn-
arasamband Íslands og Lands-
bókasafn Íslands – Háskóla-
bókasafn standa sameiginlega að
sýningunni, sem er sumarsýning
safnsins og stendur til 31. ágúst
n.k. Sýningin er opin kl. 9-17 virka
daga og kl. 10-14 á laugardögum.
Afmælissýning
Þjóðarbókhlaðan
á Melunum.
FÉLAGSMENN í Félagi grunn-
skólakennara hafa samþykkt með
atkvæðagreiðslu kjarasamning
þann sem gerður var milli Kenn-
arasambands Íslands og Launa-
nefndar sveitarfélaga 28. apríl sl.
Hófst allsherjaratkvæðagreiðsla
14. maí og fór talning fram 20. maí.
Á kjörskrá voru 4646 og greiddu
4068 atkvæði eða 87,5%
Þar af kusu 79,2% með samn-
ingnum og 17,9% gegn honum, en
auðir seðlar og ógildir voru 2,9%.
Kennarar sam-
þykkja samning
Kjarabarátta Frá mótmælum
grunnskólakennara 2007.
INGIBJÖRG Sólrún Gísladóttir ut-
anríkisráðherra og formaður Sam-
fylkingarinnar ræðir um umhverf-
isstefnu flokks og lands á fundi
Græna netsins á Sólon á laugardag-
inn. Fundurinn hefst kl. 11.30, eftir
aðalfund samtakanna sem hefst kl.
11. Mörður Árnason, formaður
Græna netsins, Lára Ómarsdóttir
blaðamaður og Árni Finnsson, for-
maður Náttúruverndarsamtaka Ís-
lands, ræða fyrst stuttlega um
stöðu umhverfismála og stefnu
Samfylkingarinnar en síðan hefur
Ingibjörg Sólrún orðið og svarar
fyrirspurnum fundarmanna.
Ingibjörg á fundi
Í TILEFNI af
degi barnsins,
sem haldinn
verður í fyrsta
skipti hátíðlegur
á Íslandi þann
25. maí nk., hafa
Umboðsmaður
Barna, Barna-
heill og UNICEF
á Íslandi gefið út
tvö veggspjöld
með ákvæðum Barnasáttmála Sam-
einuðu þjóðanna í styttri útgáfu.
Veggspjöldin verða kynnt við
morgunsöng í Laugarnesskóla á
morgun, föstudag kl. 8.45. Félags-
málaráðherra, Jóhanna Sigurð-
ardóttir ávarpar gesti og umboðs-
maður barna kynnir samstarfs-
verkefnið, veggspjöldin og þýðingu
þeirra.
Barnasáttmál-
inn kynntur
Brot af veggspjaldi
Barnasáttmálans.
STUTT
FJÖLMENNI var viðstatt stofnun
Skákakademíu Reykjavíkur (SR) í
Höfða í gær en hlutverk hennar
verður öðrum þræði að hlúa að
skákíþróttinni í borginni með sér-
staka áherslu á skólana.
Stofnfé SR er 20 milljónir
króna og leggja fyrirtækin
Landsbankinn og Mjólkursam-
salan til féð ásamt Orkuveitu
Reykjavíkur (OR) og Reykjavík-
urborg.
Júlíus Vífill Ingvarsson, for-
maður menntaráðs Reykjavík-
urborgar, er formaður í stjórn
SR, þar sem eiga sæti Svandís
Svavarsdóttir, Árni Emilsson,
Karl Stefánsson, Óttar Felix
Hauksson, Róbert Harðarson og
Gunnar Björnsson. Varamenn í
stjórninni eru fimm og er Friðrik
Ólafsson stórmeistari verndari
SR.
Spurður um þýðingu stofnfjár-
ins segir Júlíus fyrirtækin tvö
„hafa ákveðið af miklum rausn-
arskap að standa höfðinglega að
stofnun þessarar sjálfseign-
arstofnunar með undirritun stofn-
samnings ásamt OR og Reykjavík-
urborg“.
„Nú liggur það fyrir í félaginu
að vinna ötullega að því að efla
skáklistina í skólum borgarinnar
og efla skáklíf í Reykjavík í góðri
samvinnu við skákfélögin og
standa með Skáksambandi Íslands
í þeim verkum sem framundan
eru. Við sjáum í þessu mikil
margfeldisáhrif. Það er ljóst að
skákiðkun hefur mjög jákvæð
áhrif á námsárangur, vellíðan og
námsgetu. Við viljum nýta það
sem best,“ segir Júlíus.
Stefnt er að því að SR standi
árlega að Skákhátíð Reykjavíkur
þar sem hápunktur vikunnar
verði Alþjóðlega Reykjavík-
urskákmótið sem verður nú hald-
ið árlega en ekki á tveggja ára
fresti eins og verið hefur allar
götur frá árinu 1964.
Skákakademían
tekur upp taflið
Morgunblaðið/Frikki
Undirritun Ólafur F. Magnússon borgarstjóri og Magnús Ólafsson, forstjóri
Mjólkursamsölunnar, er gengið var frá samningnum.
Mun einkum hlúa að skákiðkun í skólum
SPILARAR í íslenska fjölspilara-
leiknum EVE Online, sem fram-
leiddur er af CCP hf., hafa kosið í
fyrsta skipti níu manna fulltrúaráð,
sem verða mun starfsmönnum CCP
innan handar um stefnumótun og
þróun leiksins. Kosning til fulltrúa-
ráðsins er tilraunaverkefni hjá CCP,
en fyrst var greint frá áætlunum í þá
átt á seinni hluta árs 2007.
Ráðið mun funda reglulega yfir
netið auk þess sem meðlimir ráðsins
munu fljúga til Íslands til funda við
starfsmenn CCP.
Spilarar leiksins eru um 220.000
talsins og voru þeir allir á kjörskrá,
sem eru jafnmargir og voru á kjör-
skrá fyrir alþingiskosningar 2007.
Kosningarnar fóru fram á tveggja
vikna tímabili sem lauk þann 16. maí
síðastliðinn.
Af hinum kjörnu fulltrúum eru sjö
karlmenn og tvær konur, þrír frá
Bretlandi og Hollandi, tveir frá
Bandaríkjunum og einn frá Dan-
mörku. Hilmar Veigar Pétursson,
forstjóri CCP, segir stofnun fulltrúa-
ráðsins þýða að EVE sé orðið meira
en „bara leikur“. Pétur Óskarsson,
verkefnisstjóri hjá CCP og umsjón-
armaður fulltrúaráðsins segir á vef-
síðu EVE að það hafi verið afar
áhugavert að fylgjast með kosninga-
baráttunni og að miklir möguleikar
séu fólgnir í samvinnu spilara og
framleiðenda leiksins.
EVE-spilarar
kjósa sér fulltrúa
Sigur Andrew Cruse, sem leikur
Jade Constantine vann sigur í kosn-
ingunum í EVE Online.
LÍKUR á því að Ísland taki upp evr-
una á einn eða annan hátt hafa aukist
verulega, að mati greiningardeildar
fjárfestingarbankans Lehman Brot-
hers, en bankinn gaf nýlega út
skýrslu um íslenska hagkerfið.
Segir þar m.a. að reyni Seðlabanki
Íslands að grípa inn í á gjaldeyris-
markaði til að ná fram hækkun á
gengi krónunnar muni markaðurinn
líklega streitast á móti og niðurstað-
an yrði frekari lækkun krónu gagn-
vart evru. Haldi Seðlabankinn hins
vegar að sér höndum gæti gengið
jafnað sig innan tíðar.
Segir Lehman því að vaxtahækk-
un í dag muni lítið hjálpa gengi krón-
unnar, en bankinn gerir samt ráð
fyrir því að Seðlabankinn hækki
vexti í dag til að festa trúverðugleika
sinn í sessi.
Lehman telur fjárfestingar geta
komið íslenska hagkerfinu til bjarg-
ar og er nýtt álver Norðuráls í
Helguvík nefnt til sögunnar í því
sambandi. Hagvöxtur undanfarin ár
hafi byggst að umtalsverðu leyti á
fjárfestingum í áliðnaði og öðrum
þungaiðnaði.
Frekari fjárfesting sé líkleg á
næsta ári, t.d. hafi hérlendur kostn-
aður við gagnaver minnkað um nær
helming vegna breytinga á gengi
krónunnar. Lykilatriðið í því sam-
bandi sé að jarðvarma-raforka, sem
fyrir ári hafi verið sú ódýrasta í
heiminum sé nú enn ódýrari fyrir út-
lendinga.
Líkur á upptöku
evru sagðar meiri
Fjárfestingar til bjargar efnahagslífinu