Morgunblaðið - 22.05.2008, Blaðsíða 26

26 FIMMTUDAGUR 22. MAÍ 2008 MORGUNBLAÐIÐ
UMRÆÐAN
Í DAG verður Listfélag Graf-
arvogskirkju stofnað. Síðustu miss-
erin hefur undirbúningshópur unn-
ið að því að móta lög og setja fram
stefnumarkmið Listfélagsins. Góð-
ar upplýsingar frá Listvinafélagi
Hallgrímskirkju og Listafélagi
Langholtskirkju hafa hjálpað til.
Undirbúningshópurinn hefur unnið
að listviðburðum í kirkjunni eins
og að koma upp myndlistarsýningu
Magnúsar heitins Kjartanssonar
og einning stóð hópurinn fyrir
listavöku á aðventu þar sem svo
nefnd Grafarvogsskáld fluttu valda
kafla úr nýútkomnum bókum sín-
um og fiðlusveit Tónskóla Graf-
arvogs lék.
Í gegnum árin, en Grafarvogs-
sókn er 18 ára gömul, hafa verið
haldnar þónokkrar myndlistarsýn-
ingar og ekki þarf að nefna það að
fjöldi tónleika í kirkjunni hefur
verið mikill. Ekki hafa allir þeir
sem hafa viljað flytja tónlist sína í
kirkjunni komist að, eins og til
dæmis á aðventunni. Kirkjan er
talin mjög gott tónlistarhús og
þessvegna er mikil tilhlökkun í
safnaðarfólki og tónlistarfólki að fá
í kirkjuna vandað orgel sem verð-
ur væntanlega vígt á tíu ára
vígsluafmæli hennar í júní árið
2010.
Í drögum að lögum Listfélagsins
segir m.a. „Tilgangur félagsins er
að efla listalíf í Grafarvogssókn.
Með markmiðum sínum hyggst fé-
lagið ná því að virkja söfnuðinn og
styrkja þátt fagurra lista í helgi-
haldi Grafarvogskirkju og gangast
fyrir listrænu starfi kirkjunnar“.
Undirbúninghópurinn mun á
fundi sínum, stofnfundinum, bera
upp eftirfarandi einstaklinga til
stjórnarsetu í Listfélaginu: Einar
Má Guðmundsson rithöfund sem
formann en aðra í stjórn og vara-
stjórn, í stafrófsröð, Aðalstein Ing-
ólfsson listfræðing, Arnþrúði Ösp
Karlsdóttur textilhönnuð og kór-
félaga, Guðbjörgu Lind Jónsdóttur
myndlistarmann, Kristínu Marju
Baldursdóttur rithöfund, Pálma
Gestsson leikara og Sigmund Erni
Rúnarsson ritstjóra og rithöfund.
Á stofnhátíðinni mun fiðlusveit
Tónskóla Grafarvogs leika. Rithöf-
undarnir Vilborg Dagbjartsdóttir
og Ísak Harðarson munu flytja
trúarljóð. Lög félagsins verða
kynnt og kosið verður til stjórnar.
Kaffi og veitingar.
Ekki þarf að geta þess að allir
eru boðnir velkomnir á fundinn.
Félagatal er ekki bundið við sókn-
arbörn.
Verið með og gerist stofnfélagar.
Með blessunaróskum,
fyrir hönd undirbúningshópsins,
VIGFÚS ÞÓR ÁRNASON,
sóknarprestur.
Listfélag Grafarvogs-
kirkju stofnað
Frá Vigfúsi Þór Árnasyni
Morgunblaðið/Sverrir
Listfélag Grafarvogskirkju, sem
stofnað verður í dag, mun vinna að
listviðburðum í kirkjunni.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
MINNINGAR
Morgunblaðinu hefur borist eftirfar-
andi athugasemd frá dóms- og
kirkjumálaráðuneytinu:
„Í kynningu á aðsendri grein í
Morgunblaðinu 21. maí er rætt um
„hugmyndir dómsmálaráðherra á
takmörkunum á gjafsókn“ og grein-
arhöfundur, Anna Guðný Júl-
íusdóttir héraðsdómslögmaður, seg-
ir „að dómsmálaráðherra hefði aukið
enn fremur á þær takmarkanir sem
nú þegar eru á möguleikum fólks til
að leita sér gjafsóknar.“ Af þessu til-
efni vill dóms- og kirkjumálaráðu-
neytið vekja athygli á eftirfarandi
staðreyndum:
Með breytingu á ákvæðum laga
um gjafsókn árið 2005 var aðgengi
efnalítilla einstaklinga að dómstólum
ekki skert. Breytingin miðaði að því
að skýra skilyrði til veitingar gjaf-
sóknar og að gjafsókn ætti einkum
að tryggja efnalitlum einstaklingum
fjárstuðning úr ríkissjóði til þess að
reka mál fyrir dómstólum.
Lagabreytingin styrkti auk þess
heimild dómsmálaráðherra til að
setja skilyrði fyrir veitingu gjafsókn-
ar í reglugerð. Var það gert hinn 23.
janúar 2008 og þá sendi ráðuneytið
frá sér tilkynningu, þar sem sagði:
„Reglugerðin, sem byggist á því
grundvallaratriði að efnalítið fólk
geti leitað réttar síns fyrir dóm-
stólum, leysir af hólmi reglugerð um
starfshætti gjafsóknarnefndar frá
árinu 2000. Í reglugerðinni er fjallað
með fyllri hætti en áður um skilyrði
gjafsóknar, hvenær nægilegt tilefni
sé til veitingar gjafsóknar, þau atriði
sem líta ber til við mat á fjárhags-
stöðu umsækjanda og heimildir til
takmörkunar á gjafsókn.“
Samkvæmt eldri reglugerð áttu
þeir rétt á gjafsókn, sem voru með
tekjur undir skattleysismörkum en í
gildandi reglugerð er miðað við kr.
1.600.000 fyrir einstakling. Skatt-
leysismörk fyrir tekjuárið 2008 eru
um kr. 1.200.000 þannig að tekju-
viðmiðið hefur verið hækkað frá því
sem var í eldri reglugerð en ekki
lækkað.
Tekjuviðmið er ekki hið eina til
skoðunar við mat á því, hvort veita
eigi gjafsókn og er ekki heldur ófrá-
víkjanlegt skilyrði. Í sumum til-
vikum er gjafsókn lögbundin og er
þá ekki horft til tekna einstaklings,
þegar réttur hans til gjafsóknar er
metinn.
Mat á því hvort veita skuli gjaf-
sókn er hjá gjafsóknarnefnd, en hún
er skipuð þremur mönnum, einum
frá ráðuneytinu, öðrum frá Lög-
mannafélagi Íslands og hinum þriðja
frá Dómarafélagi Íslands. Hin nýja
reglugerð var sett að höfðu samráði
við nefndina. Dómsmálaráðuneytinu
er einungis heimilt að veita gjafsókn
ef gjafsóknarnefnd mælir með henni.
Getgátur um, að dómsmálaráð-
herra hafi einhverjar aðrar hug-
myndir um gjafsókn en fram koma í
gildandi lögum og reglugerð eru úr
lausu lofti gripnar.“
Réttur efnalítilla til
gjafsóknar rýmkaður
✝ Bjarni Sigurðs-son fæddist í
Reykjavík 25. sept-
ember 1951. Hann
lést á nýrnadeild
Landspítalans 14.
maí sl.
Foreldrar hans
eru Hildur Bjarna-
dóttir, f. 15.3. 1929,
og Sigurður Jón-
asson, f. 3.12. 1925,
d. 6.4. 1986.
Systkini Bjarna
eru 1) Svanhildur, f.
1949, maki hennar
er Markús Ívar Magnússon, f.
1947. Þeirra börn eru Hildur Rut,
Guðrún Eva, Sigurður Bjarni og
Magnús Ívar. 2) Jónas, f. 1953,
maki hans er Elsa Nína Sigurð-
ardóttir, f. 1954. Þeirra börn eru
Svanur Þór (d. 1995) og Sunna
María. 3) Ásta, f. 1954, hennar
maki er Gunnlaugur
Jón Magnússon, f.
1952. Þeirra börn
eru Jóna Kristín,
Anna Kristín og
Magnús. Bjarni hef-
ur vegna fötlunar
sinnar búið mest-
allan sinn aldur á
sambýli, fyrstu árin
bjó hann hjá móð-
urforeldrum sínum,
þeim Bjarna Guð-
mundssyni og Ástu
Magnúsdóttur, svo
síðar um tíma á Sól-
heimum í Grímsnesi og nú síðast
að Mýrarási 2 í Reykjavík með
sinni annarri fjölskyldu. Bjarni
hefur um árabil starfað í Iðju-
bergi.
Útför Bjarna fer fram frá Selja-
kirkju 22. maí og hefst athöfnin
kl. 13.
Fyrir nokkrum dögum síðan
fengum við þær fréttir að Bjarni,
vinur okkar og frændi, væri látinn.
Við upplifðum hræðsluna og tóma-
rúmið sem fylgir því að missa frá-
bæran vin og ættingja. Við erum
mjög hrygg í hjarta og slegin yfir
þessum fréttum. Fortíðin helltist
yfir okkur með öllum þeim góðu og
sérstöku minningum, sem við eigum
með þessum einstaka manni. Okkur
eru mjög minnisstæðar allar stund-
irnar sem við áttum með Bjarna og
þar stendur alltaf upp úr aðfanga-
dagur á hverju ári en hann var tíður
gestur hjá okkur þá og var alltaf
mikil gleði hjá honum og oft mátti
deila um það hvort hann eða börnin
okkar skemmtu sér mest yfir öllum
jólapökkunum.
Bjarni hefur þurft að berjast við
erfið veikindi síðustu mánuði og
lengi ljóst að sú barátta myndi ná
honum í lokin. Bjarni var maður
einfaldra þarfa en honum voru þó
hugleiknir nokkrir hlutir s.s. budd-
ur, munnhörpur, úr og hringar og
hann lagði mikla áherslu að eiga
nóg af þessum hlutum að staðaldri
enda mátti alltaf blómum á sig bæta
að hans mati þegar þessir verald-
legu hlutir átti í hlut. Hann var mik-
ill heiðursmaður og hafði gaman af
því að kyssa á handarbak kvenna
sem er fáséður kostur nú til dags.
Guð verði með þér og blessi þig að
eilífu, kæri vinur og frændi og við
vitum að þú ert hamingjusamur og í
friði að sinna nýju verkefni á æðri
stöðum.
Hildur Ruth og fjölskylda.
Elsku Bjarni minn, þegar ég
skrifa þessi orð er ég með hjartað
fullt af sorg, en jafnframt fyllist ég
gleði yfir að hafa fengið að kynnast
þér. Þú varst yndislegur, alltaf glað-
ur og varst alltaf að gleðja alla í
kringum þig. Ég mun alltaf varð-
veita þann tíma sem við höfum eytt
saman líkt og fjársjóð, minningar
sem verða ekki af manni teknar.
Það var yndislegt að vera í kringum
þig, þú varst alltaf svo góður við
alla og svo þakklátur fyrir allt. Þú
sparaðir heldur aldrei hrósyrðin
sem þú veittir fólkinu í kringum þig.
Þvílík hetja sem þú varst, lífið
þitt var ekki auðvelt og það endaði
heldur ekki auðveldlega, en þú
barðist við sjúkdóminn fram á síð-
ustu stundu. Nú líður þér betur og
þú ert kominn á betri stað, þján-
ingum þínum er lokið. Elsku Bjarni,
ég sakna þín svo mikið, en það veit-
ir mér huggun að núna líður þér
betur. Megi Guð varðveita þig.
Þín frænka,
Sunna María.
Ástkær vinur, Bjarni Sigurðsson,
er dáinn. Hann dó á fallegum vor-
degi, sólin skein og fyrirheit um
sumar lá í loftinu. Fagurkerinn
Bjarni hefði notið þess að sjá blóm-
in gægjast upp úr moldinni og horfa
á fuglana skríkjandi í vorverkunum.
Hann tók eftir smáatriðum og gaf
sér tíma til að dást að fegurð í
hvaða mynd sem hún birtist. Hann
gaf sér einnig tíma til að hrósa öðr-
um, brosa, hlæja og njóta lífsins til
hins ýtrasta.
Vegna fötlunar þurfti Bjarni að-
stoð á hverjum degi. Aldrei lét hann
eins og sú þjónusta væri sjálfsagður
hlutur, þakkaði fyrir hvert skipti og
notaði tækifærið til að hrósa starfs-
manninum á einhvern hátt. Tók eft-
ir nýrri peysu, klippingu, eða hverju
smáatriði og sló óspart gullhamra
enda herramaður fram í fingur-
góma. Sjálfur vildi hann vera óað-
finnanlega til fara og hafði gaman
af því að endurnýja reglulega fata-
skápinn. Hann naut þess að fara í
verslunarferðir, ekki hvað síst um
jól til að velja gjafir handa fjöl-
skyldu sinni og vinum. Hápunktur
ferðarinnar var að bjóða þeirri vin-
konu sem hann hafði fengið með sér
í búðaráp upp á kaffi og með því en
fá sér sjálfur einn öl. Hann kunni
svo sannarlega að njóta.
Hann unni fjölskyldu sinni mjög
og var afar stoltur af henni. Hann
var elskulegur sonur og systkinum
sínum kær bróðir. Vikuleg símtöl
við Nonna bróður voru fastur liður
og þar skiptust bræðurnir á fréttum
landshluta á milli. Hann fylgdist vel
með frændsystkinum sínum og það
var honum dýrmætt að fá að lifa
það að Sunna bróðurdóttir hans út-
skrifaðist úr Lögregluskóla ríkisins.
Það starf var eitt af því sem Bjarni
hefði getað kosið sér enda vildi
hann hafa alla hluti í röð og reglu.
Bjarni lifði innihaldsríku lífi og
yfir honum var mikil reisn. Hann
starfaði daglega í Iðjubergi en átti
jafnframt áhugamál eins og boccia,
sundferðir og tónlist. Hann stund-
aði nám í Fjölmennt, fullorðins-
fræðslu fatlaðs fólks, með góðum
árangri. Hann fór reglulega í
sjúkraþjálfun á LSP í Kópavogi til
að halda heilsu eins og mögulegt
var. Hvert sumar fór hann að Laug-
arvatni í sumarbúðir og hlakkaði til
þeirrar ferðar allt árið. Hann var
einhleypur en bræddi ófá hjörtu
með heillandi persónuleika, já-
kvæðni og smitandi lífsgleði. Hann
átti sérstaklega hamingjurík ár á
sambýlinu að Mýrarási 2 og átti þar
í raun aðra fjölskyldu. Nú kveðja
þrjár konur þar búsettar kæran og
heitt elskaðan vin. Sérstaklega á
Erla um sárt að binda þar sem lífs-
hlaup hennar og Bjarna hefur verið
samofið frá unga aldri.
Bjarni átti víða vini, má þar nefna
Karl Grant, bílstjóra hjá Ferða-
þjónustu fatlaðra. Karli er sérstak-
lega þakkað fyrir að gera honum
kleift að heimsækja fjölskyldu sína
á stórhátíðum þar sem bílferð heim
varð að miðast við hjólastól. Margar
gleðistundir áttu einnig Bjarni og
Hildur Þórisdóttir í sjö ára sam-
starfi og eru þær minningar dýr-
mætar. Alltof fljótt er komið að
kveðjustund. Blessuð sé minning
Bjarna Sigurðssonar.
Fyrir hönd starfsmanna og íbúa,
Áslaug Ásmundsdóttir,
forstöðumaður Mýrarási 2.
Í dag kveð ég elskulegan vin
minn Bjarna Sigurðsson. Ég og
Bjarni höfum átt samleið frá árinu
2000 og hafa þær verið ófáar gleði-
stundirnar okkar saman. Í huga
mínum er fyrst og fremst þakklæti
fyrir að hafa fengið að kynnast
Bjarna sem var þvílíkur sómamað-
ur. Bjarni á marga góða vini og er
hans nánasti vinur Erla Magnús-
dóttir. Þau hafa verið samferða í líf-
inu í líklega 50 ár. Erla var Bjarna
góður vinur og passaði vel upp á
hann. Bjarni var mikill húmoristi og
lifði lífinu lifandi. Hann var reglu-
maður og hafði allt sitt á hreinu og
vildi hafa reglu á sínu lífi. Ferðalög
voru mikið áhugamál hjá Bjarna og
ferðaðist hann töluvert innanlands
og utan. Laugarvatnsferðir á sumr-
in voru honum mjög mikilvægar og
það var alltaf mikið gleðiefni þegar
bréfið kom um að hann færi á Laug-
arvatn. Fríið þar var svo alltaf
dásamlega skemmtilegt og greini-
legt að þangað er gott að komast í
frí.
Ferðin sem við fórum til Kaup-
mannahafnar vorið 2006 ásamt Æsu
og Helgu var eitthvert það
skemmtilegsta sem við gerðum
saman. Þetta var ógleymanlegt fjör
og huggulegheit með ýmsum æv-
intýrum sem við getum endalaust
hlegið að. Margar ljúfar minningar
koma í huga manns á sorgarstund-
um og fannst mér þetta ljóð eiga vel
við.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynnast
þér.
(Ingibjörg Sigurðardóttir.)
Fjölskyldan var þér dýrmæt og
sendi ég henni mínar samúðar-
kveðjur. Samúðarkveðjur sendi ég
einnig til Erlu, Eyrúnar, Helgu
Jónu og starfsfólks Mýraráss.Takk
Bjarni minn fyrir að leyfa mér að
vera þátttakandi í þínu lífi, hvíl í
friði kæri vinur.
Þín vinkona,
Hildur Jónína Þórisdóttir.
Vinur og samstarfsmaður er fall-
inn frá, það er svo ótrúlegt því stutt
er síðan hann kom hér glaður og
kátur og vildi vinna. Hann ætlaði
ekki að láta erfiðan sjúkdóm hindra
sig í því sem honum þótti svo
skemmtilegt. Bjarni var einstakur
ljúflingur og alltaf glaður, öllum
sem honum kynntust þótti vænt um
hann. Hann var mjög samviskusam-
ur og var það mikilvægt fyrir hann
að mæta til vinnu og að verkefni
væru fyrir hendi. Hann gerði þetta
allt svo vel.
Við erum nokkur hér í Iðjubergi
sem höfum verið honum samferða á
mismunandi tímum í lífinu og alltaf
mundi hann eftir okkur, hvað við
heitum og hvar við vorum saman
síðast. Hans er sárt saknað af öllum
í Iðjubergi. Við sendum ættingjum
hans samúðarkveðjur.
Deyr fé,
deyja frændur,
deyr sjálfur ið sama;
en orðstír
deyr aldregi
hveim er sér góðan getur.
( Hávamál).
Samstarfsfólk í Iðjubergi.
Bjarni Sigurðsson
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er ekki
unnt að lofa ákveðnum birtingardegi.
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Minningargreinar