Morgunblaðið - 06.07.2008, Blaðsíða 19

MORGUNBLAÐIÐ SUNNUDAGUR 6. JÚLÍ 2008 19
Eftir Guðnýju Hrafnkelsdóttur
gudnyh@mbl.is
F
yrstu helgina í júlí er
gríðarlega vinsælt að
fara í útilegu. Á síðustu
árum hefur helgin oftast
verið vinsælasta ferða-
helgi ársins, að verslunarmannahelgi
undanskilinni. Fjöldin allur af hátíð-
um og uppákomum eru um allt land
og iðulega mikill umferðarþungi úr
höfuðborginni á föstudagskvöldinu.
Tjaldsvæðin fyllast af alls konar fólki,
sem ýmist er komið til að slaka á með
fjölskyldunni og vinum eða sletta ær-
lega úr klaufunum í góðra vina hópi.
En hvers vegna er þessi helgi eitt-
hvað sérstakari en aðrar helgar sum-
arsins?
Uppákomur hér og þar
Margs konar uppákomur eru
haldnar ár hvert, þessa helgi. Á Siglu-
firði er Þjóðlagahátíð, Landsmót
hestamanna er á Hellu, Humarhátíð á
Höfn í Hornafirði, Landsmót Bif-
hjólafólks á Snæfellsnesi og Gos-
lokahátíð í Vestmannaeyjum, svo fátt
eitt sé nefnt.
Gunnsteinn Ólafsson er upphafs-
maður og listrænn stjórnandi Þjóð-
lagahátíðar á Siglufirði og segir hann
að í raun sé það tilviljun ein að hátíðin
sé haldin sömu helgi og svona margir
aðrir viðburðir. En þegar ákveðið var
hvenær hátíðin skyldi haldin var þó
númer eitt, tvö og þrjú að hafa hana
um helgi þar sem von væri á góðu
veðri. Það sama er uppi á teningnum
hjá öðrum sem standa fyrir hátíðum
og samkomum; það sem mestu máli
skiptir er veðrið.
Edward Hákon Huijbens starfar
hjá Hamri, útilífs- og umhverfismið-
stöð skáta, sem rekur tjaldsvæði rétt
utan við Akureyri. Hann segir að
vissulega sé meira að gera, þegar
veðrið er gott. Gestirnir sem gista á
tjaldsvæðinu eru þó frekar fjöl-
skyldufólk og því er helgin róleg á
þessum slóðum og lítið um drykkju-
skap og ólæti. En þó fjölskyldufólkið
sé rólegra er ekki þar með sagt að það
komi ekki með sín eigin vandamál.
Nú hefur færst í aukana að fólk gisti í
húsbílum eða fellihýsum í stað þess að
gista í tjaldi. Á tjaldstæðum eru svo
rafmagnsinnstungur víðs vegar, svo
hægt sé að stinga hjólhýsum og hús-
bílum í samband. Rafmagnið er þá
nýtt í ýmis eldhústæki, tölvur, sjón-
vörp og fleira. Algengara er að slík
raftæki séu með í för og segir Edw-
ard að á annasömustu helgunum
kikni rafkerfið oft undan álaginu og
slái rafmagninu út á svæðinu. Edw-
ard segir þó að fjöldi ferðamanna
fyrstu helgina í júlí komist ekki ná-
lægt þeim fjölda sem kemur um
verslunarmannahelgi.
Blessuð sólin elskar allt
Hjá Veðurstofu Íslands er hægt að
fá upplýsingar um veðurfar á sumrin
síðustu ár. Þá sést, svart á hvítu, að
júlímánuðir hafa undanfarið verið
hlýir og góðir. En það er ekki aðeins
góða veðrið og sólskinið sem gerir
ferðalög freistandi. Júlímánuður er
vinsæll tími fyrir útivinnandi fólk til
að taka sér sumarfrí og því margir
sem hugsa sér gott til glóðarinnar og
fara út á land. Einnig eru námsmenn,
sem eru í sumarvinnu, nýbúnir að fá
útborguð laun í fyrsta skiptið um
þetta leyti. Það er því vinsælt hjá
ungu fólki að nýta sér fyrsta tækifær-
ið sem gefst til þess að komast úr
bæjarlífinu og eyða helgi í sveitasæl-
unni.
Páll Guðmundsson, framkvæmda-
stjóri Ferðafélags Íslands, segist
verða var við að fleiri fari í ferðalög
fyrstu helgina í júlí, en aðrar helgar.
Því býður FÍ upp á fleiri skipulagðar
ferðir, lengri og styttri, um þetta
leyti. Aðspurður hvers vegna svo
margir fari út á land fyrstu helgina í
júlí nefnir Páll veðrið, en segir líka að
hefðin og stemmningin sem skapist
lokki fólk í útilegur. Hann hvetur fólk
til að nýta vel útilegurnar og ferðalög-
in á sumrin. Páll segir að mikilvægt
sé að undirbúa sig vel og gefa sér góð-
an tíma, þannig njóti maður ferða-
lagsins betur. Einnig bendir hann á,
að til að fá sem mest út úr ferðinni sé
sniðugast að fara út fyrir þjóðveg 1 og
skoða skemmtilega staði sem ferða-
langarnir hafa kannski ekki séð áður.
Það gildir að sjálfsögðu ekki bara um
fyrstu helgina í júlí, heldur öll ferða-
lög sumarsins.
Hvert er förinni heitið?
Hátíðarhaldarar eiga erfitt með að
gera sér í hugarlund, hversu margir
munu mæta til sín, því það er fyrst og
fremst háð veðri. Margir hverjir, ef
ekki flestir, fresta því eins og þeir
geta að ákveða hvert halda skal. Svo,
þegar að lagt er í hann, er haldið bein-
ustu leið þangað sem sólin skín.
Oft einkennir það stórar ferðahelg-
ar að á stöku tjaldsvæðum safnast
ungmenni saman og stemningin verð-
ur öðruvísi en hjá fjölskyldufólki. Til
að fyrirbyggja uppþot og læti á tjald-
svæðum hafa sumir eigendur tjald-
svæða gripið til þeirra ráða að hleypa
fólki ekki inn undir ákveðnum aldri
og er algengt aldurstakmark tuttugu
og fimm eða þrjátíu ár. Til að mynda
má fólk undir þrítugu ekki tjalda
sums staðar, nema það eigi börn sem
eru með í för. Þau svæði eru þó fá. Al-
gengara er að strangar reglur séu
settar, til dæmis um hvenær ró skal
vera komin á, til að fjölskyldufólk hafi
það sem náðugast og að næturverðir
séu á staðnum, sem framfylgja því að
allt fari vel fram. Þessar reglur og
takmarkanir leiða engu að síður til
þess, að ungmenni safnast saman á
einu og einu tjaldsvæði, þar sem þeim
er leyfilegt að vera og eru því meiri
líkur á að eitthvað fari úr böndunum á
þeim stöðum þar sem stórir hópar
koma saman.
Sem betur fer er það þó þannig að
allt fer vel fram, þessa helgi sem aðr-
ar og vandræðagangur tilheyrir und-
antekningum.
Morgunblaðið/Kristján
Ferðahugur Margir eru sniðugir og nýta sumarið í ferðalög innanlands af miklu kappi. Flestir halda sig við fjöl-
farnar slóðir en einnig er gaman að leita uppi fallega staði sem færri sækja heim.
Helgin sem markar upphaf sumars
 Fyrsta helgin í júlí er önnur stærsta ferðahelgi ársins  Undanfarin ár hefur fólk flykkst úr höfuðborg-
inni og haldið í útilegu um þessar mundir  Gott veður á stóran þátt í því, en einnig ýmislegt annað
Í HNOTSKURN
»Júlímánuður er iðulegahlýjasti mánuður ársins og
sá sólríkasti.
»Júní og júlí árið 2003 vorueinstaklega hlýir. Ekki er
vitað til þess að þessir tveir
mánuðir hafi áður verið svo
hlýir frá því að samfelldar
mælingar hófust, 1871.
»Árið 2004 voru sólskins-stundir í Reykjavík 32
stundum yfir meðallagi.
»Árið 2007 voru sólskins-stundir 226 í Reykjavík og
er það 55 stundum yfir með-
allagi. Jafnmargar hitastundir
hafa ekki mælst í júlí síðan
1993.
Ferðalög
» Ég hefði frekar viljað verarolla í rétt en að vera þarna
inni.
Tónlistarmaðurinn KK er ekki ánægður
með Laugardalshöll sem tónleikastað.
» Þetta er besti dagur lífsmíns sem knattspyrnu-
manns.
Spánverjinn Cese Fabregas var að vonum
ánægður með Evrópumeistaratitilinn.
» Mugabe hefur á réttu aðstanda.
Áletrun á skilti, sem einræðisherrann Ro-
bert Mugabe hefur við skrifstofudyr sín-
ar.
» Hjálpi athöfnin fólki að tak-ast á við skilnaðinn er hún
æskileg, ekki síst fyrir börnin.
Ilse Sand, formaður dönsku samtakanna
Prestar og sállækningar, býður upp á
kirkjulegan skilnað.
» Það er hins vegar ekki okkarhlutverk að sitja hér daginn
langan og hafa skoðanir á því
hvað sé hollt eða óhollt.
Páll Magnússon, útvarpsstjóri, eftir að
kvartanir bárust frá Foreldrasamtökum
gegn áfengisauglýsingum um meintar
áfengisauglýsingar í Ríkisútvarpinu.
» Ætli þetta sé ekki frekarþroskamerki.
Helgi Björnsson, tónlistarmaður, vísar
því á bug að viðfangsefnið á nýju plötunni
sinni sé ellimerki.
» Þetta er hneyksli og hneisa.
Magnús Kristinsson, útgerðarmaður, um
reglugerð um leyfilegan heildaraflamark
nytjastofna í hafinu við Ísland á næsta
fiskveiðiári.
» En þær eru nú frekar farnarað mala þá undir sig núna,
konurnar, ég held nú það.
Sigríður Friðriksdóttir, sem varð 100 ára
í vikunni, gegndi starfi verkstjóra hjá Ís-
félagi Vestmannaeyja á tímum þegar
margir töldu konur ekkert erindi eiga í
ábyrgðarstörf.
»Ég á engar eignir og hef reittmig á manninn minn.
Rosemary Atieno Athiembo, eiginkona
Pauls Rames Odour, eignaðist barn fyrir
mánuði síðan. Henni verður líklega vísað
úr landi von bráðar.
» Það þýðir ekkert að skamm-ast í fólki þegar það er komið
í öngstræti.
Önundur Björnsson, sóknarprestur á
Breiðabólsstað, um þá sem eiga í fjár-
málavandræðum.
» Þessar fullyrðingar allarkomu mér mjög á óvart.
Guðlaugur Þór Þórðarson, heilbrigð-
isráðherra, var gagnrýndur fyrir virðing-
arleysi í samskiptum og sinnuleysti af
stjórnarformanni Hollvina Grens-
ásdeildar.
Ummæli vikunnar
Reuters
Frumsýning Leikarinn Pierce
Brosnan og kona hans, Keely Sha-
ye-Smith, komu á frumsýningu
„Mama Mia“ í Stokkhólmi.
VIÐSKIPTAFRÆÐIDEILD
HAGFRÆÐIDEILD
www.vidskipti.hi.is
www.hag.hi.is
Hagfræðideild og Viðskiptafræðideild Háskóla
Íslands þakka þeim fjölmörgu umsækjendum
sem sótt hafa um nám í deildunum fyrir skólaárið
2008-2009.
Við minnum á að greiða þarf skrásetningargjald
fyrir 10. júlí nk.