Morgunblaðið - 06.07.2008, Qupperneq 38

38 SUNNUDAGUR 6. JÚLÍ 2008 MORGUNBLAÐIÐ
UMRÆÐAN
Sanngjörn söluþóknun Góðar ljósmyndir Sýnum eignina Fagþjónusta
Þverholt 14 l 105 Reykjavík l Sími 595 9000 l holl@holl.is l www.holl.is
Björn Daníelsson
Löggildur fasteignasali
Gsm: 849 4477
Laugarteigur 7 – opið hús
Opið hús í dag sunnudag 7. júlí að Laugateig 7, 105 Reykjavík, 1. hæð frá kl. 15 -16.
Mjög góð 5 herbergja sérhæð með sérinngangi auk bílskúrs í þríbýli alls 137,6 fm. Stórar
og bjartar stofur. Þrjú svefnherbergi. Rúmgott eldhús. Garður í rækt. Stutt er í alla almenna
þjónustu. Eign á góðum stað sem vert er að skoða. Laus við kaupsamning. Tilboð óskast.
Síðumúla 21 • 108 Reykjavík • S . 588 9090 • fax 588 9095
www.eignamidlun. is • e ignamidlun@eignamidlun. is
Sverr ir Kr ist insson, löggi ltur fasteignasal i
Hlíðarsmári 3, Kópavogi er til sölu
Hlíðarsmári 3 er skrifstofu og verslunarhúsnæði á fimm hæðum. Húseignin er öll
hin glæsilegasta og mjög vel staðsett, rétt við Smáralind. Fallegt útsýni.
Jarðhæð skiptist í u.þ.b. 394 fm þar sem rekin er veitingastaður, gólfefni eru m.a.
parket og granít, u.þ.b. 307 fm pláss þar sem rekin er verslun. Gólfefni eru m.a. park-
et, u.þ.b. 330 fm geymslur.
2.hæðin skiptist í tvær u.þ.b. 407 fm skrifstofur eða samtals 914 fm. Þar eru skrif-
stofur. Óbein lýsing, teppaflísar á gólfum, skilveggir, gler að hluta.
3., 4., og 5.hæðirnar eru í útleigu og eru allar hæðirnar innréttaðar á svipaðan hátt
þ.e. óbein lýsing, teppaflísar á gólfum, skilveggir, gler að hluta.
3.hæðin er u.þ.b. 2 x 407 fm, eða samtals 914 fm.
4.hæðin er u.þ.b. 2 x 405 fm eða samtals 910 fm
5.hæðin er u.þ.b. 2 x 271 fm eða samtals 542 fm.
Svalir eru á öllum hæðum en 5.hæðin er inndregin og með u.þ.b. 152 fm þaksvölum.
Eignin er öll í útleigu.
Nánari upplýsingar veitir Sverrir Kristinsson lögg. fasteignasali.
Jón Hólm Stefánsson
Lögg. fasteigna-, fyr-
irtækja- og skipasali
www.gljufurfasteign.is
Öldubyggð 14 og 18, Grímsnesi
Gljúfur fasteignasala hefur í einkasölu tvö afar falleg og vel byggð sumarhús
(heilsárshús) að Öldubyggð 14 og Öldubyggð 18 í Grímsnesi (nærri Borg). Hús-
in standa á stórum eignarlóðum, bæði á steyptri gólfplötu með hitalögnum, ein-
ingahús úr timbri byggð 2006. Húsin eru tvær hæðir, að stærð um 100 fermetr-
ar hvort hús. Vandaðar innréttingar og gólfefni. Umhverfis húsin er vönduð ver-
önd með rafmagnshitapotti. Víðsýni og stutt í þjónustu. Möguleiki á hitaveitu.
Hér er um að ræða athyglisverðar eignir. Ásett verð krónur 26 milljónir á hvort
hús. Eignirnar eru báðar veðbandalausar. Nánari upplýsingar hjá fasteignasala
í síma 896-4761, sem jafnframt sýnir eignirnar.
Gljúfur fasteignasala hefur fleiri eignir í dreifbýli til sölu. Leytið upplýsinga.
Mannréttindaráð
Reykjavíkur skipaði
sl. vetur starfshóp til
að kanna öryggismál
á skemmtistöðum í
Reykjavík og koma
með tillögur sem
spornað gætu við kyn-
ferðisofbeldi á og við
skemmtistaði. Tilefni stofnunar
starfshópsins er sú staðreynd að
undanfarin 5 ár hafa 35 ein-
staklingar leitað aðstoðar til neyð-
armóttöku vegna nauðgunar, það er
5-8 konur árlega. Flestum hefur
verið nauðgað eða þær beittar öðru
kynferðisofbeldi innan eða utan við
veitinga- og/eða skemmtistaði í
miðborg Reykjavíkur. Einnig hafa
samkvæmt ársskýrslu Stígamóta
undanfarin 5 ár átt sér stað 35
nauðganir á veitinga- og skemmti-
stöðum. Þau brot sem eiga sér stað
innan skemmtistaða eru langoftast
framin á salernum staðanna.
Í starfshópnum áttu sæti, auk
fulltrúa frá mannréttindaráði,
fulltrúar frá Félagi kráaeigenda,
Samtökum ferðaþjónustu, frá lög-
reglu höfuðborgarsvæðisins og
neyðarmóttöku vegna nauðg-
unarmála.
Öryggishnappar
á skemmtistöðum
Starfshópurinn skilaði skýrslu til
mannréttindaráðs 24. júní sl. Þar
kemur fram að mikilvægt er að huga
betur að öryggi gesta inni á veitinga-
og skemmtistöðum og eru til þess
ýmsar leiðir færar. Til dæmis er lagt
til að eftirlit á salernum verði aukið
og að komið verði fyrir örygg-
ishnöppum á salernum. Einnig eru
tillögur um aukna fræðslu bæði fyrir
starfsfólk veitinga- og skemmti-
staða, eigendur og almenning um al-
varleika þeirra brota sem eiga sér
stað á stöðunum. Lagt er til að unnin
verði úttekt á þeim atriðum sem
varða öryggismál á veitinga- og
skemmtistöðum og er þá sjónum
sérstaklega beint að innra byrði, s.s
aðgengi að salernum, læsingum og
viðhaldi almennt. Einnig er sett
fram tillaga um viðurkenningar
borgaryfirvalda til þeirra staða sem
huga vel að öryggi gesta sinna og
mun hópurinn í sumar vinna frekar
að útfærslu þeirrar hugmyndar sem
og annarra.
Samstarf lykilatriði
Skýrsla starfshópsins var kynnt
borgarráði 26. júní sl. Þegar hefur
verið ákveðið að starfshópurinn
haldi áfram að útfæra nánar þær til-
lögur og verkefni sem eru í skýrsl-
unni. Lykilatriði við áframhaldandi
vinnu á þessum vettvangi er sam-
starf allra aðila sem að málum koma
og er lagt til í skýrslunni að Reykja-
víkurborg hafi frumkvæði að slíku
samstarfi. Einnig verður unnið að
verkefninu í samráði við aðgerð-
arhóp miðborgarinnar.
Mannréttindaráð bindur miklar
vonir við að þessar tillögur skili sér í
auknu öryggi á veitinga- og
skemmtistöðum borgarinnar.
Aukið öryggi á skemmti-
stöðum borgarinnar
Marta Guðjóns-
dóttir og Björn
Gíslason segja
frá tillögum um
öryggi á
skemmtistöðum
Marta
Guðjónsdóttir
» Viðurkenningar
verði veittar þeim
skemmtistöðum sem
huga vel að öryggi gesta
sinna
Marta Guðjónsdóttir, formaður
mannréttindaráðs Reykjavíkur,
Björn Gíslason, formaður starfshóps
um bætt öryggi á og við veitingastaði.
Björn
Gíslason
RITSTJÓRI Morg-
unblaðsins fullyrti í
leiðara að ákvörðun
sjávarútvegsráðherra
um að fara að mestu
eftir veiðiráðgjöf Hafró
væri sú rétta. Margir
sjómenn eru hins vegar
furðulostnir yfir ráð-
gjöfinni. Þeir telja nær
útilokað að ná að veiða
mikinn ýsukvóta sem
er um 20% umfram
ráðgjöf Hafró á meðan
þorskkvótinn er jafn-
naumt skammtaður af
sjávarútvegsráðherra.
Sá var ákveðinn nær
samhljóma ráðleggingu
Hafró.
Þegar þorskkvótinn
er ákveðinn nú annað
árið í röð 130.000 tonn
má spyrja hvert upp-
haflegt markmið hafi
verið þegar byrjað var
að vinna eftir kennisetningum
Hafró. Það var í fyrsta lagi að
minnka sveiflur í afla og að hann
yrði að jafnaði 400-500.000 tonn. Að-
ferðin gengur annars vegar út á að
draga úr veiðum til að „byggja upp“
hrygningarstofninn og hins vegar að
vernda smáfisk.
Allir geta fallist á að upphafleg
markmið hafa ekki gengið eftir. Þeir
sem hafa stýrt Hafró og rannsakað
og fellt dóma um eigin verk segja að
ekki hafi verið dregið nægjanlega úr
veiðum. Samt hefur verið farið nokk-
uð nákvæmlega eftir ráðgjöf Hafró í
15 ár og veiðisvæðum markvisst lok-
að fyrir veiðum á smáfiski. Stundum
er fléttað inn í þessar skýringar að
skilyrði séu breytt og á umliðnum
áratug hafa sérfræðingarnir bæði
sagt að möguleg orsök sé aukinn
kuldi og síðan hiti.
Aðrir líffræðingar og fiskifræð-
ingar, s.s. ég og Jón Kristjánsson,
hafa haldið því fram að kenningin
sem Hafró vinni eftir geti ekki geng-
ið upp þar sem hún brjóti í bága við
viðtekna vistfræði, að vitavonlaust
sé að vernda fiskinn
þar sem vöxtur er við
sögulegt lágmark.
Sömuleiðis hefur verið
bent á að ekki sé um að
ræða jákvætt samband
milli stærðar hrygn-
ingarstofns og nýlið-
unar en fleiri hafa bent
á það, s.s. Rögnvaldur
Hannesson fiski-
hagfræðingur. Fisk-
veiðar ganga sinn
vanagang á haf-
svæðum þar sem um-
deildar kenningar
Hafró ráða ekki för,
eins og í Barentshafinu
og við Færeyjar, en
reiknisfiskifræðingar
hafa ítrekað spáð þeim
þorskstofnum algjöru
hruni.
Sagan skoðuð
Frá árslokum 1976
hafa Íslendingar haft
stjórn á veiðunum og
voru menn nokkuð
bjartsýnir á að með
betri stjórn, einkum
minni smáfiskaveiði, næðist fljótlega
fram jafnstöðuafli, 400-500.000 tonn
eins og áður segir.
Í lok 8. og byrjun 9. áratugar voru
jafnan veiddir tugir þúsunda tonna
ár hvert umfram ráðgjöf Hafró á Ís-
landsmiðum og dæmi voru um að
veiðarnar færu vel á annað hundrað
þúsund tonn umfram ráðgjöfina.
Veiðarnar gengu sinn vanagang
þrátt fyrir svartar skýrslur og það
sem meira var, ráðgjöfin elti veiðina
ef hún reyndist meiri, t.d. voru árið
1980 veidd 135.000 tonn umfram
ráðgjöf Hafró og ráðlagði Hafró árið
eftir 100.000 tonna aflaaukningu.
Fiskistofnar sveiflast eðlilega ekki
einungis upp á við heldur einnig nið-
ur á við en annars væri eflaust hægt
að ganga þurrum fótum á milli
heimsálfa. Í niðursveiflum fá svartar
skýrslur Hafró aukið vægi og í kjöl-
far „aflabrests“ 1982 var kvótakerf-
inu komið á með auknum takmörk-
unum. Það er rétt að geta þess að á
aflabrestsárinu 1982 var þorskaflinn
þrefalt meiri en þorskkvóti næsta
árs hljóðar upp á.
Þrátt fyrir að kvótakerfinu væri
komið á var aflinn að jafnaði tugi
þúsunda umfram ráðgjöf og fisk-
veiðarnar og aflinn að jafnaði um
300.000 tonn.
Árið 1991 verða þáttaskil þegar
nýr sjávarútvegsráðherra Þorsteinn
Pálsson ákveður að fara nánast í
einu og öllu eftir ráðgjöf Hafró til
þess að veiða meira seinna. Þetta
seinna lét bíða eftir sér, ráðgjöfin
var komin niður í 130.000 tonn og
Þorsteinn gerði nánast alltaf eins og
Hafró lagði til – rétt eins og núver-
andi ráðherra gerir.
Undur og stórmerki urðu árið
1996 þegar Hafró lagði til aukningu
á þorskafla. Varði það til ársins
2000. Á þessum árum voru þeir sem
fylgdu „uppbyggingarstefnunni“
sigurreifir og fullyrtu að stefnan
hefði sannað ágæti sitt.
Á árinu 2000 lagði Hafró til mik-
inn niðurskurð sem kom eins og
þruma úr heiðskíru lofti. Ástæðan
var að stofnunin hefði reiknað vit-
laust árin á undan og hefði stofninn
verið minni en fyrri útreikningar
gáfu til kynna. Ekki voru fréttir þó
eingöngu neikvæðar heldur var
reiknað út að ef farið yrði að tillög-
unum myndi stofninn stækka strax á
næsta ári og enn meira árið þar á
eftir.
Boðuð stækkun hefur látið bíða
eftir sér. Frá árinu 2000 hefur ein-
göngu verið boðaður aukinn nið-
urskurður á afla – með einni und-
antekningu, Davíð Oddsson lagði til
á fundi í Sjallanum að þorskkvótinn
yrði aukinn um 30.000 tonn kosn-
ingaárið 2003. Jóhann Sigurjónsson
forstjóri Hafró staðfesti síðan fljót-
lega að í góðu lagi væri að veiða
þann fisk sem Davíð fann í Sjall-
anum.
Nú á árinu 2008 er enn og aftur
boðað að veiða 130.000 tonn af
þorski sem er liðlega þrefalt minna
magn en áður en uppbygging-
arstarfið hófst þrátt fyrir að búið sé
að fara nánast í einu og öllu eftir ráð-
gjöf Hafró í 15 ár.
Hvernig getur það verið rétt
ákvörðun að fara eftir ráðgjöf sem
hefur sýnt sig að vera röng í vel á
annan áratug? Það er löngu tíma-
bært að stjórnvöld fari nú á síðustu
og verstu tímum yfir rök þeirra sem
hafa haldið uppi fræðilegri gagnrýni
á ráðgjöf Hafró.
Rétt ákvörðun?
Sigurjón Þórðarson
fjallar um
þorskkvótann og
ráðgjöf Hafró
Sigurjón Þórðarson
»Markmiðin
með kvóta-
kerfinu voru að
minnka sveiflur
í afla og að hann
yrði að jafnaði
400-500.000
tonn. Það hefur
ekki gengið eft-
ir.
Höfundur er líffræðingur.
UMRÆÐAN