Morgunblaðið - 18.07.2008, Síða 21

STAKSTEINAR Morgunblaðsins eiga oft
skemmtilega pólitíska spretti en alveg sér-
staklega þegar þeir fá hland fyrir hjartað og það
hallar á Sjálfstæðisflokkinn í umræðunni. Það
liggur fyrir að hvert sem maður fer og hvar sem
maður hittir mann sé umræðan um framtaks-
leysi og hina daufgerðu ríkisstjórn áhyggjuefni
manna. Forsætisráðherra vor, Geir H. Haarde,
fellur á hverju prófinu á fætur öðru, eins og
Samfylkingin og Ingibjörg Sólrún Gísladóttir
hafi dregið úr honum allan mátt. Geir Haarde
er auðvitað ágætur drengur en reynist nú illa
sem skipstjóri á þjóðarskútunni í haugasjó og
að leiða þjóðina yfir heiðina í vitlausu veðri í
efnahagsmálum svo gripið sé til líkinga úr nátt-
úrunni.
Að vera værukær og gá ekki að sér er hættu-
legt í pólitík sem lífinu sjálfu. Það má leiða að
því rök að fyrsta árið sé ríkisstjórninni ónýtt því
hún reyndi ekki að mæta óveðursskýjunum sem
voru til staðar þegar hún tók við og enn síður að
hún brygðist við haustveðrinu. Morgunblaðið
benti líklega fyrst allra á að peningakreppa,
heldur váleg, væri við hafsbrún í fyrrahaust.
Peningakreppan kallar á ný úrræði hér, alveg
eins og í Bandaríkjunum og Bretlandi.
Ríkisstjórnin brást ekki
við óveðurskýjunum
Við sitjum nú uppi með skert lífskjör og ógn-
vænlegar staðreyndir vegna þess að það skortir
tilfinnanlega verklag í ríkisstjórninni. Sama dag
í síðustu viku og við framsókn-
armenn bentum enn og aftur á
leiðir í efnahagsmálunum og
kröfðumst þess að ríkisstjórnin
tæki til starfa, að stýrivextir yrðu
lækkaðir og gjaldeyrisforðinn
efldur, birti Morgunblaðið van-
traustsyfirlýsingu á ríkisstjórnina
í opnu bréfi, þar sem krafist var
aðgerða. Þar var á ferð Félag ís-
lenskra stórkaupmanna, en þeir
eins og aðrir eru fullsaddir af
gengisfellingum, vaxtaokri og
sveiflum á genginu. Meira að
segja einkavinir Sjálfstæð-
isflokksins og Morgunblaðsins viðurkenna það
sem ég og svo margir aðrir hafa verið að benda
á, að ríkisstjórnin er ónýt og tekst ekki á við hið
alvarlega ástand sem skapast hefur í íslensku
efnahagslífi. Það er deginum ljósara að þeir
vilja ekkert eiga undir veikum stjórnarháttum
Geirs og Ingibjargar.
Taka þarf á efnahagsvandanum með öllum
þeim björgum sem íslensk stjórnvöld hafa yfir
að ráða og það strax. Umræðan um hvort hér
skuli tekinn upp annar gjaldmiðill er þörf um-
ræða sem við framsóknarmenn tökum alvarlega
og bíðum nú metnaðarfullrar skýrslu gjaldmið-
ilsnefndar flokksins okkar. En þó að umræðan
um gjaldmiðilinn sé þörf er hún samt sem áður
önnur umræða. Þeir sem best þekkja til vita að
umsókn um inngöngu í Evrópusambandið leysir
ekki þann efnahagsvanda sem við glímum við í
dag. Það er langur vegur og markviss sem þarf
til að komast í myntbandalagið,
sem jafnvel gæti tekið okkur hátt í
áratug. Því er það svo að enginn
mun leysa vandræði okkar nú
nema við sjálf. Þar stendur hníf-
urinn í kúnni og Geir og Ingi-
björgu skortir kraft til að takast á
við efnahagsmálin. Getuleysi
þeirra, sinnuleysi og sundrung
leiðir þjóðina, hvern og einn ein-
stakling, til dýpri og lengri kreppu
en ella. Hverjum hefði dottið í hug
að slík ríkisstjórn fagurra loforða
með svo mikinn þingstyrk gæti
orðið svo áhrifalítil, vanmáttug og
afskiptalaus, á meðan þjóðin kallar eftir forystu
og trúverðugleika.
Alvarlegar afleiðingar stjórnleysis
Verðbólgan mælist í ógnartölu, um og yfir
30% á síðustu þremur mánuðum, og er að fest-
ast í 12-15% á árinu. Gengið er fallið um 40% frá
áramótunum, Seðlabankinn segir að okurvext-
irnir séu komnir til að vera fram á mitt næsta
ár. Uppsagnir og atvinnuleysi blasir við með
gjaldþroti fyrirtækja. Er nú að undra þótt for-
ysta Sjálfstæðisflokksins sé gagnrýnd og við
framsóknarmenn segjumst tilbúnir að taka við
keflinu? Það yrði ekki í fyrsta sinn sem Fram-
sóknarflokkurinn leiddi þjóðfélagið út úr
kreppu krata og íhalds.
Það er rétt hjá Staksteinum að Framsókn-
arflokkurinn fór illa út úr síðustu kosningum og
hefur ekki enn náð flugi á nýjan leik. Sagan
vitnar þó með Framsóknarflokknum, hann hef-
ur látið verkin tala oft við erfiðar aðstæður í ís-
lensku efnahagslífi, snúið vörn og undanhaldi í
sókn. Það gerðist á erfiðu árunum 1971, 1988 og
1995. Ég trúi því að smátt og smátt muni fram-
sóknarmenn safnast heim og taka þar til
óspilltra málanna. Framsóknarmenn vita að
Samfylkingin er óábyrg í efnahagsmálum,
Vinstri grænir munu ekki efla þjóðatekjur eða
standa með atvinnusókn, enda sækja þeir sín
úrræði til kaffihúsaspekinga, og Sjálfstæð-
isflokkurinn er og verður klofið hagsmuna-
bandalag. Framsóknarflokkurinn undirbýr nú
að breyta jeppanum sem Staksteinar nefna og
rúmar þingflokkinn í dag, í rútu ef til kosninga
kæmi. Ég trúi því að Íslendingar vilji nýja
ábyrga ríkisstjórn með sterkari Framsókn-
arflokki, flokki samvinnu og skynsemi, sem
tekst á við efnahagsvanda Íslendinga af ábyrgð
og festu. Þess vegna mun Framsóknarflokk-
urinn rísa í fylgi ef til kosninga kemur.
Hver vegur að heiman er vegurinn heim.
Framsóknarmenn, það er líka leið frá upplausn
til ábyrgðar fyrir fólkið í landinu!
Eftir Guðna Ágústsson » Við sitjum nú uppi með
skert lífskjör og ógnvæn-
legar staðreyndir vegna þess
að það skortir tilfinnanlega
verklag í ríkisstjórninni.
Guðni Ágústsson
Höfundur er formaður Framsóknarflokksins.
Hin dauða hönd ríkisstjórnarinnar
MORGUNBLAÐIÐ FÖSTUDAGUR 18. JÚLÍ 2008 21
Árni Sæberg
Listaverk Líklega er ekki til meiri listasmíð en lítið barn og þessi ferðalangur í Lækjargötu sá ástæðu til að taka mynd af einni gerseminni. Var hún ásamt
öðrum á stóru spjaldi á veggnum, sem komið var upp við brunarústirnar, en spjaldið var sett upp í sambandi við Listahátíð.
Blog.is
Svanur Gísli Þorkelsson | 16. júlí
„Ég er búinn að vera
slæmur strákur“
Í gær hitti ég heims-
frægan hljóðfæraleikara
og átti við hann orðastað.
Hann heitir Ronnie Wood
og spilar á gítar með fé-
lögum sínum í sveitinni
Rolling Stones. Þannig
var mál með vexti að ég tefli skák einu
sinni í viku á einu af kaffihúsunum hér í
Bath. Sá sem ég tefli við var eitt sinn
„suðvesturlands“-meistari hér í Eng-
landi. En það segir í sjálfu sér ekkert um
styrkleika hans því Englendingar hafa
aldrei haft orð á sér fyrir að vera snjallir
skákmenn frekar enn að þeir geti spilað
handbolta. Eiginlega eru þeir ekki góðir í
íþróttum nema þeim sem þeir hafa fund-
ið upp sjálfir, eins og fótbolta, krikket og
rugby: Við næsta borð á kaffihúsinu sátu
tveir menn að spjalla. Ég kannaðist við
annan þeirra, írskan skartgripasala sem
stundar þetta kaffihús mikið. Hinn var
lítill og pervisinn eldri maður með svart
litað hár sem var klippt eins og Rod
Stewart hafði það í gamla daga. Hann
var klæddur eins og unglingur, …
Meira: svanurg.blog.is
Emil Örn Kristjánsson | 17. júlí
Afreksmenn
… Ég vil óska Benedikt
Hjartarsyni til hamingju
með sinn frábæra árang-
ur og óska Benedikt S.
Lafleur góðs gengis á
Drangeyjarsundi. Það er
gaman að vita til þess að
slíkar kempur er ekki aðeins að finna í
fornsögunum. …
Meira: emilkr.blog.is
TÖLUVERÐ um-
ræða hefur verið um
skipulagsmál og
verndun gamalla húsa
síðustu misseri. Ljóst
er að vilji borgaryf-
irvalda er til að
vernda eldri bygg-
ingar og hlúa að
menningararfi þjóð-
arinnar.
Nú eru til með-
ferðar hjá skipulags-
yfirvöldum borgarinnar tillögur um
uppbyggingu nýs hótels í Kvosinni.
Hugmyndir eru uppi um að flytja
húsin Vallarstræti 4,
betur þekkt sem Hótel
Vík, og Aðalstræti 7
norður fyrir Vall-
arstrætið og staðsetja
þau á Ingólfstorgi
þannig að byggja megi
nýtt hótel þar sem þau
nú standa.
Út frá vernd-
unarsjónarmiði má
varpa fram þeirri
spurningu hvort rétt
sé að flytja hús af sín-
um upprunalega stað?
Húsin voru hönnuð og
byggð með tilliti til staðsetningar.
Gert var ráð fyrir framhlið sem
sneri að götu og var andlit hússins.
Við flutning húsanna yfir strætið
breytist sérkenni þeirra. Íburðalitl-
ar bakhliðar standa allt í einu við
götu og eru orðnar hluti af götu-
mynd. Af þessu hef ég þó ekki stór-
ar áhyggjur.
Hins vegar tel ég hugmyndir um
að yfirbyggja göturýmið sem
myndast milli nýbyggingarinnar og
áðurnefndra húsa mun alvarlegri
gjörning. Vallarstræti sem er ein
af eldri götum borgarinnar tapar
svip sínum þar sem hún er skyndi-
lega orðinn hluti af anddyri hins
nýja hótels. Strætið verður ekki
lengur gata heldur hús. Sjónlínan
frá Austurvelli upp í Bröttugötu
lokast og tengslin verða ekki þau
sömu og áður. Hér er ekki aðeins
verið að breyta afar mikilvægu
göturými heldur beinlínis að
þurrka það út.
Verndun mannvirkja á ekki að-
eins að taka til gamalla húsa held-
ur verða menn að huga að götu-
myndum og stígum. Hin fínlegi
vefur gatna og göngutenginga mið-
bæjar Reykjavíkur er verðmætur
hluti af menningararfi okkar.
Í tengslum við uppbyggingu hót-
elsins hafa komið fram í fjölmiðlum
hugmyndir um að rífa Austurstræti
nr. 6 og byggja þar jafnframt nýtt
hótel sem tengjast myndi hótelinu
við Vallarstræti með glergangi sem
færi yfir Vallarstrætið. Verði slík
hugmynd að veruleika þá er verið
að þrengja að Vallarstræti enn
frekar. Vilji menn tengja nýbygg-
ingarnar saman þá er eðlilegast að
tengja þær saman neðanjarðar.
Flutningur húsa inn á Ingólfs-
torg hefur miklar breytingar í för
með sér á torginu og er því full
ástæða til að endurskoða allt fyr-
irkomulag þess.
Vissulega ber að fagna uppbygg-
ingu miðbæjarins en mikilvægt er
að hún taki ávallt tillit til umhverf-
isins og varðveislu menningararfs-
ins.
Vallarstræti hefur tilheyrt Reyk-
víkingum í meira en hundrað ár og
það er óásættanlegt að strætið
verði tekið af þeim og einkavætt.
Eftir Guðmund
Gunnarsson
Guðmundur
Gunnarsson
» Verndun mannvirkja
á ekki aðeins að
taka til gamalla húsa
heldur verða menn að
huga að götumyndum
og stígum.
Höfundur er arkitekt.
Verndum Vallarstræti