Morgunblaðið - 14.10.2008, Blaðsíða 19
MORGUNBLAÐIÐ ÞRIÐJUDAGUR 14. OKTÓBER 2008 19
VIÐSKIPTI/ATHAFNALÍF
fyrst. Hann segir að fjarvera bank-
anna úr Kauphöllinni í þeirri mynd
sem þeir voru komnir í færi hluta-
bréfaviðskipti hér á landi nokkur
ár aftur í tímann, því umsvifin
verði óneitanlega umtalsvert minni
en áður.
„Rekstrarfélögin fá þá í staðinn
kannski meiri athygli,“ segir Hörð-
ur. „Þau hafa á vissan hátt liðið
fyrir það undanfarin ár hvað áhugi
á bönkum og fjárfestingarfélögum
hefur verið mikill. Ég vona því að
þau öflugu rekstrarfélög sem eru
hér á landi muni fá góða athygli.
Þar eru að mínu mati umtalsverð
fjárfestingartækifæri.“
Orðsporið hefur beðið hnekki
Jón Sigurðsson, forstjóri Össur-
ar, segir að framundan séu gríð-
arlega miklar breytingar í Kaup-
höllinni hér á landi. Engin leið sé
að sjá fyrir hvað muni gerast. „Það
tók mörg ár að koma hlutabréfa-
viðskiptunum á, en í einu vetfangi
er öllu breytt. Annars vegar er
Kauphöllin lítil og félögin sem eru
skráð í henni eru einnig lítil. Þá
hefur orðspor Íslands beðið mikinn
hnekki. En ég vona að Kauphöllin
Eftir Grétar Júníus Guðmundsson
gretar@mbl.is
MIKLAR breytingar eru fyrirsjá-
anlegar í Kauphöll Íslands eftir
brotthvarf stóru viðskiptabank-
anna, Kaupþings, Landsbankans
og Glitnis, í þeirri mynd sem þeir
voru í. Vonir eru bundnar við að
breytingarnar muni beina athygl-
inni betur að þeim félögum sem
eftir verða í Kauphöllinni. Ýmsir
telja að þar geti verið mikil tæki-
færi, til að mynda í rekstrarfélög-
um sem að sumu leyti hafa fallið í
skuggann fyrir bönkunum á und-
anförnum árum. Þá er vel hugs-
anlegt að tækifæri muni skapast
fyrir ný félög, svo sem í sjávar-
útvegi.
Lokað var fyrir viðskipti með
hlutabréf í Kauphöll Íslands í gær
eins og í síðustu viku. Sagði í til-
kynningu frá Kauphöllinni að
stefnt væri að því að opna fyrir
viðskipti í dag.
Hörður Arnarson, forstjóri Mar-
els, segir mikilvægt fyrir atvinnu-
lífið að hér sé starfrækt kauphöll
og því skipti miklu máli að hún
verði að fullu starfhæf sem allra
verði sem fyrst opnuð og verði aft-
ur alvöru kauphöll.“
A. Kristín Jóhannsdóttir, sam-
skiptastjóri Kauphallar Íslands,
segir að þrátt fyrir þær breytingar
sem fyrirséðar séu í Kauphöllinni
með brotthvarfi bankanna í þeirri
mynd sem þeir voru í, þá séu mjög
öflug félög skráð og því mikil tæki-
færi fólgin í þeirra starfsemi. Þá
séu hugsanlega tækifæri fyrir sjáv-
arútvegsfyrirtækin til að koma aft-
ur inn. „Við erum því fullviss um
að tækifæri séu enn fyrir hendi og
muni birtast fyrir góðar fjárfest-
ingar á hlutabréfamarkaði hér á
landi. Kannski verður fókusinn
betri á þau fyrirtæki sem eru fyrir
á markaðnum auk þess sem tæki-
færi muni skapast fyrir ný,“ segir
Kristín.
Vonir bundnar við að ný tæki-
færi skapist í Kauphöll Íslands
Í HNOTSKURN
» Kauphöll Íslands varstofnuð árið 1985 og hét
þá Verðbréfaþing Íslands.
» Þegar mest var, árið 1999,voru 24 fyrirtæki sem
tengd eru sjávarútvegi skráð í
Kauphöllinni.
» Viðskipti með hlutabréffjármálafyrirtækja hafa
verið allt að 95% af heildar-
viðskiptunum að undanförnu,
mest með bankana.
»Að þeim horfnum munhlutur rekstrarfélaga eins
og Össurs og Marels aukast í
Kauphöllinni.
Morgunblaðið/G.Rúnar
Tækifæri Framtíðin er óviss en ýmsir telja mikil tækifæri í Kauphöllinni.
ALMENNI lífeyrissjóðurinn hafnar því að sjóðurinn hafi tekið skortstöðu
með gengishækkun krónunnar til að færa hagnað til Glitnis, að því er segir
í tilkynningu frá sjóðnum. Andrés Magnússon læknir skrifaði grein í Morg-
unblaðið í fyrradag þar sem hann fullyrti að sjóðurinn hefði tekið skort-
stöðu sem hefði fært gífurleg auðæfi frá sjóðnum til bankans.
Í tilkynningu frá sjóðnum segir að alvarlegar ásakanir og forsendur sem
Andrés gefi sér varðandi umfang gjaldmiðlastýringarinnar séu í engu sam-
ræmi við raunveruleikann. Almenni lífeyrissjóðurinn beiti gjaldmiðlastýr-
ingu á hluta af erlendum eignum til að draga úr sveiflum vegna flökts á
gengi krónunnar. Gjaldmiðlastýring hafi verið hluti af fjárfestingarstefnu
sjóðsins síðan árið 2004. Allar ákvarðanir stjórnar og starfsmanna í gegn-
um tíðina hafi verið teknar með hagsmuni sjóðfélaga að leiðarljósi og út
frá bestu upplýsingum á hverjum tíma. Ásakanir um að Glitnir hafi laumað
Bjarna Ármannssyni inn í Almenna lífeyrissjóðinn til að gæta hagsmuna
Glitnis á kostnað sjóðsins falli um sjálfar sig þar sem Bjarni hafi fyrst
gengið inn í stjórn sjóðsins á árinu 2008, eða fjórum árum eftir að gjald-
miðlastýring hafi orðið hluti af fjárfestingarstefnu hans. thorbjorn@mbl.is
Almenni lífeyrissjóðurinn
hafnar ásökunum læknis
Morgunblaðið/Kristinn
Glitnir Sér um eignastýringu Al-
menna lífeyrissjóðsins
Eftir Bjarna Ólafsson
bjarni@mbl.is
ÞRÁTT fyrir vilyrði ráðamanna fyr-
ir helgi um að gjaldeyrisviðskipti á
millibankamarkaði ættu að komast í
samt lag í dag liggja þau enn niðri.
Hafa engar upplýsingar fengist um
hvenær búast megi við að úr ástand-
inu rætist. Þá er lítið vitað hvaða að-
gerða af hálfu Seðlabanka eða ríkis
er að vænta til að bæta þar úr.
Nær engin viðskipti eru með krón-
ur á erlendum gjaldeyrismörkuðum
og því er gengi krónunnar mjög á
reiki, eins og hefur reyndar verið
undanfarna viku. Við núverandi að-
stæður vilja erlendir fjárfestar ekki
sjá íslenskar krónur.
Eins og fram hefur komið í fjöl-
miðlum eiga Íslendingar misauðvelt
með að kaupa gjaldeyri hér á landi,
en á vefsíðu Seðlabanka Íslands er
gengi evru gagnvart krónunni skráð
um 150 krónur. Seðlabanki Evrópu
skráir gengið hins vegar 305 krónur
og hefur það gengi verið óbreytt síð-
an á fimmtudag.
Nokkrar leiðir opnar
Tvær leiðir hafa verið ræddar sem
mögulegar til að styrkja stöðu krón-
unnar og koma á ný á viðskiptum
með gjaldmiðilinn. Annars vegar að
auka gjaldeyrisforða Seðlabankans
umtalsvert og nota hann til að styðja
við krónuna, t.d. með því að festa
gengi hennar. Var það reynt í síð-
ustu viku með litlum árangri og var
bágri gjaldeyrisstöðu Seðlabankans
m.a. kennt um hvernig fór. Hugsan-
legt fjögurra milljarða evra lán frá
Rússlandi væri hægt að nota til að
styrkja gjaldeyrisforðann.
Hin leiðin er sú að fá einhvern
annan aðila til að ábyrgjast viðskipti
með krónur. Eins og greint var frá í
Morgunblaðinu á laugardag munu
viðræður vera í gangi milli Seðla-
bankans og bandaríska bankans
JPMorgan Chase um að hann tæki
að sér slíkt hlutverk.
Þá eiga íslensk stjórnvöld í við-
ræðum við Alþjóðagjaldeyrissjóðinn
um aðkomu hans að íslensku efna-
hagslífi og uppbyggingu þess. Hugs-
anlegt er að fari svo að sjóðurinn
komi Íslendingum til hjálpar muni
það hafa jákvæð áhrif á krónuna.
Erfitt er hins vegar að meta slíkt
fyrr en ljóst er í hvaða formi slík að-
stoð muni koma.
Enn óvissa um gengi krónu gagnvart öðrum gjaldmiðlum
Fjárfestar vilja ekki
sjá íslenskar krónur
Morgunblaðið/Ómar
Seðlabanki Unnið er að því að
koma viðskiptum í samt lag aftur.
BT hugsar
um budduna
!
KAUPÞING hefur selt nærri 10%
hlut í norska tryggingafélaginu
Storebrand og á eftir söluna 10,02%
hlut í norska fyrirtækinu. Á frétta-
vefnum norska E24 segir að breski
bankinn Royal Bank of Scotland hafi
selt eignina nauðungarsölu. Segir í
fréttinni að breski bankinn hafi þar
með stokkið á brott með um einn
milljarð norskra króna frá skipta-
stjórum Kaupþings í Noregi.
Gengið í viðskiptunum var að sögn
Reuters-fréttastofunnar 6,2% undir
lokagengi bréfa Storebrand á föstu-
dag en það var 23,45 norskar krónur.
Íslenska fjármálafélagið Exista
seldi fyrir helgi 8,7% hlut sinn í
Storebrand til tryggingafélagsins
Gjensidige, sem á eftir kaupin
24,05% hlut í Storebrand og er
stærsti einstaki hluthafinn.
bjarni@mbl.is
Selur 10% hlut
í Storebrand
Morgunblaðið/Árni Sæberg
Tryggingafélag Kaupþing fær um einn milljarð norskra króna fyrir 10%
hlut í tryggingafélaginu Storebrand, en á eftir 10,02% í félaginu.