Morgunblaðið - 26.10.2008, Qupperneq 27

Tíska 27
MORGUNBLAÐIÐ SUNNUDAGUR 26. OKTÓBER 2008
Eftir Ingu Rún Sigurðardóttur
ingarun@mbl.is
Þ
að var kannski vel við hæfi að tískuvikan í
Los Angeles hæfist á sýningu á fatalínum
sem eru á einhvern hátt umhverfisvænar.
Þrátt fyrir að íbúar stórborgarinnar séu
þekktir fyrir að keyra um allt á einkabílum
eru þeir líka hrifnir af því sem náttúrulegt er og heilsu-
samlegt. Umhverfisvæn tíska fellur að
minnsta kosti í kramið um þessar mundir.
Leikkonan Maggie Gyllenhaal kynnti fyrr
í mánuðinum tískusýningu fjögurra
hönnuða undir nafninu „Fashionably
Natural“, eða „Náttúrulega í tísku“. Fyr-
irtækið Gen Art, sem styrkir upprenn-
andi fatahönnuði, kvikmyndagerðarfólk
og fleiri efnilega listamenn, var einn
helsti bakhjarl sýningarinnar, en fata-
merkin Bridgid Cattis, Popomomo, The
Battalion og Velvet Leaf kynntu kom-
andi vor- og sumarlínur sínar.
Efni úr bambus og soja
Stíll hönnuðanna var fjölbreytilegur
og undirstrikar að vistvæn tíska minnir
ekki bara á ljósbrúna strigapoka og er
ekki einvörðungu fyrir hippa. Efnin
sem notuð voru í fatalínunum eru til
dæmis úr soja, bambus og sérstöku
silki og líka voru þau endurunnin úr gömlum fötum.
„Sjálfbær tíska verður mikilvægari með hverju árinu
sem líður ef litið er til þess hvað er að gerast með um-
hverfi okkar,“ er haft eftir Ian Gerard, stofnanda og
framkvæmdastjóra Gen Art á umhverfisvefnum Tree-
hugger.com. „Það er mjög gott að sjá vistvænt viðhorf
endurspeglast í tísku rétt eins og í öllu frá litlum neyt-
endavörum til bíla. Við erum mjög ánægð með fyrstu
grænu tískusýninguna okkar,“ sagði hann en sýningin
var allavega sú stærsta sem Los Angeles-borg hefur
haldið á vistvænni tísku hingað til.
Lítum nánar á merkin fjögur. Raissa Gerona hannar
undir nafninu Brigid Catiss. Hún notar gömul efni í
fatahönnun sinni og er hver flík einstök, og að sögn
hönnuðarins „með eigin orku, innblástur og sögu.“
Popomomo er stytting á „post-post-modern-
movement“ eða eitthvað á borð við „eftir-síð-módern-
hreyfing“ en hönnuðurinn er Lizz Wasserman en hún
notar einvörðungu lífræn og sjálfbær efni.
The Battalion er hönnun systranna Chrys og Lindu
Wong. Þær notast við vistvæn efni í rómantískum en
rokkuðum fötum.
Hönnuðirnir Laura og Becky Carter kalla hönnun
sína hjá Velvet Leaf „hátísku fyrir hippa“. Tvíeykið not-
ar aðeins 100% lífræn efni og umhverfisvænar umbúð-
ir.
Hérlendis er það tískumerkið Aftur sem hefur vakið
athygli fyrir umhverfisvæna hönnun að því leyti að
efnið er endurnýtt, eins og nafnið endurspeglar. Eitt er
víst, umhverfisvæn tíska er búin að festa sig í sessi.
Tískurúmfræði
Formin voru
geómetrísk hjá
Velvet Leaf.
Velvet Leaf
Tískan fer í
hringi.
Náttúrulegt Lit-
irnir voru úr
náttúrunni hjá
Popomomo.
Vistvæn veröld
Popomomo Létt og
ljóst er alltaf við
hæfi í Los Angeles.
Litríkt
Hressandi frá
Velvet Leaf.
AP