Morgunblaðið - 26.10.2008, Blaðsíða 52

52 MenningFÓLK
MORGUNBLAÐIÐ SUNNUDAGUR 26. OKTÓBER 2008
Jólahlaðborðin 2008
Stórglæsilegt sérblað um jólahlaðborð
og aðra spennnandi viðburði
á aðventunni fylgir Morgunblaðinu
laugardaginn 1. nóvember.
Meðal efnis er:
• Jólahlaðborð og aðrar matarveislur.
• Jólahlaðborð á helstu veitingahúsum.
• Hópur sem fer árlega á jólahlaðborð.
• Jólahlaðborð heima, skemmtilegar
uppskriftir.
• Fallega skreytt jólahlaðborð.
• Tónleikar og aðrar uppákomur.
Allar nánari upplýsingar veitir Katrín Theódórsdóttir
í síma 569 1105 eða kata@mbl.is.
Ásamt fullt af öðru spennandi efni
og fróðleiksmolum.
Auglýsendur!
Pantið fyrir klukkan 16,
mánudaginn 27. október.
Eftir Jóhann Bjarna Kolbeinsson
jbk@mbl.is
„SJÓÐURINN er í sjálfu sér ennþá til,“ segir Tryggvi
Jónsson, framkvæmdastjóri fjárfestingarsjóðsins Tónvís
sem FL Group kom á laggirnar fyrir tveimur árum.
Stofnfé sjóðsins var 200 milljónir króna og yfirlýst mark-
mið hans var að vinna með íslenskum tónlistarmönnum á
erlendri grund, og fjárfesta í mögulegri velgengni ís-
lenskra listamanna.
„Við fórum af stað með nokkur verkefni, og FL Group
var mikið í því að styðja við tónlist, til dæmis sinfón-
íuhljómsveitina. Í gegnum Tónvís ætluðu þeir hins vegar
að styðja við bakið á íslenskum tónlistarmönnum erlend-
is, og vera með svona áhættusjóð í kringum það. Það átti
að búa til svona „portfolio“ af þeim, og vonandi myndi
svo eitthvað af því rætast þannig að það væri hægt að
halda áfram með þetta,“ segir Tryggvi, en stærstu verk-
efni sjóðsins voru Garðar Thór Cortes og From Now-
here Records, plötuútgáfa í eigu Barða Jóhannssonar og
Sigurðar Pálma Sigurbjörnssonar. Tónvís kom að útgáfu
fjögurra platna, tveggja með Garðari Thór í Evrópu og
tveggja með Bang Gang, hljómsveit Barða, í Ameríku.
Mest í Garðar
„Fyrir um það bil ári dundu svo miklir erfiðleikar yfir
FL Group, og síðan hefur engin starfsemi verið í félag-
inu,“ segir Tryggvi, en Tónvís heyrir nú undir Stoðir
sem er sem stendur í greiðslustöðvun.
Aðspurður segir Tryggvi að allt stofnféð, 200 milljónir
króna, hafi verið notað til að koma tónlistarmönnunum á
framfæri erlendis.
„Langstærstur hluti af þessu fór í Garðar Thór því það
var mjög metnaðarfull útgáfa og mikið kynningarverk-
efni sem fór í gang í Bretlandi. Og það er svo sem enn
verið að vinna á þeim nótum, hann var í Þýskalandi fyrr í
þessum mánuði þar sem verið var að gefa fyrri plötuna
hans út. Hann var þar að syngja og fylgja því eftir,“ segir
Tryggvi, en Tónvís kom að fleiri útrásarverkefnum en
Barða og Garðari Thór.
„Við eigum til dæmis í fyrirtæki með Friðriki Karls-
syni, en það félag var einmitt að gera samninga í Am-
eríku í júní, og er að fara að selja inn á iTunes og fleira.“
Viðurkennd tónlist
Tryggvi segir að þótt Tónvís-sjóðurinn hafi skilað
miklu fyrir tónlistarmennina hafi hann ekki skilað neinu
fyrir Stoðir, fjárhagslega séð.
„Fjárfestingin hefur sem sagt ekki skilað sér til baka í
formi arðs, en hún hefur skilað sér vel til baka í þágu
listamannanna. Þeir hafa fengið góða kynningu og von-
andi hefur það styrkt þeirra grundvöll til áframhaldandi
starfs, þótt Tónvís komi ekki að því framar. Þannig að
sjóðurinn hefur ótvírætt skilað árangri,“ segir Tryggvi
sem telur ólíklegt að Tónvís verði lífgaður við í þeirri
mynd sem hann var – margt þurfi að breytast til þess að
Stoðir setji pening í verkefnið að nýju.
„En önnur fyrirtæki hafa farið í sömu spor, þar sem er
verið að styðja við íslenska tónlistarmenn bæði hér
heima og erlendis. Ég held hins vegar að þetta hafi verið
mjög gott að því leytinu til að fyrirtæki hafa almennt
horft frekar á þessa klassísku list, hvort sem það er leik-
list, tónlist eða eitthvað annað. Þarna er hins vegar stór-
fyrirtæki að fara inn í popptónlist, og svona „cross over“
klassík. Þannig að þetta sýnir kannski að það sem einu
sinni var kallað hávaði er viðurkennd tónlist í dag.“
200 milljónir í
íslenska tónlist
 FL Group
styrkti
Garðar
Thór Cortes
og Barða
Jóhannsson
veglega í
gegnum
Tónvís-sjóð
inn
 Ólíklegt
að sjóðurinn
verði lífgað-
ur við í
sömu mynd
og hann var
Morgunblaðið/ÞÖK
Á góðri stundu Tryggvi Jónsson, Garðar Thór Cortes, Barði Jóhannsson og Hannes
Smárason, forstjóri FL Group, þegar sjóðurinn var settur á laggirnar 9. október 2006.
„FRAMLAGIÐ var ein milljón
punda, og það var þegar gengið var
126, ef ég man rétt. Þannig að þeir
ánöfnuðu Garðari Thor 126 millj-
ónum,“ segir Einar Bárðarson, fyrr-
verandi umboðsmaður Garðars
Thórs Cortes, um framlag Tónvíss
til útrásar söngvarans. „Þetta kom
að vísu í skömmtum, þannig að þetta
var misjafnt eftir gengi,“ segir Ein-
ar, en stuðningnum lauk í sept-
ember á síðasta ári.
En hvernig var peningunum var-
ið?
„Þetta fór í rekstur á Believer,
sem á þessum tíma var bara að
sinna framgangi Garðars Thórs.
Þannig að þetta fór í plötuútgáfu,
kynningu, launakostnað og mark-
aðssetningu,“ segir Einar sem telur
að langstærstur hlutinn, um 70%,
hafi farið í kynningar- og markaðs-
mál.
Aðspurður segir Einar stuðning-
inn frá Tónvís hafa verið algjöra for-
sendu þess að hægt var að ráðast í
útrásarverkefnið með Garðari.
„Án þessarar innspýtingar hefði
aldrei verið hægt að gefa út þessar
plötur og aldrei verið hægt að sinna
þessu. Þar af leiðandi hefði tilnefn-
ing til bresku tónlistarverðlaunanna
aldrei orðið, allavega ekki á þessum
tímapunkti. Ég hef sagt það áður að
við áttum þessu félagi og þessum
stuðningi allt að þakka, nema radd-
böndin í Garðari. Það er ekkert
flóknara.“
Að sögn Einars fara þær tekjur
sem koma inn af sölu á plötum Garð-
ars í að halda plötuútgáfunni Belie-
ver Music gangandi, þótt Tónvís og
þar af leiðandi Stoðir, eigi stærstan
hlut í fyrirtækinu. Einar segir að alls
hafi um 40.000 eintök selst af fyrri
plötu Garðars, Cortes, í Bretlandi.
Kannski í aðra átt
Sjálfur tekur Garðar Thór undir
með Einari og segir að framlagið úr
sjóðnum hafi skipt sköpum þegar
kom að útrásarverkefninu. Hann
segir þó erfitt að meta hvort hann
hefði náð eins langt og hann gerði ef
sjóðsins hefði ekki notið við.
„Það sem þessi sjóður gerði til að
hjálpa mér var í þessari plötuútgáfu
í Bretlandi, það þarf alltaf pening til
að koma slíku batteríi í gang. Ef
sjóðurinn hefði ekki verið til staðar
veit maður ekki hvað hefði gerst,
maður hefði kannski farið í allt aðra
átt,“ segir Garðar Thór.
Milljón pund í Garðar Thór
Einar Bárðarson segir að Garðar hefði líklega ekki verið
tilnefndur til bresku tónlistarverðlaunanna án stuðningsins
Einar
Bárðarson
Garðar Thór
Cortes