Morgunblaðið - 29.10.2008, Blaðsíða 12

12 FréttirINNLENT
MORGUNBLAÐIÐ MIÐVIKUDAGUR 29. OKTÓBER 2008
LSS150224
Lánasjóður sveitarfélaga ohf.
Nafnverð útgáfu: Heildarnafnverð skuldabréfanna sem nú
eru tekin til viðskipta er 4.500.000.000 kr.
Nafnverð hverrar einingar er 1 kr.
Skilmálar bréfanna: Skuldabréfin eru verðtryggð
jafngreiðslubréf. Bréfin bera fasta 3,75%
ársvexti sem greiddir eru hálfsárslega,
15. febrúar og 15. ágúst ár hvert, í fyrsta
sinn 15. febrúar 2009 og í síðasta sinn
15. febrúar 2024. Auðkenni flokksins á
NASDAQ OMX Iceland hf. er LSS150224
og ISIN númer IS0000018869.
Taka til viðskipta: NASDAQ OMX Iceland hf. mun taka
skuldabréfin til viðskipta þann
29. október 2008.
Umsjónaraðili sölu skuldabréfanna og töku til viðskipta á
NASDAQ OMX Iceland hf. er Lánasjóður sveitarfélaga ohf.,
Borgartúni 30, 105 Reykjavík. Grunnlýsing og endanlegir skil-
málar, vegna töku skuldabréfanna til viðskipta, hafa verið birt.
Grunnlýsinguna, endanlega skilmála og önnur gögn sem vitnað
er til í henni er hægt að nálgast hjá Lánasjóði sveitarfélaga ohf.,
Borgartúni 30, 105 Reykjavík og á heimasíðu Lánasjóðs sveitar-
félaga ohf. www.lanasjodur.is fram til lokagjalddaga skuldabréf-
anna.
Reykjavík, 28. október 2008.
Lánasjóður sveitarfélaga ohf.
Verðtryggð skuldabréf
Lánasjóðs sveitarfélaga ohf.
TEKIN TIL VIÐSKIPTA Á NASDAQ OMX ICELAND HF.
Eftir Sigtrygg Sigtryggsson
sisi@mbl.is
VIÐ yfirtökuna á bönkunum þrem-
ur fékk ríkið umráð yfir nokkrum
verðmætum lóðum á höfuðborg-
arsvæðinu. Þar á meðal eru lóðir
sem voru í eigu Landsbankans og
Glitnis og til stóð að bankarnir
reistu á nýjar höfuðstöðvar.
Lóð Landsbankans er við Geirs-
götu, á besta stað í miðbænum.
Landsbankinn keypti lóðina fyrri
hluta árs 2006. Ekki fengust upp-
lýsingar um kaupverð. Í fyrra var
efnt til samkeppni um hönnun og
framkvæmd nýbyggingar fyrir höf-
uðstöðvar bankans á lóðinni. Dóm-
nefnd valdi 21 arkitektateymi til
þátttöku í samkeppninni, þar af
voru 13 teymi sem innihéldu ís-
lenska arkitekta. Til stóð að kynna
úrslit í samkeppninni um miðjan
þennan mánuð, en ekkert varð af
því, af alkunnum ástæðum.
Glitnir keypti lóð á Kirkjusandi
af borginni í mars 2006 og greiddi
fyrir hana 972 milljónir króna. Á
umræddri lóð voru áður höf-
uðstöðvar Strætó. Efnt var til sam-
keppni um skipulag á lóðinni og
varð arkitektastofan Monarken í
Stokkhólmi hlutskörpust. Sam-
kvæmt henni áttu nýjar höf-
uðstöðvar Glitnis að vera 14 þús-
und fermetrar að stærð. Á lóðinni
var einnig gert ráð fyrir mörgum
stórum skrifstofubyggingum. Þessi
áform eru að sjálfsögu í uppnámi
vegna þeirra atburða, sem orðið
hafa í fjármálalífinu.
Júlíus Vífill Ingvarsson, formað-
ur skipulagsráðs Reykjavíkur, var
spurður að því hvort til greina
kæmi að skipuleggja íbúðabyggð á
Kirkjusandi, ef hætt yrði við bygg-
ingaáform Glitnis. Júlíus sagði að
þetta væri vissulega á mörgu leyti
álitlegt svæði fyrir íbúðabyggð,
með frábæru útsýni, góðum sam-
göngutengingum og þjónustu í ná-
grenninu. Hins vegar ætti lóðareig-
andinn rétt á að skipuleggja og
byggja þar í samræmi við það sem
að hefur verið stefnt. Ef beiðni
kæmi frá honum um að breyta
skipulaginu í íbúðarbyggð yrði það
að sjálfsögðu skoðað. Nú væru hins
vegar miklir óvissutímar og þessi
mál myndu væntanlega ekki skýr-
ast alveg á næstunni.
Júlíus sagði að nú væri í forgangi
hjá borginni að byggja á svæðum
þar sem stoðkerfi væru fyrir hendi,
svo sem skólar og leikskólar. Upp-
bygging á slíkum svæðum kallaði
ekki á mikil útgjöld af hálfu borg-
arinnar en fælu í sér mikil gæði
fyrir þá sem þar vildu byggja.
Hann sagði að minni áhugi væri nú
á uppbyggingu í nýjum úthverfum.
Júlíus sagði að borgaryfirvöld
vildu m.a. koma af stað úthlutun og
uppbyggingu á Mýrargötusvæðinu,
þegar tækifæri gæfist, vonandi
fljótlega á næsta ári. Nýleg skýrsla
hefði leitt í ljós að jarðgöng undir
svæðið væru besta lausnin, og yrði
sú lausn valin, mundi það flýta fyrir
uppbyggingu á svæðinu. Hann
sagði að Mýrargötusvæðið hefði
góða tengingu við miðbæinn og öll
þjónusta væri fyrir hendi, sem nýtt
borgarhverfi þyrfti á að halda.
Morgunblaðið/RAX
Landsbankalóðin Höfuðstöðvar Landsbankans áttu að rísa við Geirsgötu, þar sem nú eru bílastæði, fyrir framan Bæjarins bestu.
Verðmætar ríkislóðir
 Ríkið ræður nú yfir lóðum þar sem til stóð að reisa nýjar höfuðstöðvar
Landsbankans og Glitnis  Verður íbúðabyggð reist á Kirkjusandi?
Morgunblaðið/ÞÖK
Glitnislóðin Nýjar höfuðstöðvar Glitnis áttu að rísa á lóð við hlið núver-
andi höfuðstöðva bankans við Kirkjusand. Strætó átti áður þessa lóð.
SJÓÐIR, sem ávaxta séreignarlífeyr-
issparnað landsmanna, hafa fengið
mikinn fjölda fyrirspurna að undan-
förnu frá sjóðsfélögum.
Fólk vill ekki síst fá að vita, hvort
það eigi að halda áfram að greiða inn á
reikninga sína. Mánaðamót eru á
næsta leiti og því eðlilegt að þessi
spurning vakni.
Forsvarsmenn þeirra lífeyrissjóða,
sem Morgunblaðið hefur rætt við,
hafa hvatt fólk til að halda áfram að
spara. Að öðrum kosti missi það 2%
greiðsluna, sem atvinnuveitandinn
greiðir til viðbótar 4% sparnaði launa-
manna. Stjórnir sjóðanna hafa til-
kynnt, að greiðslur sem borist hafa í
þessum mánuði og berist á næstu vik-
um, verði lagðar inn á innlánsreikn-
inga í bönkunum, sem ríkissjóður hafi
tryggt. Lífeyrissjóðirnir vinna að því
að meta stöðu séreignarsparnaðarins
í kjölfar falls bankanna þriggja. Ljóst
er að sjóðirnir hafa orðið fyrir ein-
hverjum skakkaföllum.
sisi@mbl.is
Sjóðir fá
fjölda fyr-
irspurna
Hvetja fólk til að
halda áfram að spara
MARKAÐSLEYFI fyrir megr-
unarlyfið Acomplia hefur verið aft-
urkallað tímabundið. Sérfræðingar
Evrópsku lyfjastofnunarinnar hafa
staðfest að hættan á geðrænum
aukaverkunum sé tvöfalt meiri hjá
þeim sem nota megrunarlyfið
Acomplia en hjá viðmiðunarhópi
sem fékk lyfleysu.
Ný gögn gefa til kynna að alvar-
legar aukaverkanir geti verið mun
algengari en klínískar rannsóknir
gáfu til kynna þegar lyfið var sett á
markað. Mælst er til þess að læknar
ávísi ekki lyfinu og að þeir endur-
skoði meðferðina hjá sjúklingum
sem taka lyfið inn. Sjúklingum er
ráðlagt að hafa samband við lækninn
sem ávísaði lyfinu til þess að ræða
önnur meðferðarúrræði.
Megrunarlyf
afturkallað
ÚTLIT er fyrir að nota verði núverandi Herjólf til
bráðabirgða, þegar siglingar hefjast milli nýrrar Land-
eyjahafnar og Vestmannaeyja eftir tæp tvö ár. Búast má
við að frátafir verði tvöfalt meiri en þegar nýja ferjan
kemur.
Óvissa er með smíði nýrrar Vestmannaeyjaferju
vegna efnahagsástandsins. Þýska skipasmíðastöðin
Fassmer sem ákveðið var að semja við eftir útboð treyst-
ir sér ekki til að hefja smíði svo sérhæfðs skips nema
greiðslur frá Íslandi séu tryggar.
Undirbúningsframkvæmdir við Landeyjahöfn eru
hafnar og á höfnin að vera tilbúin í ágúst 2010. Vegna
dráttar sem orðið hefur á útboði á nýrri ferju og samn-
ingum er þegar ljóst að sérsmíðuð Vestmannaeyjaferja
mun ekki hefja siglingar á því ári.
Fulltrúar Ríkiskaupa og Siglingastofnunar eru í sam-
bandi við þýsku skipasmíðastöðina. Framlengdur frestur
til að taka tilboðinu rennur út um miðja næstu viku. Beð-
ið er ákvörðunar ríkisstjórnarinnar um hvað hægt sé að
gera.
Sigurður Áss Grétarsson, forstöðumaður hafnasviðs
Siglingastofnunar, segir að frá upphafi hafi verið gert
ráð fyrir því að nota gamla Herjólf áfram, ef ný ferja yrði
ekki tilbúin í tæka tíð. Eldra skipið er nærri því 90 senti-
metrum djúpristara en það nýja og á þess vegna erfiðara
með að sigla inn í nýju höfnina í öldugangi en það nýja.
Gert er ráð fyrir því að helmingi fleiri ferðir falli úr hjá
gamla Herjólfi en ferjunni sem fyrirhugað er að smíða.
helgi@mbl.is
Gamli Herjólfur not-
aður til bráðabirgða
 Óvissa er með smíði nýrrar Vestmannaeyjaferju vegna
efnahagsástandsins  Skipasmíðastöð vill tryggar greiðslur
Morgunblaðið/Sigurgeir
Óvissa Útlit er fyrir að nota þurfi gamla Herjólf áfram.