Morgunblaðið - 29.10.2008, Blaðsíða 15

Fréttir 15INNLENT
MORGUNBLAÐIÐ MIÐVIKUDAGUR 29. OKTÓBER 2008
Eftir Gunnhildi Örnu Gunnarsdóttur
gag@mbl.is
„EF ÞETTA er niðurstaðan verður
uppreisn,“ segir Ómar Sigurðsson
sem átti 60 milljónir króna í pen-
ingabréfum. Reikna má með að hann
fái rúma 41 milljón af ævisparnaði
sínum til fjörutíu ára greidda frá
bankanum. Tilkynnt var í gær að
68,8 prósent af innlendum pen-
ingabréfum hjá Landsbankanum
yrðu greidd út til eigenda í dag. Féð
fer inn á tryggðan hávaxtainnláns-
reikning. Peningabréfaeigendur fá á
næstu dögum bréf þar sem reikn-
ingsnúmerið og upphæðin á nýja
reikningnum verður gefið upp.
Hlutfallið er misjafnt eftir því
hvort bréfin voru í innlendri eða er-
lendri mynt. 67,6 prósent af pen-
ingabréfum í evrum verða greidd út,
60 prósent af bréfum í dollurum, 74,1
prósent bréfa í pundum og 70,1 pró-
sent bréfa í dönskum krónum.
Barátta fyrir sparnaðinum
Glitnir og Kaupþing hafa enn ekki
gefið upp hve hátt hlutfall bréfa í
sjóðum þeirra verður greitt út, en
samkvæmt heimildum Morgunblaðs-
ins verður hlutfallið hærra en hjá
Landsbankanum. Mjög líklegt er tal-
ið að bankarnir tilkynni um hlutfallið
í dag. Glitnir fyrst í sjóði 9, en síðar
hlutfall annarra sjóða.
Kristín Helga Káradóttir lagði
sparnað sinn í peningabréf fyrr á
árinu. Hún er heldur ekki sátt, langt
í frá, þó tapið sé minna en hún hafði
heyrt spáð.
„Ég hef verið í sambandi við fólk í
sömu stöðu og við höfum unnið að því
að koma málstað okkar á framfæri,
en þetta mál hefur fengið allt of litla
athygli í fjölmiðlum miðað við alvar-
leika þess. Við viljum fá sparnað okk-
ar bættan að fullu. Við ætlum ekki að
láta þetta yfir okkur ganga,“ segir
hún. Upp hafi komið hugmyndir um
hvernig bæta mætti tjónið. „Til
dæmis mætti lækka lán eða skatta
þeirra sem töpuðu; já eða jafnvel
gefa land eða kvóta í hlutfalli við tap-
ið,“ segir hún.
Kristín Helga gæti hugsað sér að
fara fyrir hópi fólks sem átti í pen-
ingamarkaðssjóðum. Hún hafi heyrt
í fólki sem íhugar málsókn. „Ég hef
samúð með öllum sem áttu pen-
ingabréf og skil hvað er í húfi fyrir
fólk og fyrirtæki. Ég vona að fólk
þoli öll áföllin en ég er ekki ánægð
með niðurstöðuna. Við sem höfðum
sparað peninga og létum krónur okk-
ar, margar eða fáar, í sjóðina töpum
vegna óstjórnar og vafasamra við-
skipta ríkra manna í bönkum og
stjórnmálum.“
Hirða spariféð en rukka lánin
Ómar er reiður. „Mér finnst þetta
skandall og fyrir neðan allar hellur.
Ég sætti mig engan veginn við þessa
niðurstöðu. Ríkið hirðir bankann.
Það heldur áfram að rukka það sem
við skuldum bankanum en það borg-
ar okkur ekki innistæðuna,“ segir
hann og bætir við. „Þau loforð sem
Björgvin Sigurðsson viðskiptaráð-
herra gaf eru einskis virði. Fram-
koma hans er skammarleg. Ég skil
ekki vegferð Samfylkingarinnar í
þessu máli,“ segir Ómar.
„Þúsundir áttu ævisparnað í bréf-
unum. Sjálfur hefur ég lagt til hliðar
mánaðarlega í fjörutíu ár til að ráð-
stafa í ellinni. Mér finnst til skammar
að ekki sé komið til móts við okkur
að fullu. Við áttum þennan pening.
Mér finnst það ekki ganga að ríkið
hrifsi til sín peningana mína,“ segir
Ómar.
Ekki náðist í Björgvin G. Sigurðs-
son viðskiptaráðherra, sem er í Pét-
ursborg í Rússlandi. Varaformaður
Samfylkingarinnar vísaði einnig á
ráðherrann og aðstoðarmenn utan-
ríkisráðherra og félagsmálaráðherra
svöruðu ekki í símann.
Eins og fram hefur komið í Morg-
unblaðinu átti íslenskur almenn-
ingur, heimilin í landinu, 63 milljarða
króna í peningabréfum bankanna.
Alls voru 232 milljarðar króna inni á
reikningunum.
Morgunblaðið/Kristinn
Kristín Helga Káradóttir Kristín, hér með syn-
inum Guðmanni Brimari, íhugar aðgerðir.
„Við áttum peninginn“
 Landsbankinn gerir upp peningabréfin  Ósátt við rýrnun sparnaðar vegna
óstjórnar auð- og stjórnmálamanna  Búist við meiru af Glitni og Kaupþingi





 
   



 











 
 !


"
 !
Hvernig er greitt úr sjóðunum?
Það sem eftir er af inneign bréfanna
verður lagt inn á tryggða innláns-
reikninga hjá Landsbankanum í dag.
Allir eigendur fá sent bréf þar sem
fram kemur upphæð og númer
reikningsins.
Af hverju er upphæðin svona lág?
Bankinn er gjaldþrota og með neyð-
arlögunum 6. október urðu innlánin
ein af forgangskröfum og þannig
rétthærri en skuldabréf á viðskipta-
bankana, sem skaðaði Peningabréfa-
sjóðina.
Hvað með Kaupþing og Glitni?
Búist er við því að þeir tilkynni jafn-
vel um greiðsluhlutfallið strax í dag,
Glitnir þó aðeins úr sjóði 9.
S&S
LJÓST er að tap
sveitarfélagsins
Árborgar vegna
peningabréfa í
Landsbankanum
nemur um 110
milljónum króna.
Ragnheiður Her-
geirsdóttir bæj-
arstjóri útilokar
ekki málsókn þar
sem bankinn greiðir aðeins 68,8 pró-
sent af inneign þess fyrir gjaldþrotið
út.
„Við vorum að fá þessar upplýs-
ingar og skoðum málið í heild sinni.
Við hljótum að ganga eins langt við
getum við að gæta hagsmuna sveitar-
félagsins. Það er okkar skylda.“
Henni er þó létt að tap sveitarfé-
lagsins verður ekki meira. „Við
keyptum peningabréf fyrir 730 millj-
ónir króna. Við höfum nýtt af bréf-
unum til framkvæmda og áttum 350
þegar reikningunum var lokað. Tapið
er minna en ávöxtunin. Við töpuðum
því ekki höfuðstólnum,“ segir hún.
Ragnheiður bendir á að pen-
ingabréfin hafi verið kynnt sem
örugg ávöxtunarleið. „Sveitarfélögin
hafa ekki haft aðra tryggingu en
bankanna. Þau hafa ekki tryggingu
Seðlabankans eins og ríkið. Áður en
forsætisráðherra sagði að innlánin
yrðu tryggð að fullu gat sveitarfélag-
ið ekki búist við að meira en þrjár
milljónir af innlánum þess væru
tryggðar í bönkum landsins, hefði
upphæðin verið á innlánsreikningi.“
Árborg tapar 110
milljónum króna
Ragnheiður
Hergeirsdóttir
Morgunblaðið/Brynjar Gauti
Ráðherrar og bankastóri Eigendur peninga-
bréfa gagnrýna að þau verði ekki fullbætt.
Morgunblaðið/Árni Sæberg
Ómar Sigurðsson Sættir sig ekki við að ríkið taki
nær 20 milljónir af sparnaði hans.
Á fyrsta vetrardag, 25. október, var í ellefta sinn úthlutað styrkjum úr Ferðasjóði Vildarbarna
Icelandair. Að þessu sinni hlutu 23 börn og fjölskyldur þeirra styrk úr sjóðnum.
Styrkurinn gerir þeim kleift að ferðast til hvaða áfangastaðar sem er af áfangastöðum
Icelandair og taka fjölskyldu sína með. Allur kostnaður er greiddur, flug, gisting, bílaleigubíll,
dagpeningar og aðgangseyrir að viðburðum sem barnið kýs.
LANGVEIK BÖRN FRÁ BOSTON NJÓTA ÍSLENSKRAR NÁTTÚRU
Þau voru hér í heimsókn í síðustu viku ásamt foreldrum og starfsfólki frá Boston
í boði Vildarbarna Icelandair.
205 BÖRN HAFA FERÐAST Á VEGUM VILDARBARNA
Ferðasjóður Vildarbarna var stofnaður árið 2003 til þess að veita langveikum börnum og
börnum, sem búa við sérstakar aðstæður, og fjölskyldum þeirra tækifæri til að ferðast til
annarra landa. Á þeim fimm árum sem liðin eru hafa 205 börn og samtals fleiri en eitt þúsund
manns ferðast á vegum sjóðsins. Verndari sjóðsins er frú Vigdís Finnbogadóttir, fyrrverandi
forseti Íslands, og formaður stjórnar er Sigurður Helgason, fyrrverandi forstjóri Icelandair.
23 BÖRN OG FJÖLSKYLDUR
ÞEIRRA NJÓTA FERÐASTYRKS
FRÁ VILDARBÖRNUM
VIÐ ÓSKUM VILDARBÖRNUM 2008 OG FJÖLSKYLDUM ÞEIRRA TIL HAMINGJU.
„ÉG ER alls ekki
sáttur,“ segir
Hörður Hilm-
arsson, fram-
kvæmdastjóri ÍT
ferða, um 68,8
prósenta út-
greiðsluhlutfall
peningabréfa
Landsbankans.
„Ég trúði og
treysti ráðleggingum míns við-
skiptabanka sem staðhæfði í tölvu-
pósti að peningabréfin væru lang-
vinsælasti sparireikningur bankans.
Þar stóð að hann bæri góða vexti,
enga áhættu og væri alltaf laus.“
Hörður hefur nú reiknað út að fyr-
irtækið hafi tapað rúmlega sex millj-
ónum króna. Enn sé óljóst hverjar
afleiðingar tapsins verða en hann
leggi nú áherslur á ferðir erlendra
hingað til lands. Hann hafi einnig
lækkað starfshlutfall starfsfólks til
að mæta samdrættinum. Pening-
arnir í bréfunum hafi átt að greiða
rekstrarkostnað ferðaskrifstofunnar
yfir vetrarmánuðina. „Stjórnvöld
verða með einum eða öðrum hætti að
tryggja fulla endurgreiðslu sparnað-
ar í peningabréfum og peninga-
markaðssjóðum eins og annan
sparnað.“
Ferðaskrifstofan
tapaði 6 milljónum
Hörður
Hilmarsson