Morgunblaðið - 15.11.2008, Side 21

Ríkisstjórn Íslands
Ríkisstjórn Íslands kynnir margvíslegar aðgerðir til þess að styrkja stöðu
heimilanna í landinu í kjölfar fjármálakreppunnar. Aðgerðirnar munu létta greiðslubyrði
einstaklinga með verðtryggð húsnæðislán og fjölga úrræðum fyrir einstaklinga
í greiðsluvanda með lækkun dráttarvaxta og niðurfellingu ýmissa gjalda vegna
skilmálabreytinga lána. Sýndur verður aukinn sveigjanleiki í innheimtuaðgerðum
og dregið úr innheimtukostnaði. Þá verður heimilt að endurgreiða vörugjöld og
VSK til ökutækjaeigenda sem selja notaða bíla úr landi.
Barnabætur verða ekki jafnaðar á móti
sköttum foreldra.
Felld verður úr gildi tímabundið heimild til að skulda-
jafna barnabótum á móti opinberum gjöldum.
Vaxtabætur fari til heimilanna.
Felld verður úr gildi heimild til að skuldajafna
vaxtabótum á móti afborgunum lána hjá
Íbúðalánasjóði.
Samið um skattaskuldir.
Lögfestar verða tímabundnar heimildir innheimtu-
manna ríkissjóðs til að fella niður dráttarvexti,
kostnað og gjöld í afmörkuðum tilfellum.
Mildari innheimtuaðgerðir.
Þeim tilmælum verður beint til allra ráðuneyta og
stofnana ríkisins að milda eins og kostur er innheimtu-
aðgerðir gagnvart almenningi, þar með talið að
takmarka sem kostur er það hlutfall launa sem nýtt
verði til skuldajöfnunar.
Niðurfelling stimpil- og þinglýsingargjalda.
Stimpilgjöld og þinglýsingargjöld vegna skilmála-
breytinga og uppgreiðslu lána verða tímabundið felld
niður. Nauðsynlegar breytingar verða gerðar á lögum
og reglugerðum svo þetta nái fram að ganga.
Endurgreidd gjöld af útfluttum bílum.
Lagt verður fram frumvarp sem gerir ráð fyrir að
endurgreiða skuli hluta vörugjalda og VSK af
notuðum ökutækjum sem seld eru úr landi, sam-
kvæmt ákveðnum fyrningarreglum. Upphæðin verði
endurgreidd eiganda viðkomandi ökutækis.
10-20% lægri greiðslubyrði
verðtryggðra lána.
Greiðslubyrði einstaklinga með verðtryggð lán verður
létt með sérstakri greiðslujöfnunarvísitölu. Áætlað er
að greiðslubyrði geti lækkað um 10% þann 1.
desember næstkomandi og allt að 20% að ári liðnu
frá því sem ella hefði orðið.
Aukinn sveigjanleiki gagnvart fólki
í greiðsluvanda.
Úrræðum Íbúðalánasjóðs til að koma til móts við fólk í
greiðsluvanda verður fjölgað, svo sem með lengingu
lána, skuldbreytingu vanskila, frestun afborgana,
auknum sveigjanleika og rýmri heimildum til að milda
innheimtuaðgerðir.
Íbúðalánasjóði heimilað að leigja út húsnæði.
Íbúðalánasjóður fær heimildir til að leigja út húsnæði í
eigu sjóðsins. Þannig má bjóða einstaklingum sem
missa húseignir sínar þann kost að búa áfram í
híbýlum sínum með því að leigja eignina af Íbúða-
lánasjóði.
Lækkun dráttarvaxta.
Lög um dráttarvexti verða endurskoðuð með það að
markmiði að dráttarvextir lækki tímabundið.
Þak á innheimtukostnað.
Sett verður reglugerð um hámarksfjárhæð innheimtu-
kostnaðar í frum- og milliinnheimtu og mun hún taka
gildi 1. janúar 2009.
Barnabætur í hverjum mánuði.
Barnabætur verða greiddar út mánaðarlega en ekki á
þriggja mánaða fresti eins og nú er.
AÐGERÐIR Í
ÞÁGU HEIMILANNA