Morgunblaðið - 15.11.2008, Qupperneq 43

Umræðan 43
MORGUNBLAÐIÐ LAUGARDAGUR 15. NÓVEMBER 2008
Hvenær er rétti tíminn?
Sölusýning
Sýnum laugardag og sunnudag
milli kl. 11 og 17 fullbúnar íbúðir
Fossabrekka 21
Snæfellsbæ
Beykidalur 6
Reykjanesbæ
www.nesbyggd.is Nesbyggð
Núna í haust var ég í húsnæðishugleiðingum og fór og skoðaði íbúðir á nokkrum stöðum í
Reykjanesbæ. Niðurstaðan var sú að mér leist best á þær íbúðir sem Nesbyggð ehf var með til
sölu. Eftir skoðun á íbúð af passlegri stærð leist mér það vel á, að voru kaupin handsöluð á
staðnum. Ég fór beint í bankann til að greiða útborgun sem var í mínu tilviki stór hluti
kaupverðsins.
Þegar ég var kominn í bankann og hugðist breyta sparnaði mínum í peninga þurfti ég nánast að
beita þjónustufulltrúann hörðu til að það væri hægt, „það er ekkert vit í að kaupa íbúð núna, bíddu
fram á áramót þá er miklu betri tími“ voru ráðleggingarnar sem ég fékk. Ég varð tvístígandi en þar
sem búið var að handsala samning vildi ég standa við mitt og breytti bréfum sem ég átti í
bankanum í peninga og greiddi inn á kaupsamninginn.
Núna tveimur mánuðum síðar er ég í vandaðri íbúð sem ég er ánægður með í alla staði. Hefði ég
farið að ráðum bankans væri margra ára sparnaður tapaður. Því segi ég: Rétti tíminn til að kaupa
íbúð er þegar maður er sjálfur tilbúinn til þess, langar í íbúðina og hefur efni á henni. Framtíðin er
óskrifað blað sem enginn þekkir hvort sem er.
Þeir sem leita ráða bankanna eða annara „sérfræðinga“ ættu í fyrsta lagi að velta fyrir sér:
Hvernig hefur sú ráðgjöf reynst hingað til og í öðru lagi: Er eitthvað í dag sem bendir til þess að
þeir sjái betur hvað er framunda en áður?
Eiríkur G.
ÁSTANDIÐ í
efnahagsmálum
þjóðarinnar hef-
ur orðið tilefni
margra til þess
að kynda undir
umræðum um
aðild Íslands að
Evrópusamband-
inu. Þeir sem
fyrirfram voru hlynntir ESB-aðild
leggja nú áherslu á að krónunni
verði ekki bjargað og því þurfi taf-
arlaust að taka ákvörðun um nýjan
gjaldmiðil.
Menn vilja gleyma því að spurn-
ingin um afstöðuna til ESB-aðildar
snýst um fjölmargt annað en efna-
hagsmál og evru, þar á meðal um
grundvallaratriði í okkar stjórn-
skipun. Staða krónunnar er vissu-
lega afar ótrygg og nauðsynlegt að
endurmeta peningamálastefnuna í
bráð og lengd. Slíkt mat á hins
vegar ekki að spyrða saman við
skyndiákvarðanir um aðild Íslands
að ESB, sem ekki myndi leysa
neinn bráðan vanda. Þar er um
tvö sjálfstæð mál að ræða, sem
skoða verður í því ljósi.
Mat á stöðu krónunnar fer nú
fram á vettvangi stjórnmálanna,
viðskiptalífsins, innan háskólanna
og víðar, án þess að nokkuð end-
anlegt liggi fyrir annað en að
staða gjaldmiðilsins sé sjálfstætt
úrlausnarefni. Það er skiljanlegt
að gripið sé í öll möguleg hálmstrá
til að milda áhrifin af falli bank-
anna, en þó ber að varast þá til-
hneigingu að kasta fram patent-
lausnum í þeim efnum. Slíkar
lausnir fyrirfinnast einfaldlega
ekki og það er ábyrgðarhluti að
telja þjóðinni trú um annað.
Við vinstri-græn gagnrýnum
ríkisstjórnina fyrir dugleysi og
deyfð frammi fyrir þeim risavöxnu
vandamálum sem þjóðin glímir nú
við og viljum að efnt verði til
kosninga hið allra fyrsta. Það
hljóta að verða kosningar um trú-
verðuga stefnu í efnahags- og auð-
lindamálum og skynsamlegar að-
ferðir við að vinna okkur út úr
þrengingunum. Þær kosningar
munu því snúast um margt annað
en afstöðuna til Evrópusambands-
ins. Nýrrar ríkisstjórnar bíða
mörg verkefni, m.a. að marka um-
ræðunni um alþjóðasamstarf okkar
farveg, þar á meðal samstarf og
afstöðu til ESB. Spurningunni um
hvort óska eigi viðræðna um aðild
að Evrópusambandinu verður ekki
svarað nema í sérstakri þjóð-
aratkvæðagreiðslu og í aðdrag-
anda hennar þarf að gefast tæki-
færi til að fara af alvöru yfir kosti
og galla hugsanlegrar aðildar.
Hingað til hefur reynst nokkuð
torvelt að koma hlutlægum upp-
lýsingum til almennings, m.a. um
þá margvíslegu annmarka sem fel-
ast í aðild að sambandinu. Ætla
má að sjónarmið almennings til
Evrópusambandsaðildar væru
önnur ef fréttaflutningur af nei-
kvæðum áhrifum og álitaefnum
fengi jafn mikið fjölmiðlarými og
lofsöngurinn.
Sáralitla umfjöllun er að finna
um misskiptinguna milli landa
sambandsins, þar sem upp-
runalöndin Frakkland, Vestur-
Þýskaland, Ítalía og Beneluxlöndin
ferðast á fyrsta farrými, þau sem
næst komu í klúbbinn á öðru far-
rými og þau 12 sem samþykkt
voru inn 2004 og síðar þurfa að
láta sér nægja þriðja farrými. Við-
varandi atvinnuleysi í ESB-
löndunum heyrist sjaldan nefnt og
lítið er fjallað um þjónustutilskip-
unina alræmdu, sem reynt er nú
að þvinga ESB-löndin til að inn-
leiða. Hún felur m.a. í sér aukna
markaðsvæðingu heilbrigðiskerf-
isins.
Oft heyrist lítið gert úr lýðræð-
ishallanum í sambandinu, sem
birtist í mörgum myndum. Ekki
hefur verið fjallað af neinni dýpt
um misheppnaða tilraun til að
koma á einni sameiginlegri stjórn-
arskrá í öllum ESB-löndunum,
stjórnarskrá sem núna heitir
Lissabon-samkomulag og Írar
felldu í þjóðaratkvæðagreiðslu. Sú
niðurstaða gerði framkvæmda-
stjórninni svo gramt í geði að það-
an heryast nú raddir um að þjóð-
aratkvæðagreiðslur séu ávísun á
vandræði og að nú þurfi að end-
urtaka atkvæðagreiðsluna á Ír-
landi þar til „rétt“ niðurstaða
fæst. Þá má nefna hinn umdeilda
Vaxholms-dóm sem heimilar fyr-
irækjum ESB-landanna að greiða
laun samkvæmt launatöxtum í
heimalandi í stað þess að fara að
kjarasamningum í landi verk-
kaupa.
Á Norðurlandaráðsþinginu í
Helskinki fyrir fáeinum dögum var
upplýst að Norðurlandaþjóðunum
væri óheimilt að lýsa lönd sín laus
við erfðabreytta ræktun, slíkt
stríddi gegn Evrópu-tilskipunum
um markaðsaðgang. Og hvers
vegna ættum við Íslendingar að
aðhyllast útilokunarstefnu ESB
gagnvart þeim sem utan þess
standa? Um allar hliðar ESB-
aðildar og aðra kosti í alþjóða-
samskiptum okkar Íslendinga þarf
að fjalla af yfirvegun þannig að
fólk geti vegið og metið kosti og
galla mismunandi leiða, ótruflað af
öðrum stórmálum.
ESB-umræða frá öllum hliðum
Kolbrún Halldórsdóttir,
alþingismaður.
Ísland er stjórnlaust, því enginn því
stjórnar.
Ísland er fleki af dýrustu gerð.
Ísland er landið sem flokkurinn fórnar.
Ísland á reki í sjónum þú sérð.
Ísland í forsetans orðanna skrúði.
Ísland sem bankana auðmönnum gaf.
Ísland sem sonanna afrekum trúði.
Ísland er land sem á verðinum svaf.
Íslensk er þjóðin sem allt fyrir greiðir.
Íslensk er krónan sem fellur hvern dag.
Íslensk er höndin sem afvegaleiðir.
Íslensk er trúin: Það kemst allt í lag.
Íslensk er bjartsýna alheimskuvissan
um íslenskan sigur í sérhverri þraut.
Íslensk er góðærisátveisluhryssan
sem íslenskan lepur nú kreppunnar graut.
Ísland er landið sem öllu vill gleyma
sem Ísland á annarra hlut hefur gert.
Íslenska þjóð, þér var ætlað að geyma
hið íslenska nafn sem þú hefur nú svert.
Íslandi stýra nú altómir sjóðir.
Ísland nú gengur við betlandi staf.
Að Íslandi sækja nú allskonar þjóðir.
Ísland er sokkið í skuldanna haf.
Ísland er
stjórnlaust
Hallgrímur Helgason,
http://www.hallgrimur.is/