Morgunblaðið - 15.11.2008, Side 24

24 FréttirINNLENT
MORGUNBLAÐIÐ LAUGARDAGUR 15. NÓVEMBER 2008
Stillimyndin vinsæl
 Um tólf þúsund undirskriftir bættust við undirskriftalista Skjás eins
 Starfsmenn vinna með það að leiðarljósi að útsendingum verði haldið áfram
Eftir Önnu Sigríði Einarsdóttur
annaei@mb.is.
„VIÐBRÖGÐIN hafa farið fram úr okkar björt-
ustu vonum,“ segir Sigríður Margrét Oddsdóttir,
framkvæmdastjóri Skjás eins. Um tólf þúsund ein-
staklingar hafa bæst við á undirskriftalista Skjás
eins frá því dagskrá stöðvarinnar á fimmtudags-
kvöldið var skipt út fyrir stillimyndina, en með því
átti að sýna hvað væri framundan ef ekki tækist að
tryggja framtíð stöðvarinnar.
„Áður en við fórum með stillimyndina í loftið
voru um það bil 40 þúsund Íslendingar búnir að
skrifa undir áskorunina hjá okkur. Í þessum töl-
uðu orðum [um kaffileytið í gær] eru þeir 52.555.
Það er því ekki hægt að segja annað en að við höf-
um fengið frábær viðbrögð.“
Við skráningu á undirskriftalista er krafist
kennitölu og hefur vakið athygli að hægt er að
skrá sömu kennitölu aftur og
aftur. Að sögn Sigríðar gildir sú
viðbótarskráning þó ekki. „Við
þökkum að sjálfsögðu þann
stuðning, en það hefur engin
áhrif á undirskriftafjöldann.“
Ná fólki á sitt band
Aðspurð hvort einhver við-
brögð hafi borist frá stjórnvöld-
um, segir Sigríður Margrét svo
ekki vera. „En við höfum ekki
heldur leitað eftir þeim. Núna vinnum við fyrst og
fremst í því að fá fólk í lið með okkur til þess að
þrýsta á stjórnvöld. Þá erum við líka að endur-
semja við okkar erlendu birgja og þau verkefni
miða öll í rétta átt.“
Gert sé ráð fyrir að undirskriftalistinn verði af-
hentur Þorgerði Katrínu Gunnarsdóttur mennta-
málaráðherra er því er lokið. „Þorgerður brást við
um leið og hún fékk fréttirnar af uppsögnunum á
Skjá einum og sagðist ætla að setja á fót starfshóp
til að skoða þessi mál. Við bíðum núna eftir nið-
urstöðu þeirrar vinnu.“
Ekkert liggur því enn fyrir varðandi framtíð
Skjásins, en starfsmenn vinni allir með það að leið-
arljósi að útsendingum verði haldið áfram. Enda
vonist þau til að hægt verði að draga uppsagnirnar
til baka áður en þriggja mánaða uppsagnarfrest-
urinn rennur út. „Fólksins okkar vegna verðum
við að fá skýr svör frá stjórnvöldum, jafnt sem
okkar birgjum sem allra fyrst.“
Sigríður Margrét
Oddsdóttir
DÖNSK yfirvöld segja að Ólafur
Haraldsson sjómaður hafi ekki
sinnt tilmælum þeirra þegar hann
reyndi að sigla
til hafnar í
Randersfirði í
Danmörku. Sagt
var frá siglingu
Ólafs í Morgun-
blaðinu í gær, en
hún endaði með
strandi.
Greint var frá
samskiptum
hans við dönsk yfirvöld á danska
fréttavefnum Randers Amtsavis.
Fram kemur á vefnum að Ólafur
hafi ekki orðið við tilmælum yf-
irvalda um að sigla bátnum til
hafnar, þar sem til stóð að skoða
hann út frá haffærni og meng-
unarhættu eftir strandið. Lögregla
hafi því að lokum orðið að aðstoða
hafnsögumann við að komast um
borð í bátinn og sigla honum til
hafnar.
Þá segir að Ólafur staðhæfi að
honum hafi ekki staðið nein hjálp
til boða og að erfitt sé að sjá af
frásögn Ólafs annars vegar og frá-
sögn lögreglu hins vegar að um
sama atvik sé að ræða.
Talsmaður lögreglunnar, Claus
Danø, segir að Ólafur hafi strand-
að yst í Randersfirði um miðjan
dag á laugardag og að hann hafi
verið losaður af standstað um sól-
arhring síðar með aðstoð lóðsbáts.
Hann hafi þá fengið fyrirmæli um
að sigla til hafnar í Udbyhøj þann-
ig að hægt væri að kanna ástand
bátsins. Hann hafi hins vegar ekki
orðið við því heldur siglt til og frá
um fjörðinn og að helst hafi litið út
fyrir að hann væri villtur.
Ber alls
ekki saman
Ólafur Harðarson
MATÍS mun á þriðjudag opna líf-
tæknismiðju á Sauðárkróki. Einar
K. Guðfinnsson, sjávarútvegs- og
landbúnaðarráðherra, mun þá
ávarpa athöfnina og opna smiðjuna
með formlegum hætti, en hún verð-
ur til húsa í Verinu sem er nokkurs
konar rannsóknamiðstöð á sviði
sjávarútvegs og fleiri atvinnu-
greina.
Líftæknismiðjan er sérstaklega
sett upp til að skapa vettvang fyrir
öflugar rannsóknir og þróun-
arvinnu á sviði líftækni og lífvirkra
efna/afurða. Markmiðið er að að-
staða og gæði rannsókna á rann-
sóknarstofu Matís standist alþjóð-
legan samanburð. Lögð verður
áhersla á rannsóknir og þróun
tengda nýtingu aukaafurða og af-
urða unninna úr þeim.
Matís opnar á
Sauðárkróki
ARNÓR Björnsson fagnaði 10 ára afmæli sínu í
síðasta mánuði með því að láta gott af sér leiða.
Þannig bað hann afmælisgestina að láta Rauða
kross Íslands njóta gjafanna og færði í framhald-
inu félaginu 10 þúsund krónur sem ætlaðar eru
til styrktar fátækum börnum í Afríku.
„Ég vildi helst fá pening í afmælisgjöf af því
mig langaði til þess að gefa eitthvað til Rauða
krossins eftir að ég fór til Afríku og sá alla fá-
tæktina þar,“ segir Arnór, en hann ferðaðist sl.
sumar til Afríku ásamt foreldrum sínum og
systkinum tveimur.
Spurður hvað sé eftirminnilegast úr ferðinni
segir Arnór erfitt að velja eitthvað eitt en nefnir
að gaman hafi verið að fara í útreiðartúr á fíls-
baki og einnig að sjá ljón, en Arnór heimsótti
m.a. Kruger Park sem er stærsta verndarsvæði
Suður-Afríku. silja@mbl.is
10 ára strákur gaf Rauða krossi Íslands andvirði afmælisgjafa sinna
Ferð til Suður-Afríku kveikti hugmyndina
Eftir Höllu Gunnarsdóttur
halla@mbl.is
SAMSTARFSKONA mín á Morgunblaðinu
sagði við mig á leið úr strætó í gærmorgun að
hún væri svo fegin að komin væri helgi. Ég
jánkaði en föstudagar eru reyndar sjaldnast
eftirlætisdagar mínir. Þá eru nefnilega ekki
þingfundir og það þýðir að ég þarf að taka
strætó upp í Hádegismóa, sem miðbæj-
arrottum finnst vera í órafjarlægð frá manna-
byggðum. Ég áttaði mig hins vegar líka á því í
gær að þeir dagar eru liðnir að ég bíði helg-
anna með óþreyju. Almennt finnst mér nefni-
lega gaman að vera til, jafnt á virkum dögum
sem um helgar. En síðustu vikur hafa verið
öðruvísi hvað þetta varðar. Því að þótt ég sé
ekki með ríkisreksturinn á herðum mér þá
kemst ég ekki hjá því að sveiflast aðeins með
andrúmsloftinu í Alþingishúsinu. Og þar er
eins og ákveðins léttis verði vart þegar loks
kemur helgi.
Grjónaát í langri viku
Föstudaginn 3. október sagði Gylfi Magn-
ússon hagfræðingur í útvarpsfréttum að bank-
arnir væru í reynd gjaldþrota. Þann föstudag
titraði þinghúsið nánast meira en við jarð-
skjálftann sl. vor. Þegar sá dagur kom að
kveldi önduðu margir léttar. Bankarnir voru
a.m.k. ennþá til.
Næsta vika sem á eftir kom var hins vegar
sú lengsta sem ég hef lifað. Á mánudeginum
flutti forsætisráðherra ávarp í beinni útsend-
ingu, neyðarlögin voru samþykkt og flestir
þekkja eftirleikinn. Einmitt þessa sömu viku
hafði ég tekið þá undarlegu ákvörðun að fasta
á kínverska vísu sem felur í sér að borða að-
eins ósalt kornmeti á borð við hrísgrjón og
bygg í fimm daga. Þessi vika var því ekki að-
eins löng vegna mikilla tíðinda og óvissu, held-
ur líka vegna þess að ég borðaði ekkert nema
grjón! Og þá gladdist ég mjög þegar helgin
loks kom. Þessa löngu viku var Alþingi nokk-
urs konar samkomumiðstöð. Formlegir og
óformlegir fundir voru haldnir í hverju horni
og innlent og erlent fjölmiðlafólk var á vappi
um húsið. En síðan var eins og kraftarnir
færu annað. Á þingfundum var nánast ein-
göngu talað um þingmannamál sem komu
fæst málefnum líðandi stundar nokkuð við.
Stjórnarandstöðuþingmönnum fannst þeir af-
skiptir og illa upplýstir og fáar fyrirspurnir
voru bornar upp til ráðherra.
Tvær afsagnir eftir bankahrun
Nú er hins vegar smám saman að lifna yfir
Alþingi aftur. Það má bæði rekja til þess að
þingmenn hafa tekið við sér og þess að nú eru
farin að koma inn frumvörp sem er ætlað að
taka á núverandi ástandi. Og fundunum í hús-
inu fjölgaði um leið. Þá stöndum við blaða-
mennirnir fyrir framan lokaðar dyr og giskum
á hvað fari fram innandyra. Stundum fáum við
fréttir en stundum er biðin árangurslaus og
þá nagar maður sig í handarbökin yfir að
komast seint heim úr vinnu.
Annars bar það til tíðinda í vikunni að einn
þingmaður hvarf á braut og annar kom í stað-
inn. Mér heyrðist á flestum sem ég talaði við
að Bjarni Harðarson þætti maður að meiri að
hafa axlað ábyrgð á gjörðum sínum með því að
víkja úr þingsæti.
Satt að segja sætir furðu hversu sjaldan
fólk segir af sér á Íslandi. Í mörgum löndum
þykir sjálfsagt að ráðamenn og embætt-
ismenn víki úr embætti, ekki aðeins vegna eig-
in mistaka, heldur líka vegna mistaka undir-
manna sinna. Yfirmenn einkafyrirtækja axla
einnig gjarnan ábyrgð sína með sambæri-
legum hætti.
Afsögn er hins vegar enginn dauðadómur,
enda mörg dæmi um að stjórnmálamenn sem
axla ábyrgð með þessum hætti komi aftur inn
í stjórnmál síðar. Þess vegna er ekkert sem
segir að Bjarni Harðarson eigi ekki aft-
urkvæmt í pólitík.
En nú hafa a.m.k. komið tvær afsagnir, af
gjörólíkum ástæðum þó. Bjarni er hættur á
þingi og Sigríður Inga Ingadóttir fór út úr
stjórn Seðlabankans.
Og það er komin helgi. Njótum þess!
Afsagnir, hrísgrjónaát og léttir þegar helgin kemur
ÞINGBRÉF