Morgunblaðið - 15.11.2008, Blaðsíða 33

Daglegt líf 33VIÐTAL
MORGUNBLAÐIÐ LAUGARDAGUR 15. NÓVEMBER 2008
Þar gildir alveg það sama um mig og
aðra ráðherra þessarar ríkisstjórnar
og líka þeirrar fyrri. Störf okkar
verða skoðuð. Ég er fullkomlega
óhræddur við dóm og niðurstöðu
þeirrar nefndar. Öll samskipti mín
við Fjármálaeftirlitið og aðra liggja
fyrir og þar verður ekkert dregið
undan þegar kemur að því að gera
þetta mál upp.
Fólki er órótt og margir kvíða
framhaldinu. Það er skiljanlegt og
það eru mjög mannleg og eðlileg við-
brögð þegar svona áföll ganga yfir
að finna ástæðuna. Sumir hefja leit
að sökudólgi frekar en að takast á
við stöðuna. Ég met það sem skyldu
mína að halda ró minni við þessar
aðstæður. Mikilvægasta verkefni
okkar á næstu misserum er að mæta
því fólki sem ástandið bitnar harðast
á.
Ég hef sjálfur ekki kallað eftir því
að nokkur maður sé dreginn út á
torg til að friðþægja uppgjörsþorsta.
Það sem mér finnst mestu máli
skipta er að það fari fram úttekt og
rannsókn sem þing og þjóð treysti.
Ég mun óhræddur horfast í augu við
niðurstöðurnar og mun ekki skjóta
mér undan ábyrgð.“
Skjól í samstarfi þjóða
Aftur að stjórnarsamstarfinu. Það
heyrist að ákveðnir þingmenn Sam-
fylkingar vinni að því að efnt verði til
kosninga fljótlega. Hver er þín skoð-
un?
„Hér situr stjórnarmeirihluti með
43 þingmenn. Það má segja að við
höfum myndað þjóðstjórnina í fyrra
til að takast á við erfiðar aðstæður
þótt það hvarflaði ekki að okkur að
þær yrðu jafnerfiðar og raun ber
vitni. Takist okkur að endurnýja
Morgunblaðið/Ómar
samstarfið út frá þessum breyttu að-
stæðum eigum við að gera það. Það
er hins vegar ástæðulaust að útiloka
að það komi til kosninga fyrr en þær
eiga að verða.“
Ef svo yrði myndi Samfylkingin
þá gera Evrópumálin að kosninga-
máli?
„Auðvitað verður kosið um þetta
hrun, aðdraganda, afleiðingar og
ábyrgð. En stóra kosningamálið yrði
að mínum dómi Evrópumálin – hvar
við tökum okkur stöðu í alþjóða-
samfélaginu og framtíðin. Það er
brýnasta hagsmunamál íslenskrar
alþýðu að hér verði skapaður nýr
stöðugleiki með öflugri mynt.
Grundvöllur þess að endurreisa og
verja til framtíðar efnahagslegt full-
veldi Íslendinga er aðild að Evrópu-
sambandinu. Við eigum að finna
skjól og nýjan stöðugleika í sam-
starfi þjóða sem við eigum mest
samskipti við og standa okkur næst.
Það er ekki tilviljun að litlar þjóðir á
borð við Finna og Íra eru öflugir
þátttakendur í Evrópusamstarfinu.
Þar er hagsmunum fámennari ríkja
best borgið. Fullveldi þeirra best
varðveitt og hagsmunum fólksins
best fyrir komið.“
» Tvöföld þjóð-aratkvæðagreiðsla
um Evrópumálin er lýð-
ræðisleg aðferð. Ef
þetta er nálgun sem get-
ur sætt efasemdamenn í
öllum flokkum finnst
mér einboðið að bjóða
upp á hana.“