Fréttablaðið - 30.04.2009, Side 26

VORIÐ ER KOMIÐ og þar með ættu vetrarflíkur að hengjast
inn í skáp. Þó má finna leiðir til að nota slíkar flíkur áfram. Ein leið
er að fá sér litsterkt og líflegt veski, þannig verður hvaða gráa dragt
sem er sumarleg.
Herdís Jóna Birgisdóttir er að
ljúka námi frá hönnunardeild
Listaháskóla Íslands, en í ár
útskrifast níu nemendur úr þeirri
deild. Herdís Jóna var ekki nema
fimm ára gömul þegar hún fór að
reyna fyrir sér sem fatahönnuður
ef svo má segja. „Ég sat á gólfinu
heima þegar það var saumaklúbb-
ur hjá mömmu og klippti gard-
ínuefni og lét eins og ég væri að
sauma kjól,“ rifjar hún upp.
Herdís sýnir um þessar mund-
ir ásamt öðrum útskriftarnem-
um Listaháskóla Íslands afrakst-
ur hönnunar sinnar í Listasafni
Íslands, Kjarvalsstöðum. Þar er
hægt að skoða tvenna kjóla eftir
Herdísi Jónu auk tveggja jakka,
pils og eina útgáfu af léttum bol.
„Í náminu er mikið um hug-
myndavinnu,“ svarar Herdís Jóna
þegar hún er spurð út í námið
og nefnir að í skólanum hafi hún
„lært að skapa flíkur“ eins og hún
orðar það. „Flíkurnar sem ég sýni
á Kjarvalsstöðum hannaði ég út
frá þematísku karnivali,“ útskýr-
ir hún.
Nemendur í fatahönnunardeild-
inni eru til dæmis þjálfaðir í að
finna ljósmyndir eða teikning-
ar af skemmtilegum hlutum eða
atburðum sem þeir vinna síðan
með. Þannig læra þeir að byggja
upp hugmyndir út frá ákveðnu
þema sem þeir útfæra á sinn hátt.
Myndin í huga Herdíar Jónu tengd-
ist skýrt tignarlegum grímum og
glæsilegum búningum sem hægt
er að tengja við þá karnivalísku
stemningu sem ríkti á gullaldar-
árum Feneyja á Ítalíu.
„Ég held að á erfiðum tímum
þegar lítið er um peninga leiti
fólk frekar eftir fötum sem end-
ast lengur,“ segir Herdís Jóna og
vísar til þess að hana hafi lang-
að til að hanna flíkur sem væri
skemmtilegt að klæðast og síðast
en ekki síst „gætu lyft manni upp
frá hversdagsgrámanum“ nefnir
hún.
Sýningin á Kjarvalsstöðum
stendur til 3. maí. Þar gefur
að líta verk eftir nemendur úr
myndlistardeild og hönnunar- og
arkitektúrdeild. Þess má geta að
Louise Wilson, sem er yfir meist-
aranámi í fatahönnun við St.
Martins-skólans í London er einn
af prófdómurum skólans þetta
árið. En hún þykir mikil áhrifa-
manneskja í heimi tískunnar um
þessar mundir að sögn Álfrúnar
G. Guðrúnardóttur, kynningar-
stjóra Listaháskólans.
vala@frettabladid.is
Þematískt karnival
Herdís Jóna Birgisdóttir er útskriftarnemi í fatahönnun við Listaháskóla Íslands. Hún sýnir hönnun sína
ásamt öðrum útskriftarnemum á sýningu í Listasafni Íslands, Kjarvalsstöðum sem stendur til 3. maí.

Herdís Jóna hefur hannað föt frá því hún var fimm ára. Hér er hún við vinnuborðið
sitt í skólanum. FRÉTTABLAÐIÐ/ANTON
Mörg handtök þarf til að hanna og
sauma kjól.
Síðumúla 3 • Reykjavík • Sími 553 7355
Opið virka daga 11-18, laugard. 11-15
Frábært úrval af
AÐHALDSUNDIRFÖTUM
kr. 8.200,-
kr. 6
.200,-
kr. 9.600,-
kr. 4950,-
kr. 10.200,- kr. 13.700,-
SÚKKULAÐIVAX
HAFRAVAX
SÚKKULAÐISTRIMLAR
F. ANDLIT OG LÍKAMA
ATH. Súkkulaðivax hentar vel fyrir viðkvæma líkamshluta
ÚTSÖLUSTAÐIR: Apótek og snyrtivöruverslanir
Háreyðingavax sem hægt er að hita í örbylgjuofni
og einnig vaxstrimlar
Skeifunni 11 • 108 Reykjavík • Sími: 517-6460 • Fax: 517-6465
www.belladonna.is
MATUR