Fréttablaðið - 30.04.2009, Side 49

FIMMTUDAGUR 30. apríl 2009 33
Rokkarinn Iggy Pop hefur alltaf
verið á milli tannanna á fólki og
jafnan vakið deilur. Nú er hann
enn og aftur kominn í fréttirnar
en að þessu sinni af óvenjulegu
tilefni. Iggy birtist fyrr á þessu
ári, öllum að óvörum, sem andlit
auglýsingaherferðar breska trygg-
ingafyrirtækisins SwiftCover.com.
Í auglýsingunum lýsti Iggy því yfir
að hann væri með allt á tæru, hjá
SwiftCover væri hann með trygg-
ingar fyrir tryggingunum sínum.
Nú hefur siðanefnd auglýsenda
í Bretlandi bannað auglýsingarn-
ar eftir að það uppgötvaðist að
skemmtikraftar mega ekki tryggja
bílana sína hjá fyrirtækinu. Þar
með er útilokað að Iggy sé tryggð-
ur þar. Auglýsingin var því talin
misvísandi og tekin úr umferð.
Umdeildur Iggy Pop
ALLTAF UMDEILDUR Rokkarinn Iggy Pop vekur jafnan eftirtekt. Nú hafa auglýsingar
með honum verið bannaðar í Bretlandi. NORDICPHOTOS/GETTY
Britpop-aðdáendur geta merkt
við 8. júní á dagatölunum sínum
og farið að hlakka til. Þá verður
gefinn út þriggja diska safndisk-
ur, Common People. The Britpop
Story, með flestum af þekktustu
hljómsveitum þessa eftirminni-
lega tímabils.
Á safndisknum verður að finna
lög með Pulp, The Stone Roses,
Super Furry Animals og Super-
grass svo fáeinar séu nefndar.
Hins vegar vekur athygli að
hvorki Blur né Oasis eiga þar lög.
Þau bönd þóttu einmitt aðalbönd-
in á Brit-árunum á tíunda áratug
síðustu aldar.
Veglegur bæklingur fylgir
þessari útgáfu. Textann skrif-
ar Bob Stanley úr Saint Etienne
en hann skrifaði fyrir Melody
Maker á þessum tíma.
Meðal annarra eftirminnilegra
og minna þekktra banda sem
eiga lög á disknum eru: Elastica,
The Auteurs, James, Dodgy,
Gene, Cast, Bluetones, The Boo
Radleys, Menswear, Sleeper,
Echobelly, Northern Uproar,
Kula Shaker, Shed Seven og Cata-
tonia.
Nostalgía fyr-
ir Britpoppara
BRITPOP-ÁRANNA MINNST Jarvis Cocker
og félagar í Pulp eru meðal þeirra banda
sem eiga lag á safndisknum Common
People: The Britpop Story.
NORDICPHOTOS/GETTY
Sjöunda plata hljómsveitarinnar
Wilco er væntanleg í búðir í lok
júní. Platan kallast einfaldlega
„Wilco (The Album)“ og á henni
verða ellefu lög, þar á meðal
„Wilco (The Song)“. Söngkonan
Feist syngur í einu lagi plötunn-
ar.
Wilco, sem á ættir sínar að
rekja til Chicago, hyggur á tón-
leikaferðalag um Bandaríkin í
sumar til að kynna plötuna. Fljótt
varð uppselt á tvenna tónleika
sveitarinnar í Los Angeles og
hefur þeim þriðju nú verið bætt
við.
Nýtt frá Wilco
WILCO Sjöunda platan kemur í júní.
Einhver umdeildasta hljómsveit
síðari tíma, Creed, hefur ákveðið
að koma saman aftur eftir fimm
ára hlé. Creed hefur alltaf átt sér
sterkan aðdáendahóp, þar á meðal
hér á landi, en óhætt er að fullyrða
að jafn stór hópur teljist vart til
aðdáenda. Sumir ganga meira að
segja svo langt að lýsa yfir hreinu
hatri á Creed.
Söngvarinn Scott Stapp hefur
lýst því yfir að Creed muni að
minnsta kosti koma fram á 42 tón-
leikum í Bandaríkjunum á næst-
unni. Að tónleikaferðinni lok-
inni kemur út ný plata frá Creed,
sem selt hefur 26 milljón plötur á
ferlinum. „Ég saknaði strákanna
minna og langaði að gera aftur tón-
list með þeim,“ sagði Stapp í við-
tali við Rolling Stone.
Creed snýr aftur
ANGURVÆR
RÖDD HEYRIST
AFTUR Scott
Stapp og
Creed eru á
leið á tón-
leikaferðalag.
N
O
R
D
IC
PH
O
TO
S/G
ETTY